Skip to main content

An zu zawrh mansak an nih avangin VCP in in pahnih kalh



Dt. 12th. May, 2019 zanlai dar 12:15 vel khan heng mi:
Vanlalliana s/o Hrangchhawna (32) Phunchawng leh Hrangsanglura s/o Tlangmawithanga (40) Zemabawk te hian H. Vanlalvena s/o H. Thanga (L), Dinthar veng ta tur, zu 160 Ltrs. lai mai an rawn pe tur chu man sak an ni. Zu rawn dah tute leh H. Vanlalvena bakah hian an motor hman MZ 01 M 6477 (Wagon R) chu Excise Department hnênah hlan nghal an ni.

H. Vanlalvena hi nikum khan a in hi kalhsak a lo ni tawh a,  ngaihdâm a dil avang leh zu zuar tawh lo tûra a intiam avangin a in hawnsak leh a ni.

Tin, kar hmasa Zirtawpni khan Taitesena Section JAC te chuan Malsawmtluanga s/o Lalrema, Kawnveng chu zu a nei ni'a an hriat avangin man tumin an veh a, a bulhnaia Pu K. Lalnunsanga inah hruaitu te hmalak dan tur relin an lutkhawm a, hetih lai hian zu zuar (Malsawmtluanga) ten an chhawr te zinga mi thenkhat (anni hian mi chhawr hi an nei thin a ni.) kawngpuia kaltlang chuan chutianga pa ho kalkhawm ta chu anni thil thalo kawl an nei bawk nen phone chuh chungin a rang a rangin an let nghal a. JAC ho pawh an in lane kawng bakah kawnghnuai leh Serkhan veng kawngah te an inzar pharh ve nghal. Thenkhat man an niin, thenkhat erawh manlohin an bibo hman thung. Hetih lai hian an duh ber zu chu keng zel ngamlo-in thenawm hnai inrelah an thukru a, hei hi duty thenkhatin hmu in an man ta a ni. Zu hi bag pahnihah liter sawm ve ve a dah a ni. Hetia'nga zu man a nih takah chuan an zu ngei a nih ringin an in lamah lak a ni ta a, a neitu te zawtchhuakin a neitu a inchhal Zarzokima s/o Chhanhima, Kawnveng leh Malsawmtluanga nupui te chu zanah Kawnveng Welfare bungraw dahna-ah kal tura tih an ni.

Zanah chuan an kalkhawm ta ngei a, zu neitu a inchhal Zara chuan pakhat neitu-ah midang a puh lehchhawng a, a ni hi koh a nih leh hnu-in a ta a nihloh thu leh Malsawmtluanga ta a nih thu a sawi. Hetia'ng a nih tak avang hian Malsawmtluanga nupui Ajei tang zo loin a inpuang ta a ni. Zu neitu-a inchhal te pahnih hawntir an nih hnu-ah an chungchang Hetia'ng hian ngaihtuah zui a ni :
Zarzokima hi excise kuta hlan tura tih a ni a, a tuk, Inrinni zanah section hruaitu ten excise kutah an zuk dah a ni. Malsawmtluanga te hi Taitesena Section JAC hnuai-a Kawnveng Welfare ten warning an lo pek tawh leh anni pawhin an zuar leh a nih chuan an in kalh tura bond hial an lo sign tawh angin an in chu kalh tura tih a ni ta a ni. A hun chhung atan  'thla thum aia tlemlo' tih a ni a, an nungchang azir in a hun hi pawhsei theih tur rel a ni.

In kalh hun tura tih, Thawhlehni zan khan VC house-ah kalkhawm phawt a ni a, heta kalkhawm te hi Taitesena Section JAC, Branch OB, MHIP leh MUP atang te in mi thahnem tak an chhuakkhawm a ni. Inkhawm hi VCP, Pu HVL Zarzoliana'n a kaihruai a, hmalak tawhna leh hmalak zel dan tur te sawiho a ni. Zirtawpni zana Taitesena Section JAC ten ro an rel hlan hian VCP hoin khawtlang JAC ten VC house-ah khawtlang mamawh hrang hrang sawiin ro an rel ve thung. He hunah hian Pu Vena te chungchang pawh sawi a niin an in chu thla ruk chhung kalh phawta, a tul dan azir hmalak zel tura tih a ni. Malsawmtluanga te in thla thum kalh phawt tura tih tawh chu Pu Vena te nen khairualin anni pawh hi thla ruk chhung kalh tura rel a ni ve leh ta a ni.

Pu Malsawmtluanga te in hi kalh hmasak a ni a, an ni hian in hi lo chhuahsan vek tawhin an tala khai chu tala danga kalh hnan a ni. In hi a chhawng a nih avangin a chung zawk kalh a nih hnu-ah a hnuai lam kalh leh tum chu an tala lo hman a len deuh avangin kalh theih a ni loa, Taitesena section lamin a tuk Nilaini tlai-ah in neitu te hmuh laiin kalh that (tala thlak) a ni.

