Lalchhanhima Varte

  (Sawiremtlang editorial) Sap hla pakhat chuan, 'You never see the light of day, till the sun goes away; You never had a drink of water, till the well runs dry...' (Ni hi a tlak zet loh chuan ni eng mawi zia i hre lo va; tuichhunchhuah a kang zet loh chuan tui hlutzia i hre hek lo) a lo ti a. Hlutna hre tur chuan tlakchham a ngai fo ṭhin a, tui tlakchhamna dinhmuna la ding ngai hauh lo chuan tui awm loh buaithlakzia lo hre tawh ṭhin tam tak chu hriatna kawngah an tluk lo ang. Mi hlawhtling tam tak, an lehkha zir laia harsatna lian tak tak tawk thin te hian an hlawhtlin hnua an chhuan ber leh sawi nuam an tih ber chu an lehkha zir laia harsatna an tawh leh chumi paltlang tura an beihna a ni tlat. Chuvangin, tuna harsatna I tawh kha nakina I ti ti tui ber a la ni dawn a, chumi tur chuan eng ang harsatna pawh tawk la chhel taka tuar zel turin I rilru ti paukhauh ang che. Thinlung na hnem tur chuan chumi te natna anga na te chuan an hnem thiam bik. Mi nun tluang tak te hian mi ret...

  (Sawiremtlang heading) Nizan khan Vanapa Hall-ah Sihphir pa, Pu Lalthachianga kutchhuakMizo Film thar ‘DAKPU’ tih chu ropui taka tlangzarh a ni. He hunah hian Pu Chiangtea nu, Pi HS Lalparmawii chuan hunserh hmangin film-a a changtute hnenah ‘memento’ hlan a ni bawk. He film hi Pu Lalchhanchhuaha (Amawii hero Manager) chuan ropui takin a tlangzarha ni. Tlangzarh a nih rual hian Lersia play lamah en theih tura dah nghal ani a. Sawm kan nih angin chanchinbu enkawltute pawhin kan telpui ve nghe nghe. Tin, Pu Chiangtea lam hnai thahnem tak an tel ve bawk. He film hi kumin January ni 15, atang khan shooting neih tan niin,shooting neih a nih lai hian Mizoram khaw hrang hrangah an zin kualnasa hle a, a film zaa sawmkua (90%) hi E. Lungdar-ah neih niin Sihphirahpawh shooting hi neih a ni. Tichuan, March ni 11, 2024 khan shooting hizawh fel a ni ta a ni. He film-ah hian a changtu mihring an ngai hnem hle.Mi 130 zet an inlan hem mai! DAKPU movie-ah hian Khawnglung run filmlama bung thar mi...

  (Sawiremtlang editorial) Tlangval hausa tak pakhat chu Isua hnenah a lokal a, chatuan nunna a neih theihna tur a zawt a ni. Isua chuan chatuan nunna neih theihna tur kawng hrang hrang a lo hrilh. Tlangvala chuan, "Chung thu zawng zawng chu ka zawm thin, enge ka la bak?" a ti a, Isua chuan a neih zawng zawng hralha, pachhiate hnena pe tur leh a mah zui turin a sawm a nih kha. Tichuan, tlangvala chu lungngai takin a kalbo ta tih bible-ah kan hmu. (Mt 19:16-22)  Tlangvala kalbo hnuin Isua'n mihausa tana vanram luh harsat tur zia hetiangin a sawi zui, "mi hausa Pathian rama luh aiin hriau benga sabengtung luh tlang a awl zawk" (chang 24)  tiin. A ni lah taka, hausak na na na chuan duh duh an neiin an ti thei ta emaw tih mai tur a ni réng mai. An thil neihte kalsan chu thil har tak tur a ni reng a ni. Kar hmasa khan mi hausa te khawngaihthlak zia kan sawi tawh a. An thil neihte kalsana Isua hnung zui chu thil har tak a nih avangin kar hmasa a an khawngaihthlak thu ...

