Skip to main content

DECEMBER 2022, KA DIARY

 


1st. Thursday : Huan ka va vat leh. Atei Aizawl a kal. World Cup results : 

Argentina 2-0 Poland 

Australia 1-0 Denmark

S. Africa 1-2 Mexico

Crotia 0-0 Belgium

Canada 1-2 Moroco (enlo vek)


2nd. Friday : Huan ka va vat leh. Zanah kohhran hall-ah krismas Committee kan nei. Ban hma deuh a haw in chanchinbu chhutnaah ka kal. World Cup results :

Japan 2-4 Spain (enlo)

Costa Rica 2-4 Germany (enlo)

S. Korea 2-1 Portugal (enlo)

Ghana 0-2 Uruguay

Serbia 2-3 Switzerland (enlo)

Cameroon 1-0 Brazil (enlo)

First round chu a zo ta. Kristian chhungkaw zan a ni a, inah kan hmang ve.


3rd. Saturday : Tul hrang hrang tiin inah ka awm. Zanah ka inkhawm. Hei hi vawiin lama Social Front Committee ten Synod Campus Ministry an rawih chhunzawm na a ni. Rev Ramnghinglova chuan thu a sawi. Durtlang nula, R. Lalrinmawii a solo bawk. World Cup results :

Netherlands 3-1 USA

Argentina Australia 2-1

Second riund tan a ni.


4th. Sunday : Theihaingaw-ah Haubiaklala a thi. Chawhma ah Sunday School kan kal. Inkhawm banah committee peng hrang hrang ten thla kan la a, Finance Committee Member te zingah ka tel ve. Zanah kan inkawm leh bawk. Biible Sunday a ni a, hemi pual thuchah chhiar chhuah a ni a, certificate 16 sem a ni bawk. World Cup results :

France 3-1 Poland

England 3-0 Senegal (enlo)


5th. Monday : Mamawii ruhro dahna tur ka pu thlan kan han ker. Chumi hnuin tuizem lian zawk hunna ka thiat. Tuizem dahna tur an siam dawn vang a ni. World Cup results :

Japan (1-1)(0-0)(1-3)

Brazil 4-1 S. Korea (enlo)

Zingkarah mihlim pakhatin kan inah tawngtaina a rawn hmang.


6th. Tuesday : Huan ka va vat leh. Zanah khawhar inah ka kal. Haubiaka kha YMA member a nih angin citation, brite leh Rs 9,410/- in kan ral nghal. World Cup results :

Moroco (0-0)(0-0)(3-0)

Portugal 6-1 Switzerland (enlo). R16 chu a zo ta. Kristian tlângau a lo thleng.


7th. Wednesday : Khawmawi zin ka tum avrem lehloh avangin pawi ka ti hle. Hnathawh pawh phurloin inah ka awm. Zanah ka Inkhawm. 


8th. Thursday :  Loah nimbu sawr tur ka va lo. Mamawii, Putea fanu, kum 1989 a Khawmawi, Lawngtlai a thi ruhro chu ka pu thlanah dah a ni.


9th. Friday : Loah nimbu ka va sawr. Zanah chanchinbu chhutnaah ka kal. World Cup results :

Crotia (1-1)(4-2) (enlo)

Netherlands (2-2)(3-4).

Quarter final tan a ni.


10th. Saturday : Chawhnuah Zorami fanu pasal nei tur man hlan naah pusum ka ei ve dawn avangin kan nupain kan va kal ve. Hei hi nikum April ni 12 a kan kal khawmna kha a ni. May ni khat, 2022 a man hlan tum a ni na a, hripui avangin tih hleihtheih a ni talo kha a ni. Rs 500/- kan pe ve. Zanah ka Inkhawm a, inkhawm banah YMA ten krismas carol kan nei. Rs 50/- ma thawh ve. World Cup results :

Moroco 1-0 Portugal

France 2-1 England (enlo)

Quarter final chu a zo leh ta.


11th. Sunday : Chawhmaah Sunday School kan kal a, zanah pawh kan inkhawm.


12th. Monday : Kumtir lama Paate huan ka vah kha balhla an phun a, ka han sam sak tan. Atei Aizawl a kal.


13th. Tuesday : Paate huan ka han sam leh. Atei a pa a damloh avangin Bilkhawthlirah a chhuk. Kawmchhak Pa Ruata pa a thi. World Cup results :

Argentina 3-0 Crotia.

Semi final tan a ni.


14th. Wednesday : Paa huan ka han sam leh. Zanah ka inkhawm. Dinga leh Lalnuni te inngaihna suala an tluk avangin thunun an ni. Midang lakah ve ve chesual an ni thung. Inkhawm banah Vice-president, U Parate inah LIDCAS OB kan Committee.


