1.Engnge a nih? : December ni 23, 2018 zan inkhawmah khan Kristian Ṭhalai Pawl, Sihphir Venglai Branch buatsaih kum nga chhung a zawna bible chhiarchhuak lawmman tangkapui mawi tak ka dawng a, ka lawm hle. Het'ah hian hetia'ng hian thu a chuang: 'KRISTIAN ṬHALAI PAWL, SIHPHIR VENGLAI BRANCH (KṬP symbol) UPA LALCHUNGNUNGA MEDAL, Holy Bible a zawna kum 5 chhiarchhuak, Pu Lalchhanhima Varte' tiin. Hemi zan hian kumnga chhung a zawna Bible Quiz chhang kim te hnenah Upa Vaithawia Medal chu mi pathum hnenah hlan anni ve bawk.
Award hi kum 2014, December ni 30-a kum 2015 atana kumthar duanna committee chuan kan kohhran upa boral ta te chawimawi na'n 'kumnga chhung Bible chhiarchhuak tan Upa Lalchungnunga Medal leh kumnga chhung Bible quiz chhang kim tan Upa Vaithawia Medal te pek nise' a ti a, hemi hma kum (2014) khan Bible chhiar chhuak leh Bible quiz chhang kim te hi lawmman a lo pek tawh tho avangin hei hi chhiar tel turin a rel bawk. Tunṭuma dawng te hi a dawng hmasa ber kan ni ta a ni. Kum lama over tawh ka ni na a, hruaitu ten a kal lai chu ngaihnatthiamna min neih avangin ka tel thei hlauh a ni.
2. Upa Lalchungnunga chanchin : Medal hming putu Upa Lalchungnunga hi ka pu (ka pa pa) te unau 10 zinga 8-na ni turin January ni 1, 1926 khan Sihphir khua-ah a lo piang a, January ni 2, 1947-ah Chaltlang kohhran biak inah Sawithangpuii nen Pastor Saiaithanga kutah an innei a, fa 6, mipa1 leh hmeichhia 5 an nei.
Kum 1991-ah tual upa atan thlan a ni a, kum 1993-ah Sakawihmuituai Presbytery inkhawmpuii Sihphir Vengthar kohhran biak ina neihah Presbytery Moderator, Rev. R. Thangvunga'n Sihphir Venglai kohhran upa atan a nemnghet a ni.
Krista leh kohhran tana mi ṭhahnemngai, mi invawng leh inthununna ngaina mi, beidawng loa thianghlimna kawnga kohhran hote zirtir ṭhin, thudik ngaina leh kawng tinrenga mi chimlim a ni.
Kum 1942-ah June thla-ah Assam Regiment-ah lutin kum 28 zet sipai-a a ṭan hnu-ah kum 1971 khan Honorary Leutenant in a pension ta a ni. Sipai-a a ṭan chhung hian kohhrana a tel theihna awmah chuan a tel zel a, kohhran secretary leh Sunday School Superintendent te pawh a lo ni tawh ṭhin.
Kum 1937-ah Lower Primary a pass-a, kum 1940-ah Middle English School-ah pawl ruk a pass leh in kum 1941-ah Imphal aṭangin pawl sarih a pass leh bawk. Indopui pahnihna avanga sikul khar a nih khan Mizoramah lo haw in zirna a chhunzawm thei talo a ni. Kum 1973 leh 1974 khan Sihphir High School-ah Hindi teacher hna a thawk a, a kum leh 1975 aṭangin Middle School-ah a thawk leh bawk. Sihphir khuaa Hindi zirna lama hmasawnna thlentu ṭangkai tak a ni.
August ni 9, 2009 kha biak ina a thusawi (sermon) hnuhnung ber niin April ni 18, 2010 Sunday School chu biak ina a inkhawm hnuhnung ber a ni ta a ni. Tichuan, October ni 8, 2010-ah cancer natna avangin a boral.
3. Bible chhiar : Tunhma chuan nitina chhung inkhawm nei thin kan nia; (tunah erawh ‘tunlai chuan mihring kan tul tawh a’ tih chhuanlam tute zingah ka tel ve ta.) chu’ng lai chuan ka pa hian kumthar project-ah ka u hnenah Thuthlung Thar bu pumpui hi chhiar chhuak turin a tia; kei Chanchin Tha bu li te, tin, ka naute pahnih chu Sam bu chhiar turin a ti bawk. Ka unau dangte khan ka pa ngenna kha an ti hlawhtling ta em? ka hre ta chiah l’aw, kei erawh chuan ka tih hlawhtlin mai bakah Thuthlung Thar zawng zawng chu ka chhiar ta vek a, ka tui tak zel avangin Thuthlung Hlui lam pawh chhiar kaiin Bible chu a pumin ka chhiar chhuak ta hial mai. Vawi za chuang chhiar chhuak tawh leh a ziaha ziak chhuak hial pawh an awm tih hre mah ila kumi'na ka chhiar nen ṭum riat ka chhiarchhuahna a lo ni ve ta reng mai hi mi ngaihah eng nilo mah se, ka han tarlang ve hrim hrim a ni e.
