Skip to main content

RAM LEH HNAM HUMHALH

 

Kumin (2024-2026) hian Central YMA chuan kumpuan thupui atan 'Ram leh hnam humhalh' tih a puang leh a, hei hi kumpuan thupui kum 1983 a kan hman aṭanga ṭum 14 zet kumpuana kan neih tawhna a ni nghe nghe. Chuvangin, a pawimawh hle tih a chiang mai awm e.


Kan chanchinbu-ah hian kumpuan lam hawi hi kan tarlang khat hle mai a, hei hi hriain kan editorial board member zinga pakhat chuan 'ziah ve a tha lo maw' a ti a, bul tan hmasa-ah ka han tang a ni e.


Ram leh hnam humhalh tih hian a huam zau hle mai a, kumpuan a kan neih tawh thupui hrang hrang te pawh hi ram leh hnam humhalh tih huangah hian a tel thei vek awm e. Ziah tur tam hle mah se hlawm thum chauh lo tarlang ta ila :


1. TAM : Kan ram (India) ah hian state dang ngaihtuah chuan mihring cheng kan la tamlo khawp mai a. Thenkhat phei chuan chimrala kan awm mai pawh an hlau viau a nih hi. A mawh lo e. India hi khawvela mihring tamna ber kan ni a, (tld 1.44 chuang chengin kum 2022 khan China kan pel a ni.) Mizoramah mihring maktaduai erh awrh chauh kan awm thung. Chu pawh Mizo hlang kan la ni lo zui. Ram thenkhatin mihring pung chak lutuk tur venna atana family planning an tih lah chu a mamawh lo ber hian kan thlawp phian lehnghal a. Chuvangin, a thei tan chuan Pathian thu te a lo ni bawk nen neih pawp pawp mai hi kan ram tan a hlu viau in a rinawm. Mihring kan tam chuan kan ram awl awm dei duai hi luahtu pawh kan awm anga, ramria kan buaina thin tam tak pawh hi luahtu kan awm miau chuan kan buailoh phah deuh pawh a rinawm.


2. TAWNG : Zo hnahthlak peng dangin an helhlo turah ngai ila, tuna kan tawng hman lai chungchang hi kan sawi dawn a ni. He kan tawng hi engtik atanga hman nge hriat mai theih a ni lo a, mahse, kum za chuang fe chu kan hmang tawh tih history atangin kan hre thei ang. Kan changkang telh telh a, zirna pawh a tha tulh tulh mai. Ti ve khanglang ila kan naupan lai chuan American standard leh Holy Angels bak Sihphirah sap sikul a awmlo. Aizawla kal te chu awm ve bawk mah se kan tam lo hle. Saptawng kan ngaisang em em a, a hman erawh kan tim viau. Tuna sap sikul a kan kal deuh vek tak atang erawh hi chuan saptawng hman kan tim ta meuhlo a, thenkhat phei chuan Mizotawng aiin hman nuam kan ti mah emaw tih tur a ni hial mai. 


Hetah tak hian a ni inenfiah kan ngaih tak chu. Saptawng hman dik loh hlau viau si hian kan tawng erawh kan hmang duhdah ta viau mai a, a ziak ngat phei chuan kan uluk lo lehzual in a lang. 


A thuhrimin thu kan sawiin tul em ema lang lem lo-ah pawh saptawng thumal kan zep thlazen a, lehkhathiamlo tan phei chuan Mizotawnga thu sawi mah ni se an thil sawi hriatthiam loh kan nei nawk mai a nih hi.


Naupang ni se sikul an kai theih hma atangin saptawng kan zirtir a, hei hian kan A AW B hlamchhiah tirin Mizotawng ziak an thiam loh nasat phah hle in a hriat. Zirna a changkang tawh. Saptawng chu an thiam vek tawh tho tho dawn. Chuvangin, an tet lai hian pianpui tawng tal hi a awmzia hrethiam sela, chu chu kan hnam himna tur pawh niin a lang e.


3. INTODELH : Ram leh hnam humhalh tura pawimawh hmasa chu intodelh hi a ni awm e. A chunga sawi tak, chimrala awm kan hlauh em em hi kan intodelh tawk loh vang a tih theih ang. Midang tel loin khawsak theih a nih loh zia chu hre tho mah ila, kan intodelh loh avanga kan rama hnamdang an tam zia hi kan hre mai awm e. Khawchhak lam unau te (kan chipui te chu an ni maithei e) avanga ruihhlo a kan naute buai phah nasat zia kan hria a, kan Indian pui (vai) ten kan chan ai (ration) min ei hek nasat zia te hi kan hrethiam lo mai mai a ni. A pawimawh berah chuan tun aia taimak kan chhuah a, tihtakzeta hna kan thawh a tul a ni.


