Lalchhanhima Varte

  Nova thlahten van tawnga in sak an tum avangin Pathian in an ṭawng a rawn tih hran sak tih kan hre ṭheuh awm e. (Gen 11: 4) Chutaṭang chuan ṭawng hrang hrang a lo piang ta a nih hmel a, hnam tinin ṭawng kan nei ta a nih hi. Ṭawng thenkhat chu hmangtu an tlem avangin a ral ti tih tawh hlawm a, kan ṭawng hman ngei pawh hi mithiam ṭhenkhat chuan ral mai tur a nih thu an sawi chamchi mai. Hei hi a chhan ni a lang chu kan ṭawng kan hman duhdah leh hnamdang ṭawng kan ngaihsan luattuk vang niin a lang. Hnamdang ṭawng thiam hi kawng tinrengah a ṭha na meuh mai. Amaherawhchu, kan hnam ṭawng aia kan ngaihlu leh Mizo leh Mizo inkarah pawh ṭhenkhat chuan hman kan tum ta fo mai te hi a zialo takzet a ni. Ṭhenkhat lahin a fiah phah em em a hriat lemlohah pawh sapṭawng thumal an zep thlazen a, tlema lehkha zir sanglo te bulah phei chuan kan ti ti hi hriatthiamloh an lo nei nual thei dawnin a lang hial. Thiltih puina nikhua velah te hian kan hruaitu te lah hian Mizoṭawng aiin sapṭawng a thusawi ...

  1. Lalsangzuala (Tunga) kum 16, s/o VL Chhuangi, Arpu. February ni 22  2. Lalhliri, kum 76, w/o Zairema, Chhanhim veng, February ni 20 3. Khelthangpuii, kum 83, w/o Luaia, Tlangveng. March ni 26 4. Parkunga, kum 59 s/o Liantiala, Theihaingaw. May ni 7  5. Chhungtei, kum 100, c/o Kawlkunga, Dinthar veng. May ni 8 6. Lalhmingliana, kum 52, f/o JS Thara, Tlangveng July ni 28 7 Lalngengi, kum 65, w/o Lalnaa, Arpu. August ni 2 8. Tv Zonunsanga kum 23, s/o Chalchhunga, Dinthar veng. August ni 24 9. Engthuanga, kum 79, f/o Sangneihkima, Tlangveng. September ni 3 10. Tv Lalhmachhuana, kum 31, s/o Lalnaa, Arpu, Arpu. November ni 3 11. Biakliani, kum 61, w/o Lalchungnunga, Dinthar veng. December ni 5 12. Zairema, kum 70 w/o Lalhliri, Chhanhim veng. December ni 6 13. Kaptawna, kum 68, H/o Lalnghaki, Arpu. December ni 31

  (Sawiremtlang heading) Ni hnih awh Mizoram State Legislative Assembly pakuana session vawi thumna chu Thawhlehni leh Nilaini khan tluang taka neih a ni. Session tan ni, August 20 hian House member hlui July 15, 2024 a thi ta, Kapoor Chand Thakoori (83) h/o Madhu Rani sûnna hun hman a ni. Amah hi Mizoram union territory a nih hnua Mizoram Legislative Assembly hmasa ber khan nominated member atan ruat a ni. Nepal lamah a in bengbel zui ta a ni. Speaker, Pu Lalbiakzama sawi danin tun session chhungah hian chhan nghal chi zawhna (starred question) lut 273 atangin 263 pawm a nih thu leh ziaka chhan chi (unstarred question) 17 lut te pawm vek a ni a ti a, report tur pawimawh 10 report a nih thu leh sorkar lehkha pawimawh House dawhkana pharh 13 a awm thu leh official reslution pakhat a awm thu leh sawiho a nih hnua pawm a nih thu sawiin Govt. bill 5 te sawiho a nih hnua pawm vek a nih thu Speaker chuan a sawi bawk. Tuntum thutkhawm atana zawhna lut zingah Deptt. 4-in zawhna 7 an chhang...

