Skip to main content

KUM CHANVE CHHUNGA SIHPHIR A THIL THLENG LANGSAR ZUAL TE

 : (Sawiremtlang heading)


*THI LEH PIANG : Tun kum chanve chhung hian Sihphir khuaah nunna chan hi mi 27 zet awm tawhin heng zinga pakhat hi nausen tu fa nge tih hriatloh niin hmundanga phum (ruang chhuak) pahnih leh khaw dang mi Sihphir thlanmuala phum pakhat an awm bawk. Thi hmasa ber chu January ni 4 a thi, Suresh Bahadur, kum 55, Pu K. Thangliana,  Dinthar Veng te bawngpu a ni a, thi hnuhnung ber chu June ni 15 a ramhnuai-a thia hmuh, Pu H. Lalrammawia, kum 65 h/o Laltlanmawii, Dinthar Veng kha a ni thung.


Hetih mek lai hian sub-center hotute hnen atangin thu kan dawn dan in nau piang zawng zawng hi  23 niin, mipa 12 leh hmeichhia 11 an ni bawk. 


*UPA BER THI : Kum 98 na nang mek, Pi Zatangi c/o Ramthanga, Damveng chu 

January ni 8 khan an chenna inah awmlaiin a boral. A ni hi Kelsih khua-ah June 27, 1927 khan a piang a, Sihphir khuaa upa ber nia hriat a ni. A ni dawta upa ber, 23.6.1929 a piang, Pu N. Kaikunga h/o Laltlanthangi,  Kawn Veng chu 

February ni 22 khan a boral ve leh.  


Tunah hian Pu Kawlkunga h/o Zathangi 7.7.1929 a piang hi upa ber a kan neih a ni mek a, kum 96 na hmang mekin a beng a chak vaklo e tih loh chu a la hrisel tha hle. Kum za tal min dampui se kan ti hle.


VC ELECTION : Zoram hmun dang rualin February ni 12 khan tluang takin VC inthlan a ni a, inthlanah hian party lian pathum : ZPM, INC leh MNF te chuan candidate 9 theuh neiin ZPM chuan seat la tam berin seat nga an la a, INC in seat thum leh MNF ten seat khat an la ve bawk.               


Inthlan tukah hetiang hian Executive Body hetiang hian siam fel nghal a ni :

President : Pu R. Lalremruata

Vice President :

Pu H. Vanlalruata

Treasurer :

Pu R. Lalduhzuala 

Secretary : 

Pu Hrangthansanga


*RUANG CHHAR : March ni 11 khan Sihphir thalai thlan lai ten nausen thi chu hnimpik karah an chhar. A vun a filh vek tawh avangin a thihna hi thla khat emaw tal chu ni tawh tura ngaih a ni. Puana fel taka tuam thlap ani a, diaper te pawh a hren thlap avangin nau tih tlak niloin pangngai taka piang ni tura ngaih a ni. Chhuichhuah a har tawh hmel avangin thubuai a la loin thlan laih lai mawngah dah zui a ni.


May ni 28 khan Synod Camping Centre a Camper pakhat, Tv Lalsiamkima kum 31, Bawngkawn lam mi camping atanga May ni 7 a tlanchhuak ruang chu hmuh a ni bawk.


*SIHPHIRIN PRO VOLLEYBALL KHEL : Mizorama volleyball inelna sang ber, Mizoram Pro Volleyball League chu Sihphir volleyball club te chuan a hmasa ber atan an khel. April ni 29 atanga May ni 24 chhunga khelh, Mizoram Pro Volleyball League-ah hian team 6 awmin an vaia an intum kual hnu-ah Sihphir club hian club 2 hneh neiin a pumpui-ah panga na an ni. Sihphir club hian veng dang player tha an la nual a, Reinforce (vai) player feet 6'4 a sang Niyas Abdul Salam, Karela lam mi chu an la bawk.


Sihphir club-ah hian Pu C. Lallianzuala, Venglai chu president niin Pu Lalchhuangliana, Durtlang coach na hnuai-ah league kha an khel a ni. Tunlai hi bazar hunlai a ni a, an player tha chan nual mah se player tha zawk lalut turin theihtawp an chhuah ve mek bawk.


SIHPHIRAH RUIHHLO MAN : June ni 12 khan Central YMA hnuaia ruihhlo dotu pawl, Central Anti Drugs Squad (CADS) chuan Pu Lalthlamuankima (MK-a) s/o H. Lalchhuanawma (L), Chhanhim veng hnen atangin ruihhlo (heroin) hawng 12 leh a hmaa a hralh tawhna pawisa fai cheng nuai khat an man.


Hetianga tam ruihhlo man hi Sihphirah a la awmlo nia hriat a ni. Sihphir khua a thil thlengah chuan a rapthlak khawp mai. Khawtlang hruaitu te pawh an thinrim hle a, June ni 18 a VC ho a tlawmngai pawl hrang hrang te joint meeting chuan hetiang hian resolution an siam nghal.

'He thil thleng hi lawmawm (an man chhuah chungchang) kan tih rualin vanduaithlak kan ti a, Pu Lalthlamuankima hi kan dem tak zet a ni. A chenna In ngei atanga man sak, Pu Lalthlamuankima hi a thil tih sual phu tawk ang ngeiin thuneituten a na thei ang ber a an hrem kan phut tlat a. A vawikhat chetna mai pawh ni lo a lang he a thil tih pawi tak mai hi khawtlangin kan duh loh zia leh kan huatzia lantir nan Pu Lalthlamuankima hi Jail atanga a lo chhuah atanga chhiar tanin kum hnih (2) chhung Sihphir atanga hnawhchhuah nise kan ti,' tiin.


