Skip to main content

RUIHHLO MAN A NI LEH TA

  (Sawiremtlang editorial)


Kar hmasa Inrinni zan khan Central YMA hnuaia Central Anti Drug Squad (CADS) chuan Pu Malsawmtluanga@Matawia, Dinthar Veng ruihhlo kawl, hawng hnih leh pawisa fai engemawzat chu an chenna in atangin an man. Thla kalta mai-ah Sihphir pa kut atangin hetiang aia tam daih hi man a lo ni tawh a, tunah hetiang zat zet man a ni leh ta hi a zialo takzet a ni. 


Ruihhlo hi Mizoramah tunhnai chho hian an man mawlh mawlh mai a, an man loh hi a tam zawk mah in a la rinawm cheu. Kumtir lama Aizawl pa hausa tak kut atanga hawng 440 zet man a nih atang phei kha chuan mipui hian kan ngaihven zual in a hriat. Ruihhlo zawrh hi a hlawk viau a ni phawt anga, tuna kan sawi lai te pathum dinmun atang pawh hian a hriat mai awm e. Hetiang a nih mek lai hian Sihphir nula, phai lama awm mek pawh ruihhlo kaihhnawihah man a ni tih kan hre leh ta zel mai a, a zahthlak takzet a ni.


Tuntuma an man taka hi khawtlang leh thalai tam tak tibuaitu leh nun tichhia a, a ruk a khawsa lui ngar ngar tu a ni a, man fuh a ni  ta hi a vanneihthlak khawp mai. A phu tawk ang ngeiin danin na taka a hrem ngei kan beisei tlat a ni.


He No. 4 avang hian kan Sihphir thalai tam tak chu an nih tur ang pawh ni pha lovin na taka an nun sawp chhiat a awm mekin, an duh lohna kawng zawh zui zel ngaiin an awm mek. Khawtlang nun leh chhungkua pawh min ti mangang a, a rapthlak takzet a ni. 


Chuvangin, thangthar lokal zel tur te tan khawtlang nun hrisel kan chhawp chhuah sak theih nan leh he ruihhlo hlauhawm tak hian thalai tumah a luhchilh thar tawh loh nan tute pawh kan hma zawn theuhah theihtawp  a kan tan rual a tul takzet a ni.

Comments

Post a Comment

Popular posts from this blog

KUM ZA CHHUNGA MIZO HMEICHHIATE DINHMUN

 1. Tunhmaa an dinhmun : Kan pi pu te khan 'Hmeichhe finin tuikhur ral a kai lo', 'Hmeichhia leh uipui chu lo phun lungawi mai mai rawh se' tih leh 'Hmeichhe hna, hna ni suh, chakai sa, sa ni suh' tih te hi an ṭawng duh dan a ni a, hetaṭang hian hmeichhia te an dah hniam ṭhin zia a chiang viau awm e.  Nula in inleng a neihin an mi ngei zawng tak pawh ni se, biak chhiat an ngaitheilo a, ngaihtheih loh chu sawi loh, thianglo hialin an ngai a ni. Khawvar tirh aṭangin hna an ngah nghal hle mai a, tuichawi, buhden, ei rawngbawl, chawei siam leh a seng fel. An kuta awm vek a ni. Pi pute hunlai kha chuan an eizawnna hi a inang ṭhûma, lo neih a niin an feh tlut tlut ringawt mai ṭhin a, chuvangin, Mizo hmeichhia te chuan hetia'ng nikhua hian feh tur mamawh zawng zawng hi an tihtura ngaih vek a ni a, an emin an phurh vek a ngai bawk ṭhin. Mipa chuan iptepui an ak ve hram chauh a ni.  Feh haw'n kawngah lah hmeichhia chuan em khatin in lam mamawh an phur haw ...
Post a Comment
Read more

CHANCHINBU MAN KHAWN A HUN LEH DAWN TA

  Thlatina Inrinni hnuhnung ber hian chanchinbu man khawn a ni tlangpui a, thlathar Inrinni hmasa ber leh remchang danga khawn pawh kan awm zeuh zeuh bawk. Thla a lo tawp (Inrinni hnuhnung ber) leh takah hian chanchinbu man pek lamah tan i la teh ang u. Kan chanchinbu hi thla khat lak man cheng 30 kan ti a ni a, heti hian a mah leh a mah a intum tawk vel viau a ni. A man pawh a lut tha tlangpui a, a lawmawm. Chutihrualin, pek lam ngaihsak lutuklo kan awm leh zeuh thin erawh a zialo thin khawp mai. Chanchinbu hi naupang semtir thin a ni a, a man khawn thu-ah pawh anni hian an keng tlang mai thin. Naupang an nih avang tak hian thenkhat hian zahlo taka lo tawngkhum in 'min pe ngai silo a, a man khawn hre hlur ringawt mai' tih an hlawh fo niawm tak a ni.  Thenkhat chhiar duh si a man pe duh manglo te pawh an awm niin a semtute hnen atangin thu kan dawng fo. A zialo khawp mai. Tin, pe emaw intia pe silo te pawh a awm theih a nia. Naupang rilru thianghlim tak te an ni a, rilru sual ...
Post a Comment
Read more

THLAZING

  (Sawiremtlang editorial) August thla han hman meuh chuan chhum a zing phui chuai reng mai a, upa ten 'thlazing' an lo ti pawh hi a awm viau mai. Amaherawhchu, heta thlazing tih hi pi pu te thla hming pakhat emaw ti kan awm leh mai thin. Mizo thla chhiar danah chuan Thitin thla a ni tih i hria ang u khai. Hmanlai chuan mitthi te hi pialrala kal nghal mai loin kan velah hian an la tap thin a, August thla hian mitthi khua an pan thin nia an ngaih avanga thitin thla ti pawh an ni niin a hriat. Chuvangin, August thla hi Mizo thla chhiar dan chuan thitin thla tihna a ni a, thenkhat ten thlazing tia an sawi erawh thla hming ang niloin tun thla chu chhum a zing chuai reng mai an tihna a nih chu. Mizo thla chhiar dan hriat hi kan mawhphurhna ni ve in a langa, thla chhiar dan mai bakah an nunphung te pawh hi hriat ve hram hram I tum ang u. August thla chu a zo ruai chu a ni leh ta a, ni reilo te-ah Ber thla kan kan kai anga, derhken, nuaithang, anthur leh senhri nu ten par an chhuang l...
Post a Comment
Read more