Lalchhanhima Varte

   Pathian hruainain July thla kan kai ta. Heti hian kum chanve chu kan hmang zo a ni ta der mai. Pathian hruaina vang liau liau a ni a,  A hnenah lawmthu i sawi ang u. Bial Kristian Thalai Pawl te chuan Venglai kohhran biakinah kum chanve intawh khawm hun chu kar kalta Inrinni leh Pathianni khan an hmang a, hei hi an tih dan fo a ni bawk. Hri leng vel avangin an hmang mumal thei talo mai pawh a, hetianga a khattawka a huhoa Pathian an chawimawi thin hi a tha hle mai. Kan thil tawn engkimah Pathian hnena lawmthu sawi a chawimawi hi tih makmawh a ni awm e. Kum chanve zet a han liam takah chuan kumin atana kan hmachhawp te pawh eng emaw zat chu kan thawk tawh hlawmin a rinawm a. Lo neitute pawhin an thlai hnah leh a rah te pawh seng tan tawhin hma lam beiseina nen kum tawpa rah hlu tak seng turin ruahsur leh thosi karah hrehawm pawisa lovin taima takin, kawla ni chhuak chhiarin an chhuak ang a, sawrkar ah leh company chi hrang hranga thawk te, NGO leh kohhran hnuaia thawkte...

  Tuna kan chhiar lai Sawiremtlang chanchinbu hi branch YMA in'a a enkawl leh buaipui a ni a, YMA chungchang bakah thu bengvarthlak tak tak te tarlan thin a ni. A hmasain min ngaihhlut saka min lo chhiar sak thin tute chungah kan lawm em em a ni. Sawi tak angin YMA enkawl a nih angin Media and Documentation Sub-Committee enkawl a ni a, a semdarh kawngah Executive Committee member ten bial tinah mawhphurin, anni hian remchang an tih angin midang sem tir te pawh an awm. Chanchinbu hmuh thatloh awm thei thulhah bial neitute hi mawhphurtu an ni a, harsatna engemaw pawh lo awm se anni hnena hriattir thin tur a ni ang.  Tunlai hian bial pakhat chu semtu mumal loh avangin thla khat deuhthaw sem tawhlohna a awm a, hemi chungchangah hian bial neitute mawhphurhna a sang hle a tih theih ang.   YMA mai bakah kohhran leh pawl dang te pawhin chanchinbu hi kan ti chhuak fo. Hetah hian a chhiat a thatah a chhunga Committee member chin te chu mawhphurtu an ni ngei ang. Thenkhat chuan...

Tunlai hian Daklalui kawng chu cement concrete a chhun mek a ni a, nikum lama chhun chin chhunzawmin Daklalui lam atanga bultanna tlem azawng a awm bawk. He kawng chhun hi a lawmawm tehlul nen tunkar Nilaini khan chhun zawh tawh plaster zawh vek thenkhat chu Sihphir tlangval pathumin a thawktute chawfak hlanin an lo chilkawi vel a nih chu mawle! Khawvel hmasawnna thil pathum awmte zingah inkalpawhna kawng tha a tel thu kan sawi fo tawh. A pawimawh em reng lah tak a. Sihphir khaw mipui ram lama eizawng ten'a zawhtu tam ber chu he Daklalui kawng hi a ni hialin a rinawm. Kawng tha duhin kan iak kan iak a, tunah siam a ni ta cheng a, hetianga lo che duh kan awm mai hi a pawiin hei aia khaw pawisawina lian hi an awmlo hial awm e. A chunga sawi tak khi kawng siam mek chungchang a a pawi kan tih thu a ni mai a, a nihna takah chuan a zahthlak takzet zawk a ni. Tuna hnathawk tute hi khual khua atanga lo kal vek an nih avangin kan tlangval hnaisailo zet te khan khaw pawi an sawi a ni satliah...

