Lalchhanhima Varte

  1st. Sunday : Tunlaia ruahsur nasa avanga chhiatna tam tak a thlen avangin Mizoramah thil thleng ngai lo tak a thlengin kohhran eng emaw zatin Pathiannia inkhawm hrang hrang chu an thulh. 2nd. Monday : Disaster Management & Rehabilitation Minister, Prof. Lalnilawma leh Horticulture Minister, Pu C. Lalsawivunga ten  tunhnaia ruahsur nasat vanga Aizawl khawpui chhunga lei chet nasat deuhna hmun hrang hrang an tlawh. 3rd. Tuesday : Chief Minister, Lalduhoma chuan Mizoram tlawha lo zin mek, Ajay Tamta, Union Minister of State for Road Transport & Highways chu a kawm a, Silchar - Aizawl 4 lane laih mekah Kawnpui leh Sairang inkar hnathawhna tur sum pe chhuak rang turin a lo ngen. 4th. Wednesday : Northeast Frontier Railway hnuaia Sairang rel station leh Hortoki inkar rel kawng enchhinna 'Speed Trial' chu neih a ni. He speed trial an neih ah hian rel hi vawithum tlan chhin tir a ni a, a hmasa berah hian 50 km/h a chaka tlan tir phawt niin, a vawihnihna ah hian 75 km/h a ch...

  1st. Sunday : Ruah nasa taka a sur avangin Pu Parzama te huan, Melsawmkham bul a mi chu a min a, hei hian a thlanga Chamdur kawng chu mihring leh lirthei kal tlang theihlohin a hnawh. 2nd. Monday : Pu Jacob Malsawma te dawr, Arpu Vêng a mi chu misualin an rawk a, gas cylinder, buhfai bag 3 leh cigarette engemawzat an ruk sak.  3rd. Tuesday : Daklalui kawng leimin chu Aizawl DC tirhin Tlangnuam BDO in a rawn en a. VC leh Sihphir bialtu VLAA ten an tawiawm. A hmunah hma lak dan tur sawi ho nghal a ni. 4th. Wednesday : Rohrenga hall-ah ni za inhlawhna chungchangah gram sabha neih a ni a, hetah hian ni 12 hlawh, cheng 3372/- lo lut atangin khawtlang hnathawhna atan 40% dah turin an rel. 5th. Thursday : VC kaihhruaina a din, Disaster Management Committee vawi 1-na chu Rohrênga Hall, Kawnvengah  ṭhutkhawm a ni a, Sihphir khua in khuarel chhiatna leh chhiatna hrang hrang  thleng thei lak a in ven dan tur te, chhiatna lo thlen a buaipui dan tur leh hmalak dan tur te sawiho...

  (Sawiremtlang editorial) Hun pangngai-ah chuan tunkar Thawhlehni kha branch thlabi committee (thlakhata Thawhlehni hnuhnung ber) hun tur a ni a, amaherawhchu, YMA day ni-ah thu hmanhmawhthlak a awm avanga emergency committee kan neih avang leh tun dinhmunah thil hmanhmawh thlak em em ngaihtuah tur a awm loh bawk avangin June thla committee chu neih a ni ta lo.  Kan ramah kohhranah leh tlawmngai pawl hrang hrang kan tam hle a, heng pawl hrang hrang te hian thlabi committee emaw inkhawmpui-ah rorel thin a ni. Pawl thenkhat chuan (kan awmna pawl te kha ngaihtuah ta ila) thu pawimawh a awm lemloh pawhin committee hrim hrim tum an awm thin. Kohhran thenkhat lahin inkhawmpui agenda neih loh bik an duhloh avang maia ngaih theih turin thu pawimawh em em ni a lang lemlo thehlut pawh an awm nawk niin kan hun kal ta-ah kan hre hlawm awm e. Thlabi committee neih hrim hrim emaw inkhawmpui agenda neih hrim hrim hi thu pawimawh a awm lemlo a nih chuan tih/neih loh hi thil pawi a ni hauhlo....

 (Sawiremtlang report) Pathianni kal ta khan Pu Lalrammawia, kum 65 h/o Laltlanmawii, Dinthar Veng chu amah zawnga ramchhuak khawtual tlangval te chuan thi in an hmu.   Pu Rammawia hi ramvachal tak niin, tunkar Ningani khan sa chan paha thangtung kheh tur zawngin a ramchhuaka, hemi tum hian Sarepkawn zau lam a pan tih hriat a ni. Hemi zan hian a haw mai lo na a, hun dangah pawh thlam remchang a awm chuan riah nghal mai chang a neih fo avangin a chhungte pawhin ngaihthat lohna an nei lemlo. A ni hi Sunday school inkhawm ngaipawimawh mi tak a nih avangin hetianga a ramchhuak a riah chang pawh hian Inrinni-ah a haw leh mai thin. Kumin pawh hian a la kaikim hial niin an sawi. Hetiang mi a nih avang hian Inrinni-ah a lo haw mai turah a chhungte hian an ngai. Amaherawhchu, Inrinni-ah pawh a haw mai taklohah chuan chhung leh khat, thenrual tha ten chin ngaihven tha a hria in Pathianni zingkar khan mi thenkhat an huan daklalui leh a chheh vel dapin an chhuaka, an hmuh mai loh ava...

