Skip to main content

MAY 2022, KA DIARY

1st. Sunday : Chawhma ah Sunday School kan kal. Inkhawm laiin U Ruatzauva makpa chu a kaih thut avangin zawn chhuah a ni. Zanah Atei nen kan inkhawm leh bawk. Neihbawi a Pa Sawma monu chu cancer avangin Civil Hospital ah a thi. 2nd. Monday : Chawhma ah mitthi inah ka kal. Mitthi in kal tura ka un buatsaih lai hian Pa Biala a thi. Zan lumenna-ah kalin zanlai dar 11:30 velah ka haw. Kumin a a vawikhat na atan YMA chanchinbu a lo thleng. Rebeki leh Lalrokima, Tlangveng te chuan covid an kai. 3rd. Tuesday : Huan ah bean kan va tuh. Zan thimhlimah Remtumbua a thi. Zanah khawhar in (Pa Biala) ah ka kal. 4th. Wednesday : Huanah kan va feh a, keiin bean ngul ka siam a, Maawmi in dania kui na tur a tifai thung. Chuan, kan kui nghal. Zanah khawhar in (Rema) ah ka kal. YMA chanchinbu nikum September leh October inkawp chu agent hmasa, Dawngtea hnen atangin ka la. Hei hi a copy hi ngawi renga a lo kawl vang a ni. Keiin a lo thleng miahlo niah ka ngai hmiah mai si. Mihring hi a lo mawl theih ngei mai. Chuan, ka dawn tel July leh August inkawp chu a lo tel bawk. November leh December inkawp an kawl tho erawh kan hmu zo ta lo. Pa Nunsanga chu stroke avangin Synod Hospital ah admit a ni. 5th. Thursday : Tuidawn ka siam. Neihbawi ah nikum lama ka sam tawh, DTI chhak ami kha sam leh turin kan han en. Rs 2,000/- in ka theka dawn a ni. Maawmi loan chungchangah Aizawl a kal. 6th. Friday : Nimin lama ka huan han en chu ka han sama, ka zo nghal. Tshirt pahnih ka nei thar. 7th. Saturday : Nimin lamah ka chauh deuh avangin hna ka thawk lo. YMA chanchinbu nikum September leh October inkawp ka chhiar chhuak. 8th. Sunday : Chawhma ah Sunday School kan kala, chhunah Pa Denga nupui a thih avangin ka hriat veleh ka tlanchho nghal. Chawhnu inkhawm dawnah haw in ka inkhawm leh. Tlaiah Sarepkawn to DTI kawng zawh ho te VC Lawma te inah kan committee. SHG a mi Rs 30,000/- kan puk. 9th. Monday : Huanah ka va feh a, bean zamna ka buaipui. Chawhnu-ah purun hmmun tur ka thlo bawk. Zanah khawhar in ah ka kal a, ka hruai. 10th. Tuesday : Huanah thlai siamna tur ka va tifai. Zanah U Para, VP te inah LIDCAS kan committee. Atei Aizawl a kal. 11th. Wednesday : Huanah thlai siamna tur ka va duang. 12th. Thursday : Huanah antam tel nga kan va la. Puru npuar kan phunsawna, dania kan theh bawk. Pavalai Pawl Group Committee atana ruatna lehkha ka dawng. Ka tel peih vel lo e. 13th. Friday : Huanah antam ka va theh. Zanah chanchinbu chhutnaah ka kal. 'Rema' tih article ka ziak. Hei hi chhuah turin ka dah renrawna, a sei deuh avang leh thu dang a awm tho avangin kan telh leh ta rihlo. Atei Thenzawl zin turin a chhuak. 