Nizan, (1st July) khan
Sawiremtlang chanchinbu
Editorial Board te chuan Sihphirkhuaa damlai zinga upa ber nia
kan hriat, Pi Zatangi, Damvengchu kan kawm a, kaninkawmnna tlangpui te kan rawntarlang dawn a ni :
Pi Zatangi hi kum 1927
June ni 27,(chanchinbu lamah ni 2 kan ti palh. 7 kan lo chhut hmaih palh tlat mai) khan Upa Kaichhunga
leh Pi Sawikungi te fa pariatzinga pahnihna ni turin Kelsihkhua-ah a piang a,tunah hian an
unau hi pathum an la dam a ni.Lal leh an chhungkaw inkarah inhmuh thiamlohna a awm avangin hnawhchhuah an tawk a, hemitum hian Kelsih atangin Ailawngah an pem a, kum thuman awm hnu-ah kum 1938-ah Neihbawihah an rawn pema, kum 1945-ah Sihphirah insawn thlain, a tir chuan tunaGovernment High School hmunah hian an awm a, a hnudeuhah tuna an awmna hmunah hian an insawn pheileh ta a ni.
A that laiin a theih ang tawkin Kohhran leh
khawtlangah a inhmang a, Sunday School Department
tinah zirtirtu ni tawhin Beginner Department-ah Leaderhial a lo ni tawh bawk. Thuhriltu list-ah te pawh lo teltawhin, kum 1994 a Mizoram Gospel Centenary hman anih pawh khan Kohhran zan hun hmannaah Sermon achang hial a ni. Hemi tum hian 'Thlamuanna kawnga kepen tur' tih thu a sawi. Kum 1955 - 1981 chhung khan
tum 21 zet chu Bial Kohhran Hmeichhe CommitteeChairman nihna a lo chelh tawh a, kum 1990 leh 1991-ah Vice Chairman nihna a lo chelh tawh bawk. Heta
tarlan ang hian rawngbawlna hi a ngai pawimawh emem a, hetih laia bialtu pastor phei chuan 'Zatangi ringawtin ti a, hma in sawn thei lo ang, midang pawh ruat verawh u,' a ti hial. Hei hian kohhrana a thawhhlawk zia atarlang chiang hlein a lang.
Kohhran lamah a inhman viau rual hiankhawtlang lama rawngbawlna, YMA leh MHIP lamahpawh inhmang nasa ve hle thinin a insawi. Kum 95 laia dam thlen chungchanga a damrei chhan kan zawhnachu 'Pathian vang a ni mai' a ti. A ropui khawp mai.
Engkim hi Pathian rinchhanin a ti vek tih a hriat a, 'Inpek
hian Lalpa chuan min hmang mai' a ti. Amah hi lehkhathiam lo niin zirna sikul kan tih angah hian ni khat pawhkal lo a ni a, mi thahnemngai ten'a an buatsaih zan sikul,Pu Lalchungnunga (L) kaihhruaina hnuai-ah ziak lehchhiar a thiam ve hram a ni. Lehkhathiam lo a ni chunghian a lawina kohhran hmeichhia-ah ziaktu chanvo pawha chelh ve thei hial mai a, hei pawh hian mi inzir mi tak ani tih a tarlang awm e.
Ramthar rawngbawlna ngai pawimawh mi tak ani a, ramthar field-ah pawh rei vaklo chu a thawk ve hialtawh a, Kristian te hunpui Krismas-ah phei chuan mahnivenga Krismas hmang hman ni pawha inhre loin ramtharlamah kal hram a duh thin. Rokhawlhna avanga hmunhlaa a kal theihloh tum pawhin Nauselah tal kal a duhthin.
Tunkar Thawhtanni kha kum 95 a nih champhaa ni a, a chhungkhat laina ten a pian champha hi
lawmsakin birthday cake te an zai a, amah pawh hiannuam a tiin amah duhsaka a pian champha lawm saktutechungah a lawm thu a sawi.
Tunah hian kum 95 lai ni tawh mah se a hriselna pawh a la tha viau niin a sawi. Hlim taka kan inkawmhnu-ah tawngtaiin min thlah a, hun remchanga inkawmleh ngei tumin kan inthlah ta a ni.
Comments
Post a Comment