Lalchhanhima Varte

Dt. 12th. May, 2019 zanlai dar 12:15 vel khan heng mi: Vanlalliana s/o Hrangchhawna (32) Phunchawng leh Hrangsanglura s/o Tlangmawithanga (40) Zemabawk te hian H. Vanlalvena s/o H. Thanga (L), Dinthar veng ta tur, zu 160 Ltrs. lai mai an rawn pe tur chu man sak an ni. Zu rawn dah tute leh H. Vanlalvena bakah hian an motor hman MZ 01 M 6477 (Wagon R) chu Excise Department hnênah hlan nghal an ni. H. Vanlalvena hi nikum khan a in hi kalhsak a lo ni tawh a,  ngaihdâm a dil avang leh zu zuar tawh lo tûra a intiam avangin a in hawnsak leh a ni. Tin, kar hmasa Zirtawpni khan Taitesena Section JAC te chuan Malsawmtluanga s/o Lalrema, Kawnveng chu zu a nei ni'a an hriat avangin man tumin an veh a, a bulhnaia Pu K. Lalnunsanga inah hruaitu te hmalak dan tur relin an lutkhawm a, hetih lai hian zu zuar (Malsawmtluanga) ten an chhawr te zinga mi thenkhat (anni hian mi chhawr hi an nei thin a ni.) kawngpuia kaltlang chuan chutianga pa ho kalkhawm ta chu anni thil thalo kawl an nei bawk ...

(Mizoramah MNF candidate, Pu C. Lalrosanga a tling. Central-ah BJP-in rorel leh dawn.) MP election, April ni 11-a neih chu Ningani khan vote chhiar a ni ta. Tunṭum election hi India ram pumah thawh sariha neih a ni a, Mizoram hian thawh hmasa berah inthlan hi kan hmachhawn avangin inthlan hun leh vote chhiar inkarah hian ni 42 zet a tla a ni! Mizoram MP inthlanah hian voter 7,87,782 zinga 4,96,927 (63.08%) in vote kan thlak a, tichuan, hetia'ng hi kan inthlan result chu a ni: C. Lalrosanga - MNF-2,23,276 Lalnghinglova Hmar - Congress+ZPM-2,14,714 Nirupam Chakma - BJP-27,989 TBC Lalvenchhunga-PRISM-13,167 Lalhriatrenga Chhangte-Independent-12,441 Lalthlamuani-CIPC-1,907 NOTA-2492 Heti hian MNF party candidate Pu C. Lalrosanga chuan vote a hmu sang ber a, amah hnaih bertu, Pu Lalnghinglova Hmar, Independent (Congress leh ZPM thlawp) chu vote 8,562 in a hneh a ni. Central lamah pawh rorel lai, BJP (NDA) chu hneh taka thlan tlin an ni leh ta a, hei hi ram puma s...

Kum 1994 khan keini ṭhianho chuan pawl kan indin a, pawl hming atan 'APOLLO' tih a ni. He pawl hi infiamna lampang item hrang hrang khawih a ni a, a bikin volley ball leh football hi khelh deuh a ni. Hockey te lah a thiam hlei hlei kan ni. Club hmingin khel chiahlo mah ila a tam zawk kha chu club member kan ni ṭhin. Kan pawl hi team ṭha ve tak kan ni ve na a champion em erawh kan nei khat viau. Pahnihna nih kan thiam riau mai a nih chu. Infiammi te pawl din a ni na a, kan pawlah hian inkhel ve ngai reng renglo pawh kan awm ve tho mai. A ṭhahnemngai ngai pawh kan ni zawk mah awm'e. Hringnun lamah pawh inkhawm taima tak kan awm laiin ngaihtuah vak lemlo pawh kan awm. Pawl thiltih hona-ah erawh kan inpawh tlang hle. Inkhelh mai bakah chawei khawm, inhlawh leh thil dang pawh kan ti ho nasa hle. Amaherawhchu, 1999 kumtawp ni tlaia kan chawei khawm kha kan chaw ei khawm hnuhnung ber a ni ta a, pawl anga kan thiltih ho pawh a khat ta pharh mai. Kum sangbi thar kan chuanka...

