1st. Monday : Bank hrang hrang a hnathawk la thintu, The Institute of Banking Personnel Selection (IBPS) in Regional Rural Bank (RRB) in Mizoram Rural Bank hnuai atan a exam a buatsaihah Officer Scale I-ah Tv H.V Vanneihtluanga s/o H.V Lalmalsawma, Tlangveng, MRB, Phullen Branch-a Office Assistant hna a thawk mek leh Tv Zothansanga s/o Lalhriatpuia, Damveng Office Assistant tur atan te an tling.
2nd. Tuesday : SR & AC chuan a chhûngte rikrâptu, Lalremkima s/o Laltlanzova, Chhanhim Veng chu a awmnaah kal chilhin an zilh.
3rd. Wednesday: SR & AC chuan an Committee Room-ah chhan hrang hrang avangin Lalhriatchhûnga s/o Lalnunpuia Tochhawng, Kawnvêng, Edenthara s/o Johana (L), Arpu leh Lalramsangliana s/o Lalṭanpuia, Tlângvêng te an zilhhau.
4th. Thursday : Pu Joseph Lalrinawma, Tamlo veng chuan Kawnvengah a scooty chabi ti bo.
5th. Friday : Sakawrhmuituai tlang tlâk lam a kang a, pawi liantham a thlen hma in mi tlawmngai ten an thelh mit.
6th. Saturday : Bial KTP te chuan Synod Hospital thisen unit 56 an pe. Thisen petu te hi mipa 48 leh hmeichhia 8 an ni. Thisen hi damdawi in lam thawk tu ten Sihphir Presbyterian Kohhran hall-ah an rawn la a ni.
7th. Sunday : Branch YMA chu VCP, Pu Lalnelawma kaihhruainain YMA hall-ah an inthlang a, he hunah hian President ni lai, Pu Lallianfala chu president atan thlan nawn a niin, mithar pakhat bakah OB nilai 5 an tling leh bawk.
8th. Monday : Lalramnghaka S/o Lalrinchhana, Rinchhan veng chuan B.E/B.tech (Mechanical) chu University Visvesvaraya College of Engineering, Bangalore atangin a pass.
9th. Tuesday : Dan lek kawh tura kum thar an nghah thlen hnuah Social Reform and Action Committee chuan Lalnunsangi d/o Thanzingi, Damvêng leh Lalhmachhuana s/o Lianthangpuia, Tâmlovêng te in chu thla 3 chhung atan an kalhsak. Zu zawrh case ve ve a ni.
10th. Wednesday : Khawtlang hruaitu V/C te chuan bialtu MLA, Minister Pu Lalthansanga chu a pisa-ah hmuin khawtlang i'na kan mamawh tui leh field chungchang an sawipui.
11th. Thursday : Lalramliana Pachuau, Chhanhim
veng te chuan kum 2020-a an fapa
boral ta ,Tv Vanneihtluanga Pachuau
(Kum 29) hriatrengna lung ṭhenrual
ṭhate sawmin an phun.
12th. Friday : Nl. Ponty R. Zomuansangi d/o R.
Vanlalsiama, Kawnveng chu
Mizoram Polytechnic, Lunglei aṭangin
Diploma in Civil Engineering 1st Division-ah a pass.
13th. Saturday : YMA te chu Conference Hall-ah kumthar duangin an committee. He hunah hian kumin chho a an hmalak na tur hrang hrang te an rel a, zanriah an kil ho nghal.
14th. Sunday : SR & AC chuan an Room-ah
Pi Lallawmzuali
w/o TC. Lalremruata (L), Kawnvêng chu
mi thil rûk a lei avangin koh a ni
a, thil rûk lei tawh lo tur leh fimkhûr
tawh turin an hrilh a, action an lak
thin tawh angin Rs 1,000/- chawitîr a ni
a; buarpui neitute hnenah pek a ni.
15th. Monday : Venglai KṬP te chuan member thar te lawmna hun an hmang. Member thar te hi Conference hlabu an pe vek a ni.
