Skip to main content

VENGHLUNAH IN KHAT AṬANGIN RUANG HNIH A CHHUAK


Kar hmasa Inrinni khan Pu Vanlalrema (55), w/o Lalropuii, Sihphir Venghlun chu chuap cancer avangin Grace Nursing Home-ah a boral. Pu Rema hi chawhma lama thi a ni na a, a thih hun a tlai deuh tawh avangin (10:40am) lumen a ni. (Zing dar 9:00 hnu lama thi hi khawtlang danah lumen an ni ṭhin hrim hrim.) Lumen a nih mek laiin anmahni ina cheng, Pu Rema pa, Pu Ngensiama (89) w/o Laldailovi chu stroke leh thawhah avang te in a boral ve leh!

Ruang pakhat pawh vuiliam a nih hma hawtin ruang dang a'n awmbelh a ni a, a rapthlak takzet a ni. Nikum khan Venghlunah hian in khat aṭanga ruang thum chhuak a awm a, Dinthar vengah unau inhnaih taka thihna a thleng bawk. Pu Ngensiama te pafa erawh a ni dang mah se, a ruala vui ngai chi anni a, chetsualna nisilo a hetia'ng thil thleng hi a rapthlak hle a ni.

Pu Rema boral hi chu thil pangngai ve rengah pawh a ngaih thei ang. Pa ber a'n boral ve meuh erawh chuan anmahni hre lemlo pawhin an lainat niin a lang. Ruang ni hi Pathianni a ni a, Pathianni a ruang a awm chuan chawhnu inkhawm ai-ah mitthi vuina hun atan an hmang ṭhin. Amaherawhchu, a rualin ruang hnih a awm a ni a, kohhran ni pawimawh Easter Sunday a lo ni bawk nen, nilenga inkhawm loh mai chu bialtu pastor ngaihdan a ni. Hemi ngaihtuah hian zing khawvar hma in kohhran committee pawh an ṭhu nghe nghe! Chawhma leh  chawhnu inkhawm loh mai chu an rel thlu ta. Buaina dang an la nei cheu! Pathian ram thawhlawm lakkhawm ni a lo ni lehzel! Chawlhni leha sawn mai rawtna a awm laiin bial inkhawmpui hun a lo ni lehzel a, bial a zim tawh avangin biak in kharin inkhawmpuina hmuna inkhawm vek tur a tih a lo ni bawk si! Finance Committee ten anmahni bial ṭheuhah an khawn ta ringawt mai a ni.

Pu Siama te pafa hian fanau malsawmna an dawng nasa hle. Pu Siama hian fa (Pu Rema te unau) pariat zet a nei a, Pu Rema hian fa pathum a nei thung. Pu Siama zia a ropui tak chu pa zaidam leh thinnel tak, a fate pawhin 'em em' an tih thlenga dawhthei a nihna hi a ngaihsanawmna a ni.  Sunday School zirtirtu mai bakah kohhran committee peng hrang hrangah a lo tel tawh ṭhin a, V/C member hial a lo ni tawh bawk. Mi hrisel tak ṭhin a ni na a, kum 2002 vel aṭang khan stroke in a tlakbuak chho a, hei hian natna dang dang pawchhhuakin a lo boral phah ta a ni. Sihphir khuaa piang zing tunthlenga dam zinga damrei ber ni'a sawi Pu Siama hi  Hmunhluitlang (Nausel kawng, tuna Lungphunkawn thlen hma leh a chhehvel) ah kum 1930-ah a piang a, Lawipu veng (Roman biak in thlang, Nausel kawng) ah te insawn kualin tuna an awmna-ah hian insawn lehin a awm hlen ta a ni.

Pu Rema pawh hi pa harhvang leh thu awih thei tak a ni a, ṭhian te tan pawh a inpe zo hle ṭhin. Rampawna a awmlai pawhin a ṭhianten hnamdang lakah an thlamuan pui hle ṭhin. Pa tlawmngai tak a ni a, khawtlang (YMA etc.) velah pawh a inhmang nasa ve ṭhin hle. YMA President pawh lo ni tawh a ni a, OB post dang pawh Treasurer tihloh chu a chelh kim vek tawh a ni. YMA hruaitu hlun chawimawina pawh a dawng tawh hial a ni. A thih ni pawh hian Sakawrhmuituai Group YMA hruaitu te bakah Central YMA hruaitu te thlengin an lo kal a ni.

Tarlan tak angin Pu Rema hi mi hrisel leh harhvang tak ṭhin a ni a, nikum tir lam aṭang khan a in sawisel ṭan a, zawi zawi a chaklo chho telh telhin hetia'nga a awm chhan hi chuap cancer vang a ni tih hriatchhuah a lo ni a, hei hi a boral phah ta a ni.

