Lalchhanhima Varte

YMA Day chu Pathian hruai na in tluang taka hman zawh a ni ta. Keini branch hian kan ni pawimawh tak mai hi inkhawm nan hian kan hmang khat ta hle mai a, a chhan ber chu pawisa harsatna chu thuhran ni se member ten kan hlut tawk talo a hriatna hi a ni ber awm e. Tuntuma YMA day kan hman tur hi a hma daih in Branch OB te bakah section tin hruaitu te kal khawm chuan  ruahmanna an lo siam tawh a, hemi tum pawh hian inkhawm neih kan han rawt ngawt na a, mipuiin kan hlut tawklo ang tih hlauhna a lian hle.  Hun a kal zel a, huphurh ru tak chunga kan thlir chu a hlawhtlinna kan hmu ta a, lawmlo kan awmlo hial awm e.  May thla chhungin kan khawtlangah thihna in thla a zar nasa hle mai a, June thla kan kai phat atangin thihna bawkin a chhunzawm. Thi vek tho tur mah ni ila, damlo na tak tak kan khawchhungah an awm nual tih kan hre bawk nen, thla a phang duh hle. Amaherawhchu, member te bakah kohhran ho tawngtaina kan dawng nasa a, kan hlauh ber thihna chuan min ti buai talo hlauh m...

  Kar hmasa Inrinni kha YMA (Young Mizo Association) din champha vawi 89 na a ni a, branch hrang hrangah hman a ni. He hun hmanpui hian Central YMA hruaitu te pawh an zin chhuak nasa hle a, President, Pu Lalhmachhuana chuan chawhma-ah ITI, chawhnu-ah Chungtlangah leh zanah Chaltlang Lily vengah te hun hmanpuiin chief minister, Pu Lalduhoma chuan Biate lamah a hmanpui bawk. Sihphir branch YMA chuan he hun hi hun hniha thenin Zirtawpni, ni 14 zan kha 'urlawk zan' tia vuahin lengkhawm zai hmangin section tin te an inel a, section tin te hian chanvo dang pakhat theuh neiin sports meet kan hman zawh tak result puan nghal a ni bawk. He hunah hian Vana pa section chu pakhatna niin an leader, Pu RK Laltlanhlua chuan trophy a chawi a ni. He hunah hian tunlai Zoram dung leh vanga zaithiam lar, Jaui chuan kalkhawm mipui min awi a, tualchhung zaithiam hrang hrang an inlan bawk nen hun hlimawm tak kan hmang a ni. A day ni tak hi chawhma dar 10:30 ah tan a ni a, inkhawm hi president,  Pu La...

 Sawiremtlang editorial) Media & Documentation sub-committee kumthar duan thutkhawm naah chuan member thenkhat ten ziak mite tan thu inziah siak (writting competition) buatsaih an rawt a, kan sawiho fe hnuin tunlaiin miin ziah lam kan peih vak taloa hriatna a awm avangin a hlawhtlin loh palh kan hlau deuh a, hemi tum hi chuan ngaihtuah that leh atan tiin thu kan ti tawp. Amaherawhchu, library sub-committee lamin an lo rawt ve tho mai chu niin. Anni lam hian keimahni, media & documentation nen'a tih dun dan tur an lo ngaihtuah a ni. YMA day a lo hnaih tak chinah intihsiak chung chang hi sawi leh a ni a, heti hian a hlawhtlinna kan hmu ta a ni. Tuntumah hian article leh lemziah hi a duh apiang tan tih a ni a, thawnthu tawi in phuah siak leh lemziah hi middle school chin tana tih a nih bakah High School leh higher secondary school chin tan article buatsaih a ni bawk. A hlawhtlin loh kan hlauh em avangin sikul lamah zirtirtu te tan min lo lak pui turin kan sawma, anni'n tha...