Hetianga tum riat ngawt ka chhiar chhuah tak hnu leh inkhawm leh hun remchanga ka chhiar zeuh zeuh te atanga ka’n hmuhchhuah tak chu Bible ah hian mihring chanchin zawng zawng a chuang kim a; khawvel hnam chi hrang hrang chanchin a awm kim vek bawk bakah chhungkaw tin thlahtute chanchin chhuina a ni tihte ka hriat phah zel a; hlawkthlak ka ti kher mai. Khawvel lehkhabuah chuan lehkhabu pakhat, mi zawng zawng mamawh khawih kim leh hman theih a awm ve lo. Bible-ah erawh chuan mi tha mamawh a awm a, misual mamawh a awm bawk a, mi hausa leh mi rethei mamawh a awm a, mi hrisel leh bawrhsawmte mamawh a awm a, mi lungngai leh mi lawmte mamawh a awm a, tar thi turte mamawh a awm bawk. Kan mamawh chhanna kim chu Bible hi a ni.
'Lawmman dawn duh vang ringawt' ti tawk awm mah se Bible hi engvanga chhiar pawh ni ila, a ṭha hrim hrim. 'Hriat hnu vek' ti tawk pawh kan awm fo. Pathian hian kan thu hriat hnu bawk hi mal a sawm ṭhin. Tunhmaa ngaihnawmlo ka tih leh ka nin ber ṭhin Mosia lehkhabu te lah chu Israel ka cham chhunga dan leh dun tlem azawng ka hriat ve avang khan ngaihnawm ka ti ta viau mai lehnghal.Tihzia tak a ni.
4. Chang duh leh helh deuh te: (Luka 9:23b) "Tupawhin mi zui a duh chuan mahni hrehawm pawisa lovin, ni tin a kraws puin mi zui rawh se.
Pathian hnung hi zui kan duh tak tak a nih chuan mahni inphatin kan zui tur a ni a, hrehawm tawrh hi kan huam ve ngei hi a ngai a ni. Pathian hian a tan hian kan insenso ve hi a phut tlat a ni tih i hria ang u. (He thu hi sermon type in ka ziak ve a, thu lama ka kutchhuak hmasa ber a ni nghe nghe.)
(Jeremia 31:16) I thiltihin lawmman a nei dawn e,
Tuna hrehawm kan tawrhna hian rah duhawm a chhuah ngei ngei dawn. A thlawn dawnlo. Thlawn ahnekin lawmman a nei zawk dawn a ni.
(Mika 7:8) Aw ka hmêlma, mi diriam mai suh: ka tlûk hun chuan ka tho leh ang: thima ka thut pawhin LALPA chu ka tân êng a ni ang.
Setana hian Pathian kan biakna kawngah hian a thiamthil hrang hrang hmanga min beiin deusawh leh elsenna hmangin min bei fo mah se, Pathian neitu kan neih thu hi kan hrilh let ve sak ngam tur a ni.
Jakoba 1:12 Thlemna tuar hram hramtu chu a eng a thawl e; fiaha a awm hnuin nunna lallukhum, Lalpan amah hmangaihtute hnena a tiam chu a hmu dawn si a.
Setana'n min bei eng ang pawh nise Lalpa'n nunna lallukhum min tiam chu hmu ngei thei turin inbuatsaih ang u.
(Genesis 12:2) nang malsâwmna ni ang che:
Pathian chuan Abrahama chu malsawmna ni turin a ngen. YMA leh pawl hrang hrangin midang tana inpek hi kan project a ni hlawmin a lang. Chutianga kan awm a nih ngat chuan midang tan ngei pawh malsawmna kan lo ni thei dawn a lo ni.
(II-Korinth 9:7a) 'Mi tinin ui chunga pe lovin, pek loh theih loh anga ngaia pe hek loin'
Mi thil kan pek hian kan neih chuang liam ami nilo, kan la mamawh tak kan pek hian a tilawm duh hle a, anmahni tan pawh hian a dawnsawn a nuam ang tih hi a chiang reng. Chutiloa, kan duh tawh chuanloh avang maia mi kan pe a nih erawh chuan a dawngtute lawm a kim hauhlo ang.Chuvangin, kan la ui lai ngawih ngawih kan pek hian Pathian pawh hi a lawm zawk ngeiin a rinawm. Pathian ram thilpek hi kan tih ngei ngei tur, pek loh theihlohah ngai thei ila a duhawm zawk hle in a lang.
