Skip to main content

KA NUPUI MNF VOTE-LO TURIN KA NGEN



Kum 2009, April thla a ka nupui neih aṭang khan kum 10 a lo vei dawn ta reng mai. Khatih chhung khan ka nunah thil thleng lawmawm leh lawmawm lemlo pawh a thleng chamchi.

Ram roreltu pawh kan inthlak malh malh viau. Kum 2009, February thla a V/C kan thlan khan kan la inneih miau loh avangin sawi theih ka nei lo a, a hnu in V/C (2012 & 2015), MLA (2013 & 2018) leh MP (2009 & 2014) ahte ṭumhnih ṭheuh kan thlang leh tawh. Hetih chhung hian ka nupui nen hian mi/party inang thlan ṭum kan nei a, invawhlum tawk chiaha vote thlak ṭum pawh kan nei. Hetih chhung hian ka nupui vote tur chungchangah engmah ka sawi duh ngailo.

Ka nupui hian kum a tlin aṭangin midang ang bawkin party ṭan bik a nei ve a, chutia'ng bawkin ei lemloh pawh a nei tho.  Tunah hei, MP chu kan inthlang leh dawn ta. Tunṭum inthlanpui lo awm turah hian a ṭan tak leh a a ṭan lemloh zing ami an thawk dun dawn tlat mai! Vote thlak dan turah buaiin a pawl te (a ṭan zawng) a vote chuan a ngei tak te a vote a ni dawn bawk si. Vote thlakloh mai pawh a duh rum rum mai. Vote thlak hrim hrim hi kan mawhphurhna a nih miau avangin hei erawh rem ka ti silo.

Kan hriat ṭheuh angin central sorkar (BJP) hmalakna CAB chungchang avangin rampum kan buaiin kan mangang a ni a, hetih lai hian kan sorkar (MNF) chuan NDA/NEDA an zawmna erawh an chhu chat duh chuanglo. CAB duhlo anga insawi reng chunga kaltlangpui tum party an la mawngzawm pui tlat avang hian ka nupui chu a vote tur chu ka hrilh duh chuanglo na a, (ama duh thlan tur a ni tlat) tunṭumah erawh MNF thlanglo turin tihtakzetin ka ngen. (An candidate chu a ṭha viau pawh a ni maithei. A party ang zawngin ka duhlo a nih ber chu.) BJP chu sawi ngailo-ah ka ngai, a vote dawnloh chian sa avangin.

ZPM leh Congress thlawp candidate a vote loha thlan tur dang a hriat miau si loh avangin MNF a vote mai ka hlau a ni. A duh leh candidate dang 4 lai an la awm alawm le.

A thlan tur chu ka hrelo. 'Chu chu thlang rawh' ti in ka sawi dawt hreh a nih chu. Mahse, a thlanloh tur erawh ngenna ka siam a nih chu.

Comments

Post a Comment

Popular posts from this blog

KUM ZA CHHUNGA MIZO HMEICHHIATE DINHMUN

 1. Tunhmaa an dinhmun : Kan pi pu te khan 'Hmeichhe finin tuikhur ral a kai lo', 'Hmeichhia leh uipui chu lo phun lungawi mai mai rawh se' tih leh 'Hmeichhe hna, hna ni suh, chakai sa, sa ni suh' tih te hi an ṭawng duh dan a ni a, hetaṭang hian hmeichhia te an dah hniam ṭhin zia a chiang viau awm e.  Nula in inleng a neihin an mi ngei zawng tak pawh ni se, biak chhiat an ngaitheilo a, ngaihtheih loh chu sawi loh, thianglo hialin an ngai a ni. Khawvar tirh aṭangin hna an ngah nghal hle mai a, tuichawi, buhden, ei rawngbawl, chawei siam leh a seng fel. An kuta awm vek a ni. Pi pute hunlai kha chuan an eizawnna hi a inang ṭhûma, lo neih a niin an feh tlut tlut ringawt mai ṭhin a, chuvangin, Mizo hmeichhia te chuan hetia'ng nikhua hian feh tur mamawh zawng zawng hi an tihtura ngaih vek a ni a, an emin an phurh vek a ngai bawk ṭhin. Mipa chuan iptepui an ak ve hram chauh a ni.  Feh haw'n kawngah lah hmeichhia chuan em khatin in lam mamawh an phur haw ...
Post a Comment
Read more

CHANCHINBU MAN KHAWN A HUN LEH DAWN TA

  Thlatina Inrinni hnuhnung ber hian chanchinbu man khawn a ni tlangpui a, thlathar Inrinni hmasa ber leh remchang danga khawn pawh kan awm zeuh zeuh bawk. Thla a lo tawp (Inrinni hnuhnung ber) leh takah hian chanchinbu man pek lamah tan i la teh ang u. Kan chanchinbu hi thla khat lak man cheng 30 kan ti a ni a, heti hian a mah leh a mah a intum tawk vel viau a ni. A man pawh a lut tha tlangpui a, a lawmawm. Chutihrualin, pek lam ngaihsak lutuklo kan awm leh zeuh thin erawh a zialo thin khawp mai. Chanchinbu hi naupang semtir thin a ni a, a man khawn thu-ah pawh anni hian an keng tlang mai thin. Naupang an nih avang tak hian thenkhat hian zahlo taka lo tawngkhum in 'min pe ngai silo a, a man khawn hre hlur ringawt mai' tih an hlawh fo niawm tak a ni.  Thenkhat chhiar duh si a man pe duh manglo te pawh an awm niin a semtute hnen atangin thu kan dawng fo. A zialo khawp mai. Tin, pe emaw intia pe silo te pawh a awm theih a nia. Naupang rilru thianghlim tak te an ni a, rilru sual ...
Post a Comment
Read more

THLAZING

  (Sawiremtlang editorial) August thla han hman meuh chuan chhum a zing phui chuai reng mai a, upa ten 'thlazing' an lo ti pawh hi a awm viau mai. Amaherawhchu, heta thlazing tih hi pi pu te thla hming pakhat emaw ti kan awm leh mai thin. Mizo thla chhiar danah chuan Thitin thla a ni tih i hria ang u khai. Hmanlai chuan mitthi te hi pialrala kal nghal mai loin kan velah hian an la tap thin a, August thla hian mitthi khua an pan thin nia an ngaih avanga thitin thla ti pawh an ni niin a hriat. Chuvangin, August thla hi Mizo thla chhiar dan chuan thitin thla tihna a ni a, thenkhat ten thlazing tia an sawi erawh thla hming ang niloin tun thla chu chhum a zing chuai reng mai an tihna a nih chu. Mizo thla chhiar dan hriat hi kan mawhphurhna ni ve in a langa, thla chhiar dan mai bakah an nunphung te pawh hi hriat ve hram hram I tum ang u. August thla chu a zo ruai chu a ni leh ta a, ni reilo te-ah Ber thla kan kan kai anga, derhken, nuaithang, anthur leh senhri nu ten par an chhuang l...
Post a Comment
Read more