  Pu Liana chu a sumdawnna kawnga a hlawhtlin avangin a lawm em em a, a lawm zia mi bula a sawi chuan 'intithei emaw chapo' kan ti hlauh a. Chutiang bawkin mi hausa tak pakhat chu punkhawmna hmun pakhatah chuan tumah pawh be lemloin a kal a, amah hi mi in ngaitlawm leh tawngtamlo tak emaw mi zakzum tak pawh a ni maithei. Mahse, induh kan ti leh hlauh bawk si. Ka be hmasa awm biklo emaw ka biak nachhan tur ka hrelo te kan tia, a neih ka eilo kan ti mawh heklo. Milian leh challang apiang fak leh chawimawi tak aruangin an tlinlohna lai kan zawn saka, hausa (hlawtling) tura an thawhrimna en duhloin engtinnge an neih theih zawk le, chu chu a ti aniang tiin sum thianghlim lo atanga hausa ta nih tir phet kan tum thin. Mi hausa te zawk an lo fing hlauha, min chhangin min ti let duhlo mai zawk pawh a. Kan sawizui duh dan ngaihtuah chuan mi hausa te hi an lo khawngaihthlakawm hle a lo ni.  Mipuite in enfiah ila, mi hausa leh hlawhtling te hi an dinchhuah chhan zeldina lo sepa a mawilo z...

  (Sawiremtlang heading) Pathianni kal ta zing lamah thli nasa taka a tleh avangin Zoram hmun hrang hrangah chhiatna a thleng nasa hle. Karleh maia East Lungdar khuaa pavalai pawl inkhawmpui neihna tura sak, pandal a ti chhe vek a, Lungtan UPC biakin pawh chimin Sialsuk Hmunchung Presbyterian Kohhran biak-in chung a lèn khawk bawk. In chhia neuh neuh dang chu awm nual mah se chim rup ang chu a awmlo niin a lang. Sihphirah pawh thli hian chenna in tihchhiat a nei nuala, thlanmual No. 1 mawng a Pu Rosiamliana In thlang lam chu thli hian ti chhiain Sihphirah tuar nasa ber an niin a lang. V/C te leh mi tlawmngai thawkchhuak ten an siamtha leh nghal a ni. Pathianni zan (Thawhtanni zing lam) hian chhiatna dang a thlengin rial a tla leh chiam mai a, chenna in tam tak chhia in a bikin rangva inchung nei te him an awm barlo a tih theih ang. Inchung thlak hlawk ngai engemawzat awmin rangva pahnih khat thlak ngai an awm bawka, thenkhat erawh a charhna hmanga bel phui theih mai an awm bawk. In...

  (Sawiremtlang editorial) Education minister, Dr Vanlalthlana chuan tunhnai khan zirlaite hmaah 'Mihring nunah chuan a taima leh thawkrim apiang an dinchhhuah thin avangin thahnem ngai taka lehkha zir a tul,' a ti.  Hausa kan tehna hi a inanglo nuai ngei ang. Amaherawhchu, kan tehna pui ber chu pawisa ngah hi a nih ngei a rinawm. Mi hausa tak ni tur chuan kan minister sawi ang hian thawhrim a pawimawh hmasa a ni. Officer emaw sorkar hna thawk tur chuan lehkha taima taka zir a ngai a, hetiang ni thei tur chuan zirna kawngah thawhrim a ngai hle awm e. Chutiang bawkin, thlai siam emaw ranvulh bakah eng eizawnna pawh nise hlawhtling tur chuan thawhrim a pawimawh ber mai.  Hetih rual hian thawhrimna tello pawhin mi hausa tak chu a nih theih tho a. Hei erawh chhungte ro an khawm a nih ngawtloh chuan hlemhletna a awm ti ila kan sawi sual tam awm lo e. Chuvangin, mi hausa kan tih te hi a tam zawk fe hi thawhrimna avanga dingchhuak an ni tih hria ila, ngaisanga, anmahni anga taim...