1st. Tuesday : Mizo National Front (MNF) General Hqrs. chuan Mizo Hnam Runah 'Mizo National Day' (independence puan ni champha) an hmang a.He hun hi MNF Vice President, Pu Lalthlengliana'n a kaihruai a, Treasurer, Pu K. Vanlalauva chuan independence declaration changchang leh MNF chu Mizo nationalism kengtu a nih thu a sawi.
2nd. Wednesday : Manipur election duty-a kal, 2nd IR Battalion sipaite chuanna motor (pickup) chu Tamenglong College kawtah break fail avangin a chesual a, Constable, K. Lalawmpuia (Maawmtea), kum 37, Champhai chu a boral. Motor-ah hian mi 15 an chuanga, hliam tuar hi 10 an awm bawk.
3rd. Thursday : Champhai atanga Zokhawthar panna kawng, Champhai atanga KM 14 vel, ZNS Farm, Mualkawi ram chhung, Sapianmaksak kiangah motor Cycle Yamaha FZ, MZ-01/V-0378, Lalbiakmuana (23) s/o Sawithuama leh Lalawmpuia (36) s/o Lalrongura, Sazep khua ve ve te chuanna leh National highway No 6 sial hna thawk mektu Sri Balaji Construction company te truck (Hyva) Regn.No. MZ-04 /A-6832, Pradeep Kumar (34) s/o Ganesh Mahto, Hazaribagh, Jharkhand khalh chu na takin an insu a. Motor cycle a chuang mi 2 te hi truck hnuaiah inbarh lutin a hmunah hian an an boral nghal.
4th. Friday : Chapchar Kut chu VanapaHall-ah hman a ni a, Chief Minister, Pu
Zoramthanga chu Kut Pa niin, Art & Culture Minister, Pu R. Lalzirliana chuKut Thlengtu a ni.Kut Pa, Chief Minister, Pu Zoramthanga chuan kut thupui
"Zonun zemawi - Rinawmna" chu pawimawh a tih thu a sawi.
5th. Saturday : Keitum leh Serchhip inkarah ABCI Infrastructures Pvt Ltd 4 Package Oil tanker chu chesualin Bisojit Singh leh Bijoy Chhetri, Assam lam mi ve ve chu an boral a, mi dang pahnih na takin an hliam bawk.
6th. Sunday : Lawngtlai leh Siaha inkara car chetsualna thlengah unau pianghmun,
Zahmingthanga, Lawngtlai fate- Roluahpuia(37) leh Hnehtuliana(35) te an thi.
7th. Monday : Hangzo Natural Park leh Zo Friendship International te tangkhawp buatsaihin Myanmar ram buai avanga Zohnahthlak unau ten an sahim nana Mizoram rawn pante pualin "Raltlan Thlahual" hun hman a ni. He hunah hian khuallian chu R. Lalngheta, Central YMA President a ni. He hunah hian Myanmar sipai hotutena sawrkarna an pawng lak hma a, Myanmar sawrkara MP 21 leh raltlan engemawzat an tel a. Mizoram Rural Bank Chairman, V.Jaya Chandra chuan raltlanten an mamawha an hman turin cheng nuai sawm a hlan bawk.
8th. Tuesday : Rajya Sabha MP, K. Vanlalvena, State Consultative Committe of Food Corporation of India (FCI) Chairman ni bawk chuan Aijal Club-a chanchinbumite nena an inkawmnaah "FCI buhfai Mizoramin a lei chu mipuiin an khamkhawp loh avangin FCI a leina aia to deuhvin mimal buhfai a lei thin a ni," a ti.
9th. Wednesday : Vice President, M Venkaiah Naidu chu ni thum cham turin Mizoram a lo thleng.
10th. Thursday : Asssembly pariatna leh session vawi 9 na ni bawk, budget session ni 17 chhung awh leh ni 12 chhung thutkhawm chu tiamchin awm lovin Speaker, Pu Lalrinliana Sailo chuan a ti tawp.
11th. Friday : Aizawl Bawrhsap Dr. Lalhriatzuali Ralte, Chairman, DTFME hnuaiah malaria umbo chungchang ngaihtuah niin kum 2030 ah hian Malaria hlawhtling taka umbo vek tum anih thu sawi a ni.
12th. Saturday :
Chief Minister, Pu Zoramthanga chuan ZOHANDCO Sales Emporium Aizawl Chaltlang Lily Veng ami chu a duh apiang dawr theihin turin a hawng.
