Skip to main content

INDIA HI KAN RAM A NI

 


Tunkar Ningani kha India ram in British laka zalenna kan channa champha a ni a, state hrang hrangah lawm a niin Mizoramah pawh Aizawl bakah thingtlang khaw lian deuhah te pawh lawm a ni.

Zalen kan nihna hi a hlu in a ropui takzet a ni. Mizoram hi India ram a state pakhat kan ni a, chutih rualin MNF movement avang kan ti dawn nge, Mizote chu tun hma deuh leh tunah pawh mi thenkhatte chu India-ah kan la inngai hlei thei lo. Infiamna lamah pawh ram buai lai leh a hnu rei tak thleng khan India aia Pakistan tan zawkte pawh an awm nia sawi a ni.

India rama awm reng si a, khawi dangah mah pem chhuak dawn lo tih lang reng si, India mi ni na na na India-a ingaih theih lohte chu atna chi khatah pawh a ngaih theih hial awm e. Chuvangin, India mi nihna  nihnaa chian hi thil pawimawh tak a ni.

Mifing pui a ngaih thenkhat lah hian India mi kan nihloh thu an sawi leh mai thin. Hei hi a zialo takzet a ni.

India hi a zau tham khawp mai a, khawvel ram zau lama pasarihna ni hialin (3,287,590 square kilometers=1,269,345 square miles)
mihring pawh kan tam ber a ni.(tld 1.44 chuang chengin kum 2022 khan China kan pel a ni.)

Chuvangin, tlang leh phai a awm angin a mi cheng te pawh hmel leh pianze hrang hrang bakah sakhaw hrang hrang vuan kan ni a, chu chu ram zau leh changkang tak dang ho pawh hi an ni tih hriat a tha.

Khawchhak lama kan unau te tiin Burma leh China te hi ti chikhat viau in anni nen ram bung khatah chen tum eng ang mah ila, kan intih Indian hreh chhan Vai an in zarpharh vek tho a nia. India ramah pawh hian kan chhinlung chhuah pui pawh tam tak an cheng tih hria ila, lungawi taka India mi nih hram hram tum hi a fuh mai hmel e.

Comments

Post a Comment

Popular posts from this blog

KUM ZA CHHUNGA MIZO HMEICHHIATE DINHMUN

 1. Tunhmaa an dinhmun : Kan pi pu te khan 'Hmeichhe finin tuikhur ral a kai lo', 'Hmeichhia leh uipui chu lo phun lungawi mai mai rawh se' tih leh 'Hmeichhe hna, hna ni suh, chakai sa, sa ni suh' tih te hi an ṭawng duh dan a ni a, hetaṭang hian hmeichhia te an dah hniam ṭhin zia a chiang viau awm e.  Nula in inleng a neihin an mi ngei zawng tak pawh ni se, biak chhiat an ngaitheilo a, ngaihtheih loh chu sawi loh, thianglo hialin an ngai a ni. Khawvar tirh aṭangin hna an ngah nghal hle mai a, tuichawi, buhden, ei rawngbawl, chawei siam leh a seng fel. An kuta awm vek a ni. Pi pute hunlai kha chuan an eizawnna hi a inang ṭhûma, lo neih a niin an feh tlut tlut ringawt mai ṭhin a, chuvangin, Mizo hmeichhia te chuan hetia'ng nikhua hian feh tur mamawh zawng zawng hi an tihtura ngaih vek a ni a, an emin an phurh vek a ngai bawk ṭhin. Mipa chuan iptepui an ak ve hram chauh a ni.  Feh haw'n kawngah lah hmeichhia chuan em khatin in lam mamawh an phur haw ...
Post a Comment
Read more

CHANCHINBU MAN KHAWN A HUN LEH DAWN TA

  Thlatina Inrinni hnuhnung ber hian chanchinbu man khawn a ni tlangpui a, thlathar Inrinni hmasa ber leh remchang danga khawn pawh kan awm zeuh zeuh bawk. Thla a lo tawp (Inrinni hnuhnung ber) leh takah hian chanchinbu man pek lamah tan i la teh ang u. Kan chanchinbu hi thla khat lak man cheng 30 kan ti a ni a, heti hian a mah leh a mah a intum tawk vel viau a ni. A man pawh a lut tha tlangpui a, a lawmawm. Chutihrualin, pek lam ngaihsak lutuklo kan awm leh zeuh thin erawh a zialo thin khawp mai. Chanchinbu hi naupang semtir thin a ni a, a man khawn thu-ah pawh anni hian an keng tlang mai thin. Naupang an nih avang tak hian thenkhat hian zahlo taka lo tawngkhum in 'min pe ngai silo a, a man khawn hre hlur ringawt mai' tih an hlawh fo niawm tak a ni.  Thenkhat chhiar duh si a man pe duh manglo te pawh an awm niin a semtute hnen atangin thu kan dawng fo. A zialo khawp mai. Tin, pe emaw intia pe silo te pawh a awm theih a nia. Naupang rilru thianghlim tak te an ni a, rilru sual ...
Post a Comment
Read more

BIBLE CHHIAR

Lehkhabu, a kawm dum, a changtupa thihna ‘Bible’ kan tih mai hi hi khawvela lehkhabu darh zau leh copy pawh tam ber a ni awm e.  He lehkhabu hi chatuan nunna kawng min kawhhmuhtu lehkhabu hlu tak a nih avangin chhiar ngei tur a ni a; a chhiar ve lo pawh chhiar tura in fuih a tul bakah hnam hnufual zawk te pawh chhiar tur chhawp chhuah sak theih hi a tul ngawt mai. Chutiang atana mi thahnemngai tlem azawng an awm pawh hi a tihzia e. Tunhma chuan nitina chhung inkhawm nei thin kan nia; (tunah erawh ‘tunlai chuan mihring kan tul tawh a’ tih chhuanlam tute zingah ka tel ve ta.) chu’ng lai chuan ka pa hian kumthar project-ah ka u hnenah Thuthlung Thar bu pumpui hi chhiar chhuak turin a tia;  kei Chanchin Tha bu li te, tin, ka naute pahnih chu Sam bu chhiar turin a ti bawk. Ka unau dangte khan ka pa  ngenna kha an ti hlawhtling ta em? ka hre ta chiah l’aw, kei erawh chuan ka tih hlawhtlin mai bakah Thuthlung Thar zawng zawng chu ka chhiar ta vek a, ka tui tak zel avangin Thu...
Post a Comment
Read more