Lalchhanhima Varte

     Thawhlehni chhun dar 12 khan Mizoram Board of School Education chuan Higher Secondary School Leaving Certificate result a ti chhuak a. Exam zawng zawng mi 11,824 zinga 9227 an pass a, pass percentage hi zaa 78.04% a ni. Sihphir Higher Secondary School (Arts) pawh an pass chhe lo, appear 39 atangin mi 32 in an pass a ni. Heng zinga 1 hi Distinction-ah pass in 2nd Division-ah 14 leh 3rd Division-ah 11 te an pass.  Lalruatpuia s/o Gosen Rammawia, Arpu Veng, St. Joseph HSS a kal chu Commerce Stream-ah Distinction a pass-in top 10-ah a lang a, Nl. Lalramdinthari D/o H.V. Lalremruata, Venghlun chu Political Science-ah topper a ni bawk. Result chungchangah Sihphir Higher Secondary School Principal, Pu Lalrinawma chuan zirlai te-ah raltlan te an awm avang leh an nunphung chungchangah a beisei a sang lemlo a, chutih lai a heti zatin hlawhtlinna an chang thei hi a ropui hle a a hriat thu a sawi.

(Sawiremtlang editorial) Kar hmasa khan inkhel en chungchangah thil reng reng a tuipui tu ten an ngaihven hi ho tiin sel mai lo ila, kan tuipui dang ho te pawh hi engahmaha ngailo an awm ve tho tih hriata rilru zau tak put a that thu kan sawi a nih kha. Naupang ho chu Kil khatah lo thukhawmin an nui leh dar dar thin. An thil sawi hre phaka lo awm, an pa chuan 'in thil sawi ho zawng zawng kha pawimawh tih pakhatmah ka neilo' tiin a fate chu a rawn hau. A tan chuan naupang hlimnaa hlim ve kha a harsa tawh a, chuvangin, ho mai mai a ni.  Thenkhat chuan Miss thlan leh zaithiam zawnchhuah bakah Adventure program te hi ho an ti hle. A ngaihlu tu tan thil hlu leh tangkai em em kha thenkhat tan chuan thu ho mai mai leh bengchheng mai pawh a ni thei.  Chuvangin, eng thil mai pawh hi ho a lo awmlo a, a dawnsawng nuam tu tan chuan thil tha tawp a loni vek mai.

  (Sihphir Town School te result a tha tlangpui) Sawiremtlang heading  Kar hmasa lama kan tarlan tak ang khan tunkar Thawhlehni khan MBSE chuan High School Leaving Certificate (HSLC) - 2024 result a tichhuak a. Zoram chhung a exam beitu zirlai 18,561 zingah mi 13,618 in an pass. Tun tum  a MBSE- in HSLC Exam result a tichhuah takah hian a pumpui a pakhatna chu Lalmoipuia Lawmzual, St Paul's HSS zirlai niin, full mark 500 ah 485 zet a hmu a ni..Zirlai zawng zawng passed vekna school 85 zet an awm laiin, zirlai failed vek school 18 lai an awm thung! 100% pass school 85 zingah hian S.K Memorial School, Arpu a tel. Sihphir Centre AZL-27-ah hian  Sihphir Town school panga an exam a, an result a tha tlangin, a lawmawm hle. Pass 131 zingah Distinction - 8, First Division - 47, Second Division – 54, Third Division – 22 an ni a, Letter hmu hi 34 an awm bawk. Hetiang hi an dinhmun a ni.““Govt. High School, Sihphir :“Appear – 14  Pass – 11 (78.57%)“1st Division - 2“2nd Div...

  (Sawiremtlang editorial)         Mizo te'na kan league ngaihhlut ber English Primier League (EPL) chu naktuk zan khian a hmawr bawk a ni dawn ta. India sanaa zan dar riat leh a chanve-ah a rualin an khel dawn a ni. Tunah hian champion tur a la hriat loh a, title race a hot thar hle. Tuna hmahruaitu chu Manchester City niin an hnuai chiahah hian Arsenal an awm ve bawk. Manchester khaw club te hian point hnih laia hma an hruai avangin an dinhmun a tha hle a, chutih rualin Arsenal tan erawh champion tur chuan chak ngei ngei a ngaih rualin Manchester lam an chetsual tel a ngai thung. Sihphir WhatsApp group pakhatah chuan mi pakhat hian ‘Mi chak lohah an in nghat tawp. Champion tur chuan hma hruai a ngai,’ a tia, a  dik khawp mai. Mahse, league hlutna a ni ve tlat. Mi kuta innghahte, GD pawimawh zawk te, mahni kuta awm te, UCL bakah UEL beiseite, inham tan tumte  hian league a tihmuhnawmin a ti ngaihnawm thin. Game nga vel la awm a champion hriat taw...

  1st. Monday : Rial nasa taka tla chuan chenna in tam tak a ti chhia.   2nd. Tuesday : David Lallawmsanga te nupa, Venglai te chuan an fa tir atan fanu kg 3.895 chu synod hospital-ah an nei. 3rd. Wednesday : H. Lalthanhlira (Thantea), kum 56 s/o Haukunga Hauhnar chu Synod Hospital, Durtlangah ‘Chuap tha lo’ avangin a boral. A nupui, Lalawnemi leh an fate nen Tlang Vengah an khawsa thin a. Chhan hrang hrang avangin Durtlang North-ah in luahin a insawn ta a ni. A ruang hi helama dah tum hmasak a niin in te pawh singsak a nih hnu leh ruang la tur pawh an kal tawh laiin a unau te, Bawngkawn lam ami te chuan an la ta zawk a ni.   4th. Thursday : Rebecca Lalmuansangi d/o Vanlalchhunga, Zion veng leh H Lalhmangaihsanga, Armed Veng te chu Armed veng UPC kohhran biak inah an innei. 5th. Friday : Mizoram sorkar thuchhuak ang leh Education Department in School Calender a siam zul zuiin 2024-2025 Academic session atan Mizoram khaw hrang hrangah zirna school te hawn a ni le...