13th. Sunday : Suangpuilawn rama Rungdil bula Pu Lianchhunga Ramhlun South, Aizawl thlam kangah mi pathum (3) an kang hlum.Thlam hi a chhawng niin, inhnuai lam aṭanga kangmei hi chhuak nia hriat a ni. Thi te hi Chowkidar, Pu Vanlalmawia ,kum 58, East Phaileng leh a fanu, kum Zorinmawii, kum 14 mi bakah Pu Lalmuankima, huan neitu fapa te an ni.
14th. Monday : Fiamthu thiam, Lalnunsanga, Kanan veng chu thluak thisen tling avangin Civil Hospital-ah a boral.
15th. Tuesday : Mizo tlangval TT player chhuanawm Lalrinpui chu Mumbai Taloja Central Jail atangin a chhuak fel ta. Lalrinpuia hi a December 13, 2017 zing dar 4:30 velah Mumbai Airport-ah Narcotics Control Bureau ten an man a, U anga a en Mizo hmeichhe pahnih leh an thian mihangte bumna tenawm tak avangin a tihsual ni miah lovah kum 4 leh thla 3 leh ni 2 jail-ah hian a tang a ni.
16th. Wednesday : Diktawn Monthly Magazine Miss Chapchar Kut 2022 a thlan chu a hmawr bawk a ni ta a, he hunah hian Miss Chapchar Kut 2022 atan Vanlalnunpuii D/o R Lalremruata ITI veng, Aizawl chu thlan a ni a, a ni hian hian lawmman atan tangkafai Rs. 50,000/- bakah Citation, Photo Frame leh Pu Lalhmachhuana Zofa lehkhabu ziak, Mizo Lalte, Rs. 1,500/- man te a dawng.
17th Thursday : Ni thum awh SIRD & PR hnuaiah 'Scientific Management Practices in Broiler Farming' chu CVSc & AH Selesih a neih chu a zo ta. He hunah hian ni a, Self Help Group member 21 in traning hi an zo.
18th. Friday : Durtlang workshop pakhata chhiatna thleng ah mi 3 an thi a, costomer pakhat leh workshop bula mi pakhat ten hliam an tuar.
19th. Saturday : YMA Chhimtuipui Group chuan Rorel Inkhawm vawi 3-na chu Group YMA Hall, New Colony Siaha-ah an hmang. YMA Chhimtuipui Group huam chhungah hian Branch 14 awmin YMA member 1,543 an awm a, life member 41 an awm mek a ni.
20th. Sunday : Bawngkawn Non-Mizo Christian Center bula Pi Nazami in Assam Type in kangah inhnuai luahtu, Pi Nazami fanu Pi Lalnuntluangi h/o Lalthlamuana (35) a kang hlum. In kan lai hian in neitu Pi Nazami hi a len chhuah lai a ni a, nunna chanta, Pi Lalnuntluangi leh a pasalte erawh an awm lai niin pawnah an tlanchhuak tawh. Chutia an insaseng chu Pi Lalnuntluangi chu let lehin inchhung lam a zuk bih leh chuan he vanduaina hi a tawk ta niin an sawi.
21st. Monday : Pi Ngurthanpuii (Kum 58) Chhinga Veng chu Sihphir daia, Sakawrhmuituai tlang bulthutah motor a a chuan laiin lungphuchawl in a thi. mi chu Hliappui chawlhbuk bulah a boral. Sihphir khawtlang in ruang hi khawchhungah la in puan a an tuam hnu in Chhinga Veng YMA hruaitute thil awmdan hriattir an nih hnuah Ambulance nen ruang hi an rawn la.
22nd. Tuesday :
Khawvel pum huapa Tui humalh pawimawh zia inzirtirna Ni, World Water Day a ni a, Zoram hmun hrang hrangah hnan ve a ni. A hmanna pui ber Aizawl a Chanmari YMA Hall-ah chuan Chief Minister, Pu Zoramthanga chuan a hmanpui.
23rd. Wednesday : Mizoram chhim lama 'Chhim hrût fehchhuah' hun hmang mek,
Mizoram Pradesh Congress Committee (MPCC) president, Lalsawta chuan thu sawiin, "Hruaitu ṭha kan neih phawt chuan Mizoram hi kan dingchhuak thei," a ti.
24th. Thursday : Sports & Youth Services Department bultum a YHAI Mizoram State Branch in Expedition Tiger Hill, Darjeeling West Bengal-a a buatsaih a tel tur te chu, Sports Office kawtah Sports Director, Joseph H Lalramsanga'n a a vailiam.
