1st. Sunday : Tuirial Branch YMA ten Tv Lalrinchhana s/o Lalrawna, Chhanhim veng, nikum November thlaa Tanker kang avanga boral ta kha Rs. 1,000/- in an rawn ral.
2nd. Monday : V/C te chuan Krismas leh Kumthar vuakvet a Sihphir khawchhunga veng fai lawmman an sem chhuak.
Lawmman hi pakhatna ₹ 5000, pahnihna ₹ 3000 leh pathumna ₹ 2000 a te sem a ni. Lawmman hi Tlangveng in pakhatna dawngin Neihbawi leh Chhanhim veng ten an dawt.
3rd. Tuesday : Pu R. Vanlalsiama h/o Lalhruaizeli, Kawnveng, Rangamati, Assam a evangelist hna thawk te chu chawlh hmangin an lo chhuak.
4th. Wednesday : MUP te chuan Community
Hall-ah Members Meeting an nei a, kum 2023
hruaitu tur an thlang nghal.
5th. Thursday : Games & Sports Association, Sihphir Venghlun buatsaih, GIG Motors - Sihphir Town Futsal Tournament - 2022 final khelha ni a, under 13-ah Grace Academy, Sihphir chuan Gideon Academy, Venghlun chu 6-0 a hnehin champion nomawi an chawi.
6th. Friday :
Saser
Association te chu Arpu bazar-ah
dawhkan siam in an hnatlang.
7th. Saturday : YMA te chu conference hall-ah kumthar duangin an thukhawm.
8th. Sunday : Presbyterian Kohhran, Sihphir Pastor Bial te chuan bialtu pastor, Rev C. Sapkaia, bial danga insawn tur chu an thlah. Ngaihhrui na atan Rs 10,000/- an hlan nghal. Pastor hi Khatla bialah a awm dawn a ni.
9th. Monday : Central YMA bultumin Bangladesh Zohnahtlakte Thlavang Hauh Punkhawm chu Raj Bhawan hmar lam gate pui bulah neih a ni a. Sihphir atang pawhin YMA hruaitu mi engemawzat an tel.
10th. Tuesday : ST Thara (36) h/o Lalrinkimi, Arpu chu Silchar Civil Hospital-ah boral. Remchan zawkna avangin a nu leh pa te awmna, Selingah a ruang hi lak a ni.
11th. Wednesday : Presbyterian
Kohhran Sihphir a Puitling Sunday School (SS) zirtirtute
chuan SS Traning an nei a, Resource
Person-ah kumin Puitling SS zirlaibu
ziaktu, Rev. Rosiamliana Tochhawng,
Asst. Professor, ATC an hmang.
12th. Thursday :
V/C house thar leh Rohrenga Hall, (Twin Market a mi) chu Chief Minister, Pu Zoramthanga chuan a rawn hawng.
13th. Friday :
Pu Lalngilneia, Kum 44, Pu Rohlua fapa, Kawnveng chu Synod Hospital Durtlangah internel bleeding avangin a boral.
14th. Saturday : Social Reform & Action Committee
(SR & AC)
chuan Theihaingaw-ah insual buai an awm thu
report an dawng. A hmunah kal nghal a ni a;
Lalramnghaka s/o Khualhnuna, Theihaingaw
leh Lalchhuanmawia s/o Vanlalfeli (Mafeli),
Theihaingaw chuan duty-te mawi lo taka an
lo tawng khum avangin zanah SR & AC Room,
Kawnvengah koin thu zawh fiah pahin an
zilhhau.
15th. Sunday :
Tv Lalrokima, kum 39 s/o Ngurdawla, Tlangveng chu an chenna Inah 'Thawhah'
avangin a boral.
16th. Monday : Point hrang hrangah gas sem a ni.
17th. Tuesday : Pathianni kalta a boral, Tv Lalrokima, chu YMA te chuan an member pui a nih angin dekchi, citation leh Rs. 9,440/- in an ral. Ralna inkhawm hi Pu
H. Lalremruata, Branch Executive Committee (BEC) chuan a kaihruai a, Nl Laldawngkimi (BEC) chuan ralna thilpek hi a hlan thung.