  (Sawiremtlang editorial) August thla han hman meuh chuan chhum a zing phui chuai reng mai a, upa ten 'thlazing' an lo ti pawh hi a awm viau mai. Amaherawhchu, heta thlazing tih hi pi pu te thla hming pakhat emaw ti kan awm leh mai thin. Mizo thla chhiar danah chuan Thitin thla a ni tih i hria ang u khai. Hmanlai chuan mitthi te hi pialrala kal nghal mai loin kan velah hian an la tap thin a, August thla hian mitthi khua an pan thin nia an ngaih avanga thitin thla ti pawh an ni niin a hriat. Chuvangin, August thla hi Mizo thla chhiar dan chuan thitin thla tihna a ni a, thenkhat ten thlazing tia an sawi erawh thla hming ang niloin tun thla chu chhum a zing chuai reng mai an tihna a nih chu. Mizo thla chhiar dan hriat hi kan mawhphurhna ni ve in a langa, thla chhiar dan mai bakah an nunphung te pawh hi hriat ve hram hram I tum ang u. August thla chu a zo ruai chu a ni leh ta a, ni reilo te-ah Ber thla kan kan kai anga, derhken, nuaithang, anthur leh senhri nu ten par an chhuang l...

  Tunkar Ningani kha India ram in British laka zalenna kan channa champha a ni a, state hrang hrangah lawm a niin Mizoramah pawh Aizawl bakah thingtlang khaw lian deuhah te pawh lawm a ni. Zalen kan nihna hi a hlu in a ropui takzet a ni. Mizoram hi India ram a state pakhat kan ni a, chutih rualin MNF movement avang kan ti dawn nge, Mizote chu tun hma deuh leh tunah pawh mi thenkhatte chu India-ah kan la inngai hlei thei lo. Infiamna lamah pawh ram buai lai leh a hnu rei tak thleng khan India aia Pakistan tan zawkte pawh an awm nia sawi a ni. India rama awm reng si a, khawi dangah mah pem chhuak dawn lo tih lang reng si, India mi ni na na na India-a ingaih theih lohte chu atna chi khatah pawh a ngaih theih hial awm e. Chuvangin, India mi nihna  nihnaa chian hi thil pawimawh tak a ni. Mifing pui a ngaih thenkhat lah hian India mi kan nihloh thu an sawi leh mai thin. Hei hi a zialo takzet a ni. India hi a zau tham khawp mai a, khawvel ram zau lama pasarihna ni hialin (3,287,590 s...

  (Sawiremtlang editorial)   Tunkar Ningani kha India ramin zalenna a hmuh champha 78th Independence Day a ni a, India hmundang rualin Mizoramah pawh hmun hrang hrangah lawm ve a ni a, minister, MLA te bakah sorkar mi pawimawh ten insem darhin an hmanpui hlawm. A lawmna pui ber, Aizawla AR Lammualah chuan Chief Minister, Pu Lalduhoma chu khuallian a ni. Khuallian hian hnam puanzar pawt pharhin parade contingent 27 te chibai bukna a chhanglet.  Hemi zawh hian thusawiin, zalenna champha lawmnaa kal khawm mipuite, Mizoram leh khawvel hmun danga cheng Zofa zawng zawng te duhsakna chibai bukin, Mizoramin hmasawnna hmel thar a hmuh theih nana thawhpuiah a sawm a. India ramin zalenna a hmuh theih nana beitute zahna chibai a buk bawk.  Khuallian hian parade contingent lawmman dawngtute hnenah lawmman a hlan a, zirtirtu tha chawimawina dawngtute leh police thawk tha lawmman te a hlan bawk.   AR Lammuala a lawmna pui ber neih a nih hnu hian Governor Dr. Hari Babu Kam...