  Tunkar Nilaini kha YMA Day a ni a, Sihphir branch chuan he ni hi hnatlan na hun atana hmangin member zahnih chuang lai thawhchhuah a ni.  Hnatlan ni hian thlanmual leh a chhehvel tihfai chu hna pui ber a ni a, thlanmual thar (No. 2) tuna inphum na thlang lam chu kawngpui thlenga samfai a niin lane laih a ni bawk a, hmeichhe lamin thing phun bi vel an thlo fai thung. Thlanmual chawlhbuk chheh velah hian plastic leh bawlhhlawh dang a lo tam ngiang mai a, chhar fai vek a ni bawk.  YMA day pual hian Rural Industries Association te chuan kuang 12 lai mai an lo siam ve thung. Hall choka pawh tukverh leh wiring tawp lutuk chu tih fel a ni a, hall chunglam kawngkhar leh tukverh siam ngai ang ang chu siam nghal a ni bawk. Thlanmual hlui (No. 1) lamah pawh hmun ruak 100 chuang lai mai inphum theihna tur a la awm tih hmuhchhuah a ni bawk. YMA member kan thawhchhuah piah lamah hian YMA chhang te pawh khawlai dung tifaiin an thawkchhuak ve bawk a, naupang 230 zet thawkchhuak in Cha...

Karleh Nilaini, June ni 15 khi YMA Day a ni a, Sihphir Branch YMA chuan he ni pual hian hnatlang runpui neih a rel. Branch hrang hrangah day lawm thin a ni a, kan lawm dan erawh a inang vek lemlo. Chutiang bawkin keini branch pawh hian lawm dan kalphung pawh kan nei chuanglo. A remchan dan angin a rel chawp mai thin. Tuntuma hun hman dan tur pawh hi Executive committee ten tul leh tha a an hriat angin ruahmanna  siamin, hnatlang pui neih tum a ni. Committee chuan hnathawh dan tur ruahmanna hrang hrang a siam a, hengah te hian kan thawh awm tawk chu mahni kan in hrethiam mai awm e. Hnatlang hi Mizo te nun'a bet tlat a ni a, hnam dang hi kan hnatlan anga hnatlang ve hi an awmlo zawk hial in a rinawm. Mahni a tih theihloh tam tak hi hnatlanga thawh hi chuan a kaw duak zel mai a, chuvangin, tuntum hnatlang pawh hi i ngai pawimawh hram hram ang u.

Primary School I, Arpu a ni a, YMA chhang inthlan mek a ni. Finance Secretary atana thlan, Diktea tukverhah a zuanchhuah daih avangin inthlan buaipuitu te chuan a phatnaah ngaiin inthlan that a ni a, ka tling ta nawlh mai! Hemi kum YMA Day hian keini YMA chhang te chuan day hmanna hmun High School-ah hian dawr kan siam ve a, YMA day a ka kalna hmasa ber a ni nge nghe. Phak ang tawk tawkin OB chanvo chu ka'n chelh ve naw naw a ni a, ka tihtur ka ti tlem hle. Thing delhloh, lung delh loh na na na chu YMA puitling member rual ka lo ni ve ta. 'Kumi'n chu YMA-ah inhmang ve tawh teh ang' ka intih rilruk rauh rauh laiin section committee member a ruatna ka dawng zet chuan min ti phur ngei mai. Sub-committee peng pakhatah min han ruat ta lehnghala, hetia'nga chanvo han neih hi midang  chu an lawm lem hauhlo ang. Kei erawh ka lawm tlat a nih chu. General Conference kan kal dawn a, kawng lakah kan hruaitu ten rorel palai tur a ruat an kal kim theihloh avangin tlawngngaia tel ...

1st. Sunday : Chawhma ah Sunday School kan kal. Inkhawm laiin U Ruatzauva makpa chu a kaih thut avangin zawn chhuah a ni. Zanah Atei nen kan inkhawm leh bawk. Neihbawi a Pa Sawma monu chu cancer avangin Civil Hospital ah a thi. 2nd. Monday : Chawhma ah mitthi inah ka kal. Mitthi in kal tura ka un buatsaih lai hian Pa Biala a thi. Zan lumenna-ah kalin zanlai dar 11:30 velah ka haw. Kumin a a vawikhat na atan YMA chanchinbu a lo thleng. Rebeki leh Lalrokima, Tlangveng te chuan covid an kai. 3rd. Tuesday : Huan ah bean kan va tuh. Zan thimhlimah Remtumbua a thi. Zanah khawhar in (Pa Biala) ah ka kal. 4th. Wednesday : Huanah kan va feh a, keiin bean ngul ka siam a, Maawmi in dania kui na tur a tifai thung. Chuan, kan kui nghal. Zanah khawhar in (Rema) ah ka kal. YMA chanchinbu nikum September leh October inkawp chu agent hmasa, Dawngtea hnen atangin ka la. Hei hi a copy hi ngawi renga a lo kawl vang a ni. Keiin a lo thleng miahlo niah ka ngai hmiah mai si. Mihring hi a lo mawl theih ...

