Skip to main content

OCTOBER 2022, KA DIARY

 


1st. Saturday : Huanah bean thalo ka va thian a, antam hmun ka thlo bawk.


2nd. Sunday : Chawhma ah Sunday School ka kal. Maawmi erawh a nawm meuhloh avangin a inkhawm lo thung.


3rd. Monday : Huanah bean ka va lo. Maawmi self help Group thilah YMA conference hall-ah a kal. 


4th. Tuesday : Huanah antam hmun ka va thlo. Synod Camping centre-ah Burma raltlan awm te zinga mi chu hlamzuih in a thi.


5th. Wednesday : Huanah antam hmun ka va thlo. Zanah Mawitea kan ral. Zanin hi biakinah ka tan zan a lo ni a, ka lo hre silo. A zialo khawp mai.


6th. Thursday :  Huanah antam hmun ka va thlo. Kristian tlângau a lo thleng. Maawmi ten sangha an zuar.


7th. Friday : Huanah thlau kan va la. Bean kumin chhunga kan thar tam ber tum thlengin kgs 31 lai a ni a, kan lawm hle. Neihbawi, U Thani fapa, Lalhmangaiha chu kalna avangin a thi.


8th. Saturday : Inah ka awm. Zanah ka inkhawm. Thenawm Tetei pasal chu an insualna lamah a spinal chord a chhia tih ka hriatin pawi ka ti hle.


9th. Sunday : Pi Awtngaii, Siama nu chu a thi. Chawhma ah thlan ka lai. Zanah khawhar in, Neihbawi ah ka kal. Lalhmangaiha kha YMA member a nih angin brite, citation leh Rs 13550/- in kan ral nghal. Chumi hnuin Ni Lai leh Au te inah ka leng nghal.


10th. Monday : Huanah bean ka va lo. Pu C. Lalfamkima, Arpu, Dilkhan atanga lo pem chu a thi.


11th. Tuesday : Huanah bean bi ka va tifai. Zanah khawhar in, Tlangveng ah ka kal.


12th. Wednesday : Huanah bean bi ka va tifai. Enkawli, U Sawma fanu fa ni khat mi chu a thi. Thingsulthliah ah an awm naa, remchan zawkna avangin Sihphirah phum a ni. Maawmi ten sangha an zuar.


13th. Thursday : Loah thil enkualin ka va kal. Thenawm Zorempuia'n Biakin veng mi nupui a nei a, Tholehi fanu Mawimawii'n pasal a nei bawk.


14th. Friday : Maawmi huanah thlai la in a feh a, keiin dawr ka nghak thung.


15th. Saturday : Huanah antam hmun ka va thlo.


16th. Sunday : Chawhma ah Sunday School kan kal a, chawhnuah ka inkhawih leh bawk. Inkhawm banah committee room ah Pathian ram kan chhiar. Chumi hnuin Neihbawi lamah danlo anga lo pem, chhuak tura tih hnua la awm lui an awm nia thu awm bawhzuiin YMA committee mipa ho kan chhuak khawm. Ni Mawii nen an lo awm dun! Min ti lai hle.


17th. Monday : Maawmi huanah thlai la in a feh. Keiin dawr ka lo nghak thung. Tlaiah U Parzama te Futsal Ground siam hawnna ah kawmchhak pa (Tuaia) nen kan han kal ve.


18th. Tuesday : Huanah antam hmun ka va thlo. Zanah Committee room ah krismas committee kan nei.


19th. Wednesday : Loah thingzai tur enin Lalrammuana nen kan va kal. Tih dun kan tum a ni. Pi Lianthangi (83), c/o Vanlalchhuangi, Biakin veng chu thawhah avangin an chenna inah a thi.


20th. Thursday: Chawhmaa ah thlan ka lai.


21st. Friday : Huanah thlau kan va la. Zanah khawhar inah ka kal a, banah chanchinbu chhutnaah ka kal nghal. Lehkhabu 'Royal Airforce, Flight Mechanic (A), Thangtinliana by Dr. C. Biakmawia, Dr Lalsawmliana leh VL Zaikima te chu ka chhiar tan. (13/11)


22nd. Saturday : Huanah antam hmun ka va thlo. 


23rd. Sunday : Zingkarah leh chhunah Krismas thawhlawm ka khawn. Tichuan, tlaiah tressur, Aringa te inah ka va thehlut. Chawhmaah Sunday School ka kal.


24th. Monday : Khua a nawmloh avangin hna ka thawk lo. Tlaiah Vansangpuia damdawi in awm chu an inpuiah chinchang ngaihven in ka ba leng. Rs 100/- ka pe. 


25th. Tuesday : Bank kal ka ngaih avangin hna ka thawklo. Zanriah eikham hlimah Vansangpuia thih thu ka hria a, phei ve nghalin avthih a hmun ZMC ah ruang laknaah ka va kal ve. Damdawi in an peih hnua helai hmun ka kalna hmasa ber a ni. An hluihlawn lai kha chuan ka kal tawh tho na a, Atei a lo haw leh ta. 26/9


26th. Wednesday : Chawhma ah mitthi inah kan nupa in kan kala, zan thalai hunah ja kal leh bawk. Chawhnu-ah Zion vengah ramri lung ka va phun tha. Field piahah paihte pakhat a thi. Vengthar lama lawi a nih avangin Vengthar lamin an buaipui. 


