Skip to main content

THLANLAIH, TLANGVALTE TIHTUR

 

A hmasain kar hmasa lama kan tarlan, Sihphir  Branch YMA khawtlang chhiatni  inkaihhruaina chungchanga then  18 naa 'Thlan laih leh thlan siam chungchang tihah khan''Thu leh awm hma chu thlan hi kan hun tawn ang zela laih chawp tur a ni.' tih kha lo hre thar ta ila.


Kar hmasa Zirtawpni zan khan Executive Committee chu Conference Hall-ah neih a ni a, heta agenda no 4 na-ah chuan 'Thlanlaih chungchang' tih a tel. Ngun taka rei tak sawi hi a nih hnuah 'Thlan laih chungchangah thalaite kan che chhuak tlem ta deuh nia lang chu 

infuihthar kan ngai tlang niin kan hria a. Chanchinbu leh Social media lamah nu leh pa leh thalai te infuih tharna lam tih rik hnem tum nise kan ti. Rawlthar zawk te thlan laih kawng a infuihtharna leh inzirtirna neih te pawh tha kan ti a. Thlanmual Sub-Committee ten a tul angin ruahmanna pawh lo siam chhin se kan ti.' tia pass a ni.


Mizo nunphung a bet tlat, chhiattawk an awm changa pawimawh ber pawl chu thlanlaih hi a ni awm e. Thlanlaih hi tlangval te tihtur a ni a, amaherawhchu, he kan tihtur hi kan ti tawklo ta viau in a hriat. Hei hi kan eizawnna in a zir takloh avang nia ngaih theih a nih rualin thenkhat hi chuan ka tihtur a ni tih pawh kan ngaihtuah lemlo niin a ngaih theih ang. Tlangval, kum 20 tling tawh thlan lai ngai manglo kan awm nualin a langa, thlan la lai ngai miahlo pawh kan la awm cheu! Hei hi thil pawi leh zahthlaka ngaih theih a tha khawp mai.


Heti zat khua ve riang ruangah YMA berin Mizo nuna bet tlat, thlanlaih chungchang sawi a ngai ta mai hi a zialo tak zet a ni, changkang ve viau tawh a kan inngaih laia tunhnaia chhiattawk kan awm tuma thlanlai kan tlem dun lutuk kha a zahthlak takzet a ni. Thlanlaihna kawnga kan tlakchhiat chhan hi khawtlang hruaitu te mawhphurhna a nih theih rualin nu leh pa ten kan fate kan tir tawk talo deuh ni pawhin a lang a, nu leh pa te pawh kan in enfiah a tul awm e.


Hetih rual hian thlanlaih hi ka tih ngei tur a ni tih vawng tlat tlangval engemawzat kan la awm erawh a lawmawm a, kum 50 ralkai thlan la lai zak zak pawh kan la awm tho tih erawh hre tel ila. Kan la chhe vek lo a, thlan laih zawh loh tih lah a awm heklo. Tunlai rawlthar kan tih, kum 20 chuang tawh thleng hian, thlan la lai ngai lo, mahni a kal ngam si lo, an ṭhiante kal pui tur hre bawk si lo, thlanlaihna a kal loh phah, laklawh deuh deuh hi kan nei nual in a lang. Heng ho te pawh hi a upa zawk hian sawm chhuah thin a tul khawp bawkin a lang e.

Comments

Post a Comment

Popular posts from this blog

KUM ZA CHHUNGA MIZO HMEICHHIATE DINHMUN

 1. Tunhmaa an dinhmun : Kan pi pu te khan 'Hmeichhe finin tuikhur ral a kai lo', 'Hmeichhia leh uipui chu lo phun lungawi mai mai rawh se' tih leh 'Hmeichhe hna, hna ni suh, chakai sa, sa ni suh' tih te hi an ṭawng duh dan a ni a, hetaṭang hian hmeichhia te an dah hniam ṭhin zia a chiang viau awm e.  Nula in inleng a neihin an mi ngei zawng tak pawh ni se, biak chhiat an ngaitheilo a, ngaihtheih loh chu sawi loh, thianglo hialin an ngai a ni. Khawvar tirh aṭangin hna an ngah nghal hle mai a, tuichawi, buhden, ei rawngbawl, chawei siam leh a seng fel. An kuta awm vek a ni. Pi pute hunlai kha chuan an eizawnna hi a inang ṭhûma, lo neih a niin an feh tlut tlut ringawt mai ṭhin a, chuvangin, Mizo hmeichhia te chuan hetia'ng nikhua hian feh tur mamawh zawng zawng hi an tihtura ngaih vek a ni a, an emin an phurh vek a ngai bawk ṭhin. Mipa chuan iptepui an ak ve hram chauh a ni.  Feh haw'n kawngah lah hmeichhia chuan em khatin in lam mamawh an phur haw ...
Post a Comment
Read more

CHANCHINBU MAN KHAWN A HUN LEH DAWN TA

  Thlatina Inrinni hnuhnung ber hian chanchinbu man khawn a ni tlangpui a, thlathar Inrinni hmasa ber leh remchang danga khawn pawh kan awm zeuh zeuh bawk. Thla a lo tawp (Inrinni hnuhnung ber) leh takah hian chanchinbu man pek lamah tan i la teh ang u. Kan chanchinbu hi thla khat lak man cheng 30 kan ti a ni a, heti hian a mah leh a mah a intum tawk vel viau a ni. A man pawh a lut tha tlangpui a, a lawmawm. Chutihrualin, pek lam ngaihsak lutuklo kan awm leh zeuh thin erawh a zialo thin khawp mai. Chanchinbu hi naupang semtir thin a ni a, a man khawn thu-ah pawh anni hian an keng tlang mai thin. Naupang an nih avang tak hian thenkhat hian zahlo taka lo tawngkhum in 'min pe ngai silo a, a man khawn hre hlur ringawt mai' tih an hlawh fo niawm tak a ni.  Thenkhat chhiar duh si a man pe duh manglo te pawh an awm niin a semtute hnen atangin thu kan dawng fo. A zialo khawp mai. Tin, pe emaw intia pe silo te pawh a awm theih a nia. Naupang rilru thianghlim tak te an ni a, rilru sual ...
Post a Comment
Read more

BIBLE CHHIAR

Lehkhabu, a kawm dum, a changtupa thihna ‘Bible’ kan tih mai hi hi khawvela lehkhabu darh zau leh copy pawh tam ber a ni awm e.  He lehkhabu hi chatuan nunna kawng min kawhhmuhtu lehkhabu hlu tak a nih avangin chhiar ngei tur a ni a; a chhiar ve lo pawh chhiar tura in fuih a tul bakah hnam hnufual zawk te pawh chhiar tur chhawp chhuah sak theih hi a tul ngawt mai. Chutiang atana mi thahnemngai tlem azawng an awm pawh hi a tihzia e. Tunhma chuan nitina chhung inkhawm nei thin kan nia; (tunah erawh ‘tunlai chuan mihring kan tul tawh a’ tih chhuanlam tute zingah ka tel ve ta.) chu’ng lai chuan ka pa hian kumthar project-ah ka u hnenah Thuthlung Thar bu pumpui hi chhiar chhuak turin a tia;  kei Chanchin Tha bu li te, tin, ka naute pahnih chu Sam bu chhiar turin a ti bawk. Ka unau dangte khan ka pa  ngenna kha an ti hlawhtling ta em? ka hre ta chiah l’aw, kei erawh chuan ka tih hlawhtlin mai bakah Thuthlung Thar zawng zawng chu ka chhiar ta vek a, ka tui tak zel avangin Thu...
Post a Comment
Read more