Skip to main content

HSLC RESULTS A CHHUAK

  (Sihphir Town School te result a tha tlangpui)


Sawiremtlang heading 


Kar hmasa lama kan tarlan tak ang khan tunkar Thawhlehni khan MBSE chuan High School Leaving Certificate (HSLC) - 2024 result a tichhuak a. Zoram chhung a exam beitu zirlai 18,561 zingah mi 13,618 in an pass. Tun tum  a MBSE- in HSLC Exam result a tichhuah takah hian a pumpui a pakhatna chu Lalmoipuia Lawmzual, St Paul's HSS zirlai niin, full mark 500 ah 485 zet a hmu a ni..Zirlai zawng zawng passed vekna school 85 zet an awm laiin, zirlai failed vek school 18 lai an awm thung! 100% pass school 85 zingah hian S.K Memorial School, Arpu a tel.


Sihphir Centre AZL-27-ah hian  Sihphir Town school panga an exam a, an result a tha tlangin, a lawmawm hle. Pass 131 zingah Distinction - 8, First Division - 47, Second Division – 54, Third Division – 22 an ni a, Letter hmu hi 34 an awm bawk. Hetiang hi an dinhmun a ni.““Govt. High School, Sihphir :“Appear – 14  Pass – 11 (78.57%)“1st Division - 2“2nd Division - 8“3rd Division - 1““Sihphir Venghlun High School :“Appear – 75  Pass – 72 (96%)“Distinction – 2“1st Division - 23“2nd Division - 28“3rd Division – 19“S.K Memorial School :“Appear – 11  Pass – 11 (100%)“1st Division - 2“2nd Division - 7“3rd Division – 2““Holy Angels  School :“Appear – 19  Pass – 18 (94.74%)“Distinction – 1“1st Division - 12“2nd Division - 5“(Compartment – 1)““Young Learner’s School :“(PES, Sihphir Venglai)“Appear – 22  Pass – 19 (86.36%)“Distinction – 5“1st Division - 8“2nd Division - 6


Matrict result chhuakah hian thil ropui tak thleng a awm. Zeng hri avanga harsatna tawk mek, Venglai PES atanga pass ta, Dominic Vanlalpekhlua s/o V. Lalrindika, Kawn Veng chu Distinction a pass-in English, Mizo, Maths leh Science-ah te letter a hmu a ni. He hlawhtlinna ropui tak a lo hriat hian Pi Lalrinpuii, Minister, Social Welfare etc. chuan a office chamber, Secretariat-ah Dominic-a hi lawmpuina thingpui a inpui bakah thuziak leh Laptop a lo hlan a, ““Women & Child Development Director pawhin  cheng 5,000/- a pe bawk a ni. He hun hi Person with Disability (PwD) Commissioner, Pi Vanlaldiki Sailo pawhin a hmanpui a, Dominic-a u Zampuii pawh a chanchin hi Minister in a lo hriat avangin hruai tel ve tura a tih angin an hruai tel a. Sihphir Branch YMA Asst. Secretary Tv H. Lalrindika'n a tawiawm bawk a ni.

Comments

Post a Comment

Popular posts from this blog

KUM ZA CHHUNGA MIZO HMEICHHIATE DINHMUN

 1. Tunhmaa an dinhmun : Kan pi pu te khan 'Hmeichhe finin tuikhur ral a kai lo', 'Hmeichhia leh uipui chu lo phun lungawi mai mai rawh se' tih leh 'Hmeichhe hna, hna ni suh, chakai sa, sa ni suh' tih te hi an ṭawng duh dan a ni a, hetaṭang hian hmeichhia te an dah hniam ṭhin zia a chiang viau awm e.  Nula in inleng a neihin an mi ngei zawng tak pawh ni se, biak chhiat an ngaitheilo a, ngaihtheih loh chu sawi loh, thianglo hialin an ngai a ni. Khawvar tirh aṭangin hna an ngah nghal hle mai a, tuichawi, buhden, ei rawngbawl, chawei siam leh a seng fel. An kuta awm vek a ni. Pi pute hunlai kha chuan an eizawnna hi a inang ṭhûma, lo neih a niin an feh tlut tlut ringawt mai ṭhin a, chuvangin, Mizo hmeichhia te chuan hetia'ng nikhua hian feh tur mamawh zawng zawng hi an tihtura ngaih vek a ni a, an emin an phurh vek a ngai bawk ṭhin. Mipa chuan iptepui an ak ve hram chauh a ni.  Feh haw'n kawngah lah hmeichhia chuan em khatin in lam mamawh an phur haw ...
Post a Comment
Read more

CHANCHINBU MAN KHAWN A HUN LEH DAWN TA

  Thlatina Inrinni hnuhnung ber hian chanchinbu man khawn a ni tlangpui a, thlathar Inrinni hmasa ber leh remchang danga khawn pawh kan awm zeuh zeuh bawk. Thla a lo tawp (Inrinni hnuhnung ber) leh takah hian chanchinbu man pek lamah tan i la teh ang u. Kan chanchinbu hi thla khat lak man cheng 30 kan ti a ni a, heti hian a mah leh a mah a intum tawk vel viau a ni. A man pawh a lut tha tlangpui a, a lawmawm. Chutihrualin, pek lam ngaihsak lutuklo kan awm leh zeuh thin erawh a zialo thin khawp mai. Chanchinbu hi naupang semtir thin a ni a, a man khawn thu-ah pawh anni hian an keng tlang mai thin. Naupang an nih avang tak hian thenkhat hian zahlo taka lo tawngkhum in 'min pe ngai silo a, a man khawn hre hlur ringawt mai' tih an hlawh fo niawm tak a ni.  Thenkhat chhiar duh si a man pe duh manglo te pawh an awm niin a semtute hnen atangin thu kan dawng fo. A zialo khawp mai. Tin, pe emaw intia pe silo te pawh a awm theih a nia. Naupang rilru thianghlim tak te an ni a, rilru sual ...
Post a Comment
Read more

BIBLE CHHIAR

Lehkhabu, a kawm dum, a changtupa thihna ‘Bible’ kan tih mai hi hi khawvela lehkhabu darh zau leh copy pawh tam ber a ni awm e.  He lehkhabu hi chatuan nunna kawng min kawhhmuhtu lehkhabu hlu tak a nih avangin chhiar ngei tur a ni a; a chhiar ve lo pawh chhiar tura in fuih a tul bakah hnam hnufual zawk te pawh chhiar tur chhawp chhuah sak theih hi a tul ngawt mai. Chutiang atana mi thahnemngai tlem azawng an awm pawh hi a tihzia e. Tunhma chuan nitina chhung inkhawm nei thin kan nia; (tunah erawh ‘tunlai chuan mihring kan tul tawh a’ tih chhuanlam tute zingah ka tel ve ta.) chu’ng lai chuan ka pa hian kumthar project-ah ka u hnenah Thuthlung Thar bu pumpui hi chhiar chhuak turin a tia;  kei Chanchin Tha bu li te, tin, ka naute pahnih chu Sam bu chhiar turin a ti bawk. Ka unau dangte khan ka pa  ngenna kha an ti hlawhtling ta em? ka hre ta chiah l’aw, kei erawh chuan ka tih hlawhtlin mai bakah Thuthlung Thar zawng zawng chu ka chhiar ta vek a, ka tui tak zel avangin Thu...
Post a Comment
Read more