April thlaa Branch Committee naa lehkha hmuh te zinga pakhat chu Central YMA General Secretary hnen atanga Central YMA building sak mek puala member tin hnena thawhlawm khawn tura ngenna a ni. Branch committee chuan khawn ve tur nge branch sum atanga pek mai tur tih ngun taka a ngaihtuah hnu in member tin hnenah bituk zat awm chuangloin khawn turin ruahmanna a siam ta a, tunah pawh bial thenkhat chuan an rawn khawn nual tawhin a rinawm a, June chawhma lama tihfel chu Central YMA lam duh dan pawh a ni.
Kum 1950 khan District Council sorkar chuan tuna office thuthmun, Tuikhuahtlang a mi hi a lo pe daih tawh a, hei hi kum 1965 ah kutthlak tan a ni. Kum 1977 a sorkarin hall grant a pek ve takah chuan chak zawka hnathawh zel a ni a, tichuan kum 2002 khan luah tan a ni ta a ni.
YMA hi Mizo zawng zawng min khaikhawmtu a nih avangin Zoram chhung leh pawn atanga mikhual dawng thei tur ruahman hi a tul hle. Mikhual mai bakah rorelna leh traning hrang hrang tih theihna hmun neih hi a pawimawh hle reng a, chutiang tura tuna hall pawh hi ruahmman a ni nghe nghe.
Building hi chhawng riata sanga sak tum a niin state sorkar atangin cheng vaibelchhe hnih lai hmuh a ni bawk. Tunah hian Mizoram Technocrats Company Pvt. Ltd. ten chak takin an thawk mek a ni.
Building sa thei tur hian hruaitu hmasa te khan theihtawp an lo chhuah tawh a, sorkar hotu te pawhin hnam rohlu a nih zia hriain cheng heti zat zet an thawh nghe nghe a nih hi. Kan chhawr ve tak tak chuanglo ang emaw ho ti tawk pawh awmin a aia hmalakna tha zawk pawh kan hria a ni maithei. Hruaitu fing zawk ten kan hnam tana pawimawh nia ngaia hma an la ngam hi a ropui a, cheng tlemte member ten kan lo thawh ve a a puitling thei dawn a nih chuan theihtawp i chhuah tlang ang u.
Comments
Post a Comment