Tunkar chhoah HSSLC result a chhuaka, Sihphir a Higher School zirlai mi 40 zet te chuan hlawhtlinna changin an pass vek. An sikul hi kum hmasa lam pawh khan zirlai zawng zawngin hlawhtlinna an chang vek tawh bawk a nih kha. Tlem lai deuha matrik result-ah pawh Sihphir khawchhunga zirna sikul atanga exam beitu zinga 94% zetin hlawhtlinna an lo chang tawh bawk a nih kha. Sihphir khuaa kal nilo pawh Aizawl leh phai lama zir te pawh engemawzatin hlawhtlinna an chang bawk. Zirna hi hringnun'a thil pawimawh tak a ni a, sorkar hnathawk tur pawhin lehkhathiam nih ngei a ngai ta. Sorkar hnathawh na'n kher lo pawh lehkhathiam na na na chu an hnathawhna kawng tinrengah thiamlote ai chuan hlawhtlinna an chang deuh chu a nih hi. Naupan lai chuan tum bik em em nei loin kan zir mawp mawp thin a ni a, tuntum a hlawhtlinna chang te hi chuan tum mumal tak in nei tawh hlawmin a rinawma, chumi atana pawimawh hriain pass that avanga subject harsa bik zir ngawtloin in thiltum atana pawimawh n...

Tunkar Thawhlehni khan MBSE in HSSLC 2022 result a tichhuak a; kumin HSSLC-ah hian zirlai exam tura inlan 11908 awmin, passed 9773 an awm a, failed 2068 an awm thung. Pass percentage hi 82.07% a ni. Lalrohlui Ralte, Synod HSS (Arts); Simon Lalremsiama Shangliang, St. Pauls HSS (Science) leh Mercy Laltlansangi, Oikos HSS (Commerce) te chu stream tina Topper theuhte an ni. Hetih lai hian Sihphir Higher a kal mi 40 te chu an pass vek bawk. Hetiang hi an passed dan leh division neih dan a ni : Appeared - 40 Passed - 40 Passed Percentage - 100% 1. Distinction - 2 2. I Division - 26 3. II Division - 11 4. III Division - 1 'Covid-19 avangin harsatna hrang hrang tawk chung leh Offline pawh kal mumal theih a nih loh avangin hun engemaw chen chu online-a class kalpui thin a ni. A pangngaia school kalna hun pawh an neih mumal loh avangin rilru a thlaphang a, huphurh tak chungin exam kan hmachhawn ve rawih a. Heti chunga hlawhtlinna ropui tak kan chang hi kan lawm em em a ni,' tii...

1st. Sunday : Mizoram Police-te chuan Kelsih daiah puakthei leh ralthuam thahnem tham tak bakah ralthuam phurhna atana pickup truck pahnih leh a lirthei neitu leh khalhtu ni bawk mi 2 an man. He'ng ralthuam phurtu a rinhlelh pickup truck neitu leh khalhtu ni bawk te hi Lalbiaktluanga, kum 42, Mualpui Bethel veng leh Zoremsanga, kum 42, Tlangnuam West te an ni. Kulikawn Police Station-ah thubuai ziahluh a nghal a ni. 2nd. Monday : Chief Minister, Pu Zoramthanga chuan Zemabawka Bus dinkhawmna siamna tur hmun remchang a en. Chief Minister hi PWD Architect-te leh khawtlang hruaitute’n tawiawmin Bungbangla-a hmun remchang awm thei an lo thlithlai tawh chu a hmunah an enfiah a ni. 3rd. Tuesday : Lengpui Airport-ah Union Minister of State For Minority Affairs, Pu John Barla leh Sports Minister, Pu Robert RomawiaRoytete chu inkawmin Mizoram hmasawnna tur hrang hrangte an sawi dun. 4th. Wednesday : Fundamental Baptist kohhran te chuan Civil Hospital tan thisen unit 29 an pe....