16th. Tuesday : CYMA chuan Vanapa Hall-ah Kumpuan, 'Ram leh Hnam humhalh' chu a hawnga, he hunah hian Branch YMA atangin President, Pu Lallianfala hoin member panga an kal.
17th. Wednesday : YMA Media & docoumentation sub-committee chu chairman, Pu Lalchhanhima Varte te inah an committee a, he hunah hian Sawiremtlang chanchinbu enkawltu tur te inruat felin editor atân Pu Lalchhanhima Varte a ni anga, joint editor pahnih bakah news editor pathum leh circulation maneger atan Nl Laltlanhlui, Damveng te ruat an ni bawk.
18th. Thursday : Mizoram Rural Bank, Office Assistant, Pu David Zothanliana Phullenah sawn a nih avangin a aiah Nl Sabita Rani Das, Kolasib a thawk mek chuan chuan a hna a rawn zawm.
19th. Friday : Lalmuankima s/o Lalhmingthanga, Biak In veng leh Lalramzauvi
d/o Robert Lalchhuanawma,
Dinthar veng te chu UPC Biak Inah
an innei.
20th. Saturday :
Pu HV Lalhrangliana, Damveng chu zunkawng fel lo vangin Synod Hospitalah a in entir. Ni thum hnuah kal leh tura tih a ni.
21st. Sunday : YMA hnuaia section hrang hrang hruaitu tur chu thlan a ni. Inthlanna hi section hrang hrangah hmun hulum deuh laiah ballot box hun a ni. A pumpui-ah vote 310 zet a tlaa, heng zinga pakhat erawh vote thi a ni thung.
22nd. Monday : MHIP te chuan Bialtu MLA, Minister Pu Lalthansanga chu a chenna In, Zarkawtah MLA a tlin lawmpuina thuziak (citation) an hlan.
23rd. Tuesday : Taitesena section YMA OB te chu an leader, Pu Lalchhanhima Varte te inah an Committee a, he hunah hian comtt member tur mi 52 ruat chhuakin thla thar ni 6 ah comtt hmasa ber neih an rel.
24th. Wednesday : Presbyterian bial Kohhran hmeichhia te chuan kum danga an lo tih ṭhin angin Sihphir Kohhran Centenary hall-ah Sihphir khua Pathian hnenah an hlan.
25th. Thursday : Pu C Lalsawivunga, Minister, Vety Dept' etc.chuan Sihphir khua rawn tlawhin bawng vulhtute bawng in ah kal chilhin an harsatna te a enpui. Sihphir Multi Commodity Producer Society Ltd. te leh ZPM hruaituten an ṭawiawm a ni.
26th. Friday : Pathianni thleng awh tur PYD inkhawmpui chu Sihphir kohhranah tan a ni.
27th. Saturday : Bial KṬP conference, nimin atanga Hmar veng biakina hman mekah rorel leh hruaitu thar thlan a ni a, he hunah hian Asst. Secretary ni lai, Pu Vansangliana, Venglai chu leader atan thlan a ni.
28th. Sunday :
Zothansiama, kum 41 h/o Lalfakpuii, Neihbawi chu Synod Hospital, Durtlangah 'Internal Bleeding' avangin a boral.
29th. Monday : Venglai Presbyterian Kohhran Zaipawl chu kohhran hall-ah an inhlan thar. He hun hi Pu Malsawmtluanga, Assistant Leader chuan a kaihruai. Kohhran zaipawlah hian member 91 zet an awm a, Tv Lalrinnunga, KṬP Secretary chu director a ni a, Tv RC Vanlalawmpuia chu conductor niin, Asst conductor hi mi pathum an awm bawk.
30th. Tuesday : Pu Isak Malsawma, Damveng chu Mizoram Agricultural Marketing Corporation (MAMCO) Chairman atan sorkar in a ruat.
31st. Wednesday : UPHC-ah Dr.Mafeli, Gynae Specialist (Hmechhe lam Doctor) a lo ṭhu a, mi engemawzat in an rawn.
Comments
Post a Comment