Skip to main content

MHIP DAY ROPUI TAKA HMAN A NI

  (Sawiremtlang heading)


Tunkar Nilaini khan Mizoram Hmeichhe Insawihkhawm Pawl (MHIP), Sihphir branch chuan an pawl din champha chu ropui takin an lawm. Day ni tak hi   July ni 6 kha a ni a, Pathian ni a nih avangin central hruaitu ten mahni remchan hun a hman mai tura an tih angin hemi ni hian hman a ni ta a ni.


Day hi YMA hall, Tlangvengah hman a ni a, inkhawm hi president, Pi Vanlalpari'n kaihruaiin Pu SR Zonunthara, director, IGNOU chuan khuallian niin a hmanpui bawk. Khuallian bakah VC lam atangin VCP, Pu R. Lalremruata leh a thawhpui hmeichhia te an tel a, MUP leh YMA hruaitu ten an telpui bakah Sawiremtlang chanchinbu editor, Pu Lalchhanhima Varte chuan a telpui bawk. Heng bakah hian tualchhung zaithiam te thiam takin an zai bawk a ni.


Inkhawm hi khua a nawm loh avangin a hun takah an tan thei lo na a, mi za bawr vel erawhin hlim takin hun hi an hmang a ni. Chairman, Pi Pari  chuan day lawmnaa kal te chu chibai bukin hlim taka hun hmang theuh turin a ngen. Inkhawm hi Pu K. Lalramnghaka, Fundamental Baptist, Evangelist chuan Pathian hnenah a hlan a, chumi hnu in secretary, Pi Lalramhluni hnen atangin report ngaihthlak a ni. Report a a lan danin Sihphir branch MHIP-ah hian member 1288 an awm mek a, heng zinga 32 hi life member an ni bawk. Committee member hi mi 100 inruatin headquarters committee-ah Pi HS Lalparmawii a tel bawk. Chanchinbu, Runlum hi copy 20 an la mek bawk a, nikum MHIP day leh tun inkarah hian member boral 8 an awm bawk. (Member boral te hi sunna hun neih a ni a, hemi pual hian Upa C. Vanlalngura, IKK Puithiam chu a tawngtai bawk.) Pawisa hi kutah cheng 53280/- an nei mek bawk a ni. Report a pek zawh hian central President, Pi Lalliani day thuchah ngaihthlak a ni bawk.


Day hmannaa khual tha te hnen atang hian thusawi tha tak tak ngaihthlak a ni a, chawimawina heng mi te hnenah hian hlan an ni bawk:

1.Hruaitu hlun chawimawina : Pi Zionthangi, Vice president, Arpu veng, a ni hi kum 1988 atang khan MHIP committee member niin OB post hrang hrang bakah adviser hna te a chelh tawh a ni.

2.Member VC a tling thar te :

a) Pi Lalsawikimi, 

b) Pi Lalsangluaii,

c) Pi Laldinthari.

3.Kum 70 chin chung lam, day hman naa kal te. Heng mite hi member 45  lai an ni.


Hunserh hman zawh hian infiamna chi hrang hrang hmangin an in ti hlim leh a, hemi hnu hian zanriah tuihnai taka an siam chu an kil ho leh hnu in kham lo takin an tin.

Comments

Post a Comment

Popular posts from this blog

KUM ZA CHHUNGA MIZO HMEICHHIATE DINHMUN

 1. Tunhmaa an dinhmun : Kan pi pu te khan 'Hmeichhe finin tuikhur ral a kai lo', 'Hmeichhia leh uipui chu lo phun lungawi mai mai rawh se' tih leh 'Hmeichhe hna, hna ni suh, chakai sa, sa ni suh' tih te hi an ṭawng duh dan a ni a, hetaṭang hian hmeichhia te an dah hniam ṭhin zia a chiang viau awm e.  Nula in inleng a neihin an mi ngei zawng tak pawh ni se, biak chhiat an ngaitheilo a, ngaihtheih loh chu sawi loh, thianglo hialin an ngai a ni. Khawvar tirh aṭangin hna an ngah nghal hle mai a, tuichawi, buhden, ei rawngbawl, chawei siam leh a seng fel. An kuta awm vek a ni. Pi pute hunlai kha chuan an eizawnna hi a inang ṭhûma, lo neih a niin an feh tlut tlut ringawt mai ṭhin a, chuvangin, Mizo hmeichhia te chuan hetia'ng nikhua hian feh tur mamawh zawng zawng hi an tihtura ngaih vek a ni a, an emin an phurh vek a ngai bawk ṭhin. Mipa chuan iptepui an ak ve hram chauh a ni.  Feh haw'n kawngah lah hmeichhia chuan em khatin in lam mamawh an phur haw ...
Post a Comment
Read more

CHANCHINBU MAN KHAWN A HUN LEH DAWN TA

  Thlatina Inrinni hnuhnung ber hian chanchinbu man khawn a ni tlangpui a, thlathar Inrinni hmasa ber leh remchang danga khawn pawh kan awm zeuh zeuh bawk. Thla a lo tawp (Inrinni hnuhnung ber) leh takah hian chanchinbu man pek lamah tan i la teh ang u. Kan chanchinbu hi thla khat lak man cheng 30 kan ti a ni a, heti hian a mah leh a mah a intum tawk vel viau a ni. A man pawh a lut tha tlangpui a, a lawmawm. Chutihrualin, pek lam ngaihsak lutuklo kan awm leh zeuh thin erawh a zialo thin khawp mai. Chanchinbu hi naupang semtir thin a ni a, a man khawn thu-ah pawh anni hian an keng tlang mai thin. Naupang an nih avang tak hian thenkhat hian zahlo taka lo tawngkhum in 'min pe ngai silo a, a man khawn hre hlur ringawt mai' tih an hlawh fo niawm tak a ni.  Thenkhat chhiar duh si a man pe duh manglo te pawh an awm niin a semtute hnen atangin thu kan dawng fo. A zialo khawp mai. Tin, pe emaw intia pe silo te pawh a awm theih a nia. Naupang rilru thianghlim tak te an ni a, rilru sual ...
Post a Comment
Read more

THLAZING

  (Sawiremtlang editorial) August thla han hman meuh chuan chhum a zing phui chuai reng mai a, upa ten 'thlazing' an lo ti pawh hi a awm viau mai. Amaherawhchu, heta thlazing tih hi pi pu te thla hming pakhat emaw ti kan awm leh mai thin. Mizo thla chhiar danah chuan Thitin thla a ni tih i hria ang u khai. Hmanlai chuan mitthi te hi pialrala kal nghal mai loin kan velah hian an la tap thin a, August thla hian mitthi khua an pan thin nia an ngaih avanga thitin thla ti pawh an ni niin a hriat. Chuvangin, August thla hi Mizo thla chhiar dan chuan thitin thla tihna a ni a, thenkhat ten thlazing tia an sawi erawh thla hming ang niloin tun thla chu chhum a zing chuai reng mai an tihna a nih chu. Mizo thla chhiar dan hriat hi kan mawhphurhna ni ve in a langa, thla chhiar dan mai bakah an nunphung te pawh hi hriat ve hram hram I tum ang u. August thla chu a zo ruai chu a ni leh ta a, ni reilo te-ah Ber thla kan kan kai anga, derhken, nuaithang, anthur leh senhri nu ten par an chhuang l...
Post a Comment
Read more