1st. Tuesday : Sihphir khuaa HSSLC zirlai te chu Gov't. High School-ah an exam tan. March ni 25 (Zirtawpni)-ah an zo ang.
2nd. Wednesday : Ni za inhlawhna pawisa chu Rs 500/- theuhin sem a ni.
3rd. Thursday : Positive thar mi 18 kan nei a, dam 33 kan nei bawk. Tichuan, tun dinhmuna hri vei mek kan neih hi mi 212 an ni.
4th. Friday : Covid hri kai thar mi 19 kan nei. Heng zingah hian Pi Sawikimi (VCM) w/o VL Rema (L) pawh a tel.
5th. Saturday : Thlanmual chuanhnuaia invuina tur in te chu chawlhkar khat zet thawh a nih hnu-ah sak zawh a ni ta.
6th. Sunday : Pi Thanzuali m/o Zohmingliana Hnamte, Biakin veng, February ni 25 a hri kai chu ZMC atangin dam takin a lo chhuak leh ta. Pi Thanzuali hi February ni 27 khan ZMC-ah hian a awm phei a ni.
7th. Monday : PC Lalrinliana, Secretary, Village Council chuan Mizoram sorkar, Transport Department in khua leh veng tinah lirthei census a neih mek chungchangah khawtlang mipuite hnenah tih ve a ngaih avangin hriattirna a ti chhuak.
8th. Tuesday : Middle School II a Hindi Teacher thawk mek, Pi HS Lalrammawii chu tun thla hian pension-a a chhuah dawn avangin chhungkhat laina leh thenrual tha ten an thlah.
9th. Wednesday : Pi K. Thansiami, Durtlang chuan a huan chokider thi kan lo buaipui dan chungchangah lawmthu sawi nan mitthi chanchin ziahna pahnih YMA te a rawn pe a, Bawngkawna ruang zuk dah tu V/C motor deasel man atan Rs 1,000/- a rawn pe bawk.
10th. Thursday : Baby
Lalrinpuii d/o Lalrinchhana,
Damveng leh Vanlalpeka, Lungdai te
chu Lungdai Presbyterian Kohhranah
an innei.
11th. Friday : Tv H. Malsawmzuala s/o H. Laltanpuia, Neihbawi chu Under-25 Criket Tournament, Cuttack, Odisa-a
khel tur Mizoram team zingah telin
Mizoram an chhuahsan.
12th. Saturday : CYMA
hruaitute chuan Synod Camping Centre-a Myanmar raltlan awmte an
rawn tlawh a, an dinhmun te zawt
chiangin a tula hman turin Rs 5,000/-
an hlan bawk.
13th. Sunday : Aizawl East 1 North Block MNF te chuan YMA library a dah turin 'Independence puan leh underground sorkar' tih lehkhabu, K. Vanlalauva, ex minister ziah chu an pe.
14th. Monday : Sakawrhmui tlanga forest department ten ram an halna lamah mei a chhuaka, hemi thelh tur leh hmun dang kai tur vengin khawtlang mipui engemawzat thawhchhuah a ni.
15th. Tuesday : Ni thum awh tur SIRD & PR hnuaia 'Scientific Management Practices in Broiler Farming' chu CVSc & AH Selesihah tan a ni a, he hunah hian Sihphira Self Help Group hrang hrang atangin member 20 in traning hi an nei.
16th. Wednesday : Taitesena Section YMA te chu Pu C. Lalrinawma, Kawnveng, inchung slab chhungin an hnatlanga, member 40 chuang zet thawkchhuakin cement bag 70 an chhung. Hnatlanga chhuakte chungah section hruaitu te an lawm hle.
17th. Thursday : Mizoram Pensioner Association, Sihphir
Branch te chuan YMA Conferece Hall-ah General Body Meeting neiin an
hruaitu tur an thlang nghal.
18th. Friday : Rebecca Lalrinhlui d/o F.
Lalchuailova, Tamloveng leh
Lalthlamuana Pachuau, Chanmari te
chu Salvation
Army Biak In, Chanmari-ah an innei.
