LUNGHLU KA CHHAR

Kristian chhungkaw t­ha tak (ti mai ang, chaklo teh mah ila) at­anga seilian ka ni a; ka nu leh pate hnung zuiin inkhawm ka t­hulh khat khawp mai. Inkhawm ka t­hulh chuan setana beihna ang hiala ngai t­hin ka nih avang in ka tan chuan ruihhlo ngai piangtharin ruihhlo an tih leha an da nghal thuak ang deuh mai hian rinna kawngah chaklo ta deuh leh in siam t­hat ngai hle in ka inhre t­hin.

Chutiang mi chu ka ni a; Chawlhni zan t­umkhat chu ka nu leh pate chuan inkhawm an remchang lo tlat mai. Inkhawm ngei ka duh avangin kan t­henawm hnai a Kohhran upa chu ka zui ve tawp mai. Tichuan, ka inkhawm ta a; kan ban hnu chuan kan upate ho chuan tihtur an neih avangin hawnsan mai a ngai, engemawchen kawtah kan nghak zet na a; nghah chhuah tih a awm theilo.

Inkhawm bang leh kawng kal vel nen chulai velah chuan mi kan zi deuh luai luai a; chutah tak chuan a ni khawvela thil hlu ber mai leh suangtuah pawh ka la suangtuah phak ngai loh chu ka hmuh tak ni.

Hmanhmawh takin ka tlan hawng a; ka t­hianpa hnenah ka thil hmuh chungchang chu sawiin ro kan rel ta. Zan a rei mai dawn avangin haw in ka mu ta a; thil ka suangtuah nasat em avangin ka mu tlem kher mai.

Engtinnge kan tih ang? Naupang mai kan ni a, ngaihtuah thiam a har khawp mai. Burma lamah an kalpui thin niin ka hria a; kan kawmchhak lama mi awmpui Manga hi tunhmaa sumdawng t­hin, a sumdawn na at­anga helai hmun rawn thleng ta hi a ni a; a ni chu innghah nan kan hmang ta ngawt a. Mahse, hetih mek lai hian rin ngam har kan ti viau lawi si.

Ka thianpa pa u hian tunhmain ramhnuaiah lungmawi hi a chhar a; ah a tum lai takin a kalpuipa chuan an thlek ve a; âa! engmah a nih loh hiâ™ tih pahin a paih ta daih mai. A paih ka ti tak na a, a paih lo nge ni, an hawn hnu lawk hian Silchar-ah a zin a; a rawn hawn leh chuan tunhma lama eng ni bik lo khan in lian á¹­ha tak a din ta uaih mai. Ka thianpa pa u khan thil awmzia a hmuh thiam ve tho avangin a rilru na chuan a at phat ta. Engengemaw chhuangin lunghlu siamchhuah tumin a bei ta ngat ngat mai.

Heihi kan hre bawk a; amah hi hralh tur chuan a t­hat kan ring deuh bawk. An chhung hnai tak a nih bakah in khata cheng hote an ni bawk a, kan ring zual.

Hetih hunlai vel hian kan thenawm a mite hian an choka chu an extend-a; in compound-te hungin mawi takin an siam a; chungte chu kan ngei vel. Anni aia mawi leh t­ha in, zauh satliah mai lovin a thar tha tak nei thei turah kan inngai a; kan hmusit angreng zawk hle.

Pathianin Eden huan ata kan thlahtute a hnawhchhuah khan anchhia lawhin rim taka hnathawk a ei hmu turin a ti a nih kha. Kha vang kha a ni mahna, mihringte hian hnathawh hi kan lo hobby ber mai, mi thatchhia kan tih takte pawh hian pawisa chhar ila emaw lucky ticket-ah a nuai tel man ila chuan tih an suangtuah nikhua hian an pawisa chen dan tur lam aiin farm nuam deuh emaw motor lei a khawi khuaah emaw service tir emaw an ngaihtuah thin. Chuvang a ni mihringte hian hnathawh hi kan lo hobby ber mai e, kan tih tak ni.

Keini pawh hetih lai vel hi chuan vawk vulh kha kan chak ber mai a; cheng tam tak nei turah kan inngai nachung khan a liantham erawh kan la suangtuah phalo deuh a ni. Vawk in sak dan tur, a ban phun dan tur thlengin kan suangtuah a ni.

Manga emaw a pa u emaw kan la be chuanglo. Rilru erawh a hlimin a lungawi takzet a ni. Hrilh hmaa kan lunghlu chu entir phawt thaa kan hriat avang chuan zingah mi thawh hma in exer lak pah niawm takin Biak In veng lamah chuan kan tlan chho va; mi’n min hmuh hlau takin ka lunghlu awmna lam chu enlo niawm takin kan en a, zei taka din hnaih a lak kan tum nak chuan chu YMA notice board thingphel leh thingphel inkara thil inzep chu saidawium keh mai mai a lo ni si.