14th. Saturday : LIDCAS te Sakawrhmuituai tlangah ram hruaitute mual siamna tur enin kan hnatlang. Zanah ka inkhawm a, tantu niin Luka 9:23-26 ka chhiar. 15th. Sunday : Chawhmaah Sunday School kan kala, chawhnuah ka inkhawm leh bawk. Chawhnuah huan bialtu pastor, Rev C. Sapkaia chuan mi 10 a baptist. 16th. Monday : Huanah antam hmun ka va thlo. Kristian Tlangau a lo thleng. Atei zun a lo haw leh ta. 17th. Tuesday : Khua a chhiat avangin inah kan awm. YMA chanchinbu a lo thleng. 18th. Wednesday : Huanah antam hmun ka va thlo. Niza inhlawh na pawisa Rs 1,000/- kan dawnga, ja lawm hle. 19th. Thursday : Huanah kan va feh a, hna hrang hrang kan thawk. U Malsawma, Arpu chu cancer avangin an chenna inah a thi. 20th. Friday : Huanah ka va feh a, bean bi ka ti fai. Zanah khawhar inah ka kala, chumi hnuin chanchinbu chhutnaah ka kal. 'Rema' tih ka article ziah chu chhuah turin ka dah tel. 21st. Saturday : Khua a nawmloh avangin hna ka thawklo. Zanah khawhar inah ka kal. U Malsawma kha YMA member a nih angin brite, citation leh Rs 11,706/- in kan ral nghal. 22nd. Sunday : Chawhma leh chawhnu ka inkhawm. Hei hi nizan atanga BSI Annual meet vawi 18na ka kohhranin kan dawn avang a ni. Sunday School a awmlo bawka, Maawmi pawh a inkhawm lo. 23rd. Monday : Huanah bean bi ka va tifai. Pu Sena birthday vawi 79na a ni a, hemi pual hian zanah ka leng chho. 24th. Tuesday : Zung dar 1:20-ah Mavena chu kal thallo avangin LRM Hospital-ah a thi. Chawhmaah thlan ka lai. Hei hi mi nawlpuiin thlan laih leh tawh tur a nih avang a ni. Maawmi an in lamah a kal thung. Zanah khawhar inah ka kal. 25th. Wednesday : Sawiremtlanh samin ka inhlawh. Zanah khawhar inah ka kal. Atei chhunah a kal bawk. 26th. Thursday : Sawiremtlang ka sam leh. Atei Aizawl a kal. Zanah U Sangzuala te in Tlangvengah LIDCAS kan committee. Secretary atan AS nilai Zonuna kan thlanga, AS atan Rempuia kan thlang thung. 27th. Friday : Huanah bean hmun kan va thlo. 28th. Saturday : Huanah bean hmun ka va tifai. Zingkarah hian huan neitu, Pu J-a te thing phunin an lo kala, Kawnveng an lo thlenin kan inhmu. Huanah khan ka va hmu hmanlo a ni. In lamah an chawl haw thung. Hei hi kan inhmuhna hmasa ber a ni. A dangawk ve hle mai a, ka khawngaih reuh hle. Nu Thuampuiite vawkte chu Rs 7,000/- in kan la. 29th. Sunday : Chawhmaah Sunday School ka kala, (Maawmi erawh a nawm meuhloh avangin a inkhawm lo) zanah ka inkhawm leh bawk. Zanah hian Maawmi te kohhran hmeichhe group zai te chu kumin atan leh term thar atan a an zai a hmasa ber ni turin bial hmeichhe program in Sihphir kohhran ah an han zai. Chhunah Atei khawhar inah a kal. 30th. Monday : Sunhlutlang samin ka inhlawh. 31st. Tuesday : Zing dar 2ah Sangpuii, LKa nupui chu a thi. Chawhma vuinaah leh zan khawhar in hun ah ka kal ve.