Hetia'nga pafa inngaitlawm, kohhran leh khawtlang tan pawha ṭangkai tak a ruala in khat aṭang lehnghala thlahliam an ngai ta hi a pawi takzet a ni. Inah kuang (hran) a an mu dun ral mai leh thlan khur lian taka an han zal dun chu hmuh an hrehawm hle. Tunah hian an inah hian nu ber Pi Laldailovi leh a monu (Pu Rema nupui) Lalropuii bakah an fate pathum an la cheng mek a ni. An kalsan tak an chhungte tan bangloa ṭawngṭai hi kan tih tur niin a lang.

Comments

Post a Comment

Popular posts from this blog

KUM ZA CHHUNGA MIZO HMEICHHIATE DINHMUN

 1. Tunhmaa an dinhmun : Kan pi pu te khan 'Hmeichhe finin tuikhur ral a kai lo', 'Hmeichhia leh uipui chu lo phun lungawi mai mai rawh se' tih leh 'Hmeichhe hna, hna ni suh, chakai sa, sa ni suh' tih te hi an ṭawng duh dan a ni a, hetaṭang hian hmeichhia te an dah hniam ṭhin zia a chiang viau awm e.  Nula in inleng a neihin an mi ngei zawng tak pawh ni se, biak chhiat an ngaitheilo a, ngaihtheih loh chu sawi loh, thianglo hialin an ngai a ni. Khawvar tirh aṭangin hna an ngah nghal hle mai a, tuichawi, buhden, ei rawngbawl, chawei siam leh a seng fel. An kuta awm vek a ni. Pi pute hunlai kha chuan an eizawnna hi a inang ṭhûma, lo neih a niin an feh tlut tlut ringawt mai ṭhin a, chuvangin, Mizo hmeichhia te chuan hetia'ng nikhua hian feh tur mamawh zawng zawng hi an tihtura ngaih vek a ni a, an emin an phurh vek a ngai bawk ṭhin. Mipa chuan iptepui an ak ve hram chauh a ni.  Feh haw'n kawngah lah hmeichhia chuan em khatin in lam mamawh an phur haw ...
Post a Comment
Read more

CHANCHINBU MAN KHAWN A HUN LEH DAWN TA

  Thlatina Inrinni hnuhnung ber hian chanchinbu man khawn a ni tlangpui a, thlathar Inrinni hmasa ber leh remchang danga khawn pawh kan awm zeuh zeuh bawk. Thla a lo tawp (Inrinni hnuhnung ber) leh takah hian chanchinbu man pek lamah tan i la teh ang u. Kan chanchinbu hi thla khat lak man cheng 30 kan ti a ni a, heti hian a mah leh a mah a intum tawk vel viau a ni. A man pawh a lut tha tlangpui a, a lawmawm. Chutihrualin, pek lam ngaihsak lutuklo kan awm leh zeuh thin erawh a zialo thin khawp mai. Chanchinbu hi naupang semtir thin a ni a, a man khawn thu-ah pawh anni hian an keng tlang mai thin. Naupang an nih avang tak hian thenkhat hian zahlo taka lo tawngkhum in 'min pe ngai silo a, a man khawn hre hlur ringawt mai' tih an hlawh fo niawm tak a ni.  Thenkhat chhiar duh si a man pe duh manglo te pawh an awm niin a semtute hnen atangin thu kan dawng fo. A zialo khawp mai. Tin, pe emaw intia pe silo te pawh a awm theih a nia. Naupang rilru thianghlim tak te an ni a, rilru sual ...
Post a Comment
Read more

BIBLE CHHIAR

Lehkhabu, a kawm dum, a changtupa thihna ‘Bible’ kan tih mai hi hi khawvela lehkhabu darh zau leh copy pawh tam ber a ni awm e.  He lehkhabu hi chatuan nunna kawng min kawhhmuhtu lehkhabu hlu tak a nih avangin chhiar ngei tur a ni a; a chhiar ve lo pawh chhiar tura in fuih a tul bakah hnam hnufual zawk te pawh chhiar tur chhawp chhuah sak theih hi a tul ngawt mai. Chutiang atana mi thahnemngai tlem azawng an awm pawh hi a tihzia e. Tunhma chuan nitina chhung inkhawm nei thin kan nia; (tunah erawh ‘tunlai chuan mihring kan tul tawh a’ tih chhuanlam tute zingah ka tel ve ta.) chu’ng lai chuan ka pa hian kumthar project-ah ka u hnenah Thuthlung Thar bu pumpui hi chhiar chhuak turin a tia;  kei Chanchin Tha bu li te, tin, ka naute pahnih chu Sam bu chhiar turin a ti bawk. Ka unau dangte khan ka pa  ngenna kha an ti hlawhtling ta em? ka hre ta chiah l’aw, kei erawh chuan ka tih hlawhtlin mai bakah Thuthlung Thar zawng zawng chu ka chhiar ta vek a, ka tui tak zel avangin Thu...
Post a Comment
Read more