Skip to main content

CHIANGTEA DAKPU

 

April ni 24 zan khan WhatsApp kaltlangin Pu Lalthachianga (Chiangtea) hian a film siam an tlangzarh na hmuna kal turin chanchinbu enkawltu te min sawm ve thu ka dawng. A bika insawmna (special invitation) hi dawng ve nual tawh mah ila, hetiang lam erawh hi chu ka la dawng ngailo. A nihphung awm ang pawh ka hrethiam chiahlo. A tukah 'In lokal thei angem?' tiin min la chhu zui. Kal dan tur leh ticket man vel te ka zawh nak chuan an kal hma dawn avanga kalna tur chu mahni in ngaihtuah a ngaih tur thu leh ticket erawh a ngaih veloh tur thu a sawi ta mai. Special invitation dangah chuan hamthatna tehchiam a awm ka hre ngailo. Hei zet chu a dan a dang zar mai. Ticket man sen ve a lo ngai hauhlo mai a lo ni. 


Tichuan, tlangzarhna tur, Vanapa hall-ah chuan kan zuk kal ve ta. Pu Chiangtea chuan gate-ah min lo nghakin duty te sawmna (invitation lanna thlalak) entir kan tum lai takin a tul veloh thu sawiin min hruailut. Hall compound-ah chuan mipui an lo zin nuai nuai mai a, kan fim en tura a changtu tur te pawh an awm ve ta awm e. Mipa ho hre deuh vek siin hmeichhe lam erawh hriat a ram ka nei derlo nia. Mipa ho chu bia in thla te kan lakpui nual a, hmeichhe lam erawh filmstar an nih ring tho mah ila ka chiang miauloh avangin keimahni anga mi Naran ve mai an nih hlauhna nan thla ka lakpui ve ta lo. 


Hall chhung kan lut a, a rem lai laiah thuthmun kan rem ve tawp mai. Amaherawhchu, thutna tur min lo buatsaih sak thlap chu niin. Lehzel chuan. Film kalphung te sawiin momento te sem a nih hnuah a film hmuhnawm leh hllimawm zet mai chu kan en tlang ta a nih kha. 


A film hi dakpu pakhat thiltawn niin hmangaihna leh fiamthu chawhpawlh a ni a, hlima khek rawih rawih thawm a ri hnem hle.  Panlai nun min ngaihzual tir thei tamtak a inzep tel a, thlir a manhla hle.


He film hi Chiangtea kutchhuak a ni tih ka hriatna avang ringawt pawh hian ka chhuang tawh a nia, a thawnthu a ma ziah a ni tih ka hriat leh ngat phei kha chuan ka va chhuang lehzual tak. 


Kan section YMA hian kumthar duan committee kan neih tumin sumtuak nan Mizo film chhuah tum nise kan ti a, kan reh vang vang hnuah he film lo chhuak ta hian min va ti helhhawlh tak em. Ka thawhpui te berawnin chhuah ve turin kan in buatsaih taa, tun hi kan lo thleng ta a ni. (Thawhlehni zanah hlawhtling takin kan en tlang a nih kha.) Chiangtea hian zaithiam lar tak tak thla laksakin music video a siam nual tawh a, film puitling erawh a siam pakhatna a ni thung. Hei vang tak hian a hlu zual. A hlut lehzualna chu a changtute te zingah Sihphir thalai an lang nual a, Sihphir hmunhma tamtak a lan mai bakah an thusai velah pawh Sihphir kaihhnawih a tilang nasa hle. Hei tak hian Chiangtea cial zia a tilang chiang hle in ka hria.


Chiangte rim lehzualin tan la la, video pawh siam leh zel turin ka duhsak a che.