Mathaia 7:1 "Sawisel suh u, sawisela in awm loh nan.
Tunlai chuan mi hi kan fing ta mah mah mai. Midang pawi sawi hi a hlauhawm takzet. Mahse, mi huat hlauh vang ringawta midang sawiselloh ngawt mai hi zawng a fel zan lo a ni.
Thu puan 3:15 I thiltihziate ka hria, i vawh hek loh va, i lum hek loh hi; i vawh emaw i lum emaw ka duh a ni.
Tui dai duk mai ai chuan a lum pep pep hi a so hma zawk nge nge thin. Chutiangbawkin, Pathian thu pawh hi engmah hriat miahloh ngawt ai chuan hriat lo neih sa chuan Pathian pawlna pawh kan dawng awlsam zawk nge nge in a rinawm. Chuvangin, rinna kawnga kan tlakchhiat lai pawhin vawt law law ngawt loin lum pep pep reng thei tal ila, so chhuah hun pawh a awm leh sam zawk a nia.
5. KṬP leh kei : KṬP lampanga ka inrawlh ve hmasak ber chu kum 16 ka nih lai, chu pawh kum laihawl emaw kumtir emaw niloin kumtawp fellowship naah a ni.
Tichuan, phak ang tawk tawkin KṬP-ah chuan ka tel chho ve ta zel a, group comtt.-ah te telin group zing inkhawm hun ruattuah te telin hruaituah te ka tel a, ṭumkhat chu character study hun ka hmang ve bawk.
Hlim taka ka tel chhoh zel laiin eng eng emaw avangin kum sawm vel zet chu KṬP-ah ka tel lo a, kum 2012 khan tel ve leh ṭanin group OB-ah te awmin branch comtt. member te hial ka ni a, sub-committee secretary leh chanchinbu enkawltu te zingah te telin pulpit hial ka chuangkai ve a ni.
Kum over thlenga ka tel thei kha ka lawm ngawt mai.
1.Engnge a nih? : December ni 23, 2018 zan inkhawmah khan Kristian Ṭhalai Pawl, Sihphir Venglai Branch buatsaih kum nga chhung a zawna bible chhiarchhuak lawmman tangkapui mawi tak ka dawng a, ka lawm hle. Het'ah hian hetia'ng hian thu a chuang: 'KRISTIAN ṬHALAI PAWL, SIHPHIR VENGLAI BRANCH (KṬP symbol) UPA LALCHUNGNUNGA MEDAL, Holy Bible a zawna kum 5 chhiarchhuak, Pu Lalchhanhima Varte' tiin. Hemi zan hian kumnga chhung a zawna Bible Quiz chhang kim te hnenah Upa Vaithawia Medal chu mi pathum hnenah hlan anni ve bawk.
Award hi kum 2014, December ni 30-a kum 2015 atana kumthar duanna committee chuan kan kohhran upa boral ta te chawimawi na'n 'kumnga chhung Bible chhiarchhuak tan Upa Lalchungnunga Medal leh kumnga chhung Bible quiz chhang kim tan Upa Vaithawia Medal te pek nise' a ti a, hemi hma kum (2014) khan Bible chhiar chhuak leh Bible quiz chhang kim te hi lawmman a lo pek tawh tho avangin hei hi chhiar tel turin a rel bawk. Tunṭuma dawng te hi a dawng hmasa ber kan ni ta a ni. Kum lama over tawh ka ni na a, hruaitu ten a kal lai chu ngaihnatthiamna min neih avangin ka tel thei hlauh a ni.
2. Upa Lalchungnunga chanchin : Medal hming putu Upa Lalchungnunga hi ka pu (ka pa pa) te unau 10 zinga 8-na ni turin January ni 1, 1926 khan Sihphir khua-ah a lo piang a, January ni 2, 1947-ah Chaltlang kohhran biak inah Sawithangpuii nen Pastor Saiaithanga kutah an innei a, fa 6, mipa1 leh hmeichhia 5 an nei.
Kum 1991-ah tual upa atan thlan a ni a, kum 1993-ah Sakawihmuituai Presbytery inkhawmpuii Sihphir Vengthar kohhran biak ina neihah Presbytery Moderator, Rev. R. Thangvunga'n Sihphir Venglai kohhran upa atan a nemnghet a ni.