19th. Saturday : Karleh, March ni 24, khi Sihphir Branch YMA
dinchampha vawi 84-na a ni a, he ni pual hian Branch YMA Executive Committee member te leh Section YMA-a Committee member te chu thlanmualah thlan lane siam leh hnim sam in an hnatlang.
20th. Sunday : Pu Lalniliana, kum 55 B/o Pu Hmingthanzauva, Dam veng chu 'Internal Bleeding' avangin a boral.
21st. Monday : Pi Hmangaihthangi, kum 83 M/o Laikunga, Kawnveng chu an chenna Inah 'Lungphuchawl-in' a boral.
22nd. Tuesday : Mizoram khawchhak lama Vawk pul hri, African Swine Fever (ASF) nasa taka a len leh mek avang leh Sihphir khua pawhin na taka he hri hi kan lo tawrh tawh avangin Village Council chuan khawdang atanga Vawk talh tur emaw, Vawk note, Vawk vulh tur leh Vawk sa te thu leh awm hma chu lak luh a khap.
23rd. Wednesday :
Hrikai thar kan neilo a, mi 2 dam kan awm thung. Tichuan, tunah hri vei kan awm ta lo.
24th. Thursday : Thanglianchhunga, VCM, s/o Lungmuana Neihbawi leh H. Lalhriatpuii d/o H. Rohmingliana, Biakin veng te chu Hmarveng Presbyterian kohhran biakinah an innei.
25th. Friday : Esther Lalduhawmi, Thla 2, d/o Lalhmangaihsang, Arpu veng chu Lungphu chawlin a boral.
26th. Saturday : Simon Rosh Malsawmtluanga (Ni 78) s/o Lalhmundika Tamlo veng chu lungphu chawlin a boral.
27th. Sunday : Ni hnih awh, Presbyterian Pastor Bial Kohhran Hmeichhe Inkhawmpui, Hmarveng Kohhran Biak In a neih chu a tiak.
28th. Monday : Boundary Protection Committee ten a vawikhat nan meeting an nei a. Kan mi hmasa, tunhma hun leh ram chin hria kan hranghlui te an kal tha hle. Comt-ah hian all VCM's leh Branch YMA OB's te an awm nghal bawk.
29th. Tuesday : UPHC thawktu te chuan Nauselah a thlawna inentirna hun an buatsaih a, damdawi mamawh te tan a thlawnin an sem nghal.
30th. Wednesday : Malsawmzuala s/o Lalhmangaihi, Dinthar Veng leh Lalngaihsaki, d/o Lalnunpuia Tochhawng, Kawnveng te chu Venglai Presbyterian Kohhranah an innei.
31st. Thursday : Lalenkawli Royte d/o Malsawmkima, Chhanhim veng leh Lalrinngheti d/o PC Lalthanmawia, Tlangveng te chuan thlangkhuan an dim.
1. Tunhmaa an dinhmun : Kan pi pu te khan 'Hmeichhe finin tuikhur ral a kai lo', 'Hmeichhia leh uipui chu lo phun lungawi mai mai rawh se' tih leh 'Hmeichhe hna, hna ni suh, chakai sa, sa ni suh' tih te hi an ṭawng duh dan a ni a, hetaṭang hian hmeichhia te an dah hniam ṭhin zia a chiang viau awm e. Nula in inleng a neihin an mi ngei zawng tak pawh ni se, biak chhiat an ngaitheilo a, ngaihtheih loh chu sawi loh, thianglo hialin an ngai a ni. Khawvar tirh aṭangin hna an ngah nghal hle mai a, tuichawi, buhden, ei rawngbawl, chawei siam leh a seng fel. An kuta awm vek a ni. Pi pute hunlai kha chuan an eizawnna hi a inang ṭhûma, lo neih a niin an feh tlut tlut ringawt mai ṭhin a, chuvangin, Mizo hmeichhia te chuan hetia'ng nikhua hian feh tur mamawh zawng zawng hi an tihtura ngaih vek a ni a, an emin an phurh vek a ngai bawk ṭhin. Mipa chuan iptepui an ak ve hram chauh a ni. Feh haw'n kawngah lah hmeichhia chuan em khatin in lam mamawh an phur haw ...
Comments
Post a Comment