Lalchhanhima Varte

  Inrinni leh Pathianni kal ta zan khan YMA Branch Committee member te chuan kan khawchhunga  'vai' kan tih te lakah Mizorama awm phalna, Inner Line Permit (ILP) an neih leh neihloh endika kal kual a ni. Permit nei țha eng emawzat zat an awm laiin permit nei thin, lo thi tawh te leh nei lo an awm nual bawk. Heng mite hi ni sarih chhunga lo ti nunga, lo nei vek tura hriattir an ni hlawm. Inner Line Permit (ILP) hi India sorkarin official travel document a pek a ni a, India khua leh tui pakhat chu humhalh hmuna hun bituk chhunga inward travel phalna a ni. Heihi Bengal Eastern Frontier Regulations, 1873 atanga lo chhuak a ni a, India rama state hnufual bik te inhung bikna atana tih a niin hnamdang te duh duha kan ram (State) chhunga an lo lut tur venna a ni. Hetih lai hian vai zawng zawngin an nei ngei ngei tur a ni tih a ni chuanglo a,  neih ngailo hi an awm ve nual tih endik hna thawh dawn chuan  hriatchian a tul hle in a rinawm. YMA kumpuan ni mek leh rei tak kan hma...

(Sawiremtlang Editorial) Editorial hmasa lamah khan 'Chhiattawhnaa kan mawhphurhna' tih thupui a hmangin chhiattawh naa mitin mawhphurhna chungchang kan ziak tawh a. Kha thu kha a la pawimawh reng mai. Amaherawhchu, tunhnaiah kan mawhphurna a ni tih hrelo niawm taka chet lak tum reng renglo kan awm ta nual mai. Thil pawi tak a nih rualin zahthlaka lak ngam a pawh a tha hial in a rinawm.  Hetih rual hian YMA hruaitute tak pawh kan in enfiah a tul hle in a rinawm. Thenawm khawveng hnai thenkhat YMA lama inhmang lutuk lo te hian YMA lama inhmang tak tak te hi min phut thinin kan tel lo chuan (hma kan hruai loh chuan) chet lo lak mai te an hreh thin a,  ti tur bik kan awmloh rual rualin chet lak vata, bultan tu nih thin i tum tlat ang u.

Kar hmasa lama kan tarlan tak ang khan Sihphir Village Council Body chu siam danglam a niin Vice President tanglai, Pu Lalnelawma chu President tura ruat a ni.  Pu Lalnelawma hi 2nd. May 1960 khan Pu Thandailova (L) leh Pi Dengziki (L) te inkarah a lo piang a, naupan tet atangin kohhran leh khawtlang ah thahnemngai taka inhmang thin mi a ni. Infiamna ngaina tak a niin hockey-ah phei chuan Sihphir hming ti thatu te zingah a tel ve fo nghe nghe. Zirna lamah chuan kum 1982 khan matric zir in chhungkaw harsatna avangin zirna lam a chawlhsan. YMA-ah kum 1983 atangin Executive Committee Member-ah tel tanin a kum leh 1984 ah section OB-ah tel chhoin Asst Secy. post a chelh a, 1986 ah Branch OB ah lut chho zelin Asst Secy. ah thlan zui a ni. Kum 1986 atanga 1993 chhung khan Sinner's Friend team-ah telin tuna rescue center, Dilkawnah khuan Pu Lianthanga hnung zuiin a lo awm tawh a, hetah hian ruihhlo ngaite enkawlna lam bik changin director a ni nghe nghe. Kum 1994-ah Pi Ramengmawii, Pi Dar...

  1st. Wednesday : Tui lakna tur kan buaipui leh. 2nd. Thursday : Dawrah ka awm nileng. Maawmi pa chu a chhuak ta. Bilkhawthlirah an chhuk. Ka lehkhabu chhiar lai chu ka chhiar chhuak ta.11/2 3rd. Friday : Dawrah ka awm nileng. Zanah chanchinbu chhutnaah ka kal. Pu Thangzuala, Edya pu chu a thi. Chanchinbu chhut zahin ka kal ve a, dar 2:45 velah ka haw. 4th. Saturday : Dawrah ka awm. 5th. Sunday : Chawhmaah Sunday School ka kal. 6th. Monday : Hruaia nen huan kan va hal. 7th. Tuesday : Huan neitu pa nen huana lei laih dan tur vel kan va enfel. In kan thleng chiah tihin Maawmi pa thih thuin min deng. Hmanhmawh takin ka insiam zui a, Pu Ja'n (huan neitu pa) Rs 500/- in a ral a, Nu Tlani'n puan min thawn bawk. Neihbawi ah tlanchhoin Lalrammuana scooty in ka kal a, dar 7 pelh hretah ka thleng thla. 8th. Wednesday : Mitthi vuina leh a hnu lamte buaipuiin nilengin ka che. Ka riak leh. Thlanmual kal haw lam hi Mi te inah ka leng zuai a, zanah a nu te in, Ruati te inah kan leng leh bawk...

  1st. Wednesday :   YMA Inkhawmpui lian 2023 thlengtu tur Biate khua chu Khawzawl DC leh SYMA Khawzawl hruaitute chuan an tlawh.  2nd. Thursday : Group of Twenty (G20) Business Meeting chu Tanhrila Mizoram University-ah ţan a ni.MZU a G20 Business Meeting huaihawtah hian Union Minister of State for Commerce and Industries Som Parkash leh Minister of State for External Affairs Dr R K Ranjan Singh, Chief Minister, Pu Zoramthanga leh sawrkar hotu lute an tel a, ram hrang hrang 17 atangin palai  an lokal bakah, state pawn atangin palai 16 an lo tel bawk.   3rd. Friday : Covid-19 leng vanga kum hnih chhung mipui pungkhawm zawnga hman theih a nih loh hnuah Chapchar Kût chu Mizoram pumah hlim taka hman a ni. A hmanna pui ber, Aizawl-a chuan Sipai Lammual-ah chuan Assembly Speaker, Lalrinliana Sailo chu kut thlengtu a ni a, Chief Minister, Zoramthanga Kût Pa a ni. 4th. Saturday : Mizo Zaimi Inzawmkhawm (MZI) Gen. Hqrs-in AR Lammual-ah Chapchar Rimawi Kut – Li...