Skip to main content

APRIL 2024, SIH(PHIR) DIARY

 

1st. Monday : Rial nasa taka tla chuan chenna in tam tak a ti chhia.  


2nd. Tuesday : David Lallawmsanga te nupa, Venglai te chuan an fa tir atan fanu kg 3.895 chu synod hospital-ah an nei.


3rd. Wednesday : H. Lalthanhlira (Thantea), kum 56 s/o Haukunga Hauhnar chu Synod Hospital, Durtlangah ‘Chuap tha lo’ avangin a boral. A nupui, Lalawnemi leh an fate nen Tlang Vengah an khawsa thin a. Chhan hrang hrang avangin Durtlang North-ah in luahin a insawn ta a ni. A ruang hi helama dah tum hmasak a niin in te pawh singsak a nih hnu leh ruang la tur pawh an kal tawh laiin a unau te, Bawngkawn lam ami te chuan an la ta zawk a ni.  


4th. Thursday : Rebecca

Lalmuansangi d/o Vanlalchhunga, Zion

veng leh H Lalhmangaihsanga, Armed Veng te chu Armed veng UPC kohhran biak inah an innei.


5th. Friday : Mizoram sorkar thuchhuak ang leh Education Department in School Calender a siam zul zuiin 2024-2025 Academic

session atan Mizoram khaw hrang hrangah zirna school te hawn a ni leh ta a. Sihphir khuaa sikul hrang hrang te pawh lut ve  nghalin Sihphir khuaa School hrang hrangten sikul luh nia zirlai an neih zat hi 1239 zet a ni.


6th. Saturday : Gabriel Malsawmthanga te nupa chu East Phaileng atangin an rawn pem a, Zion venga Pu Lalchhanhima Varte in an luah dawn a ni.


7th. Sunday  : Venglai kohhran ten ni hnih awh, Kristian chhungkaw campaign an hman chu a tiak ta. He hunah hian Rev Johana, lecturer, MTC chu speaker a ni.


8th. Monday : Damveng a Pu Sangzuala (L) in bul culvert, bawlhhlawh in a hnawh chu a bul hnai a awm ten an thian fai.


9th. Tuesday : Melsawmkham a, thingkung pakhat chu electric department lam chuan connection thar hrui zamna tur atan a hnawk avangin an kit.    


10th. Wednesday : YMA Central Coordination Committee ( CCC) meeting vawi 99-na chu Bawngkawn South YMA Hall-ah neih a ni a, he hunah hian Sihphir branch atangin, president, Pu Lallianfala a tel.    


11th. Thursday : YMA bultumin tualchhung rawlthar te puala thlan laih dan kalhmang leh nunphung mawi inzirtirna buatsaih a ni a, rawlthar mi 120 vel zet thawkchhuak in Val upa ten fuihna thu chi hrang hrang te an sawi bawk.  He hunah hian thlan pahnih laih a ni.


12th. Friday : Chalthangvunga, kum 88 f/o Pu R. Lalngentluanga, Chhanhim Veng chu 'Heart Attack' avangin Synod Hospital, Durtlangah a boral.    


13th. Saturday : Synod-in kohhran harsa zawkte khaichhuah programme a kalpuia Venglai Kohhranin an chan, Lawngtlai Bethel Presbyterian Kohhrante chuan Venglai kohhran an rawn tlawh.


14th. Sunday : April ni 24 atanga Inter Branch YMA Cricket Tournament lo awm tura Sihphir Branch YMA team te jersy lei nan Rs. 15,000/- zet chu Pu H.Laltanpuia, Neihbawi chuan YMA a pe.  


15th. Monday : Zoram People Movement (ZPM) party te chu YMA conference hall-ah MP election pualin campaign in an lo kala, he hunah hian candidate, Pu Richie Vanlalhmangaiha chuan thu a sawi.


16th. Tuesday : Kum 2016 a boral, Nl Jenny Lalropari, kum 19 d/o Lalroenga, Theihaingaw (Arpu) hriatrengna lungphun a ni.