Comments

Post a Comment

Popular posts from this blog

KUM ZA CHHUNGA MIZO HMEICHHIATE DINHMUN

 1. Tunhmaa an dinhmun : Kan pi pu te khan 'Hmeichhe finin tuikhur ral a kai lo', 'Hmeichhia leh uipui chu lo phun lungawi mai mai rawh se' tih leh 'Hmeichhe hna, hna ni suh, chakai sa, sa ni suh' tih te hi an ṭawng duh dan a ni a, hetaṭang hian hmeichhia te an dah hniam ṭhin zia a chiang viau awm e.  Nula in inleng a neihin an mi ngei zawng tak pawh ni se, biak chhiat an ngaitheilo a, ngaihtheih loh chu sawi loh, thianglo hialin an ngai a ni. Khawvar tirh aṭangin hna an ngah nghal hle mai a, tuichawi, buhden, ei rawngbawl, chawei siam leh a seng fel. An kuta awm vek a ni. Pi pute hunlai kha chuan an eizawnna hi a inang ṭhûma, lo neih a niin an feh tlut tlut ringawt mai ṭhin a, chuvangin, Mizo hmeichhia te chuan hetia'ng nikhua hian feh tur mamawh zawng zawng hi an tihtura ngaih vek a ni a, an emin an phurh vek a ngai bawk ṭhin. Mipa chuan iptepui an ak ve hram chauh a ni.  Feh haw'n kawngah lah hmeichhia chuan em khatin in lam mamawh an phur haw ...
Post a Comment
Read more

CHANCHINBU MAN KHAWN A HUN LEH DAWN TA

  Thlatina Inrinni hnuhnung ber hian chanchinbu man khawn a ni tlangpui a, thlathar Inrinni hmasa ber leh remchang danga khawn pawh kan awm zeuh zeuh bawk. Thla a lo tawp (Inrinni hnuhnung ber) leh takah hian chanchinbu man pek lamah tan i la teh ang u. Kan chanchinbu hi thla khat lak man cheng 30 kan ti a ni a, heti hian a mah leh a mah a intum tawk vel viau a ni. A man pawh a lut tha tlangpui a, a lawmawm. Chutihrualin, pek lam ngaihsak lutuklo kan awm leh zeuh thin erawh a zialo thin khawp mai. Chanchinbu hi naupang semtir thin a ni a, a man khawn thu-ah pawh anni hian an keng tlang mai thin. Naupang an nih avang tak hian thenkhat hian zahlo taka lo tawngkhum in 'min pe ngai silo a, a man khawn hre hlur ringawt mai' tih an hlawh fo niawm tak a ni.  Thenkhat chhiar duh si a man pe duh manglo te pawh an awm niin a semtute hnen atangin thu kan dawng fo. A zialo khawp mai. Tin, pe emaw intia pe silo te pawh a awm theih a nia. Naupang rilru thianghlim tak te an ni a, rilru sual ...
Post a Comment
Read more

THLAZING

  (Sawiremtlang editorial) August thla han hman meuh chuan chhum a zing phui chuai reng mai a, upa ten 'thlazing' an lo ti pawh hi a awm viau mai. Amaherawhchu, heta thlazing tih hi pi pu te thla hming pakhat emaw ti kan awm leh mai thin. Mizo thla chhiar danah chuan Thitin thla a ni tih i hria ang u khai. Hmanlai chuan mitthi te hi pialrala kal nghal mai loin kan velah hian an la tap thin a, August thla hian mitthi khua an pan thin nia an ngaih avanga thitin thla ti pawh an ni niin a hriat. Chuvangin, August thla hi Mizo thla chhiar dan chuan thitin thla tihna a ni a, thenkhat ten thlazing tia an sawi erawh thla hming ang niloin tun thla chu chhum a zing chuai reng mai an tihna a nih chu. Mizo thla chhiar dan hriat hi kan mawhphurhna ni ve in a langa, thla chhiar dan mai bakah an nunphung te pawh hi hriat ve hram hram I tum ang u. August thla chu a zo ruai chu a ni leh ta a, ni reilo te-ah Ber thla kan kan kai anga, derhken, nuaithang, anthur leh senhri nu ten par an chhuang l...
Post a Comment
Read more