Skip to main content

A LUNGTHU KIM NA'N COVID 19 VACCINE KA LA

Tahan lama Damdawi in pakhatah nu pakhatin nau a hringa, naute chu rawn tawngchhuak nghalin, 'Vawiina artui chhum hmin pakhat ei apiangin tunlai-a hri leng mek, Coronavirus natna-ah an him ang" a ti a, chuveleh, a thi nghal niin thu a thang chiam mai. Hetia'ng lam hi ka ring chiamlo na a, tak tak lo nilo pawh nise, artui te chu thil man to tak a nihloh bakah a tui -in hrisel na atan a la tha em em bawk si tiin ka ei ve a, chu chu nikum February ni 9 kha a ni ta awm e.


Mi tam tak chuan min nuihzatin an awilo hlawm hle in ka hria. Kei ngei pawh hian mi sawi chu ni se ka awi kherlo maithei baelwk. Mahse, sawi tak angin ka chawhmeh duhzawng tak a lo ni hrim hrim bawk nen, Chawlhni tukah vawk sa nen ka'n chilh pawlh a nih kha. Chaw ei pawh a ti tui hle nghe nghe.


Khawvel ram hrang hrangah hri a hluar zel. A venna (vaccine) siamin sorkar lian ho lah an buai. An peihin kum upa lam atangin sem tan ani a, kei chu a thawhhnihna, thalai rual zingah telin June ni 15 khan community hall-ah ka inchiu tir ve ta. Huphurh ang aia rin ai taka a lo nat loh avangin ka lawm hle. Inchiu te, hnar/hrawk hawlh te hi a na lemlo na a, hriat lawk anih miau chuan a huphurhawm thin hle. Hriatlawk loh chuan han intihpalh nat deuh tum pawhin a ziaawm.


Hun a kal zel a, vaw'nah a lungthu kim na'n (artui ei leh sorkar hri danna) vaccine chu ka la ve leh ta. Hri laka ka him phah ngei pawh ka beisei.

Comments

Post a Comment

Popular posts from this blog

KUM ZA CHHUNGA MIZO HMEICHHIATE DINHMUN

 1. Tunhmaa an dinhmun : Kan pi pu te khan 'Hmeichhe finin tuikhur ral a kai lo', 'Hmeichhia leh uipui chu lo phun lungawi mai mai rawh se' tih leh 'Hmeichhe hna, hna ni suh, chakai sa, sa ni suh' tih te hi an ṭawng duh dan a ni a, hetaṭang hian hmeichhia te an dah hniam ṭhin zia a chiang viau awm e.  Nula in inleng a neihin an mi ngei zawng tak pawh ni se, biak chhiat an ngaitheilo a, ngaihtheih loh chu sawi loh, thianglo hialin an ngai a ni. Khawvar tirh aṭangin hna an ngah nghal hle mai a, tuichawi, buhden, ei rawngbawl, chawei siam leh a seng fel. An kuta awm vek a ni. Pi pute hunlai kha chuan an eizawnna hi a inang ṭhûma, lo neih a niin an feh tlut tlut ringawt mai ṭhin a, chuvangin, Mizo hmeichhia te chuan hetia'ng nikhua hian feh tur mamawh zawng zawng hi an tihtura ngaih vek a ni a, an emin an phurh vek a ngai bawk ṭhin. Mipa chuan iptepui an ak ve hram chauh a ni.  Feh haw'n kawngah lah hmeichhia chuan em khatin in lam mamawh an phur haw ...
Post a Comment
Read more

CHANCHINBU MAN KHAWN A HUN LEH DAWN TA

  Thlatina Inrinni hnuhnung ber hian chanchinbu man khawn a ni tlangpui a, thlathar Inrinni hmasa ber leh remchang danga khawn pawh kan awm zeuh zeuh bawk. Thla a lo tawp (Inrinni hnuhnung ber) leh takah hian chanchinbu man pek lamah tan i la teh ang u. Kan chanchinbu hi thla khat lak man cheng 30 kan ti a ni a, heti hian a mah leh a mah a intum tawk vel viau a ni. A man pawh a lut tha tlangpui a, a lawmawm. Chutihrualin, pek lam ngaihsak lutuklo kan awm leh zeuh thin erawh a zialo thin khawp mai. Chanchinbu hi naupang semtir thin a ni a, a man khawn thu-ah pawh anni hian an keng tlang mai thin. Naupang an nih avang tak hian thenkhat hian zahlo taka lo tawngkhum in 'min pe ngai silo a, a man khawn hre hlur ringawt mai' tih an hlawh fo niawm tak a ni.  Thenkhat chhiar duh si a man pe duh manglo te pawh an awm niin a semtute hnen atangin thu kan dawng fo. A zialo khawp mai. Tin, pe emaw intia pe silo te pawh a awm theih a nia. Naupang rilru thianghlim tak te an ni a, rilru sual ...
Post a Comment
Read more

BIBLE CHHIAR

Lehkhabu, a kawm dum, a changtupa thihna ‘Bible’ kan tih mai hi hi khawvela lehkhabu darh zau leh copy pawh tam ber a ni awm e.  He lehkhabu hi chatuan nunna kawng min kawhhmuhtu lehkhabu hlu tak a nih avangin chhiar ngei tur a ni a; a chhiar ve lo pawh chhiar tura in fuih a tul bakah hnam hnufual zawk te pawh chhiar tur chhawp chhuah sak theih hi a tul ngawt mai. Chutiang atana mi thahnemngai tlem azawng an awm pawh hi a tihzia e. Tunhma chuan nitina chhung inkhawm nei thin kan nia; (tunah erawh ‘tunlai chuan mihring kan tul tawh a’ tih chhuanlam tute zingah ka tel ve ta.) chu’ng lai chuan ka pa hian kumthar project-ah ka u hnenah Thuthlung Thar bu pumpui hi chhiar chhuak turin a tia;  kei Chanchin Tha bu li te, tin, ka naute pahnih chu Sam bu chhiar turin a ti bawk. Ka unau dangte khan ka pa  ngenna kha an ti hlawhtling ta em? ka hre ta chiah l’aw, kei erawh chuan ka tih hlawhtlin mai bakah Thuthlung Thar zawng zawng chu ka chhiar ta vek a, ka tui tak zel avangin Thu...
Post a Comment
Read more