Tichuan, Pu Vena te in lamah kal lehin anni erawh hi chuan thenrual tha te nen an lo  nghak thung. Thusawiin VCP chuan kawng kalh hi inhmuhsita leh indiriamna lam nilo in lainatna nen tih a nih thu a sawi a, anmahni pawh an thiltih thalo te sim turin a ngen bawk. Tichuan, tala hmangin an in chu a kalhsak zui a ni.

In kalh zawh hian section huamchhunga zu zuar thin nia hriat te tlawhkualin rinhlelh an nih thu leh inah emaw hmundangah pawh an zu zawrh mansak an nih chuan an in kalhsak ve an nih tur thu hriattir an ni.

Comments

Post a Comment

Popular posts from this blog

KUM ZA CHHUNGA MIZO HMEICHHIATE DINHMUN

 1. Tunhmaa an dinhmun : Kan pi pu te khan 'Hmeichhe finin tuikhur ral a kai lo', 'Hmeichhia leh uipui chu lo phun lungawi mai mai rawh se' tih leh 'Hmeichhe hna, hna ni suh, chakai sa, sa ni suh' tih te hi an ṭawng duh dan a ni a, hetaṭang hian hmeichhia te an dah hniam ṭhin zia a chiang viau awm e.  Nula in inleng a neihin an mi ngei zawng tak pawh ni se, biak chhiat an ngaitheilo a, ngaihtheih loh chu sawi loh, thianglo hialin an ngai a ni. Khawvar tirh aṭangin hna an ngah nghal hle mai a, tuichawi, buhden, ei rawngbawl, chawei siam leh a seng fel. An kuta awm vek a ni. Pi pute hunlai kha chuan an eizawnna hi a inang ṭhûma, lo neih a niin an feh tlut tlut ringawt mai ṭhin a, chuvangin, Mizo hmeichhia te chuan hetia'ng nikhua hian feh tur mamawh zawng zawng hi an tihtura ngaih vek a ni a, an emin an phurh vek a ngai bawk ṭhin. Mipa chuan iptepui an ak ve hram chauh a ni.  Feh haw'n kawngah lah hmeichhia chuan em khatin in lam mamawh an phur haw ...
Post a Comment
Read more

THLAZING

  (Sawiremtlang editorial) August thla han hman meuh chuan chhum a zing phui chuai reng mai a, upa ten 'thlazing' an lo ti pawh hi a awm viau mai. Amaherawhchu, heta thlazing tih hi pi pu te thla hming pakhat emaw ti kan awm leh mai thin. Mizo thla chhiar danah chuan Thitin thla a ni tih i hria ang u khai. Hmanlai chuan mitthi te hi pialrala kal nghal mai loin kan velah hian an la tap thin a, August thla hian mitthi khua an pan thin nia an ngaih avanga thitin thla ti pawh an ni niin a hriat. Chuvangin, August thla hi Mizo thla chhiar dan chuan thitin thla tihna a ni a, thenkhat ten thlazing tia an sawi erawh thla hming ang niloin tun thla chu chhum a zing chuai reng mai an tihna a nih chu. Mizo thla chhiar dan hriat hi kan mawhphurhna ni ve in a langa, thla chhiar dan mai bakah an nunphung te pawh hi hriat ve hram hram I tum ang u. August thla chu a zo ruai chu a ni leh ta a, ni reilo te-ah Ber thla kan kan kai anga, derhken, nuaithang, anthur leh senhri nu ten par an chhuang l...
Post a Comment
Read more

BIBLE CHHIAR

Lehkhabu, a kawm dum, a changtupa thihna ‘Bible’ kan tih mai hi hi khawvela lehkhabu darh zau leh copy pawh tam ber a ni awm e.  He lehkhabu hi chatuan nunna kawng min kawhhmuhtu lehkhabu hlu tak a nih avangin chhiar ngei tur a ni a; a chhiar ve lo pawh chhiar tura in fuih a tul bakah hnam hnufual zawk te pawh chhiar tur chhawp chhuah sak theih hi a tul ngawt mai. Chutiang atana mi thahnemngai tlem azawng an awm pawh hi a tihzia e. Tunhma chuan nitina chhung inkhawm nei thin kan nia; (tunah erawh ‘tunlai chuan mihring kan tul tawh a’ tih chhuanlam tute zingah ka tel ve ta.) chu’ng lai chuan ka pa hian kumthar project-ah ka u hnenah Thuthlung Thar bu pumpui hi chhiar chhuak turin a tia;  kei Chanchin Tha bu li te, tin, ka naute pahnih chu Sam bu chhiar turin a ti bawk. Ka unau dangte khan ka pa  ngenna kha an ti hlawhtling ta em? ka hre ta chiah l’aw, kei erawh chuan ka tih hlawhtlin mai bakah Thuthlung Thar zawng zawng chu ka chhiar ta vek a, ka tui tak zel avangin Thu...
Post a Comment
Read more