Skip to main content

DUHLOH DANA AWM CHU DUH DUH DANA AWMNA

  (Sawiremtlang editorial)


Sap hla pakhat chuan, 'You never see the light of day, till the sun goes away; You never had a drink of water, till the well runs dry...' (Ni hi a tlak zet loh chuan ni eng mawi zia i hre lo va; tuichhunchhuah a kang zet loh chuan tui hlutzia i hre hek lo) a lo ti a. Hlutna hre tur chuan tlakchham a ngai fo ṭhin a, tui tlakchhamna dinhmuna la ding ngai hauh lo chuan tui awm loh buaithlakzia lo hre tawh ṭhin tam tak chu hriatna kawngah an tluk lo ang.


Mi hlawhtling tam tak, an lehkha zir laia harsatna lian tak tak tawk thin te hian an hlawhtlin hnua an chhuan ber leh sawi nuam an tih ber chu an lehkha zir laia harsatna an tawh leh chumi paltlang tura an beihna a ni tlat. Chuvangin, tuna harsatna I tawh kha nakina I ti ti tui ber a la ni dawn a, chumi tur chuan eng ang harsatna pawh tawk la chhel taka tuar zel turin I rilru ti paukhauh ang che.


Thinlung na hnem tur chuan chumi te natna anga na te chuan an hnem thiam bik. Mi nun tluang tak te hian mi rethei te dinhmun an hrethiam mawh hle a, lehkha thiam thei tak te ai chuan hatsa taka zir chhuak te zirtirna chu hriatthiam awl an ti zawk thin. Sum leh paiin min chenchilh lai chuan miin harsatna an tawh te kan hrethiam thinlo a, zinkawngah pawh tluang taka kal par par ai chuan harsa taka kal ve hram hram te hi a hunlaii n an lawm lemlo pawh a ni maithei e, a hnuah erawh nuih bawk bawkna a thlen thei a, hriatloh tur thil tha tha kan hriat phah fo bawk a nih hi.


'Duh duh dana awm chu duhloh dana awmna' tih tih hla kha kan hre hlawm in a rinawm. Khatah khan châk zawng apiang kan tih chuan a tawpa chhiatnain min hmuah thu tarlan a ni. Mahse, harsa tak a hringnun kan hman hian thil hriatthiamna kan neih phah a, Pathian hmangaih a pawh kan hriat phah zawk thin a lo ni.

Comments

Post a Comment

Popular posts from this blog

KUM ZA CHHUNGA MIZO HMEICHHIATE DINHMUN

 1. Tunhmaa an dinhmun : Kan pi pu te khan 'Hmeichhe finin tuikhur ral a kai lo', 'Hmeichhia leh uipui chu lo phun lungawi mai mai rawh se' tih leh 'Hmeichhe hna, hna ni suh, chakai sa, sa ni suh' tih te hi an ṭawng duh dan a ni a, hetaṭang hian hmeichhia te an dah hniam ṭhin zia a chiang viau awm e.  Nula in inleng a neihin an mi ngei zawng tak pawh ni se, biak chhiat an ngaitheilo a, ngaihtheih loh chu sawi loh, thianglo hialin an ngai a ni. Khawvar tirh aṭangin hna an ngah nghal hle mai a, tuichawi, buhden, ei rawngbawl, chawei siam leh a seng fel. An kuta awm vek a ni. Pi pute hunlai kha chuan an eizawnna hi a inang ṭhûma, lo neih a niin an feh tlut tlut ringawt mai ṭhin a, chuvangin, Mizo hmeichhia te chuan hetia'ng nikhua hian feh tur mamawh zawng zawng hi an tihtura ngaih vek a ni a, an emin an phurh vek a ngai bawk ṭhin. Mipa chuan iptepui an ak ve hram chauh a ni.  Feh haw'n kawngah lah hmeichhia chuan em khatin in lam mamawh an phur haw ...
Post a Comment
Read more

CHANCHINBU MAN KHAWN A HUN LEH DAWN TA

  Thlatina Inrinni hnuhnung ber hian chanchinbu man khawn a ni tlangpui a, thlathar Inrinni hmasa ber leh remchang danga khawn pawh kan awm zeuh zeuh bawk. Thla a lo tawp (Inrinni hnuhnung ber) leh takah hian chanchinbu man pek lamah tan i la teh ang u. Kan chanchinbu hi thla khat lak man cheng 30 kan ti a ni a, heti hian a mah leh a mah a intum tawk vel viau a ni. A man pawh a lut tha tlangpui a, a lawmawm. Chutihrualin, pek lam ngaihsak lutuklo kan awm leh zeuh thin erawh a zialo thin khawp mai. Chanchinbu hi naupang semtir thin a ni a, a man khawn thu-ah pawh anni hian an keng tlang mai thin. Naupang an nih avang tak hian thenkhat hian zahlo taka lo tawngkhum in 'min pe ngai silo a, a man khawn hre hlur ringawt mai' tih an hlawh fo niawm tak a ni.  Thenkhat chhiar duh si a man pe duh manglo te pawh an awm niin a semtute hnen atangin thu kan dawng fo. A zialo khawp mai. Tin, pe emaw intia pe silo te pawh a awm theih a nia. Naupang rilru thianghlim tak te an ni a, rilru sual ...
Post a Comment
Read more

THLAZING

  (Sawiremtlang editorial) August thla han hman meuh chuan chhum a zing phui chuai reng mai a, upa ten 'thlazing' an lo ti pawh hi a awm viau mai. Amaherawhchu, heta thlazing tih hi pi pu te thla hming pakhat emaw ti kan awm leh mai thin. Mizo thla chhiar danah chuan Thitin thla a ni tih i hria ang u khai. Hmanlai chuan mitthi te hi pialrala kal nghal mai loin kan velah hian an la tap thin a, August thla hian mitthi khua an pan thin nia an ngaih avanga thitin thla ti pawh an ni niin a hriat. Chuvangin, August thla hi Mizo thla chhiar dan chuan thitin thla tihna a ni a, thenkhat ten thlazing tia an sawi erawh thla hming ang niloin tun thla chu chhum a zing chuai reng mai an tihna a nih chu. Mizo thla chhiar dan hriat hi kan mawhphurhna ni ve in a langa, thla chhiar dan mai bakah an nunphung te pawh hi hriat ve hram hram I tum ang u. August thla chu a zo ruai chu a ni leh ta a, ni reilo te-ah Ber thla kan kan kai anga, derhken, nuaithang, anthur leh senhri nu ten par an chhuang l...
Post a Comment
Read more