17th. Wednesday : Sihphir rawlthar Footballer pahnih, tuna S & YS Academy, Lunglei a awm mek, Valentine V.L Muanpuia (Goalkeeper) S/o Lalawmpuia (L), Arpu Veng leh Isak Lalmalsawma, (Forward) S/o Lalthazuala, Venglai te chu All India Football Federation (AIFF) in India Under-15 player atan a trial nei tura an koh angin an trail neihna hmun tur, Odisha panin an chhuak.  


18th. Thursday : Mel kaw chhuk kawng siam mek chu Joint Action Committee te leh PWD Department bakah Contractor ten an thlir ho a. Kawng siamtu te hian an cement hman OPC Cement chu an duh khawp hman tur a awm loh avangin duh anga hna an thawh chak theih loh thu an sawi.


19th. Friday : Mizoram aiawha Lok Sabha member tur thlanna chu hmun hrang hrangah tluang taka neih a ni. Sihphirah pawh inthlanna hi kalpui ve a ni a, booth

pathumah then a ni a, Gov’t PS 1-ah hian booth pahnih awmin VC house-

ah hian booth khat a awm ve bawk. Khawpumah hian voter 3407 awmin mi 1667 (48.92) in vote hi kan thlak a ni.


20th. Saturday : Aizawl District Volleyball Association hnuaia 1st Division Session ending tournament ITI venga khelh mekah point 14 nei mektu, Chanmari West chuan final-ah an khingpui an hnehloh avangin points 15 nei mektu, Sihphir Volleyball Club an champion.


21st. Sunday :  UPHC-ah hmeichhe pakhat chu HIV hrik a kai tih hriat a ni.  


22nd. Monday : 12th. Inter Branch YMA Cricket Tournament Vuak Hawn Programme chu Bawngkawn South YMA Hall-ah hman a ni a. He hunah hian Sports sub-committee chairman, Pu Vanlalramtharnghaka leh vice captain, H. Malsawmzuala bakah Pu R. Lalduhzuala, CEC te an kal.


23rd. Tuesday : Rinzampuii d/o TC Lalremruata, Kawnveng, May ni hnih a pasal nei tur chu manhlan fel a ni.


24th. Wednesday :

12th Inter Branch YMA Cricket Tournament 2024 chu khelh tan a ni a, Sihphir Branch YMA chuan Republic Branch YMA chu run 68 in an hneh.  


25th. Thursday : Branch YMA  Extended OB Meeting chu President, Pu Lallianfala te inah neih a ni a, thil hmanhmawh thlak zualpui te rel a ni.  


26th. Friday : Vanapa Hall-ah Sihphir pa, Pu Lalthachianga kutchhuak Mizo Film thar ‘DAKPU’ tih chu Pu Lalchhanchhuaha (Amawii hero Manager) chuan ropui takin a tlangzarh.

 

27th. Saturday : Central YMA buatsaih, Inter Branch YMA Cricket Tournament khelh mekah Sihphir

Branch YMA team te chuan champion lai, Ramhlun

Venglai Branch YMA team te tumin run 110 in kan chak

zo ta lo.


28th. Sunday : Presbyterian Kohhran, Sihphir Pastor Bial Inkhawmpui vawi 64-na Sihphir Kohhran Biak ina Zirtawpni atanga tan chu a tiak. Inkhawmpui-ah hian thupui 'Khawvel hi hmangaih suh ư (I Johana 2: 15) tih chu Bialtu Pastor H. Lalzuiliana'n a sawi.


29th. Monday : Pu Lalhriatpuia Pachuau w/o Saizikpuii, Damveng chu LRM Hospital-ah a rilphir zai a ni. 


30th. Tuesday : Tv Lalnunhlua, MPS chuan Probation period a hman mekna, Champhai P/S atangin Bawngkawn P/S-ah SDPO (attached) a zawm.

