Skip to main content

HUNPUIA HALMAWI KHAP

 

 

Kristian te hunpui krismas leh kumthar chu ni reilo teah kan thleng leh mai dawn. He hunpui lo thleng turah hian a nuam thei ang bera hun hman kan duh thin. Thenkhat chuan halmawi leh halpuah chi hrang hrang nen nuam kan chen thin a nih kha.


Hetianga hal chi, chi hrang hrang hi hriselna atan a thatloh zia sawi a awm fo a, chubakah, sum leh pai a hekin  hlawkna awmlo a insen ralna mai nia ngai engemawzat kan awm bawk. 


Home Minister, Lalchamliana hova mi pawimawhte tunhnaia thukhawm chuan kumin Krismas, Kumthar leh Puja (Diwali leh a dangte) lo thleng turah halpuah, halmawi, silailem mu nei chi leh sky lantern khap nise tiin an rel. Sorkarin hal lo tura mipui min ngenna hi ngai pawimawh theuh thei ila a lawmawm hle ang. 


Hetih mek lai hian kan khapna atana kan tawngkam erawh duhtui deuh a tul in a lang. Hriselna atan a thalo kan tih rual hian tunlaia khelh mek World Cup opening ceremony -ah pawh nasa takin an hal a ni a, tin, thiltih pui nikhuaah nasa takin an hal thin tih kan hmu fo in a rinawm. Hei vang hian hriselna atan a pawi viaulo mai ang a a tih theih. Phai leh rampawn velah te hunpuiah halmawi an uar zia hmu thin tu tan phei chuan kan khap fo mai hi ninawm a chang a awm theiin kan hal thin hun a rei chuanglo a, hei vang hian an khap fo pawhhin zawm a hlawhloh phah ni pawhin a ngaih theih. 


Engpawhnise, kan inkhap leh dawn a nih pawhin a na thei ang bera action lak tum a nih thu sawi liam ngawt lo hian huaisen takin kalpui sela, chutiang bawkin tawngkam te pawh ngaihthlak nuam deuh zawkin chhak chhuak thei sela a duhawm ang. Engpawhnise, kan hotu te rorel hi zawm tum phawt mai ila a fel ber mai zel e.

Comments

Post a Comment

Popular posts from this blog

KUM ZA CHHUNGA MIZO HMEICHHIATE DINHMUN

 1. Tunhmaa an dinhmun : Kan pi pu te khan 'Hmeichhe finin tuikhur ral a kai lo', 'Hmeichhia leh uipui chu lo phun lungawi mai mai rawh se' tih leh 'Hmeichhe hna, hna ni suh, chakai sa, sa ni suh' tih te hi an ṭawng duh dan a ni a, hetaṭang hian hmeichhia te an dah hniam ṭhin zia a chiang viau awm e.  Nula in inleng a neihin an mi ngei zawng tak pawh ni se, biak chhiat an ngaitheilo a, ngaihtheih loh chu sawi loh, thianglo hialin an ngai a ni. Khawvar tirh aṭangin hna an ngah nghal hle mai a, tuichawi, buhden, ei rawngbawl, chawei siam leh a seng fel. An kuta awm vek a ni. Pi pute hunlai kha chuan an eizawnna hi a inang ṭhûma, lo neih a niin an feh tlut tlut ringawt mai ṭhin a, chuvangin, Mizo hmeichhia te chuan hetia'ng nikhua hian feh tur mamawh zawng zawng hi an tihtura ngaih vek a ni a, an emin an phurh vek a ngai bawk ṭhin. Mipa chuan iptepui an ak ve hram chauh a ni.  Feh haw'n kawngah lah hmeichhia chuan em khatin in lam mamawh an phur haw ...
Post a Comment
Read more

THLAZING

  (Sawiremtlang editorial) August thla han hman meuh chuan chhum a zing phui chuai reng mai a, upa ten 'thlazing' an lo ti pawh hi a awm viau mai. Amaherawhchu, heta thlazing tih hi pi pu te thla hming pakhat emaw ti kan awm leh mai thin. Mizo thla chhiar danah chuan Thitin thla a ni tih i hria ang u khai. Hmanlai chuan mitthi te hi pialrala kal nghal mai loin kan velah hian an la tap thin a, August thla hian mitthi khua an pan thin nia an ngaih avanga thitin thla ti pawh an ni niin a hriat. Chuvangin, August thla hi Mizo thla chhiar dan chuan thitin thla tihna a ni a, thenkhat ten thlazing tia an sawi erawh thla hming ang niloin tun thla chu chhum a zing chuai reng mai an tihna a nih chu. Mizo thla chhiar dan hriat hi kan mawhphurhna ni ve in a langa, thla chhiar dan mai bakah an nunphung te pawh hi hriat ve hram hram I tum ang u. August thla chu a zo ruai chu a ni leh ta a, ni reilo te-ah Ber thla kan kan kai anga, derhken, nuaithang, anthur leh senhri nu ten par an chhuang l...
Post a Comment
Read more

BIBLE CHHIAR

Lehkhabu, a kawm dum, a changtupa thihna ‘Bible’ kan tih mai hi hi khawvela lehkhabu darh zau leh copy pawh tam ber a ni awm e.  He lehkhabu hi chatuan nunna kawng min kawhhmuhtu lehkhabu hlu tak a nih avangin chhiar ngei tur a ni a; a chhiar ve lo pawh chhiar tura in fuih a tul bakah hnam hnufual zawk te pawh chhiar tur chhawp chhuah sak theih hi a tul ngawt mai. Chutiang atana mi thahnemngai tlem azawng an awm pawh hi a tihzia e. Tunhma chuan nitina chhung inkhawm nei thin kan nia; (tunah erawh ‘tunlai chuan mihring kan tul tawh a’ tih chhuanlam tute zingah ka tel ve ta.) chu’ng lai chuan ka pa hian kumthar project-ah ka u hnenah Thuthlung Thar bu pumpui hi chhiar chhuak turin a tia;  kei Chanchin Tha bu li te, tin, ka naute pahnih chu Sam bu chhiar turin a ti bawk. Ka unau dangte khan ka pa  ngenna kha an ti hlawhtling ta em? ka hre ta chiah l’aw, kei erawh chuan ka tih hlawhtlin mai bakah Thuthlung Thar zawng zawng chu ka chhiar ta vek a, ka tui tak zel avangin Thu...
Post a Comment
Read more