27th. Thursday : BS Picnic spot, Falkland ah Tlanglawma tu leh fate chu kan zu picnic. Heihi Au Nubawihi huaihawt a ni a, a ni hian a pa lama an chhungte a lo hruai ve bawk. Lalpatawha kan ral nghala, rakna hman a nih dan vel ka ruahman nacte ka sawi a, keiman thilpek hi ka hlan nghal. Citation leh Rs 12,500/- a ni. Hetiang zat zet a tling thei hi ka lawm hle a, ka hmakakna a hlawhtling ta hi ka lawmna tizualtu a ni. Zanah khawhar in ah ka kal. Vansangpuia kha YMA member a nih angin brite, citation leh Rs 11,060/- in kan ral nghal.


28th. Friday : Huanah thlai kan va la. Zanah conference hall-ah YMA jan committee. Chumi hnuin chanchinbu chhutnaah ka kal.


29th. Saturday : Huanah antam hmun ka va thlo.


30th. Sunday : Chawhmaah Sunday School kan kal a, tlaiah Vansangpuia kan va ral bawk. Zanah Atei a inkhawm.


31st. Monday : Huanah antam hmun kan va thlo.

Comments

Post a Comment

Popular posts from this blog

KUM ZA CHHUNGA MIZO HMEICHHIATE DINHMUN

 1. Tunhmaa an dinhmun : Kan pi pu te khan 'Hmeichhe finin tuikhur ral a kai lo', 'Hmeichhia leh uipui chu lo phun lungawi mai mai rawh se' tih leh 'Hmeichhe hna, hna ni suh, chakai sa, sa ni suh' tih te hi an ṭawng duh dan a ni a, hetaṭang hian hmeichhia te an dah hniam ṭhin zia a chiang viau awm e.  Nula in inleng a neihin an mi ngei zawng tak pawh ni se, biak chhiat an ngaitheilo a, ngaihtheih loh chu sawi loh, thianglo hialin an ngai a ni. Khawvar tirh aṭangin hna an ngah nghal hle mai a, tuichawi, buhden, ei rawngbawl, chawei siam leh a seng fel. An kuta awm vek a ni. Pi pute hunlai kha chuan an eizawnna hi a inang ṭhûma, lo neih a niin an feh tlut tlut ringawt mai ṭhin a, chuvangin, Mizo hmeichhia te chuan hetia'ng nikhua hian feh tur mamawh zawng zawng hi an tihtura ngaih vek a ni a, an emin an phurh vek a ngai bawk ṭhin. Mipa chuan iptepui an ak ve hram chauh a ni.  Feh haw'n kawngah lah hmeichhia chuan em khatin in lam mamawh an phur haw ...
Post a Comment
Read more

THLAZING

  (Sawiremtlang editorial) August thla han hman meuh chuan chhum a zing phui chuai reng mai a, upa ten 'thlazing' an lo ti pawh hi a awm viau mai. Amaherawhchu, heta thlazing tih hi pi pu te thla hming pakhat emaw ti kan awm leh mai thin. Mizo thla chhiar danah chuan Thitin thla a ni tih i hria ang u khai. Hmanlai chuan mitthi te hi pialrala kal nghal mai loin kan velah hian an la tap thin a, August thla hian mitthi khua an pan thin nia an ngaih avanga thitin thla ti pawh an ni niin a hriat. Chuvangin, August thla hi Mizo thla chhiar dan chuan thitin thla tihna a ni a, thenkhat ten thlazing tia an sawi erawh thla hming ang niloin tun thla chu chhum a zing chuai reng mai an tihna a nih chu. Mizo thla chhiar dan hriat hi kan mawhphurhna ni ve in a langa, thla chhiar dan mai bakah an nunphung te pawh hi hriat ve hram hram I tum ang u. August thla chu a zo ruai chu a ni leh ta a, ni reilo te-ah Ber thla kan kan kai anga, derhken, nuaithang, anthur leh senhri nu ten par an chhuang l...
Post a Comment
Read more

BIBLE CHHIAR

Lehkhabu, a kawm dum, a changtupa thihna ‘Bible’ kan tih mai hi hi khawvela lehkhabu darh zau leh copy pawh tam ber a ni awm e.  He lehkhabu hi chatuan nunna kawng min kawhhmuhtu lehkhabu hlu tak a nih avangin chhiar ngei tur a ni a; a chhiar ve lo pawh chhiar tura in fuih a tul bakah hnam hnufual zawk te pawh chhiar tur chhawp chhuah sak theih hi a tul ngawt mai. Chutiang atana mi thahnemngai tlem azawng an awm pawh hi a tihzia e. Tunhma chuan nitina chhung inkhawm nei thin kan nia; (tunah erawh ‘tunlai chuan mihring kan tul tawh a’ tih chhuanlam tute zingah ka tel ve ta.) chu’ng lai chuan ka pa hian kumthar project-ah ka u hnenah Thuthlung Thar bu pumpui hi chhiar chhuak turin a tia;  kei Chanchin Tha bu li te, tin, ka naute pahnih chu Sam bu chhiar turin a ti bawk. Ka unau dangte khan ka pa  ngenna kha an ti hlawhtling ta em? ka hre ta chiah l’aw, kei erawh chuan ka tih hlawhtlin mai bakah Thuthlung Thar zawng zawng chu ka chhiar ta vek a, ka tui tak zel avangin Thu...
Post a Comment
Read more