Comments

Post a Comment

Popular posts from this blog

KUM ZA CHHUNGA MIZO HMEICHHIATE DINHMUN

 1. Tunhmaa an dinhmun : Kan pi pu te khan 'Hmeichhe finin tuikhur ral a kai lo', 'Hmeichhia leh uipui chu lo phun lungawi mai mai rawh se' tih leh 'Hmeichhe hna, hna ni suh, chakai sa, sa ni suh' tih te hi an ṭawng duh dan a ni a, hetaṭang hian hmeichhia te an dah hniam ṭhin zia a chiang viau awm e.  Nula in inleng a neihin an mi ngei zawng tak pawh ni se, biak chhiat an ngaitheilo a, ngaihtheih loh chu sawi loh, thianglo hialin an ngai a ni. Khawvar tirh aṭangin hna an ngah nghal hle mai a, tuichawi, buhden, ei rawngbawl, chawei siam leh a seng fel. An kuta awm vek a ni. Pi pute hunlai kha chuan an eizawnna hi a inang ṭhûma, lo neih a niin an feh tlut tlut ringawt mai ṭhin a, chuvangin, Mizo hmeichhia te chuan hetia'ng nikhua hian feh tur mamawh zawng zawng hi an tihtura ngaih vek a ni a, an emin an phurh vek a ngai bawk ṭhin. Mipa chuan iptepui an ak ve hram chauh a ni.  Feh haw'n kawngah lah hmeichhia chuan em khatin in lam mamawh an phur haw ...
Post a Comment
Read more

CHANCHINBU MAN KHAWN A HUN LEH DAWN TA

  Thlatina Inrinni hnuhnung ber hian chanchinbu man khawn a ni tlangpui a, thlathar Inrinni hmasa ber leh remchang danga khawn pawh kan awm zeuh zeuh bawk. Thla a lo tawp (Inrinni hnuhnung ber) leh takah hian chanchinbu man pek lamah tan i la teh ang u. Kan chanchinbu hi thla khat lak man cheng 30 kan ti a ni a, heti hian a mah leh a mah a intum tawk vel viau a ni. A man pawh a lut tha tlangpui a, a lawmawm. Chutihrualin, pek lam ngaihsak lutuklo kan awm leh zeuh thin erawh a zialo thin khawp mai. Chanchinbu hi naupang semtir thin a ni a, a man khawn thu-ah pawh anni hian an keng tlang mai thin. Naupang an nih avang tak hian thenkhat hian zahlo taka lo tawngkhum in 'min pe ngai silo a, a man khawn hre hlur ringawt mai' tih an hlawh fo niawm tak a ni.  Thenkhat chhiar duh si a man pe duh manglo te pawh an awm niin a semtute hnen atangin thu kan dawng fo. A zialo khawp mai. Tin, pe emaw intia pe silo te pawh a awm theih a nia. Naupang rilru thianghlim tak te an ni a, rilru sual ...
Post a Comment
Read more

BIBLE CHHIAR

Lehkhabu, a kawm dum, a changtupa thihna ‘Bible’ kan tih mai hi hi khawvela lehkhabu darh zau leh copy pawh tam ber a ni awm e.  He lehkhabu hi chatuan nunna kawng min kawhhmuhtu lehkhabu hlu tak a nih avangin chhiar ngei tur a ni a; a chhiar ve lo pawh chhiar tura in fuih a tul bakah hnam hnufual zawk te pawh chhiar tur chhawp chhuah sak theih hi a tul ngawt mai. Chutiang atana mi thahnemngai tlem azawng an awm pawh hi a tihzia e. Tunhma chuan nitina chhung inkhawm nei thin kan nia; (tunah erawh ‘tunlai chuan mihring kan tul tawh a’ tih chhuanlam tute zingah ka tel ve ta.) chu’ng lai chuan ka pa hian kumthar project-ah ka u hnenah Thuthlung Thar bu pumpui hi chhiar chhuak turin a tia;  kei Chanchin Tha bu li te, tin, ka naute pahnih chu Sam bu chhiar turin a ti bawk. Ka unau dangte khan ka pa  ngenna kha an ti hlawhtling ta em? ka hre ta chiah l’aw, kei erawh chuan ka tih hlawhtlin mai bakah Thuthlung Thar zawng zawng chu ka chhiar ta vek a, ka tui tak zel avangin Thu...
Post a Comment
Read more