Skip to main content

TAITESENA SECTION TEN ZIRLAI TIṬHA TE CHAWIMAWI



Tunkar Thawhlehni zan khan Taitesena Section te chuan Twin Market, Kawnvengah an huamchhung a HSLC leh HSSLC pass thar te chawimawi na hun hlawhtling takin an hmang.

He hun hi section leader, Pu Vanlalsawma'n a kaihruai a, Upa Zoramthanga, branch adviser hlui chuan hunserh a hmang. Pu Lalrinzuala, Khuangchera section leader, Chairman, Education Sub-Committee leh Member, Education Sub-Committee, CYMA chuan thu tha tak a sawi a, section huamchhunga zaithiam hrang hrang ten zaiin an awi bawk.

Hemi zan a HSLC leh HSSLC chawimawi te hi mi 32 (16+16) annia, nitin mamawh tur, bungbel pek vek an ni. Thilpek hi section huamchhunga V/C member ten an hlan a ni. V/C member te hian hemi zana senso tur pawisa engemawzat in an tanpui bawka, an chungah section hruaitu te an lawm hle. Thilpek petu hi mi thahnemngai dang pawh an awm nuala, hengho chungah pawh hian section hruaitu te hi an lawm hle a ni.

Programe hi zirlai pass tharte pual ni mah se, section hruaitu te hian tunhnai-a section ti hmingthatu Futsal team pahnih, U-12 leh U-14 player leh coach te chu chawimawina pangpar an hlan bawk. Tin, section huamchhunga mi tlawmngai bera an thlan, Pu K. Lalchhuangliana w/o Renglianpuii, Kawnveng chawimawina, citation mawi tak an pe bawk. Pu Chhuanga hi damdawi lam thiam (pharmacist) a niin miin an mamawhna lai-ah chuan zanlai leh ruahsur pawh pawiza loa pan nawl nawl mai thin mi a ni a, hetia'ng mi chawimawi nachang an hria hi section hruaitu te bengvar vang liau liau  niin a lang.

Hemi zana thusawitu, Pu Lalrinzuala chuan a hmasain kalkhawmte chu Central YMA, Education Sub-Committee hmingin chibai a buk a, hetia'ng program hman nachang an hriat avanga chhuanawm a tih thu sawiin chhunzawm zel tlak ni'a a hriat thu a sawi. Pu Marina chuan tunlai khawvel changkanna laka inveng thiam tura zirlaite fuihin ngaihsan tlak ngaisang thiama, ngaihsan tlaklo chu hnawl ngam turin zirlai te a fuih. Innghahna tlak ni turin zirlaite chu a fuih bawk. Mahni inhriatchian a ṭul thu sawiin enge kan thiamna/theihna? tih sawiin kan hma hun atan kan tih awm hriat a ṭul thu a sawi. Zirlaite fuihin khualṭha Marina chuan zirlaite mawhphurhna sawiin chhungkua, khawtlang leh ramin a thlir reng thu sawiin ṭhahnemngai taka zirna bei ṭang ṭang turin a fuih. Matrict topper Sihphir khuain kan neih avanga kan khua kan hmingṭhat dan chungchang sawiin topper Rinnungi kut hnathawh hrehloh chungchang a sawi a, zirlai te chu hmazawna tihtur awmah tlanchhe mai lo turin a fuih bawk. Beidawnna thinlung neilo tura fuihin zirlai-ah beidawn rum rum chang nei ṭhin mah se 'tun chiah' ti a bei hram hram turin a fuih bawk. Engkim kan tih hi Pathian rinchhana kan tih chuan a thlawnloh tur thu leh zirlaite hlawhtlinna chang chho zel tura duhsakna hlan chungin a thusawi tlang a kawm.

Branch hnuaia section lian ber, member 849 zet awmna Taitesena Section hian zirlai chawimawina hun hi nikum pawh khan an lo hmang tawh a ni.