Engpawhnise,  hlim leh nuam ti taka kan len lai leh thil a nih dan tur ve reng a ngaia kan khawsak mai mai lai hian hnamdang, ruihhlo, sex chhe mi leh thatchhiatna  ten min chiahpiah mek a nih hi. In siamṭhatna hun kan neih lai hian Ram leh hnam humhalh turin kan finna leh chakna te hmangin ṭan i la nasa leh zual ang u.


Ka lawm e.

Comments

Post a Comment

Popular posts from this blog

KUM ZA CHHUNGA MIZO HMEICHHIATE DINHMUN

 1. Tunhmaa an dinhmun : Kan pi pu te khan 'Hmeichhe finin tuikhur ral a kai lo', 'Hmeichhia leh uipui chu lo phun lungawi mai mai rawh se' tih leh 'Hmeichhe hna, hna ni suh, chakai sa, sa ni suh' tih te hi an ṭawng duh dan a ni a, hetaṭang hian hmeichhia te an dah hniam ṭhin zia a chiang viau awm e.  Nula in inleng a neihin an mi ngei zawng tak pawh ni se, biak chhiat an ngaitheilo a, ngaihtheih loh chu sawi loh, thianglo hialin an ngai a ni. Khawvar tirh aṭangin hna an ngah nghal hle mai a, tuichawi, buhden, ei rawngbawl, chawei siam leh a seng fel. An kuta awm vek a ni. Pi pute hunlai kha chuan an eizawnna hi a inang ṭhûma, lo neih a niin an feh tlut tlut ringawt mai ṭhin a, chuvangin, Mizo hmeichhia te chuan hetia'ng nikhua hian feh tur mamawh zawng zawng hi an tihtura ngaih vek a ni a, an emin an phurh vek a ngai bawk ṭhin. Mipa chuan iptepui an ak ve hram chauh a ni.  Feh haw'n kawngah lah hmeichhia chuan em khatin in lam mamawh an phur haw ...
Post a Comment
Read more

CHANCHINBU MAN KHAWN A HUN LEH DAWN TA

  Thlatina Inrinni hnuhnung ber hian chanchinbu man khawn a ni tlangpui a, thlathar Inrinni hmasa ber leh remchang danga khawn pawh kan awm zeuh zeuh bawk. Thla a lo tawp (Inrinni hnuhnung ber) leh takah hian chanchinbu man pek lamah tan i la teh ang u. Kan chanchinbu hi thla khat lak man cheng 30 kan ti a ni a, heti hian a mah leh a mah a intum tawk vel viau a ni. A man pawh a lut tha tlangpui a, a lawmawm. Chutihrualin, pek lam ngaihsak lutuklo kan awm leh zeuh thin erawh a zialo thin khawp mai. Chanchinbu hi naupang semtir thin a ni a, a man khawn thu-ah pawh anni hian an keng tlang mai thin. Naupang an nih avang tak hian thenkhat hian zahlo taka lo tawngkhum in 'min pe ngai silo a, a man khawn hre hlur ringawt mai' tih an hlawh fo niawm tak a ni.  Thenkhat chhiar duh si a man pe duh manglo te pawh an awm niin a semtute hnen atangin thu kan dawng fo. A zialo khawp mai. Tin, pe emaw intia pe silo te pawh a awm theih a nia. Naupang rilru thianghlim tak te an ni a, rilru sual ...
Post a Comment
Read more

BIBLE CHHIAR

Lehkhabu, a kawm dum, a changtupa thihna ‘Bible’ kan tih mai hi hi khawvela lehkhabu darh zau leh copy pawh tam ber a ni awm e.  He lehkhabu hi chatuan nunna kawng min kawhhmuhtu lehkhabu hlu tak a nih avangin chhiar ngei tur a ni a; a chhiar ve lo pawh chhiar tura in fuih a tul bakah hnam hnufual zawk te pawh chhiar tur chhawp chhuah sak theih hi a tul ngawt mai. Chutiang atana mi thahnemngai tlem azawng an awm pawh hi a tihzia e. Tunhma chuan nitina chhung inkhawm nei thin kan nia; (tunah erawh ‘tunlai chuan mihring kan tul tawh a’ tih chhuanlam tute zingah ka tel ve ta.) chu’ng lai chuan ka pa hian kumthar project-ah ka u hnenah Thuthlung Thar bu pumpui hi chhiar chhuak turin a tia;  kei Chanchin Tha bu li te, tin, ka naute pahnih chu Sam bu chhiar turin a ti bawk. Ka unau dangte khan ka pa  ngenna kha an ti hlawhtling ta em? ka hre ta chiah l’aw, kei erawh chuan ka tih hlawhtlin mai bakah Thuthlung Thar zawng zawng chu ka chhiar ta vek a, ka tui tak zel avangin Thu...
Post a Comment
Read more