Comments

Post a Comment

Popular posts from this blog

KUM ZA CHHUNGA MIZO HMEICHHIATE DINHMUN

 1. Tunhmaa an dinhmun : Kan pi pu te khan 'Hmeichhe finin tuikhur ral a kai lo', 'Hmeichhia leh uipui chu lo phun lungawi mai mai rawh se' tih leh 'Hmeichhe hna, hna ni suh, chakai sa, sa ni suh' tih te hi an ṭawng duh dan a ni a, hetaṭang hian hmeichhia te an dah hniam ṭhin zia a chiang viau awm e.  Nula in inleng a neihin an mi ngei zawng tak pawh ni se, biak chhiat an ngaitheilo a, ngaihtheih loh chu sawi loh, thianglo hialin an ngai a ni. Khawvar tirh aṭangin hna an ngah nghal hle mai a, tuichawi, buhden, ei rawngbawl, chawei siam leh a seng fel. An kuta awm vek a ni. Pi pute hunlai kha chuan an eizawnna hi a inang ṭhûma, lo neih a niin an feh tlut tlut ringawt mai ṭhin a, chuvangin, Mizo hmeichhia te chuan hetia'ng nikhua hian feh tur mamawh zawng zawng hi an tihtura ngaih vek a ni a, an emin an phurh vek a ngai bawk ṭhin. Mipa chuan iptepui an ak ve hram chauh a ni.  Feh haw'n kawngah lah hmeichhia chuan em khatin in lam mamawh an phur haw ...
Post a Comment
Read more

CHANCHINBU MAN KHAWN A HUN LEH DAWN TA

  Thlatina Inrinni hnuhnung ber hian chanchinbu man khawn a ni tlangpui a, thlathar Inrinni hmasa ber leh remchang danga khawn pawh kan awm zeuh zeuh bawk. Thla a lo tawp (Inrinni hnuhnung ber) leh takah hian chanchinbu man pek lamah tan i la teh ang u. Kan chanchinbu hi thla khat lak man cheng 30 kan ti a ni a, heti hian a mah leh a mah a intum tawk vel viau a ni. A man pawh a lut tha tlangpui a, a lawmawm. Chutihrualin, pek lam ngaihsak lutuklo kan awm leh zeuh thin erawh a zialo thin khawp mai. Chanchinbu hi naupang semtir thin a ni a, a man khawn thu-ah pawh anni hian an keng tlang mai thin. Naupang an nih avang tak hian thenkhat hian zahlo taka lo tawngkhum in 'min pe ngai silo a, a man khawn hre hlur ringawt mai' tih an hlawh fo niawm tak a ni.  Thenkhat chhiar duh si a man pe duh manglo te pawh an awm niin a semtute hnen atangin thu kan dawng fo. A zialo khawp mai. Tin, pe emaw intia pe silo te pawh a awm theih a nia. Naupang rilru thianghlim tak te an ni a, rilru sual ...
Post a Comment
Read more

BIBLE CHHIAR

Lehkhabu, a kawm dum, a changtupa thihna ‘Bible’ kan tih mai hi hi khawvela lehkhabu darh zau leh copy pawh tam ber a ni awm e.  He lehkhabu hi chatuan nunna kawng min kawhhmuhtu lehkhabu hlu tak a nih avangin chhiar ngei tur a ni a; a chhiar ve lo pawh chhiar tura in fuih a tul bakah hnam hnufual zawk te pawh chhiar tur chhawp chhuah sak theih hi a tul ngawt mai. Chutiang atana mi thahnemngai tlem azawng an awm pawh hi a tihzia e. Tunhma chuan nitina chhung inkhawm nei thin kan nia; (tunah erawh ‘tunlai chuan mihring kan tul tawh a’ tih chhuanlam tute zingah ka tel ve ta.) chu’ng lai chuan ka pa hian kumthar project-ah ka u hnenah Thuthlung Thar bu pumpui hi chhiar chhuak turin a tia;  kei Chanchin Tha bu li te, tin, ka naute pahnih chu Sam bu chhiar turin a ti bawk. Ka unau dangte khan ka pa  ngenna kha an ti hlawhtling ta em? ka hre ta chiah l’aw, kei erawh chuan ka tih hlawhtlin mai bakah Thuthlung Thar zawng zawng chu ka chhiar ta vek a, ka tui tak zel avangin Thu...
Post a Comment
Read more