  (Sawiremtlang heading atana ruahman a ni naa, pawimawh zawk a awm avangin a leng talo)  Mizoram-in Lok Sabha-a seat a neih chhun hnawhkhah nana kumin April ni 19-a vote tla te chu Thawhlehni khan Mizoram hmun hrang hrangah chhiar a ni a, ZPM Candidate, Richard Vanlalhmangaiha chu thlan tlin a ni.  Vote hi Thawhlehni zing dar 8 atang khan District hrang hranga Counting Hall siamah chhiar tan a ni a. Zoram People Movement (ZPM) Candidate, Pu Richard Vanlalhmangaiha hian Vote 2,06,377 hmuin amah hnaih bertu MNF Candidate, Pu K. Vanlalvena chuan Vote 1,39,532 a hmu a. INC Candidate, Pu Lalbiakzama chuan Vote 97,761 a hmu in, BJP Candidate, Pu Vanlalhmuaka chuan Vote 33,009  hmu bawkin, PC Candidate, Pi Rita Malsawmi chuan Vote 3681 a hmu bawk. Tin, Independent Candidate, Pu Lalhriatrenga Chhangte chuan Vote 4,663 hmuin NOTA ah 1,866 a tla bawk a ni.  Mizoram bikah hian rorel lai, ZPM an chetha hle a, assembly constituency 40 awmah bial 37 zetah sang ber nihna hauh...

  Thla khat aia rei mah liam taa Mizoram MP tur kan thlan result chu Thawhlehni khan puan a ni ta a, ZPM party candidate, Richard Vanlalhmangaiha chuan vote 2,06,377 zet hmuin thlan tlin a ni. Election dawn khan boruak a dai hle mai a, a tua mah khan tlin an tum tak tak lo emaw tih mai tur a ni! MLA inthlan nena khaikhin chuan mipui pawhin kan ngai urhsun lo hle in a hriat. Tuntuma tling ta, Pu Richie-a hi inthlan dawn khan boruak nei lian ber tih theih a ni awm e. Chupawh a thalo lama a larna kha a langsar zawk mah nghe nghe in a lang. Phek thumnaa kan tarlang ang hian thlahtu atang pawha mi hmingtha tak chhungkua an nia, chuvangin, a hmingchhiatna lar chiam mai pawh kha inpuh chhiatna mai mai pawh a ni maithei. An puhna kha thudik lo ni pawh nise famkim lohna ram a la ni miau a, a insiam tha thei turah ngai ang.  Engpawhnise, dinhmun sang tak atangin sang lehzualah mipuiin beiseina sang tak nen kan hlangkai ta a ni a, Mizoram mai bakah India ram tan pawha roreltu tha tak ni ...

   PIAN LEH MURNA Richard Vanlalhmangaiha (Richie) hi Wing Commander Lalzawma (retired) leh Zorengpuii (L) te fa tlum ber a ni a. Indian Airforce-a a pa thawh laiin August 3, 1978-ah  Gorakhpur, Uttar Pradesh-ah a piang a. Kum 2009-ah C. Lalhmingmawii, Ramhlun South nen an innei a. Tunah hian a pa hoin Aizawl Venghluiah a nupui fanaute nen an cheng mek a ni. ZIRNA LAM St. Edmund's School, Shillong-ah a kal thin a. Mizoram an rawn chhuah chhoh hnuin Hrangbana College atangin B.Com a zo a ni. Tin, tawng lamah hian English, Hindi leh Mizo te a hmang thei vek a ni. EIZAWNNA MAMCO-ah kum 13 a thawk a, Asst. Manager niin kum 2015-ah khan Early Retirement-in a chhuak a. He mi hnu hian sumdawnna lamah kalin a tul tul a thawk zui a ni. POLITICS ZIN KAWNG March 27, 2023-ah ZPM Party zawmin General Headquarters-ah Secretary-a ruat a ni a; ZPM Tawngtai Pawlah Committee Member a ni mek bawk. Kumin 2024 ZPM Party General Headquarters Executive Member thlannaah khan thlan tlin leh a ni ...

  1st. Wednesday : Govt. High School, Sihphira Headmaster, Pu Lalnghakliana pension-in a chhuak a, School-ah thlahna hun hman a ni. 2nd. Thursday : Lallianzela kum 34 h/o Lalvenpuii, Kawn Veng chu 'Thin tha lo' avangin 7th Day Hospital, Vaivakawnah a boral.   3rd. Friday : Branch YMA Executive Committee chu Rohrenga Hall-ah neih a ni. 4th. Saturday : Kristian Thalai Pawl, Sihphir Pastor Bial buatsaihin Sihphir Presbyterian kohhran Cenenary Hall-ah tleirawl leh rawitharte pualin ruihhlo hlauhawm zia inzirtirna neih a ni. He hunah hian Dr. C. Ramdinthara, Synod Hospital Durtlang chu Resource person a ni. 5th. Sunday : Lalnemi, kum 52, w/o Dokhuma (L) Arpu Veng chu 'Pneumonia' natna avangin Synod Hospital, Durtlangah a boral.   6th. Monday : Huankunga, kum 78 h/o Lalzamliani,  Chhanhim Veng chu an chenna Inah 'Thawhah' vangin a boral.   7th. Tuesday : Taitesena section YMA te chuan tumlaia Sihphir chhul chhuak film thar 'Dak pu' tih chu YMA Hall-ah a...