Comments

Post a Comment

Popular posts from this blog

KUM ZA CHHUNGA MIZO HMEICHHIATE DINHMUN

 1. Tunhmaa an dinhmun : Kan pi pu te khan 'Hmeichhe finin tuikhur ral a kai lo', 'Hmeichhia leh uipui chu lo phun lungawi mai mai rawh se' tih leh 'Hmeichhe hna, hna ni suh, chakai sa, sa ni suh' tih te hi an ṭawng duh dan a ni a, hetaṭang hian hmeichhia te an dah hniam ṭhin zia a chiang viau awm e.  Nula in inleng a neihin an mi ngei zawng tak pawh ni se, biak chhiat an ngaitheilo a, ngaihtheih loh chu sawi loh, thianglo hialin an ngai a ni. Khawvar tirh aṭangin hna an ngah nghal hle mai a, tuichawi, buhden, ei rawngbawl, chawei siam leh a seng fel. An kuta awm vek a ni. Pi pute hunlai kha chuan an eizawnna hi a inang ṭhûma, lo neih a niin an feh tlut tlut ringawt mai ṭhin a, chuvangin, Mizo hmeichhia te chuan hetia'ng nikhua hian feh tur mamawh zawng zawng hi an tihtura ngaih vek a ni a, an emin an phurh vek a ngai bawk ṭhin. Mipa chuan iptepui an ak ve hram chauh a ni.  Feh haw'n kawngah lah hmeichhia chuan em khatin in lam mamawh an phur haw ...
Post a Comment
Read more

THLAZING

  (Sawiremtlang editorial) August thla han hman meuh chuan chhum a zing phui chuai reng mai a, upa ten 'thlazing' an lo ti pawh hi a awm viau mai. Amaherawhchu, heta thlazing tih hi pi pu te thla hming pakhat emaw ti kan awm leh mai thin. Mizo thla chhiar danah chuan Thitin thla a ni tih i hria ang u khai. Hmanlai chuan mitthi te hi pialrala kal nghal mai loin kan velah hian an la tap thin a, August thla hian mitthi khua an pan thin nia an ngaih avanga thitin thla ti pawh an ni niin a hriat. Chuvangin, August thla hi Mizo thla chhiar dan chuan thitin thla tihna a ni a, thenkhat ten thlazing tia an sawi erawh thla hming ang niloin tun thla chu chhum a zing chuai reng mai an tihna a nih chu. Mizo thla chhiar dan hriat hi kan mawhphurhna ni ve in a langa, thla chhiar dan mai bakah an nunphung te pawh hi hriat ve hram hram I tum ang u. August thla chu a zo ruai chu a ni leh ta a, ni reilo te-ah Ber thla kan kan kai anga, derhken, nuaithang, anthur leh senhri nu ten par an chhuang l...
Post a Comment
Read more

BIBLE CHHIAR

Lehkhabu, a kawm dum, a changtupa thihna ‘Bible’ kan tih mai hi hi khawvela lehkhabu darh zau leh copy pawh tam ber a ni awm e.  He lehkhabu hi chatuan nunna kawng min kawhhmuhtu lehkhabu hlu tak a nih avangin chhiar ngei tur a ni a; a chhiar ve lo pawh chhiar tura in fuih a tul bakah hnam hnufual zawk te pawh chhiar tur chhawp chhuah sak theih hi a tul ngawt mai. Chutiang atana mi thahnemngai tlem azawng an awm pawh hi a tihzia e. Tunhma chuan nitina chhung inkhawm nei thin kan nia; (tunah erawh ‘tunlai chuan mihring kan tul tawh a’ tih chhuanlam tute zingah ka tel ve ta.) chu’ng lai chuan ka pa hian kumthar project-ah ka u hnenah Thuthlung Thar bu pumpui hi chhiar chhuak turin a tia;  kei Chanchin Tha bu li te, tin, ka naute pahnih chu Sam bu chhiar turin a ti bawk. Ka unau dangte khan ka pa  ngenna kha an ti hlawhtling ta em? ka hre ta chiah l’aw, kei erawh chuan ka tih hlawhtlin mai bakah Thuthlung Thar zawng zawng chu ka chhiar ta vek a, ka tui tak zel avangin Thu...
Post a Comment
Read more