Skip to main content

THLANMUAL IN LEH MI BAIHVAI IN INKAWP CHU HAWN A NI TA

 

Kar hmasa Inrinni khan thlanmual no 1 (thlanmual hlui) a thlan laihna hmanrua dah na tur leh mi harsa zawk te luah tura tih in te, YMA sak, chhawng khat a sang chu VCP, Pu Lalnelawma chuan hlim tak leh tluang taka a kal zel theih nan tiin ribbon chep chatin a hawng.


VCP in in a hawn hnu hian inchhungah lutkhawmin inkhawm tawi neih a ni a, he hunah hian Assistant Secretary, Pu RK Ramfangzauva chuan hunserh hmangin Pu Lalrinliana Royte, maneger chuan report a pe bawk. Report atanga a lan dan chuan in hi

January ni 27 a BEC ten kumthar duan Committee an neih tuma rawt chhuah, thurel 2, sub no D naa Thlanmual Sub-Committee hnen atanga lehkha hmuh a Thlanmual No. 1 In repair chungchang rawtna lo lut atanga lo piang a ni a, dt 24th. February a BEC Committee chuan a sak dan tur te ruahmanin Pu Lalrinliana Royte chu manager atan a ruat nghal bawk.


In hi feet 18" 12' a zau a niin March ni 15 khan ban tun a ni. Tichuan, a remchan dan ang ang in sak chhoh mawp mawp a ni a, pawisa thawhtu hi mi 40 vel zet awmin mi 10 in hmanrua an thawh bawk. Nileng hnatlang hi ṭum thum neih a ni a, sawm bik te nen ni khat thawh a ni bawk. Tin, hlawhfa hi tha thum sen a ni bawk. In hawn ni thleng hian mi inphalte pawisa thawh tlingkhawm hi cheng 1,39,648/- a ni a, cheng 1,35,668/- hmanral a ni bawk. Kutah cheng 3,960/- la awmin hei erawh la danglam thei a ni thung.


Hemi hnu hian President, Pu Lallianfala chuan huphurh tak chunga bultan, mi thahnemngai leh tlawmngaite avanga kan puitlin thei ta hi YMA member tlang vek kan niin lawmthu inhrilh tur chuang kan awm chiahlo naa tiin a lawmawm a tih hle thu a sawi. President in lawmthu a sawi hnu hian in luahtu tur, Pu Thanmawia chuan thusawi ve lehin a ni chuan, ka lawm dan tur chu in hrethiam maiin ka ringa, tia bul tanin Secretary in a hrilh hmasak ber tum phei chuan lawm avanga zan a mut meuhloh thu a sawi.


Hemi hnu hian Secretary, Tv Zohmingliana Hnamte chuan in condition te sawiin thu delhkilh nen in luahtu tur Pu Thanmawia hnenah hian chabi hlan nghal a ni.

Comments

Post a Comment

Popular posts from this blog

KUM ZA CHHUNGA MIZO HMEICHHIATE DINHMUN

 1. Tunhmaa an dinhmun : Kan pi pu te khan 'Hmeichhe finin tuikhur ral a kai lo', 'Hmeichhia leh uipui chu lo phun lungawi mai mai rawh se' tih leh 'Hmeichhe hna, hna ni suh, chakai sa, sa ni suh' tih te hi an ṭawng duh dan a ni a, hetaṭang hian hmeichhia te an dah hniam ṭhin zia a chiang viau awm e.  Nula in inleng a neihin an mi ngei zawng tak pawh ni se, biak chhiat an ngaitheilo a, ngaihtheih loh chu sawi loh, thianglo hialin an ngai a ni. Khawvar tirh aṭangin hna an ngah nghal hle mai a, tuichawi, buhden, ei rawngbawl, chawei siam leh a seng fel. An kuta awm vek a ni. Pi pute hunlai kha chuan an eizawnna hi a inang ṭhûma, lo neih a niin an feh tlut tlut ringawt mai ṭhin a, chuvangin, Mizo hmeichhia te chuan hetia'ng nikhua hian feh tur mamawh zawng zawng hi an tihtura ngaih vek a ni a, an emin an phurh vek a ngai bawk ṭhin. Mipa chuan iptepui an ak ve hram chauh a ni.  Feh haw'n kawngah lah hmeichhia chuan em khatin in lam mamawh an phur haw ...
Post a Comment
Read more

CHANCHINBU MAN KHAWN A HUN LEH DAWN TA

  Thlatina Inrinni hnuhnung ber hian chanchinbu man khawn a ni tlangpui a, thlathar Inrinni hmasa ber leh remchang danga khawn pawh kan awm zeuh zeuh bawk. Thla a lo tawp (Inrinni hnuhnung ber) leh takah hian chanchinbu man pek lamah tan i la teh ang u. Kan chanchinbu hi thla khat lak man cheng 30 kan ti a ni a, heti hian a mah leh a mah a intum tawk vel viau a ni. A man pawh a lut tha tlangpui a, a lawmawm. Chutihrualin, pek lam ngaihsak lutuklo kan awm leh zeuh thin erawh a zialo thin khawp mai. Chanchinbu hi naupang semtir thin a ni a, a man khawn thu-ah pawh anni hian an keng tlang mai thin. Naupang an nih avang tak hian thenkhat hian zahlo taka lo tawngkhum in 'min pe ngai silo a, a man khawn hre hlur ringawt mai' tih an hlawh fo niawm tak a ni.  Thenkhat chhiar duh si a man pe duh manglo te pawh an awm niin a semtute hnen atangin thu kan dawng fo. A zialo khawp mai. Tin, pe emaw intia pe silo te pawh a awm theih a nia. Naupang rilru thianghlim tak te an ni a, rilru sual ...
Post a Comment
Read more

THLAZING

  (Sawiremtlang editorial) August thla han hman meuh chuan chhum a zing phui chuai reng mai a, upa ten 'thlazing' an lo ti pawh hi a awm viau mai. Amaherawhchu, heta thlazing tih hi pi pu te thla hming pakhat emaw ti kan awm leh mai thin. Mizo thla chhiar danah chuan Thitin thla a ni tih i hria ang u khai. Hmanlai chuan mitthi te hi pialrala kal nghal mai loin kan velah hian an la tap thin a, August thla hian mitthi khua an pan thin nia an ngaih avanga thitin thla ti pawh an ni niin a hriat. Chuvangin, August thla hi Mizo thla chhiar dan chuan thitin thla tihna a ni a, thenkhat ten thlazing tia an sawi erawh thla hming ang niloin tun thla chu chhum a zing chuai reng mai an tihna a nih chu. Mizo thla chhiar dan hriat hi kan mawhphurhna ni ve in a langa, thla chhiar dan mai bakah an nunphung te pawh hi hriat ve hram hram I tum ang u. August thla chu a zo ruai chu a ni leh ta a, ni reilo te-ah Ber thla kan kan kai anga, derhken, nuaithang, anthur leh senhri nu ten par an chhuang l...
Post a Comment
Read more