Skip to main content

THLI LEH RIAL AVANGIN CHHIATNA NASA TAK A THLENG

  (Sawiremtlang heading)


Pathianni kal ta zing lamah thli nasa taka a tleh avangin Zoram hmun hrang hrangah chhiatna a thleng nasa hle. Karleh maia East Lungdar khuaa pavalai pawl inkhawmpui neihna tura sak, pandal a ti chhe vek a, Lungtan UPC biakin pawh chimin Sialsuk Hmunchung Presbyterian Kohhran biak-in chung a lèn khawk bawk. In chhia neuh neuh dang chu awm nual mah se chim rup ang chu a awmlo niin a lang. Sihphirah pawh thli hian chenna in tihchhiat a nei nuala, thlanmual No. 1 mawng a Pu Rosiamliana In thlang lam chu thli hian ti chhiain Sihphirah tuar nasa ber an niin a lang. V/C te leh mi tlawmngai thawkchhuak ten an siamtha leh nghal a ni.


Pathianni zan (Thawhtanni zing lam) hian chhiatna dang a thlengin rial a tla leh chiam mai a, chenna in tam tak chhia in a bikin rangva inchung nei te him an awm barlo a tih theih ang. Inchung thlak hlawk ngai engemawzat awmin rangva pahnih khat thlak ngai an awm bawka, thenkhat erawh a charhna hmanga bel phui theih mai an awm bawk. In chhia te thawm hian Thawhtanni khan chhung leh khat, thenawm khawveng bakah bengvar te an inpui  suau suau a, zonunmawi a la dal lo tih pawh a ti chiang viau in a lang.


Kan chhiat tawh thu hi khawtlang hruaitu ten bialtu Minister hnenah an thlen nghal a. Minister chuan harsatna kan tawhna kawngah a tul ang a hman atan Sihphir Branch YMA hnenah silpouline box khat a rawn hlan nghe nghe. A chungah YMA hruaitu te an lawm hle.


Khuarel chhiat kan tawh chungchangah department lamin form te an rawn siam a, chhiat tawk te hian chu chu Nilaini khan lachhuakin a tuk, Ningani khan V/C house-ah an thehlut hlawm a, khawtlang hruaitu ten hei hi office lamah an bawhzui nghal dawn a ni.

Comments

Post a Comment

Popular posts from this blog

KUM ZA CHHUNGA MIZO HMEICHHIATE DINHMUN

 1. Tunhmaa an dinhmun : Kan pi pu te khan 'Hmeichhe finin tuikhur ral a kai lo', 'Hmeichhia leh uipui chu lo phun lungawi mai mai rawh se' tih leh 'Hmeichhe hna, hna ni suh, chakai sa, sa ni suh' tih te hi an ṭawng duh dan a ni a, hetaṭang hian hmeichhia te an dah hniam ṭhin zia a chiang viau awm e.  Nula in inleng a neihin an mi ngei zawng tak pawh ni se, biak chhiat an ngaitheilo a, ngaihtheih loh chu sawi loh, thianglo hialin an ngai a ni. Khawvar tirh aṭangin hna an ngah nghal hle mai a, tuichawi, buhden, ei rawngbawl, chawei siam leh a seng fel. An kuta awm vek a ni. Pi pute hunlai kha chuan an eizawnna hi a inang ṭhûma, lo neih a niin an feh tlut tlut ringawt mai ṭhin a, chuvangin, Mizo hmeichhia te chuan hetia'ng nikhua hian feh tur mamawh zawng zawng hi an tihtura ngaih vek a ni a, an emin an phurh vek a ngai bawk ṭhin. Mipa chuan iptepui an ak ve hram chauh a ni.  Feh haw'n kawngah lah hmeichhia chuan em khatin in lam mamawh an phur haw ...
Post a Comment
Read more

CHANCHINBU MAN KHAWN A HUN LEH DAWN TA

  Thlatina Inrinni hnuhnung ber hian chanchinbu man khawn a ni tlangpui a, thlathar Inrinni hmasa ber leh remchang danga khawn pawh kan awm zeuh zeuh bawk. Thla a lo tawp (Inrinni hnuhnung ber) leh takah hian chanchinbu man pek lamah tan i la teh ang u. Kan chanchinbu hi thla khat lak man cheng 30 kan ti a ni a, heti hian a mah leh a mah a intum tawk vel viau a ni. A man pawh a lut tha tlangpui a, a lawmawm. Chutihrualin, pek lam ngaihsak lutuklo kan awm leh zeuh thin erawh a zialo thin khawp mai. Chanchinbu hi naupang semtir thin a ni a, a man khawn thu-ah pawh anni hian an keng tlang mai thin. Naupang an nih avang tak hian thenkhat hian zahlo taka lo tawngkhum in 'min pe ngai silo a, a man khawn hre hlur ringawt mai' tih an hlawh fo niawm tak a ni.  Thenkhat chhiar duh si a man pe duh manglo te pawh an awm niin a semtute hnen atangin thu kan dawng fo. A zialo khawp mai. Tin, pe emaw intia pe silo te pawh a awm theih a nia. Naupang rilru thianghlim tak te an ni a, rilru sual ...
Post a Comment
Read more

BIBLE CHHIAR

Lehkhabu, a kawm dum, a changtupa thihna ‘Bible’ kan tih mai hi hi khawvela lehkhabu darh zau leh copy pawh tam ber a ni awm e.  He lehkhabu hi chatuan nunna kawng min kawhhmuhtu lehkhabu hlu tak a nih avangin chhiar ngei tur a ni a; a chhiar ve lo pawh chhiar tura in fuih a tul bakah hnam hnufual zawk te pawh chhiar tur chhawp chhuah sak theih hi a tul ngawt mai. Chutiang atana mi thahnemngai tlem azawng an awm pawh hi a tihzia e. Tunhma chuan nitina chhung inkhawm nei thin kan nia; (tunah erawh ‘tunlai chuan mihring kan tul tawh a’ tih chhuanlam tute zingah ka tel ve ta.) chu’ng lai chuan ka pa hian kumthar project-ah ka u hnenah Thuthlung Thar bu pumpui hi chhiar chhuak turin a tia;  kei Chanchin Tha bu li te, tin, ka naute pahnih chu Sam bu chhiar turin a ti bawk. Ka unau dangte khan ka pa  ngenna kha an ti hlawhtling ta em? ka hre ta chiah l’aw, kei erawh chuan ka tih hlawhtlin mai bakah Thuthlung Thar zawng zawng chu ka chhiar ta vek a, ka tui tak zel avangin Thu...
Post a Comment
Read more