Lalchhanhima Varte

  Kan nghahhlelh em em Durtlang to Sihphir kawng laih zauh hna chu Pathianni kalta khan thawh tan a ni ta. Tuntum kawng laih zauh hna hi nikum lam daih atang tawh khan ruahman a ni tawh a, March ni 11 khan CM, Pu Zoramthanga chuan lung a rawn phum hial a nih kha. He thil hi Ministry of Road Transport & Highway remtihna niin cheng vaibelchhe  46.57/- lai ruahman a ni nghe nghe. Inkalpawhna hi khawvel ang pawha thil pawimawh hmasa a ni a, tuna kan sawi lai phei hi chu Mizoram a kawngpui pawimawh ber pawl a niin keini Sihphir tan phei chuan kan khawpui lawiluhna kawng awmchhun a ni a, tunah hei khualzin mite tlawh nahawm tak kan lo ni ve ta bawk nen, laih zauh tura ruahmanna a awm ringawt pawh kha a lawmawm  takmeuh a, tuna a taka thawh tan a ni ta hi a lawmawm takzet a ni.

    1st. Saturday : Chawhmaah thlan ka lai. Au Valpuia nupui, u TMi chu a thi. 2nd. Sunday : Chawhma leh Chawhnuah ka inkhawm. Maawmi hi chawhnu lam a inkhawmlo thung. Zanah khawhar inah ka kal. Hruaitluanga kha YMA a kan Member pui a nih angin dekchi, citation leh Rs 14,830/- in kan ral nghal. 3rd. Monday : Huanah Petera nen thing kan va kit a, mei kawng siamin mai kan tuh bawk. Zanah an fapa birthday vawihnihna lawmnaah kan nupain kan va tel ve a, Rs 100/- kan pe. 4th. Tuesday : Thlam kan va rel tan. Hriatpuia chu mistiri angin kan ruai a, Petera nen kan helper thung. Atei chu Bilkhawthlir a awm turin a chhuk ta. Chapal thar Rs 400/- in ka lei. 5th. Wednesday : Kan thlam sak kan va chhunzawm. Ni za inhlawhna pawisa Rs 3,500/- kan laa, a lawmawm hle. 6th. Thursday :  Zingkarah ni za inhlawhna hnuaia VEC OB turin heng mite hi Rohrenga hall-ah kan thlang : Chairman: Pu Lalnelawma, VCP (ruatsa) V. Chairman: Pu H. Lalrinzuala, (u Dangloa ka thlang) Secretary: Pu PC Lalrinlia...

  Kar hmasa khan 'Tam hmelna' tih thupuia hmangin Editorial kan ziak tawh. Khatah khan politician ten an party chu tam anga lan tum a ṭan an lak nasat zia leh chumi rahchhuah chungchang bakah a tam ngawr ngawr ringawt niloin tha tura ngaih te inthlanpui lo awm turah mipuite vote thlak turin kan infuih a nih kha.  Tam anga lan a, tam mang silo hi politics-ah chauhlo pawh a awm theih ang. Ramthar rawngbawlna report velah pawh ringthar an neih aia tama report te pawh an awm fo nia sawi a ni! Political party-a tam anga lan leh he ramthar report pawh hi a nghawng chu a inang maithei e. Niawm tak, ni chiah silo sawina a ni ber ang chu. Chutiang bawkin, mi fel tak anga langa  a ruka fellohna lian tak nei si hi kan awm nual in a rinawm. Mitin hian langchhuak silo thatlohna lian tak kan nei vekin a rinawma, chutiang kan harsatna te chu sima insiamthat hi mitin mammawh a ni e.

  Kar hmasa Zirtawpni zan khan Chief Minister, Pu Zoramthanga chuan Rohrenga hall-ah MNF party zawm thar mi 122 a lawm lut. He thil hi in lawmluhna lian tham a a tih theih ang. Hetiang thil a thlen reng reng hian a  party dang te hian a dikhlel thu sawi tur an hre leh mai thin. Tuntum thil thleng hi a hmuna kal ngei ka atanga kan hriat a nih avangin a dik turah ngai ta ila.   Party tin mai hian an pawl zawmthar an lawmluh thu hi hriat tur a awm deuh reng a, party dang lah chuan an insawi ang a nih loh thu leh lemchan mai a nih thu sawi tur hria an awm leh zeuh bawk thin. Heng zawng zawng lo thlen chhan chu party tin hian tam anga lan an duh vang a ni. Mipuiin tam ni a kan ngaih na na na chuan dinhmun inang rau rauah mi tlemte ai chuan a an tlin hmel avangin vote pek mai kan awlsam zawk vang a ni.   Kumin hi inthlan kum a ni a, party tin an tangin mawngvawmba ang maiin theihtawp an chhuah hlawm. Engpawhnise, 'an tling mai ang a' emaw 'an tling chuangin ka ri...

  Kar hmasa Zirtawpni zan khawhar in ban khan YMA thla Committee chu Conference hall-ah neih a ni a, he hunah hian branch inrelbawlna chungchang bakah khawtlang tana pawimawh thu engemawzat sawiho a ni. Committee hi thil pawimawh tak a ni a, thil engpawh ti dawn ila Committee phawt hi thil pawimawh hmasa a ni awm e. Chhungkaw chungchangah thleng hian hmalak dan turah nupaa sawi dun zel hi a pawimawh hle. Chutiang zelin, kohhran thilah phei chuan committee remtihna la hmasa lo chuan biakin bungrua khawih chet pawh a thianglo hial a nih hi. Kohhran thenkhat phei chu Committee kohhran ti hiala ko fiamin  'mithianglawr pawh ni dawn se anni Kohhran chu an committee hmasa phawt ang chu' kan ti fiamthu fo reng a nih hi maw. Chuvangin, eng pawlah pawh hmala tur chuan committee hi a pawimawh hmasa ber hial reng a ni. Chubakah, committee hlutna dang leh chu committee tan hmaa kan ngaihdan, tlu ngei tura kan ngaih pawh thawhpui dang ten a tha zawk tur an han sawi a, 'a lo ni zawk awm ...