25th. Friday : Lawngtlai District Village Council Association (LDVCA) chuan silver jubilee, Lawngtlai Central YLA Hall-ah an lawm a, he hunah hian Agriculture Development Board Vice Chairman, H. Biakzaua'n a hmanpui.
LDVCA hi LADC hnuaia village council te inzawm khawmna pawl niin, kum 1997 March ni 25 khan din a ni a. Tunah hian member VC 104 (village council puitling 97 leh sub-village 7) an awm mek a ni.
26th. Saturday : Dan phalloh thil dona kawnga hmalakna kal zelah Special Narcotics PS team leh BSF Sector Aizawl tangkawp te chuan pawisa lem, cheng ₹.11,35,600/- man hu, (₹.500 tlang - 1368, ₹.200 tlang - 1507 leh ₹.100 tlang - 1502) chu Lalmuankimi (48), Mualpui Salem Veng mi kut atangin Aizawl Dintharah an man.
27th. Sunday :
Thli leh ruah thawkin Khawzawl a Pi Hrangthangi te chenna In chu a tihchhiat saka, mihring thi leh hliam erawh an awm lo. Khawzawlah hian vawk in leh chhekin chhia a awm nual bawk.
28th. Monday : Chikhurlui khua, Pi Sukki (32) w/o Zoramthanga chu a ui chhan a tumna lamah current-in a man a, a hmunah a boral nghal. A ui nena ram kal an ni a, ui chu kalkawng sira Electric ban a current leak-in a man a, Pi Sukki hian a ui chu chhan a tum a, hetia chhan an tumna lamah hian amah pawh chu current-in manin a ui nen hian a hmunah an boral nghal a ni.
29th. Tuesday : New Delhi-a cham mek, Tourism Minister, Pu Robert Romawia Royte chuan Minister of State for Steel, Pu Faggan Singh Kulaste kawmin Steel Ministry atanga sports infrastructure siam Mizoram Sorkarin a rawtnate an sawi dun a, Union Minister chuan theihtawp chhuahpui a tum thu a lo hrilh a ni.
30th. Wednesday :
Ministry of Road Transport and Highways chuan Durtlang Leitan atanga Sihphir kawng tihzauh leh siamthatna tur project cheng vbc. 46.57/- chu pawmpuiin pawisa a pechhuak a. He kawng siam tur hi Km 10 vela thui niin CIRF Fund hnuaiah ruahman a ni.
31st. Thursday : Planning & Programme Implementation Department leh Deputy Commissioner, Aizawl te buatsaihin, Taxation Auditorium, MINECO-ah Sustainable Development Goals (SDGs) Zirho-na (Workshop) 'Implementation, Monitoring and Localisation of SDGs' tih chu Aizawl District huamchhunga a, Municipal pawn lama Village Councils te, NGO leh Stake holder te tan neih a ni.
Workshop hawngtu Dr. Lalhriatzuali Ralte, IAS, Aizawl DC chuan SDGs pawimawhna leh a hlawhtlinna tura mipuite an pawimawh dan a sawi.
1. Tunhmaa an dinhmun : Kan pi pu te khan 'Hmeichhe finin tuikhur ral a kai lo', 'Hmeichhia leh uipui chu lo phun lungawi mai mai rawh se' tih leh 'Hmeichhe hna, hna ni suh, chakai sa, sa ni suh' tih te hi an ṭawng duh dan a ni a, hetaṭang hian hmeichhia te an dah hniam ṭhin zia a chiang viau awm e. Nula in inleng a neihin an mi ngei zawng tak pawh ni se, biak chhiat an ngaitheilo a, ngaihtheih loh chu sawi loh, thianglo hialin an ngai a ni. Khawvar tirh aṭangin hna an ngah nghal hle mai a, tuichawi, buhden, ei rawngbawl, chawei siam leh a seng fel. An kuta awm vek a ni. Pi pute hunlai kha chuan an eizawnna hi a inang ṭhûma, lo neih a niin an feh tlut tlut ringawt mai ṭhin a, chuvangin, Mizo hmeichhia te chuan hetia'ng nikhua hian feh tur mamawh zawng zawng hi an tihtura ngaih vek a ni a, an emin an phurh vek a ngai bawk ṭhin. Mipa chuan iptepui an ak ve hram chauh a ni. Feh haw'n kawngah lah hmeichhia chuan em khatin in lam mamawh an phur haw ...
Comments
Post a Comment