Skip to main content

YMA-IN KUMPUAN KUMPUAN HAWNG

Thawhlehni zan khan Sihphir Branch YMA chuan Conference Hall-ah kum 2021-'22 kumpuan 'Ram leh hnam humhalh' tih chu branch executive committee member, CEC ni bawk, Pu R. Lalduhzuala, chuan a hawng. He hun hi zan dar 7:30-ah branch executive committee member, Pu R. Lalngentluanga chuan hunserh hmangin a tan a, hemi hnu hian kumpuan hawngtu, Pu Duha chuan a hun a hmang tan. Thusawiin pu Duha chuan Central YMA hminga kalkhawm te chibai bukin amah a insit hle na a, pawimawh a tih si avanga a phat duhloh thu leh CEC anga a hmachhawp neih hrang hrang te a sawi hmasa. Kumpuan chungchangah Pu Duha chuan hlawmpui pali hmangin thu a sawi. A hmasa berin danloa sumdawnna chungchang sawiin he hunah hian khawtlanga vai dawr a awmloh avanga lawmawm a tih thu sawiin, sumdâwng vakvel te pawhin phalna an nei em? tih chik a, an awmloh zel nan kan tantlan a ngaih thu a sawi. A pahnihna atan chuan inchimralna chungchang sawiin tlem chuan huaisen a har zia sawiin fa neih lamah thalaite tan la tura sawmin kawppui nei tawh te pawhin fa a tam thei ang neih tum turin a chah. A pathum na atan zirna uar a tul thu sawiin zir mawl tawp loa tum nei rana zir tura chahin a sang thei ang ber nih tuma eizawnna tlak ngeia zir turin a chah bawk. A tawp ber atan chuan taimak a tul thu sawiin Mizo leh vai mistiri khaikhinin dawhtheihna kan mamawh hmasak ber thu a sawi. Kan hnathawhna kawng tinrengah taimak a tul thu sawiin eizawnna a mumal loh chuan mi kan rethei thin. Mi a retheih/riltam na na na chuan huai pawh a har. Chuvangin, ram leh hnam humhalh tur chuan huaisen a ngai. Huaisen tur chuan intodelh a ngai tiin a thusawi tlang a kawm. Pu Duhan thu a sawi zawh hian Tv Vansangliana, branch Secretary, State Degignated Agency chuan energy conservation chungchang ah awarness nei nghalin electric renchem dan leh a hemi kawnga chhiatna thleng thei laka inven dan chungchang a sawi leh bawk. Anni hian hemi zana programme pawh hi an sponsor a niin kalkhawmte ei leh in tuihnai tak bakah electric bulb an pe vek bawk a ni.

Comments

Post a Comment

Popular posts from this blog

KUM ZA CHHUNGA MIZO HMEICHHIATE DINHMUN

 1. Tunhmaa an dinhmun : Kan pi pu te khan 'Hmeichhe finin tuikhur ral a kai lo', 'Hmeichhia leh uipui chu lo phun lungawi mai mai rawh se' tih leh 'Hmeichhe hna, hna ni suh, chakai sa, sa ni suh' tih te hi an ṭawng duh dan a ni a, hetaṭang hian hmeichhia te an dah hniam ṭhin zia a chiang viau awm e.  Nula in inleng a neihin an mi ngei zawng tak pawh ni se, biak chhiat an ngaitheilo a, ngaihtheih loh chu sawi loh, thianglo hialin an ngai a ni. Khawvar tirh aṭangin hna an ngah nghal hle mai a, tuichawi, buhden, ei rawngbawl, chawei siam leh a seng fel. An kuta awm vek a ni. Pi pute hunlai kha chuan an eizawnna hi a inang ṭhûma, lo neih a niin an feh tlut tlut ringawt mai ṭhin a, chuvangin, Mizo hmeichhia te chuan hetia'ng nikhua hian feh tur mamawh zawng zawng hi an tihtura ngaih vek a ni a, an emin an phurh vek a ngai bawk ṭhin. Mipa chuan iptepui an ak ve hram chauh a ni.  Feh haw'n kawngah lah hmeichhia chuan em khatin in lam mamawh an phur haw ...
Post a Comment
Read more

CHANCHINBU MAN KHAWN A HUN LEH DAWN TA

  Thlatina Inrinni hnuhnung ber hian chanchinbu man khawn a ni tlangpui a, thlathar Inrinni hmasa ber leh remchang danga khawn pawh kan awm zeuh zeuh bawk. Thla a lo tawp (Inrinni hnuhnung ber) leh takah hian chanchinbu man pek lamah tan i la teh ang u. Kan chanchinbu hi thla khat lak man cheng 30 kan ti a ni a, heti hian a mah leh a mah a intum tawk vel viau a ni. A man pawh a lut tha tlangpui a, a lawmawm. Chutihrualin, pek lam ngaihsak lutuklo kan awm leh zeuh thin erawh a zialo thin khawp mai. Chanchinbu hi naupang semtir thin a ni a, a man khawn thu-ah pawh anni hian an keng tlang mai thin. Naupang an nih avang tak hian thenkhat hian zahlo taka lo tawngkhum in 'min pe ngai silo a, a man khawn hre hlur ringawt mai' tih an hlawh fo niawm tak a ni.  Thenkhat chhiar duh si a man pe duh manglo te pawh an awm niin a semtute hnen atangin thu kan dawng fo. A zialo khawp mai. Tin, pe emaw intia pe silo te pawh a awm theih a nia. Naupang rilru thianghlim tak te an ni a, rilru sual ...
Post a Comment
Read more

BIBLE CHHIAR

Lehkhabu, a kawm dum, a changtupa thihna ‘Bible’ kan tih mai hi hi khawvela lehkhabu darh zau leh copy pawh tam ber a ni awm e.  He lehkhabu hi chatuan nunna kawng min kawhhmuhtu lehkhabu hlu tak a nih avangin chhiar ngei tur a ni a; a chhiar ve lo pawh chhiar tura in fuih a tul bakah hnam hnufual zawk te pawh chhiar tur chhawp chhuah sak theih hi a tul ngawt mai. Chutiang atana mi thahnemngai tlem azawng an awm pawh hi a tihzia e. Tunhma chuan nitina chhung inkhawm nei thin kan nia; (tunah erawh ‘tunlai chuan mihring kan tul tawh a’ tih chhuanlam tute zingah ka tel ve ta.) chu’ng lai chuan ka pa hian kumthar project-ah ka u hnenah Thuthlung Thar bu pumpui hi chhiar chhuak turin a tia;  kei Chanchin Tha bu li te, tin, ka naute pahnih chu Sam bu chhiar turin a ti bawk. Ka unau dangte khan ka pa  ngenna kha an ti hlawhtling ta em? ka hre ta chiah l’aw, kei erawh chuan ka tih hlawhtlin mai bakah Thuthlung Thar zawng zawng chu ka chhiar ta vek a, ka tui tak zel avangin Thu...
Post a Comment
Read more