  Albert Laldinpuia, Pu Lalhriatpuia s/o Laltinkaia, Zion veng fapa chu tunkar Thawhlehni khan session chawlh hmangin a lo haw a, Sawiremtlang chanchinbu enkawltute chu an chenna inah kalin kan inkawmna tlangpui lo tarlang ila : Srt : I hming, pian leh murna min hrilh thei em? Albert : Ka hming chu Albert Laldinpuia a ni a, Bairabi-ah ka piang. Srt : I nu leh pa hming Albert : Ka pa chu Lalhriatpuia a niin ka nu chu Lalengzami a ni.  Srt : Unau engzatnge in nih leh pian kum te. Albert : Kan unau hi pahnih kan ni a, mipa ve ve niin a naupang zawk ka ni. Ka birthday chu September ni 15, 2004 a ni e. Srt : Tunah hian khawi hmunah nge i awma, eng club-ah nge i khelh mek? Albert : CVM academy (Charutar Vidya Mandal) Gujarat-ah ka khel mek. Srt : Engtikahnge chutah chuan i awm? Albert : Kum 2019 atangin ka awm tan. Srt : Kum li vel lai i awm ta a ni maw. A nihleh engvângin nge Gujarat lama i awm teh daih le.  Albert : Khelhna hmun a tam avang leh kalzelna turah beisei awm bera ...

  1st. Saturday :   Union Home Minister, Amit Shah chu Mizoramh a rawn zin a. Aizawl a Assam Rifles Battalion hmun thar Zokhawsanga mi leh project dang hrang hrang a rawn hawng.   2nd. Sunday : Lal Isua khawvela a len laia chawimawi na a dawn awmchhun, tumkau ni champha a ni a, kohhran hrang hrang te chuan Lal Isua chawimawiin kawng an zawh hlawm.  3rd. Monday Lunglei Municipal Council inthlan hmasa ber a vote tla te chu chhiar a ni ta a, ZPM candidate mi 11 te chu an tling vek. 4th. Tuesday :  Harhna thlenni champha a ni a, kohhran hrang hrang te chuan programme siamin an hmang. 5th. Wednesday : Zoram hmun hrang hrangah kum 2023-2024 academic session atan zirna luh tan a ni. He hunah hian uniform inang tlang kalpui nghal a ni. 6th. Thursday :   Mizoram State Planning Board Vice Chairman, Pu H.Rammawi hovin SEDP Family Oriented thawh hnihna (Phase II) kalpui dan tur Aijal Club-ah sawiho a ni.   7th. Friday :  Mihringte chhandam tura...

  Tunlai hian Talankawn bul, Zauo ram chu zau taka vah a ni tih ral atangin a hmuh theih. Hei hi Forest Department in V/C te remtih pui na in a luang hmun lai kha thing phunna turin an ti fai nia sawi a ni. Tin, kum 5 chhung kan enkawl anga, vantlang kut a hlan leh tur nia sawi a ni bawk. He thil hi VCP, Pu Lalnelawma chuan vantlang ta tur a nih thu leh department lam hian nakinah chuan Sihphir hian thingzai tur kan la neilo mai dawn a, a puitlin thlenga kan humhalh chuan keimahni tan vek a la ni nih dawn thu an sawi nia sawiin kum nga chhung min enkawl sak/pui turin MOU pawh siam a nih thu a sawi. Khawvel lum zelah thing leh mau humhalh a tul tawh hle mai a, humhalh mai bakah chin belh theih hi a ṭul hle mai bawk. Tuna Zauo ram an vah pawh hi chutiang atana tih chu a ni a, ramngaw tha tak a awm theih ngei kan beisei a ni.  Forest Department lam hian hmun hrang hrangah ramngaw siam tumin hma an la nasa hle mai a, khawtlang hruaitu te nen thawkho in kan khaw ram hmun engemawzat...

  1st. Saturday : Tourism Minister, Pu Robert Romawia Royte chuan Sakawrhmuituai tlang leh a chhehvel tlawhtute inhnangfakna tur, 'Tourist cafetaria' sakna hmun tur  Sihphir V/C te leh Lungdai V/C te nen an en ho. Tourist cafetaria hi Sihphir leh Lungdai inrina, kawngpui hrula sak nise tia rel a ni. 2nd. Sunday : Tumkau ni a ni a, tualchhung kohhran hrang hrang te chuan zingkarah Lal Isua chawimawiin kawng an zawh hlawm. 3rd. Monday :  Kawnveng atanga Selesih inkar kawng, Lamlian hlui PCC chu Sealcoat hna  thawh țan a ni.  4th. Tuesday : Harhna thlen ni a ni a, kohhran hrang hrang te chuan zan hun hmangin programme an siam hlawm. 5th. Wednesday : Kum 2023-2024 academic session atan sikul luh tan a ni. 6th. Thursday : MPSC-in Grade-V of MSCS (Cooperative Audit Officer) mi 6 a lak zingah Tv Lalthafamkima s/o Lalnunhlimi, Kawnveng a tel. 7th. Friday : Good Friday a ni a, tualchhung kohhran hrang hrang te chuan  Lal Isua tuarna tawmpuiin inkhawm an hmang hlawm....