Mizorama chanchinbu darhzau ber Vanglaini chanchinbu chuan 'dawntisei' huang neiin thufing ṭha tak tak an tarlang ṭhin. Tunhnaia an tarlan pakhat chu 'Mifing chu sawi tur a neih chauhin a ṭawng a, mi â erawh chuan sawi duh a neih apiang a sawi mai ṭhin' tih a ni. Kan bible- ah pawh 'Mi â pawh hi a ngawih reng chuan mi finga chhiar a ni,' (Thufingte 17:28) tih a awm bawk. Ni e, dawntisei huanga lang ang hian mifing chuan a sawi tur chu a him em? tih a ngaihtuah hmasa ṭhin a, mi â erawh chuan an rilrua lang apiang an sawi phawng phawng mai ṭhin. Bible meuhin khitia'ng khian a lo sawi ve bawk nen, mi ri deuh phawng phawng chu kan ngai mawl deuh a, mi mûk run mai chu mifingah kan ngai ta mai zawng a nih hi! A dik khawp mai. Amaherawhchu, mawl nih hlawuh vang emaw mi huat hlauh vang maia mahni ngaihdan pawh sawichhuak ngamlo chu mi khawngaihthlak tak anni in an ngeiawm letling hlauh thei. Kan khawtlang hruaitu te (V/C, YMA etc.) hmalakna te pawh duhkhawploh...

May ni hnih, 2019 a ni a, chanchinthar vela an puan kan hriat danin HSLC result chhuah ni tur a ni tih kan hre fur. Mi nawlpui chuan kan hriat kha duhtawkin kan vei zui lem in a lang lo. Exam hmachhawn tute leh chu'ng mite chhung khat te chuan an ngaihven viau in a rinawm. Result chu a lo chhuak ta ngei a, Mizorama thiam ber chu kan khua in kan nei nawlh mai. Hnuk pawh a ulh rum rum hial mai. Top ten huang a lang hi chu kan nei ve zauh zauh tawh a, a ber han neih em chu kan suangtuah phak vakin a rinawm lo. Amah Nungnungi kha lehkha thiam thei a nih mai piahlamah a taima ve thawkhat viau niin a lang. A taimak em avanga ber nihna hauh thei pawh a nih hmel. Sihphir khua hi tunhma atangin mi taima khua anga hriat lar kan ni thin. Kan Topper-i pawh hi chutiang huang chhunga dah chi pawh a ni ang. A nu hi kharchhawnga eizawng a ni a, chu chu Nungnungi chuan zak miahloin a pui ve lawp lawp thin. Ama zarah lehkhathiam khua ni mai loin mi taima khua nih pawh kan hlawh phah...

Kar hmasa Zirtawpni aṭanga Pathianni thleng khan Sihphir Pastor Bial Inkhawmpui chu Sihphir Venglai Kohhran Biak inah tluang taka neih a ni a, thupui - 'Tho la, i Pathian ko rawh' (Jona1:6) tih chu bialtu pastor, Rev. C. Sapkaia chuan Pathianni chawhma inkhawmah a sawi. Inkhawmpui hi Zirtawpni chhunah committee peng hrang hrang neia ṭan a ni a, mipui lam tan zanah inlawmna leh kohhran report hmanga ṭan a ni thung. Report aṭanga a lan dan in : Kohhran zat - 3, Kohhran upa - 28 (Tualchhung upa -4 leh pem upa - 1 an awm bawk) Member - 3745, Danzawhkim- 2721, Innei - 35 (biak in -12 hmun dang - 23) Thunun lai - 75, Mitthi - 31, Chhungkua - 796, Pathian ram pe - 791.  Inrinni nilengin biak inah palai ten rorel a ni a, agenda lut 11 zinga 6 chu pass a ni. An thu pass te chu heng te hi anni : 1. Bial huapa Kohhran Committee Seminar neih. 2. Bial Sunday School Exam endik hun tih danglam. 3. Presbytery inkhawmpui thlengtu tur kumhnih hmalama hriatlawk dan ngaihtuah. (Presbytery-a ...

1st. Monday: MNF President, Chief Minister ni bawk, Pu Zoramthanga chuan Lunglei-a Mizo Hnam Runah thusawiin MP inthlanah 'issue base' a thawhpui neih chu thu awmze neilo niin a sawi. 2nd. Tuesday: Association for Environmental Preservation chuan Environment, Forest and Climate Change Department sponsor in Pi Hangi lunglen tlangah savabu siamchawp engemawzat an dah. 3rd. Wednesday: KAI Junior National Karate Championship 2019, tunthla ni 5-7 chhunga Gauhati a neih tur hmachhawn turin infiam mi 23 leh official 4 an kal. 4th. Thursday: Nithum awh tur 20th. MiMSA Racing Championship  2019 chu Tuirial-ah ṭan a ni. MiMSA hnuai-ah hian team 12 an awm mek a, an pawl president chu Lalfakzuala a ni. 5th. Friday: MNF President, Chief Minister ni bawk, Pu Zoramthanga chu Lok Sabha inthlan atan Mizoram khawthlang lamah campaign-in a zinchhuak. Mi rethei te kil phakin malsawmna ruai chawi hniam an tum thu a sawi. 6th. Saturday: Criket Association of Mizoram enkawlna hnuai-a cri...