18th. Wednesday : Social Reform & Action Committee chuan K. Lalnithanga h/o Zolianmawii, Arpu chu
Sihphir atanga ruihhlo zawrh avanga hnawh
chhuah a nih hnuah pawh a hmel hmuh tur a
la awm fo avangin YMA Conference Hall-ah an ko
a; kum 2023 chhûng Sihphir chhûngah
awm lo tura a chung thu rel a ni.
19th. Thursday : Rohrenga
Hall, Kawnvengah thingtlanga cheng
thalaite fuih tharna hun leh Rural
Developement Scheme hrang hrang
inhrilhfiahna hun neih a ni. He hunah hian Tlangnuam
BDO, Jennifer Vanlalhruaii Pachuau leh
a thawhpui ten zirtirna pe in
VCP, Pu Lalropuia Pachuau chuan thalaite
fuihna hun a hmang bawk.
20th. Friday :
Bial KTP Conference vawi 63 na chu Venglai Kohhranah palai lawmna leh branch hrang hrang report te neia tan a ni. Bial
KTP Conference thupui atan
thianghlimna tih hman a niin Speaker atan
Rev. Dr. R. Vanlaltluanga, Associate
Professor, ATC hman a ni ang.
21st. Saturday : Laithangpuii, kum 79 m/o Lalnunenga, Venglai chu an chenna inah awmlai in a boral.
22nd. Sunday : Tv Vanneihtluanga s/o Chullova, Chhanhim Veng chu Greenwood Hospital-ah hearth attack avangin admit a ni.
23rd. Monday : Tv Vanlalfela, kum 33 c/o Pi Zachhungi, Kawn Veng chu 'Damdawi hman sual' avangin an chenna inah a boral.
24th. Tuesday : Pu
Lalengkima (Akima) h/o Lalthianghlimi, Tlangveng te in chu an inah zu mansak an nih avangin Tlangveng Welfare leh Social Reform and Action Committee chuan thla thum chhung atan an kalh sak.
25th. Wednesday : Sihphir II a BLO, Pu Lalrintluanga, Chhanhim Veng, Govt. M/S - I-a Hindi Teacher thawk mek chuan Best Booth Level Officer Award Governor hnen aṭangin a dawng.
26th. Thursday :
Republic Day vawi 74-na a ni a, V/C te chuan Neihbawi-a Pu C.
Chhuanawma huanah India hnam
puanzar an pawt pharh.
He hunah hian VEC te leh Self Help
Group hruaitute an tel bawk.
27th. Friday :
Pathianni thleng awh tur, Sihphir Pastor bial PYD Conference vawi 28 - na chu Zanlawnah tan a ni. He hunah hian Sihphir atang pawhin thalai engemawzat an tel a, bialtu
Pastor, Rev. B. Vanlalruata chu speaker a ni ang.
28th. Saturday : Sihphir Pastor Bial Kohhran
Hmeichhia te chuan 'Khaw hlanna'
Sihphir Hmarvêng Kohhranah an nei.
29th. Sunday : YMA Branch OB te leh Library, Sports leh Property Sub Comt. te chuan Library room sawn dan tur chungchang leh YMA Hall-a infiamna leh a kawt parking chungchang te an enfiah.
30th. Monday : Rangchhingpuii, kum 82 m/o Lalhmunsanga Tochhawng, Kawn Veng chu an chenna Inah 'Asthma' natna vangin a boral.
31st. Tuesday : A.R. Ground-ah North Eastern Council (NEC) kum 50 tlin lawmna puala Mizoram Tug of War Association-in Tug of War Games-2023 Inter Branch YMA a buatsaihah Sihphir Branch pawh mipa leh hmeichhe team tel a ni a. Hmeichhe team lam hian lâwmman pathumna la in mipa team lam hian lâwmman pahnihna an la thung.
Comments
Post a Comment