Krista leh kohhran tana mi ṭhahnemngai, mi invawng leh inthununna ngaina mi, beidawng loa thianghlimna kawnga kohhran hote zirtir ṭhin, thudik ngaina leh kawng tinrenga mi chimlim a ni.
Kum 1942-ah June thla-ah Assam Regiment-ah lutin kum 28 zet sipai-a a ṭan hnu-ah kum 1971 khan Honorary Leutenant in a pension ta a ni. Sipai-a a ṭan chhung hian kohhrana a tel theihna awmah chuan a tel zel a, kohhran secretary leh Sunday School Superintendent te pawh a lo ni tawh ṭhin.
Kum 1937-ah Lower Primary a pass-a, kum 1940-ah Middle English School-ah pawl ruk a pass leh in kum 1941-ah Imphal aṭangin pawl sarih a pass leh bawk. Indopui pahnihna avanga sikul khar a nih khan Mizoramah lo haw in zirna a chhunzawm thei talo a ni. Kum 1973 leh 1974 khan Sihphir High School-ah Hindi teacher hna a thawk a, a kum leh 1975 aṭangin Middle School-ah a thawk leh bawk. Sihphir khuaa Hindi zirna lama hmasawnna thlentu ṭangkai tak a ni.
August ni 9, 2009 kha biak ina a thusawi (sermon) hnuhnung ber niin April ni 18, 2010 Sunday School chu biak ina a inkhawm hnuhnung ber a ni ta a ni. Tichuan, October ni 8, 2010-ah cancer natna avangin a boral.
3. Bible chhiar : Tunhma chuan nitina chhung inkhawm nei thin kan nia; (tunah erawh ‘tunlai chuan mihring kan tul tawh a’ tih chhuanlam tute zingah ka tel ve ta.) chu’ng lai chuan ka pa hian kumthar project-ah ka u hnenah Thuthlung Thar bu pumpui hi chhiar chhuak turin a tia; kei Chanchin Tha bu li te, tin, ka naute pahnih chu Sam bu chhiar turin a ti bawk. Ka unau dangte khan ka pa ngenna kha an ti hlawhtling ta em? ka hre ta chiah l’aw, kei erawh chuan ka tih hlawhtlin mai bakah Thuthlung Thar zawng zawng chu ka chhiar ta vek a, ka tui tak zel avangin Thuthlung Hlui lam pawh chhiar kaiin Bible chu a pumin ka chhiar chhuak ta hial mai. Vawi za chuang chhiar chhuak tawh leh a ziaha ziak chhuak hial pawh an awm tih hre mah ila kumi'na ka chhiar nen ṭum riat ka chhiarchhuahna a lo ni ve ta reng mai hi mi ngaihah eng nilo mah se, ka han tarlang ve hrim hrim a ni e.
Hetianga tum riat ngawt ka chhiar chhuah tak hnu leh inkhawm leh hun remchanga ka chhiar zeuh zeuh te atanga ka’n hmuhchhuah tak chu Bible ah hian mihring chanchin zawng zawng a chuang kim a; khawvel hnam chi hrang hrang chanchin a awm kim vek bawk bakah chhungkaw tin thlahtute chanchin chhuina a ni tihte ka hriat phah zel a; hlawkthlak ka ti kher mai. Khawvel lehkhabuah chuan lehkhabu pakhat, mi zawng zawng mamawh khawih kim leh hman theih a awm ve lo. Bible-ah erawh chuan mi tha mamawh a awm a, misual mamawh a awm bawk a, mi hausa leh mi rethei mamawh a awm a, mi hrisel leh bawrhsawmte mamawh a awm a, mi lungngai leh mi lawmte mamawh a awm a, tar thi turte mamawh a awm bawk. Kan mamawh chhanna kim chu Bible hi a ni.
'Lawmman dawn duh vang ringawt' ti tawk awm mah se Bible hi engvanga chhiar pawh ni ila, a ṭha hrim hrim. 'Hriat hnu vek' ti tawk pawh kan awm fo. Pathian hian kan thu hriat hnu bawk hi mal a sawm ṭhin. Tunhmaa ngaihnawmlo ka tih leh ka nin ber ṭhin Mosia lehkhabu te lah chu Israel ka cham chhunga dan leh dun tlem azawng ka hriat ve avang khan ngaihnawm ka ti ta viau mai lehnghal.Tihzia tak a ni.
4. Chang duh leh helh deuh te: (Luka 9:23b) "Tupawhin mi zui a duh chuan mahni hrehawm pawisa lovin, ni tin a kraws puin mi zui rawh se.
