Skip to main content

SIHPHIR BRANCH YMA HI

Hun rei tak chhung Covid 19 hripui leng avanga Branch Executive Committee meeting neih theih anih tawh loh hnuah kan khawtlang dinhmun in ziaawm lam a pan deuh tak deuh avangin tunkar Thawhlehni khan Conference Hall-ah tluang taka committee a ni a, he hunah hian YMA mai bakah khawtlang tana tul engemawzat ngaihtuah a ni. Mizoram a YMA din (1935) atanga kum thum hnu a din, Sihphir Branch YMA hi kum 1938, March ni 24 chhunah 'Tlangveng sikul' tia hriat lar, (Primary School III) hmunah nula tlangval rual, mi 30 vel kalkhawmin 'Young Lushai Association' tia an din a ni a, President hmasa ber chu Pu Lalchuailova f/o Hmartawna (L), Damveng a ni. Sihphir branch atang hian Venghlun branch saw kum 1970-ah an indang ve bawk. Tunah hian member hi 2586 (member boral tiamin) kan awm mek a, Taitesena section-ah hian member 815 awmin section lian ber an ni. Section hi pali a then a ni a, sub-committee hi peng 11 a awm bawk. Tin, kumpuan 'Ram leh hnam humhalh' tih chu a hrana committee siamloin branch in a keng thung. Branch committee member hi mipa 48 leh hmeichhia 20 kan awm mek bawk. President chu Tv Zohmingliana Hnamte, Biakin veng niin, kum hmasa lam khan Secretary a lo nih tawh bawk bakah OB post hrim hrim phei chu thangkhat lian zet a lo tang tawh a, hruaitu fel leh taima tak a ni. Committee member zinga pakhat hi CEC niin Property Sub-Committee Chaiman a ni, Committee member dang te zinga pathum hi Central YMA hnuaia committee pengah te an tel bawk. Chanchinbu kan chhiar lai Sawiremtlang hi Media and Documentation committee te enkawl a ni. Hei hi kan branch YMA dinhmun chu a ni. YMA hi kan en sang hle mai a, thil tul leh pawimawh hrang hrangah hmahruaitu atan kan beisei thin. A chang phei chuan sorkar/VC ai in kan en sang mah ni tein a lang hial. Mawhphurhna sang tak kan pek ang bawk hian an chaklohna leh khaw hmel mawilohna eng thilah pawh YMA hi kan mawh deuh tlangpui bawk. Upa deuh thenkhat member ni talo tlem azawng leh naupang tihloh chu member vek kan ni in a rinawm. Chuvangin, a mawi chuan kan mawi a, a mawiloh leh kan mawilo a ni mai. Chuvangin, theihtawp chhuaha kan tan tlan hi a pawimawh em em a ni.

Comments

Post a Comment

Popular posts from this blog

KUM ZA CHHUNGA MIZO HMEICHHIATE DINHMUN

 1. Tunhmaa an dinhmun : Kan pi pu te khan 'Hmeichhe finin tuikhur ral a kai lo', 'Hmeichhia leh uipui chu lo phun lungawi mai mai rawh se' tih leh 'Hmeichhe hna, hna ni suh, chakai sa, sa ni suh' tih te hi an ṭawng duh dan a ni a, hetaṭang hian hmeichhia te an dah hniam ṭhin zia a chiang viau awm e.  Nula in inleng a neihin an mi ngei zawng tak pawh ni se, biak chhiat an ngaitheilo a, ngaihtheih loh chu sawi loh, thianglo hialin an ngai a ni. Khawvar tirh aṭangin hna an ngah nghal hle mai a, tuichawi, buhden, ei rawngbawl, chawei siam leh a seng fel. An kuta awm vek a ni. Pi pute hunlai kha chuan an eizawnna hi a inang ṭhûma, lo neih a niin an feh tlut tlut ringawt mai ṭhin a, chuvangin, Mizo hmeichhia te chuan hetia'ng nikhua hian feh tur mamawh zawng zawng hi an tihtura ngaih vek a ni a, an emin an phurh vek a ngai bawk ṭhin. Mipa chuan iptepui an ak ve hram chauh a ni.  Feh haw'n kawngah lah hmeichhia chuan em khatin in lam mamawh an phur haw ...
Post a Comment
Read more

CHANCHINBU MAN KHAWN A HUN LEH DAWN TA

  Thlatina Inrinni hnuhnung ber hian chanchinbu man khawn a ni tlangpui a, thlathar Inrinni hmasa ber leh remchang danga khawn pawh kan awm zeuh zeuh bawk. Thla a lo tawp (Inrinni hnuhnung ber) leh takah hian chanchinbu man pek lamah tan i la teh ang u. Kan chanchinbu hi thla khat lak man cheng 30 kan ti a ni a, heti hian a mah leh a mah a intum tawk vel viau a ni. A man pawh a lut tha tlangpui a, a lawmawm. Chutihrualin, pek lam ngaihsak lutuklo kan awm leh zeuh thin erawh a zialo thin khawp mai. Chanchinbu hi naupang semtir thin a ni a, a man khawn thu-ah pawh anni hian an keng tlang mai thin. Naupang an nih avang tak hian thenkhat hian zahlo taka lo tawngkhum in 'min pe ngai silo a, a man khawn hre hlur ringawt mai' tih an hlawh fo niawm tak a ni.  Thenkhat chhiar duh si a man pe duh manglo te pawh an awm niin a semtute hnen atangin thu kan dawng fo. A zialo khawp mai. Tin, pe emaw intia pe silo te pawh a awm theih a nia. Naupang rilru thianghlim tak te an ni a, rilru sual ...
Post a Comment
Read more

THLAZING

  (Sawiremtlang editorial) August thla han hman meuh chuan chhum a zing phui chuai reng mai a, upa ten 'thlazing' an lo ti pawh hi a awm viau mai. Amaherawhchu, heta thlazing tih hi pi pu te thla hming pakhat emaw ti kan awm leh mai thin. Mizo thla chhiar danah chuan Thitin thla a ni tih i hria ang u khai. Hmanlai chuan mitthi te hi pialrala kal nghal mai loin kan velah hian an la tap thin a, August thla hian mitthi khua an pan thin nia an ngaih avanga thitin thla ti pawh an ni niin a hriat. Chuvangin, August thla hi Mizo thla chhiar dan chuan thitin thla tihna a ni a, thenkhat ten thlazing tia an sawi erawh thla hming ang niloin tun thla chu chhum a zing chuai reng mai an tihna a nih chu. Mizo thla chhiar dan hriat hi kan mawhphurhna ni ve in a langa, thla chhiar dan mai bakah an nunphung te pawh hi hriat ve hram hram I tum ang u. August thla chu a zo ruai chu a ni leh ta a, ni reilo te-ah Ber thla kan kan kai anga, derhken, nuaithang, anthur leh senhri nu ten par an chhuang l...
Post a Comment
Read more