 (Sawiremtlang editorial) Kar hmasa khan 'Khawchhia' tih hmangin editorial kan ziak a nih kha. Khami tum khan ruahsurin chhiatna a thlen fo avanga pi pu ten 'khawchhia' tia an phuah mai chungchang kan sawi a nih kha. Tunlai chu hian ruah a sur duh hle mai a, tarlan tak angin he ruah hian chhiatna tam tak thlen fo mah se Pathian malsawmna ropui tak a ni. Keini, kut hnathawka eizawng tamna khua-ah phei chuan ruah hi kan nghahfak ber a ni hial awm e. Tui nei tha deuh ten thal thlai an siam a, nitin tui leihin an chawm puitling ve mai. Amaherawhchu, hnianghnar taka tui kan pek laiin kan tui pek zat vel tho ruahtuiin kan thlai te a han nan meuh chuan thlai an kang awk awk mai thin a nih hi. Ruahah hian thlai tana chawtha a tam hle tih a ti chiang mai awm e. Hei vanga 'malsawm ruah' ti ta pawh kan niin a rinawm. Fur a la ni chho dawn chauh a ni a, he ruah hi i tan leh ka tan malsawm ruah lo ni zel rawh se.

 (Sawiremtlang heading edited) Tunkar Ningani khan Central YMA hnuaia ruihhlo dotu pawl, Central Anti Drugs Squad (CADS) chuan Pu Lalthlamuankima (MK-a) s/o H. Lalchhuanawma (L), Chhanhim veng hnen atangin ruihhlo (heroin) hawng 12 leh pawisa fai cheng nuai khat an man. Kan thu lakna in a sawi danin tunkar Ningani chhun dar 12 vel khan Durtlang North BSF Camp bul kawi zauah CADS te chuan Pu MK-a kut atang hian No. 4 hawng khat an man sak a, Excise & Narcotics (E&N) kutah an hlan nghal. CADS te hian drugs addict te hnen a No. 4 an man sak atanga a hralhtu chhui zui zelin Mka hi an rek fuh ta nia thudawn a ni.  E&N te hian a dang a la kawl a an rin avangin an Inah an rawn phur chho a, tichuan, a pick up atangin hawng 4 an man sak leh ta a ni.  E&N lam hi an haw thlak zet hnuah a la awm an rin avangin an rawn chho leh a, hawng 7 an man belh leh a, a vaiin hawng 12 an man ta a ni. Hetianga tam ruihhlo man hi Sihphirah a la awmlo nia hriat a ni. Sihphir khua a ...

  (Sawiremtlang editorial) Ruah a lo sur buan buan a, mitin mai chu ruah nan hlauin kan tlan chawn chawn thin. Hetih hun lai hi chuan khawlai a chiau pur a, ram lamah lah vangvat leh rul inlar duh hunlai a lo ni ve chiah bawk. Pi pu te khan he hun hi 'khawchhia' an lo ti a, an ti dik ngawt mai. Kumin chho-ah beisei aiin ruahtui kan hmu har a, ruah dilin kohhran leh mimal ang pawhin kan tawngtai hlawm ngei in a rinawm. A han sur chiaha, a lawmawm viau rualin khawlai leh ram lam kawng a chiau per pur a, thuamhnaw leh thil tul dang phona hun pawh a awm meuhlo thin. Kan han pho ve bawk a, ruah lo tla in hmanhmawh phelengin kan seng leh a, fur lai na na na chuan inpho leh seng reng rengin kan tlan zak zak mai thin a nih hi.  Nikum tun ang hun velah khan ruah tam tak sur (cyclone remal) chu Zoramin nasa takin kan tuar a, mi 34 ngawtin nunna an chan a nih kha. Kumin chho-ah hei hmun hrang hrangah leimin, tuilian, inchim leh chenna rauhsan ngai engemawzat an awm a, nunna chan mi 5 nga...

  1st. Thursday : Bairabi atanga Sairang pawh tur rel kawng siam hna chu zawhfel a ni a, a him tawk em tih enfiah nan Sairang thlengin rel tlantir chhin a ni a, hlawhtling takin a kilometre 51 chuang a rawn zawh a ni. A hma in rel hian Sairang hi a la rawn thleng ngailo a ni. 2nd. Friday: State Council of Educational Research and Training (SCERT) Director, Caroline Zoramthangi chuan Champhai DIET-a NIELIT CCC Study Centre chu hawngin Mobile Application thar, DIET Champhai Management System a tlangzarh bawk.   3rd. Saturday : Farkawn VDP duty-te chuan zu tam tham tak Cher Thluai (50yr), Ṭha Lian Sang (30yr) leh Sang Lian Thang (33yr) Lunglerh, Burma vek hnen  atangin an man. niin an insawi. An zu man te hi tualchhung rate-a chhutin ₹-122,800/- man hu a ni a, hal ral nghal vek a ni.  4th. Sunday : Venghlui Kohhran Biak Inah Synod Mission Board hnuaia thawk tur, Missionary 50 (mipa 16 leh hmeichhia 34) tirh chhuah inkhawm neih a ni. 5th. Monday: "Lalpan min ko ta, ...