Pathian hnung hi zui kan duh tak tak a nih chuan mahni inphatin kan zui tur a ni a, hrehawm tawrh hi kan huam ve ngei hi a ngai a ni. Pathian hian a tan hian kan insenso ve hi a phut tlat a ni tih i hria ang u. (He thu hi sermon type in ka ziak ve a, thu lama ka kutchhuak hmasa ber a ni nghe nghe.)
(Jeremia 31:16) I thiltihin lawmman a nei dawn e,
Tuna hrehawm kan tawrhna hian rah duhawm a chhuah ngei ngei dawn. A thlawn dawnlo. Thlawn ahnekin lawmman a nei zawk dawn a ni.
(Mika 7:8) Aw ka hmêlma, mi diriam mai suh: ka tlûk hun chuan ka tho leh ang: thima ka thut pawhin LALPA chu ka tân êng a ni ang.
Setana hian Pathian kan biakna kawngah hian a thiamthil hrang hrang hmanga min beiin deusawh leh elsenna hmangin min bei fo mah se, Pathian neitu kan neih thu hi kan hrilh let ve sak ngam tur a ni.
Jakoba 1:12 Thlemna tuar hram hramtu chu a eng a thawl e; fiaha a awm hnuin nunna lallukhum, Lalpan amah hmangaihtute hnena a tiam chu a hmu dawn si a.
Setana'n min bei eng ang pawh nise Lalpa'n nunna lallukhum min tiam chu hmu ngei thei turin inbuatsaih ang u.
(Genesis 12:2) nang malsâwmna ni ang che:
Pathian chuan Abrahama chu malsawmna ni turin a ngen. YMA leh pawl hrang hrangin midang tana inpek hi kan project a ni hlawmin a lang. Chutianga kan awm a nih ngat chuan midang tan ngei pawh malsawmna kan lo ni thei dawn a lo ni.
(II-Korinth 9:7a) 'Mi tinin ui chunga pe lovin, pek loh theih loh anga ngaia pe hek loin'
Mi thil kan pek hian kan neih chuang liam ami nilo, kan la mamawh tak kan pek hian a tilawm duh hle a, anmahni tan pawh hian a dawnsawn a nuam ang tih hi a chiang reng. Chutiloa, kan duh tawh chuanloh avang maia mi kan pe a nih erawh chuan a dawngtute lawm a kim hauhlo ang.Chuvangin, kan la ui lai ngawih ngawih kan pek hian Pathian pawh hi a lawm zawk ngeiin a rinawm. Pathian ram thilpek hi kan tih ngei ngei tur, pek loh theihlohah ngai thei ila a duhawm zawk hle in a lang.
Mathaia 7:1 "Sawisel suh u, sawisela in awm loh nan.
Tunlai chuan mi hi kan fing ta mah mah mai. Midang pawi sawi hi a hlauhawm takzet. Mahse, mi huat hlauh vang ringawta midang sawiselloh ngawt mai hi zawng a fel zan lo a ni.
Thu puan 3:15 I thiltihziate ka hria, i vawh hek loh va, i lum hek loh hi; i vawh emaw i lum emaw ka duh a ni.
Tui dai duk mai ai chuan a lum pep pep hi a so hma zawk nge nge thin. Chutiangbawkin, Pathian thu pawh hi engmah hriat miahloh ngawt ai chuan hriat lo neih sa chuan Pathian pawlna pawh kan dawng awlsam zawk nge nge in a rinawm. Chuvangin, rinna kawnga kan tlakchhiat lai pawhin vawt law law ngawt loin lum pep pep reng thei tal ila, so chhuah hun pawh a awm leh sam zawk a nia.
5. KṬP leh kei : KṬP lampanga ka inrawlh ve hmasak ber chu kum 16 ka nih lai, chu pawh kum laihawl emaw kumtir emaw niloin kumtawp fellowship naah a ni.
Tichuan, phak ang tawk tawkin KṬP-ah chuan ka tel chho ve ta zel a, group comtt.-ah te telin group zing inkhawm hun ruattuah te telin hruaituah te ka tel a, ṭumkhat chu character study hun ka hmang ve bawk.
Hlim taka ka tel chhoh zel laiin eng eng emaw avangin kum sawm vel zet chu KṬP-ah ka tel lo a, kum 2012 khan tel ve leh ṭanin group OB-ah te awmin branch comtt. member te hial ka ni a, sub-committee secretary leh chanchinbu enkawltu te zingah te telin pulpit hial ka chuangkai ve a ni.
Kum over thlenga ka tel thei kha ka lawm ngawt mai.
Comments
Post a Comment