Chaklo teh mah ila, naupan lai atanga Kristianna ina a chhum hmin ka ni. Chuvangchuan, phak ang tawk tawkin Pathian lam ka hawi ve a, ka phak tawk rawngbawlna pawh vawiin thlengin ka ka nei ve. Pawn lam langtheiah sual langsar ka khawih lo a, ruihtheih thil leh zuk leh hmuamah ka fihlim bawk.
Hun a kal zel a, lehkha te chhiarin leh social media vel atangin te in Pathian Thu / Bible te theih ang tawkin ka zir ve thin. Bible sélna ka chhiar fuh chang te leh mii'na an selna ka hriatte hian ka lai a lo na hial thin. Bible selna leh sakhaw dang rin dan hrang hrang te ka chhiar ve tak hnu chuan ka Pathian rin dan a dang ta tlat mai. Bible belhchian dawllohna leh a rintlak tawk lohna lai (mihringin an khawih nawn a nih hre ta ila) ka hre thei ta riau mai. Sakhaw dang te rin dan a sual bikloh te ka ring thul. A hnu phei chuan Pathian hi a awm tak tak loh rin nate ka nei ta hial mai! Khawvel thil thleng reng reng hi hunin a tawn dan anga thleng a nih theih dan te ka ngaihtuah kai zel a, Pathian a inrawlh vek kher ka ringlo ta tial mai.
Heti chung hian ka rawngbawlna erawh ka chawl chuanglo. Ka nunah danglamna tehchiam a langlo maithei. (Mahni inhriat erawh a har khawp a)
Tunlai hian kan unau zinga naupang ber chuan harsatna mak tak mai a tawk. Thlarau sualin tibuaiin a u boral tawh te thlarau te hmu angin a insawi. Hetah chiah hian Thlarau Thianghlim hnathawh ka nunah a lo thleng ta. Ka nau tibuai tu kha eng rau emaw chu a ni chiang mai tih ka ngaihtuah a, tibuaitu thlarau hi thlarau sual tak a ni ngeiin ka ring. Thlarau sual a awm chuan ka rinhlelh thin Pathian chu a awm ngei ang tih chi ka chiang ta kuar mai. Pathian hnenah a ngaihdamna te dilin tunah chuan chhandamna ropui tak ka lo chang leh ta. Lalpa kei misual min chhandam avangin ka lawm e.
_Keinin vanduai naah kan ruat,
A hmangaihna lantir tu._
Comments
Post a Comment