  1st. Wednesday : C Lalhriatzela (44), h/o Lalnunziri, Champhai chu Salem Veng, Aizawlah a ma khalh lai, maxi cab-in a delhhlum.  Motor hi kawng chho a a kal laiin a zolo a, motor kamna tur a zawn laiin maxi cab hi lir thutin a let a, C Lalhriatzela hi a delh ta a ni. Damdawi in panpui nghal ni mah se, a hliam tuar loin a thi.    2nd. Thursday : Lallianzela kum 34 h/o Lalvenpuii, Sihphir chu 'Thin tha lo' avangin 7th Day Hospital, Vaivakawnah a boral. 3rd. Friday : Chhippui khua-ah Pu Zothanga te in chu bungrua chuh hman lohin a kang ral. Hemi tum hian fapa, Jakob Laldinsanga, kum 4 mi chu inchhungah a mu tih a hriat avangin thenawm nula, Lalbiakthangi chuan kang kar atangin a chhanchhuak. Amah pawh hian hliam a tuar nual a ni.  4th. Saturday : Kristian Thalai Pawl, Sihphir Pastor Bial buatsaihin Sihphir Presbyterian kohhranah tleirawl leh rawltharte pualin ruihhlo hlauhawm zia inzirtirna neih a ni. He hunah hian Dr. C. Ramdinthara, Synod Hospital Durtlang chu ...

 (Sawiremtlang editorial) Kar hmasa khan  kan thil tuipui engpawh hi engahmaha ngailo an awm teuh tih hriata rilru zau tak put a that thu kan sawi a nih kha. Kan thil tuipui ngai ho deuh tu chu mawl kan ti deuh mai thin niin a lang.  Sakawrhmuituai tlang kan nei a, a hmuituai lai taka zuk kal hram te chu a kal ngam velo te chuan mawl kan ti hle thin. A khampang hmawr taka kal a in selfie te, thingkung sang taka lawn te pawh mawl kan ti mai. Hmun dang deuhah Lianchhiari lunglen tlang lung tohlawt hmawra uai chunga thlala te ngat phei chu mawl kan ti ngawih ngawih.  Thenkhat chuan mihring min ti mawl tu ber chu sakhua leh politics niin an sawi thin. Kan party chu insual peih awm takin kan tan a, a hruaitu lu te erawh hamthatna an hmuh dawn chuan an insawn kual vel mai mai si. Hindu mi hausa pakhat chuan an pathian lim hmaah a pawisa tam zet chu a hlan mauh mai. Sihphir pa pakhat, harsa ve tak pawhin a chhungte damdawi leina tur an neihloh avanga an mangan viau laiin ko...

  (Sawiremtlang heading) Cyclone Remal avanga thli leh ruah thawk avang in Mizoram hmun hrang hrangah chhiatna a thleng nasa hle. Mi 34 velin nunna chanin ruang hmuh loh pawh la awm nual nia hriat a ni. Melthum leh Hlimen inkar tlang chu Thawhlehni zing khan a chim a, lei chim hian helai bawra cheng Mizo in pathum leh quarry-a thawk hnamdang te chenna in a hnawl chhe vek a, mi 18 velin nunna an chan nia hriat a ni. Tunhnai chhiatna zinga nunna chhat hnem ber niin a lang. Henglaii chhehvel khua te hian hemi tuk hian chhiat an tawk nasa hle. An chhiat tawh hun pawh hi a inrual tlang viau niin a lang. Hemi hma ni, Thawhtanni khan Lalrimawii (63) w/o Lalthangfala, Maubawk Veng, Aizawl chu Lungsei (Samlukhai bul) ah thlama an awm laiin, thlam hi leiminin a hnawl avangin a thi.   Hmun hrang hrangah leimin avang hian nunna chan an awm a, nunna chan lemlo in leh lo chan te phei chu tam tak an ni. Heng bakah hian Kanan Veng thlanmual chu nasa takin a min a, thlan 50 chuang chhiain...