  1st. Monday : Rial nasa taka tla chuan chenna in tam tak a ti chhia.   2nd. Tuesday : Lalzawmi Frankcom, Australia rama in bengbel ta chu a hnathawhna, Gaza-ah Israeli Air Strike avangin a boral. Lalzawmi Frankcom hi Paul Frankcom leh Lalrinmawii (L) te fa pahnih zinga a upa zawk a ni a, a pa hi Australian niin, a nu hi Saitual khawchhuak a ni thung. A hna avangin Bangkok-ah a in-base a, Asia rama an operation hrang hrangah hotu niin, Senior Manager hna a chelh mek a ni. World Central Kitchen hi Non-profit/ Non-Government NGO niin, khawvel ram hrang hrang a indona leh chhiatna thlenna hmuna chhiat tawkte hnenah a thlawnin chaw an sem thin a ni. Chutiang hna thawk tur chuan Gaza ah hian a thawhpui te nen an luh tuk lawkah a vanduai ta a ni. 3rd. Wednesday : Excise and Narcotics Department chuan Falkland Veng-a Aizawl View hmunah heroin kg 5.427 a rit an man a, hemi kaihhnawihah hian mi pahnih man an ni bawk. END hotute sawi danin heng damdawi an man te hi Myanmar atanga ...

  April ni 24 zan khan WhatsApp kaltlangin Pu Lalthachianga (Chiangtea) hian a film siam an tlangzarh na hmuna kal turin chanchinbu enkawltu te min sawm ve thu ka dawng. A bika insawmna (special invitation) hi dawng ve nual tawh mah ila, hetiang lam erawh hi chu ka la dawng ngailo. A nihphung awm ang pawh ka hrethiam chiahlo. A tukah 'In lokal thei angem?' tiin min la chhu zui. Kal dan tur leh ticket man vel te ka zawh nak chuan an kal hma dawn avanga kalna tur chu mahni in ngaihtuah a ngaih tur thu leh ticket erawh a ngaih veloh tur thu a sawi ta mai. Special invitation dangah chuan hamthatna tehchiam a awm ka hre ngailo. Hei zet chu a dan a dang zar mai. Ticket man sen ve a lo ngai hauhlo mai a lo ni.  Tichuan, tlangzarhna tur, Vanapa hall-ah chuan kan zuk kal ve ta. Pu Chiangtea chuan gate-ah min lo nghakin duty te sawmna (invitation lanna thlalak) entir kan tum lai takin a tul veloh thu sawiin min hruailut. Hall compound-ah chuan mipui an lo zin nuai nuai mai a, kan fim en...

 (Sawiremtlang editorial) Kar hmasa khan 'Pasaltha thawnthu ngaihthlak' tih thupui a hmangin editorial kan ziak a nih kha. Khatah khan Mizo nunhlui min hriat nawn tirtu tangai tak nia a lan thu sawiin hun awl hman thatna ni bawk si, ngaithla peih tan chuan a bengvarthlak thu te  sawiin hnathawh laia ngaihthlak phei chuan hah hrelo khawpin rilru a hruai peng thei a, thil tha ve tak nia a lan thu kan sawi a nih kha. Hetia a that thu kan sawi mek lai hian chintawk neih thiam erawh a tul khawp mai. Mahni chauha awm lai chuan tuma tihbuai lohin a ngaihthlak theih a, a zia viau. Midang nena thawhho laia thawnthu lo ngaihthlak san daih mai chuan ti ti  a rem lo a, bula mi te tan sawi duh neih pawhin a inthlahrunawm viau thei a ni. Thawnthu kherloah pawh zai leh thildang ngaihthlak te pawh a huam thei awm e, mi thenkhat chu earphone vuah chungin kawng an kal a, zai an ngaithla emaw a ni tlangpui. Hetiang mi te pawh hi lo biak an inthlahunawm thei viau bawk. Hawihhawm thu a biak s...

  (Sawiremtlang editorial) Kum nga vel liam ta atang khan fon/youtube a mi thawnthu ngaihthlak kan in tihhmuh a, hun hman tangkaina hlawk tak niin a lang. Hetiang kan thil ngaihthlak tam tak zingah hian pasaltha thawnthu hian ngaihthlak a hlawh ber pawhin a hriat. Sakhaw rawngbawltu thenkhat hian ho tiin han sel deuh that that thin mah se Mizo nunhlui min hriat nawn tirtu tangai tak niin a lang.  An nun'a entawn chi leh chhawm tlaklo fe fe kan hriat phah a, tunlai zirna tha tawhlo takah hetiang lam aia sap/hnamdang nun deuh hlir kan zir taknaah phei chuan nunphung kan hre tawh meuh silo a, hun awl hman thatna ni bawk si, ngaithla peih tan chuan a bengvarthlak in hnathawh laia ngaihthlak phei chuan hah te pawh hrelo khawpin rilru a hruai peng thei a, thil tha ve tak niin a lang.