BO ZAWNGIN HNATLANG : June ni 12 a a ram chhuak a hawnloh avanga a chhungte mangangin khawtlang mipui an pun hnu-ah Pu H. Lalrammawia, kum 65 h/o Laltlanmawii, Dinthar Veng chu thi a hmuh a ni.


Hmuh a nihna hmun hi Sarepkawn piah, Khiangzawl tlang hnuai a, Pu HV Lalthangliana, Tlangveng te ram chhung a ni a, helam zau a kal ten a sulhnu niawm tak an hmuh atanga chhuiin an hmu ta a ni. A lo awmna hmun hi hmun rem  lai niin fel takin a lo thu mu a, a taksa-ah hliam a lang mai lo bawk nen, a chauh tawngkhawng 2avanga thil thleng nia ngaih a ni.

Comments

Post a Comment

Popular posts from this blog

KUM ZA CHHUNGA MIZO HMEICHHIATE DINHMUN

 1. Tunhmaa an dinhmun : Kan pi pu te khan 'Hmeichhe finin tuikhur ral a kai lo', 'Hmeichhia leh uipui chu lo phun lungawi mai mai rawh se' tih leh 'Hmeichhe hna, hna ni suh, chakai sa, sa ni suh' tih te hi an ṭawng duh dan a ni a, hetaṭang hian hmeichhia te an dah hniam ṭhin zia a chiang viau awm e.  Nula in inleng a neihin an mi ngei zawng tak pawh ni se, biak chhiat an ngaitheilo a, ngaihtheih loh chu sawi loh, thianglo hialin an ngai a ni. Khawvar tirh aṭangin hna an ngah nghal hle mai a, tuichawi, buhden, ei rawngbawl, chawei siam leh a seng fel. An kuta awm vek a ni. Pi pute hunlai kha chuan an eizawnna hi a inang ṭhûma, lo neih a niin an feh tlut tlut ringawt mai ṭhin a, chuvangin, Mizo hmeichhia te chuan hetia'ng nikhua hian feh tur mamawh zawng zawng hi an tihtura ngaih vek a ni a, an emin an phurh vek a ngai bawk ṭhin. Mipa chuan iptepui an ak ve hram chauh a ni.  Feh haw'n kawngah lah hmeichhia chuan em khatin in lam mamawh an phur haw ...
Post a Comment
Read more

CHANCHINBU MAN KHAWN A HUN LEH DAWN TA

  Thlatina Inrinni hnuhnung ber hian chanchinbu man khawn a ni tlangpui a, thlathar Inrinni hmasa ber leh remchang danga khawn pawh kan awm zeuh zeuh bawk. Thla a lo tawp (Inrinni hnuhnung ber) leh takah hian chanchinbu man pek lamah tan i la teh ang u. Kan chanchinbu hi thla khat lak man cheng 30 kan ti a ni a, heti hian a mah leh a mah a intum tawk vel viau a ni. A man pawh a lut tha tlangpui a, a lawmawm. Chutihrualin, pek lam ngaihsak lutuklo kan awm leh zeuh thin erawh a zialo thin khawp mai. Chanchinbu hi naupang semtir thin a ni a, a man khawn thu-ah pawh anni hian an keng tlang mai thin. Naupang an nih avang tak hian thenkhat hian zahlo taka lo tawngkhum in 'min pe ngai silo a, a man khawn hre hlur ringawt mai' tih an hlawh fo niawm tak a ni.  Thenkhat chhiar duh si a man pe duh manglo te pawh an awm niin a semtute hnen atangin thu kan dawng fo. A zialo khawp mai. Tin, pe emaw intia pe silo te pawh a awm theih a nia. Naupang rilru thianghlim tak te an ni a, rilru sual ...
Post a Comment
Read more

BIBLE CHHIAR

Lehkhabu, a kawm dum, a changtupa thihna ‘Bible’ kan tih mai hi hi khawvela lehkhabu darh zau leh copy pawh tam ber a ni awm e.  He lehkhabu hi chatuan nunna kawng min kawhhmuhtu lehkhabu hlu tak a nih avangin chhiar ngei tur a ni a; a chhiar ve lo pawh chhiar tura in fuih a tul bakah hnam hnufual zawk te pawh chhiar tur chhawp chhuah sak theih hi a tul ngawt mai. Chutiang atana mi thahnemngai tlem azawng an awm pawh hi a tihzia e. Tunhma chuan nitina chhung inkhawm nei thin kan nia; (tunah erawh ‘tunlai chuan mihring kan tul tawh a’ tih chhuanlam tute zingah ka tel ve ta.) chu’ng lai chuan ka pa hian kumthar project-ah ka u hnenah Thuthlung Thar bu pumpui hi chhiar chhuak turin a tia;  kei Chanchin Tha bu li te, tin, ka naute pahnih chu Sam bu chhiar turin a ti bawk. Ka unau dangte khan ka pa  ngenna kha an ti hlawhtling ta em? ka hre ta chiah l’aw, kei erawh chuan ka tih hlawhtlin mai bakah Thuthlung Thar zawng zawng chu ka chhiar ta vek a, ka tui tak zel avangin Thu...
Post a Comment
Read more