Skip to main content

RANGVAMUALAH ZOFATE CHHANCHHUAHNA CAMPING NEIH A NI



Tunkar Thawhtanni atang khan Rangvamuala CH. Saprawnga Truck Terminal-ah Ram pum huap, Zofate chhanchhuahna camping neih a ni a, camper sanghnih chuang awmin Sihphir atang pawhin mi engemawzat an lut ve nghe nghe.


Camping hi Zofate Chhanchhuahna Camping duhtute ruahman a ni a, kohhran leh pawl hrang hrang aiawhte he pawlah hian telin Central YMA pawh telin pandal Committee chairman nihna pawh chan a ni nghe nghe. Tichuan, Zoram pum huap a nih angin tha leh zung pawh mi hrang hrang hnen atangin dawn a ni a, kohhran hrang hrang, zirlai pawl, YMA branch hrang hrang, sumdawng hausa, politician etc.te hnatlanga fehchhuakin thilpek mahni remchan ang angin pek khawm a ni. Sihphir branch YMA pawh October ni nga khan committee member chin te an pandal sak naah an hnatlang a,  kar hmasa Inrinni khan Arpu zing bazarah tanpuina bawm dawh a niin ₹ 17,550.00/-  zet a tla nghe nghe.

Camping -ah hian Speaker atan Tv  Frederick Lalrindika, Bethel Ministry hman a ni. Camping hi mi sangkhat vel dawl zo tura ruahman a ni na a, camper sanghnih chuang an awm tak avang leh khua in a bumro deuh avang te in chhungkaw engemawzat chuan an mahni In-ah campers te an lo mikhual hlawm a, Rangvamual Presbyterian Kohhran Hall leh Sunday School room-ah an riak khat vek a, Baptist Biak inah hmun awl lai zawng zawngah an riak khat vek a, YMA hall-ah an khat vek a, BSUP in lamah pawh mi 100 tel riakin, AMC Building-ah mi eng emaw zat an riak bawk.  


Camping-ah hian 'Zofate pual' tih a nih angin ruihhlo ngaite, zu ngawl veite bakah thlarau damna duh mi pangngai takte an lut hlawm a ni. Buaina leh harsatna tenau chu thleng tho mah se tluang takin tukin khan an chhuak fel. Camping hi chhawng hnihna a awm leh dawn a, hei bak pawh hi a remchan dan anga neih chhunzawm zel theih tura ruahman a ni.

Comments

Post a Comment

Popular posts from this blog

KUM ZA CHHUNGA MIZO HMEICHHIATE DINHMUN

 1. Tunhmaa an dinhmun : Kan pi pu te khan 'Hmeichhe finin tuikhur ral a kai lo', 'Hmeichhia leh uipui chu lo phun lungawi mai mai rawh se' tih leh 'Hmeichhe hna, hna ni suh, chakai sa, sa ni suh' tih te hi an ṭawng duh dan a ni a, hetaṭang hian hmeichhia te an dah hniam ṭhin zia a chiang viau awm e.  Nula in inleng a neihin an mi ngei zawng tak pawh ni se, biak chhiat an ngaitheilo a, ngaihtheih loh chu sawi loh, thianglo hialin an ngai a ni. Khawvar tirh aṭangin hna an ngah nghal hle mai a, tuichawi, buhden, ei rawngbawl, chawei siam leh a seng fel. An kuta awm vek a ni. Pi pute hunlai kha chuan an eizawnna hi a inang ṭhûma, lo neih a niin an feh tlut tlut ringawt mai ṭhin a, chuvangin, Mizo hmeichhia te chuan hetia'ng nikhua hian feh tur mamawh zawng zawng hi an tihtura ngaih vek a ni a, an emin an phurh vek a ngai bawk ṭhin. Mipa chuan iptepui an ak ve hram chauh a ni.  Feh haw'n kawngah lah hmeichhia chuan em khatin in lam mamawh an phur haw ...
Post a Comment
Read more

THLAZING

  (Sawiremtlang editorial) August thla han hman meuh chuan chhum a zing phui chuai reng mai a, upa ten 'thlazing' an lo ti pawh hi a awm viau mai. Amaherawhchu, heta thlazing tih hi pi pu te thla hming pakhat emaw ti kan awm leh mai thin. Mizo thla chhiar danah chuan Thitin thla a ni tih i hria ang u khai. Hmanlai chuan mitthi te hi pialrala kal nghal mai loin kan velah hian an la tap thin a, August thla hian mitthi khua an pan thin nia an ngaih avanga thitin thla ti pawh an ni niin a hriat. Chuvangin, August thla hi Mizo thla chhiar dan chuan thitin thla tihna a ni a, thenkhat ten thlazing tia an sawi erawh thla hming ang niloin tun thla chu chhum a zing chuai reng mai an tihna a nih chu. Mizo thla chhiar dan hriat hi kan mawhphurhna ni ve in a langa, thla chhiar dan mai bakah an nunphung te pawh hi hriat ve hram hram I tum ang u. August thla chu a zo ruai chu a ni leh ta a, ni reilo te-ah Ber thla kan kan kai anga, derhken, nuaithang, anthur leh senhri nu ten par an chhuang l...
Post a Comment
Read more

BIBLE CHHIAR

Lehkhabu, a kawm dum, a changtupa thihna ‘Bible’ kan tih mai hi hi khawvela lehkhabu darh zau leh copy pawh tam ber a ni awm e.  He lehkhabu hi chatuan nunna kawng min kawhhmuhtu lehkhabu hlu tak a nih avangin chhiar ngei tur a ni a; a chhiar ve lo pawh chhiar tura in fuih a tul bakah hnam hnufual zawk te pawh chhiar tur chhawp chhuah sak theih hi a tul ngawt mai. Chutiang atana mi thahnemngai tlem azawng an awm pawh hi a tihzia e. Tunhma chuan nitina chhung inkhawm nei thin kan nia; (tunah erawh ‘tunlai chuan mihring kan tul tawh a’ tih chhuanlam tute zingah ka tel ve ta.) chu’ng lai chuan ka pa hian kumthar project-ah ka u hnenah Thuthlung Thar bu pumpui hi chhiar chhuak turin a tia;  kei Chanchin Tha bu li te, tin, ka naute pahnih chu Sam bu chhiar turin a ti bawk. Ka unau dangte khan ka pa  ngenna kha an ti hlawhtling ta em? ka hre ta chiah l’aw, kei erawh chuan ka tih hlawhtlin mai bakah Thuthlung Thar zawng zawng chu ka chhiar ta vek a, ka tui tak zel avangin Thu...
Post a Comment
Read more