  Kumin (2024-2026) hian Central YMA chuan kumpuan thupui atan 'Ram leh hnam humhalh' tih a puang leh a, hei hi kumpuan thupui kum 1983 a kan hman aṭanga ṭum 14 zet kumpuana kan neih tawhna a ni nghe nghe. Chuvangin, a pawimawh hle tih a chiang mai awm e. Kan chanchinbu-ah hian kumpuan lam hawi hi kan tarlang khat hle mai a, hei hi hriain kan editorial board member zinga pakhat chuan 'ziah ve a tha lo maw' a ti a, bul tan hmasa-ah ka han tang a ni e. Ram leh hnam humhalh tih hian a huam zau hle mai a, kumpuan a kan neih tawh thupui hrang hrang te pawh hi ram leh hnam humhalh tih huangah hian a tel thei vek awm e. Ziah tur tam hle mah se hlawm thum chauh lo tarlang ta ila : 1. TAM : Kan ram (India) ah hian state dang ngaihtuah chuan mihring cheng kan la tamlo khawp mai a. Thenkhat phei chuan chimrala kan awm mai pawh an hlau viau a nih hi. A mawh lo e. India hi khawvela mihring tamna ber kan ni a, (tld 1.44 chuang chengin kum 2022 khan China kan pel a ni.) Mizoramah mihr...

  Kumin kumtir lam atang khan Mizoram hmun hrang hrangah vawk hri (African Swin Fever) a leng a, vawk nei ten an tuar nasa hle. Zawi zawiin chu chuan Sihphir khua ngei pawh rawn kang kaiin tunah phei chuan vawk chan hi chhungkaw engemawzat awm tawhin thenkhat phei chuan pahnih khat mai ni lo, a farm hial an siam a ni a, chung ho tawrhna phei chu nasa tak a ni. Thingtlang khaw thenkhatah vawk a thih thu chanchinthar atangin kan lo hria a, 'an khawngaihthlakawm hle mai' kan ti liam puata, kan ngaihtuah zui lemlo. Sihphir khua-ah a rawn thleng a, veng thenawma farm siam ten an tih thih nual thu kan hriatin a thu in kan tuarpui leh viau. Thenawm hnai maia chhung ten an han tuar ta chiah a, a dan a dang ta zar mai. Kian zai a rel mai dawn emaw tih laiin ka pa te (chhungte ni satliahlo) vawk hial a kangkai ve ta. Hei zet chu 'an khawngaihthlakawm' tih liam puat mai ang kha a ni ta hauhlo. An tet lai atanga an buaipui nasat zia leh tha leh zung an sen nasat zia hmu ve tan chua...

  (Sawiremtlang editorial) 'Infiamna kawngah kan thiam. Mahse, sang tak kan thleng hleitheilo.' He thu hi branch Treasurer, Pu C. Lalrinawma chuan Pathianni kal taa YMA volleyball team jersey tlangzarhna-ah a sawi. A ni taka, Mizo te hi chuan infiamna hi kan ti thei zul a, in buatsaih em em lo pawh hian kan khel thei viau zel. Mahse, sang tak thleng tur chuan hotute thuawih a pawimawh hle. Tha intih ve tawk avanga hotute ngaih pawimawh loh hi thil awm thei tak a ni a, chu tak chu kan thanmawhbawk pawh niin a lang. Tuna kan nau te pawh hian chu chu hrethiam se a tha hle mai. Thawhlehni khan an match hmasa ber khelin harsa takin kan chak hram a ni a, nimin lamah erawh nuamsa takin kan chak thung a nih kha. Vawiin lamah champion lai kan tum ve leh thung dawn a ni a, pressure pawh a sang viau maithei. Anmahni avang mah nise Pro volleyball khel pha kan nih ve miau avangin an tang hle ang tih a chiang. Chuvangin player te pawh huaisen tak leh hotute thuawih taka khel turin kan beisei...