15th. Thursday : Paate huan ka han sam leh.


16th. Friday : Maawmi Bilkhawthlirah a chhuk. Hei vang hian dawr ka nghak nileng. YMA chanchinbu, November issue ka chhiar chhuak.


17th. Saturday : Zingkarah Maawmi a lo haw. A lo thlen tlai deuh avang leh thlan tihfai a lo ngai bawk nen hna ka thawk lo.Pi Mangi hnen atangin ka hnathawh hlawh Rs 5,000/- ka dawng a, ka lawm hle. Rs 200/- a la awm.


18th. Sunday : Chawhmaah Sunday School kan kal a, tlaiah YMA inthlanna, Community Hall-ah ka kal. Au, Pu Duhzuala, U Marina, U Sawma, Mera leh Hruaiate ka thlang a, U Marina, U Sawma, Lianfala, Vansangliana, Ramfanga leh Zohmingate an tling. Au a tlinloh avangin pawi ka ti hle. Zanah ka inkhawm. U Awmpuia leh Awmawiite nupa chu kohhran an chhuahsan thu puan a ni.


19th. Monday : Paate huan ka han sam leh. Atei a lo haw leh ta. Zonuni Singapore atanga a lo haw leh Isaka Kolasib a a traning lo haw chu an kal leh hnaih tawh avângin an inah chaw kan ei khawm a, kan nupain kan kala, Rs 200/- kan pe ve. Kan lo kawng luhna tur ni za inhlawhna atangin Rs 50,000/- jan dawnga, ka lawm hle.


20th. Tuesday : Paate huan ka han sam leh. Mamaten an compensate dawn atangin Rs 50,000/- zet mai min pe a, ka lawm takzet a ni. Chutih rual erawh chuan a zahthlak in inthlahrunawm ka ti hle bawk. Atei Aizawl a kal. Kan lo kawng chu laih tan a ni taa, ka lawm hle.


21st. Wednesday : Paate huan ka han sam leh. Atei Aizawl a kal.


22nd. Thursday : Paate huan ka han sam leh. YMA chanchinbu a lo thleng.


23rd. Friday : Paate huan ka han sam leh a, ka zo ta. Ka lawm kher mai. Zanah chanchinbu chhutnaah ka kal. Kan kawng laih mek chu hmabaka ram neitu ten an huan laih thlen an remtihloh avangin duhtawk rih a ni. A pawi khawp mai.


24th. Saturday : Mamawii krismas thuamhnaw leiin Aizawl a kal a, keiin dawr ka lo nghak thung. Paa hnen atangin ka huan sam na hlawh Rs 6,700/- ka dawng a, ka lawm hle. A vaiin ni 9 thawkin ni khatah Rs 1,300/- anga chhutin Rs 11,700/- lai ka hlawh a nih chu.


25th. Sunday : Masi a ni. Chawhma leh chawhnu kan nupain kan inkhawm a, zanah keimahin ka inkhawm thung. Chawhnu leh zanah hian Kohhran zaipawl an zai a, zanah hian Pi Zaii medal pakhat sem a ni. Apa chu Pavalai Committee Member thar tur a nih thu an puang.


26th. Monday : Krismas ruai buaipui in biakinah ka va fatu nileng. Ar leh sangha ka chanpual a ni. Fatu lai hian Pu Dingluaia huan sam tur dinhmun enin kan han kal bawk. Zanah ka inkhawm lo a, hemi hlan hian Ni Biaki kan zuk tlawh.


27th. Tuesday : Khua a nawmloh avangin inah kan awm nileng.


28th. Wednesday : Pu Dingluaia huan chu theka in ka han thawk tan. Rs 5,000/- a theka turin kan inbia a, mahse, hniam min dil a, thu erawh ka ti tlu rihlo. 5,000 pawh hian a man chuanglo maithei bawk.


29th. Thursday : Pu Dingluaia huan ka han sam leh. Chawhma lamin khawl a chhiat avangin chemin ka sam tawp.


30th. Friday : Pu Dingluaia huan ka han sam leh. Zanriah Sawiremtlang Editorial board ten DT-i dawrah kan ei a, chanchinbu chhhutnaah kan kal zui. Board member te hian Rs 500/- theuh kan dawng a, ka lawm hle. Ka article hlui 'Kumtawp zan duhawmlo' tih chu chanchinbu a chhuah turin ka dah tel.


31st. Saturday : Tlaiah ni tla, Tuaia leh Dampuia te nen  Melsawmkham tlangah kan han thlah. Zanah kan inkhawm a, kohhran report te kan ngaithla a, kal tate, mi 16 kan sum bawk. Kohhran zaipawl an zai. Inkhawm banah Sangluaii dawrah kan kal. Chhinchhiah tlak zual te :-

1. Project ti hlawhtling met

2. history

3. Maawmi pa ten an compensate dawn atangin  Rs 50,000/- laiin rawn pe a, a lawmawm khawp mai. Chutih rualin zahthlak ka ti hle bawk.

Comments

Post a Comment

Popular posts from this blog

KUM ZA CHHUNGA MIZO HMEICHHIATE DINHMUN

 1. Tunhmaa an dinhmun : Kan pi pu te khan 'Hmeichhe finin tuikhur ral a kai lo', 'Hmeichhia leh uipui chu lo phun lungawi mai mai rawh se' tih leh 'Hmeichhe hna, hna ni suh, chakai sa, sa ni suh' tih te hi an ṭawng duh dan a ni a, hetaṭang hian hmeichhia te an dah hniam ṭhin zia a chiang viau awm e.  Nula in inleng a neihin an mi ngei zawng tak pawh ni se, biak chhiat an ngaitheilo a, ngaihtheih loh chu sawi loh, thianglo hialin an ngai a ni. Khawvar tirh aṭangin hna an ngah nghal hle mai a, tuichawi, buhden, ei rawngbawl, chawei siam leh a seng fel. An kuta awm vek a ni. Pi pute hunlai kha chuan an eizawnna hi a inang ṭhûma, lo neih a niin an feh tlut tlut ringawt mai ṭhin a, chuvangin, Mizo hmeichhia te chuan hetia'ng nikhua hian feh tur mamawh zawng zawng hi an tihtura ngaih vek a ni a, an emin an phurh vek a ngai bawk ṭhin. Mipa chuan iptepui an ak ve hram chauh a ni.  Feh haw'n kawngah lah hmeichhia chuan em khatin in lam mamawh an phur haw ...
Post a Comment
Read more

CHANCHINBU MAN KHAWN A HUN LEH DAWN TA

  Thlatina Inrinni hnuhnung ber hian chanchinbu man khawn a ni tlangpui a, thlathar Inrinni hmasa ber leh remchang danga khawn pawh kan awm zeuh zeuh bawk. Thla a lo tawp (Inrinni hnuhnung ber) leh takah hian chanchinbu man pek lamah tan i la teh ang u. Kan chanchinbu hi thla khat lak man cheng 30 kan ti a ni a, heti hian a mah leh a mah a intum tawk vel viau a ni. A man pawh a lut tha tlangpui a, a lawmawm. Chutihrualin, pek lam ngaihsak lutuklo kan awm leh zeuh thin erawh a zialo thin khawp mai. Chanchinbu hi naupang semtir thin a ni a, a man khawn thu-ah pawh anni hian an keng tlang mai thin. Naupang an nih avang tak hian thenkhat hian zahlo taka lo tawngkhum in 'min pe ngai silo a, a man khawn hre hlur ringawt mai' tih an hlawh fo niawm tak a ni.  Thenkhat chhiar duh si a man pe duh manglo te pawh an awm niin a semtute hnen atangin thu kan dawng fo. A zialo khawp mai. Tin, pe emaw intia pe silo te pawh a awm theih a nia. Naupang rilru thianghlim tak te an ni a, rilru sual ...
Post a Comment
Read more

BIBLE CHHIAR

Lehkhabu, a kawm dum, a changtupa thihna ‘Bible’ kan tih mai hi hi khawvela lehkhabu darh zau leh copy pawh tam ber a ni awm e.  He lehkhabu hi chatuan nunna kawng min kawhhmuhtu lehkhabu hlu tak a nih avangin chhiar ngei tur a ni a; a chhiar ve lo pawh chhiar tura in fuih a tul bakah hnam hnufual zawk te pawh chhiar tur chhawp chhuah sak theih hi a tul ngawt mai. Chutiang atana mi thahnemngai tlem azawng an awm pawh hi a tihzia e. Tunhma chuan nitina chhung inkhawm nei thin kan nia; (tunah erawh ‘tunlai chuan mihring kan tul tawh a’ tih chhuanlam tute zingah ka tel ve ta.) chu’ng lai chuan ka pa hian kumthar project-ah ka u hnenah Thuthlung Thar bu pumpui hi chhiar chhuak turin a tia;  kei Chanchin Tha bu li te, tin, ka naute pahnih chu Sam bu chhiar turin a ti bawk. Ka unau dangte khan ka pa  ngenna kha an ti hlawhtling ta em? ka hre ta chiah l’aw, kei erawh chuan ka tih hlawhtlin mai bakah Thuthlung Thar zawng zawng chu ka chhiar ta vek a, ka tui tak zel avangin Thu...
Post a Comment
Read more