Lalchhanhima Varte

Tel Aviv atanga Jerusalem pana bus-a kan chuan lai hian kawng lakah ka bula thu te an chhuka, chuveleh, ka hnunga thu vai nula pakhat hi ka bulah a rawn insawn nghal. 'English i thiam em?' min rawn ti a, ka thiamloh thu in ka lo chhang a, Phillipinne mi ka nih ringin min zawt a, ka nihloh thua ka chhan takah chuan eng hnam nge ka nih min zawt zui zel. Keiin hrilh tha ta mai lo chuan ka rin kual tir vak a, Spain, Peru, Nepali leh China te a rin kual hnu chuan India ram atanga kal ka nih thu ka sawi ta a. Chuveleh, a ranga rangin Hindi in min be ta zung zung mai. Keiin ka lo thiam i khaw silo. Mahni ram tawng pawh thiamloh ngawt mai chu a hrehawmin, lo intih Indian vak pawh a zahthlâk chang a lo awmthei hle dawn a nih hi ka tih phah. Union Home Minister, Amit Shah chuan India hmarchhak state pariatah pawl sawm thleng zirlai (subject) pakhatah Hindi telh tur (compolsary subject) a nih thu April ni sarih khan a puang a, hei hi Mizoram a zirlai pawl te chuan an duh lo hle. Tin...

Kar hmasa Zirtawpni atanga Pathian ni thleng awh khan Presbyterian Kohhran, Sihphir Pastor Bial inkhawm pui chu tluang taka neih a ni a, kohhran mipuiten hlawkthlak an ti hle. Inkhawmpui hrim hrim hi kohhran ang chuan a awm deuh renga, amaherawhchu, hripui avang hian tum dang ang erawh chuan a nuam lemlo niin a ngaih theih. Kumthar hlima kan inkhawm theihloh hnua kan inkhawm leh theih hlim khan Venglai upa, Upa Zoramthanga chuan an kohhran a a thusawi naah kum hnih zet mumala kan inkhawm loh hnua kan inkhawm leh theih tak avanga lawmthu sawi mawlh mawlh tur kan nih thu a sawi. A sawi zel dan chuan biakina kan inkhawma, Pathian faka hlim taka kan zai thei hi thil pangngai ah ngaiin lawm nachangpawh kan hre lemlo niin alang. A hmaa kan tih reng theih kha han theihloh vang vang takah chuan a lo lawmawm zia a lanchian thu a sawi. Inkhawm thu ah kherlo pawh kan che sawn thei a, kan ei in kan bar thei leh mi pangngai nuna nunga, kan hmuin kan tawngin kan hre thei ringawt pawh hi lawmt...

Thawhlehni zan khan Sihphir Branch YMA chuan Conference Hall-ah kum 2021-'22 kumpuan 'Ram leh hnam humhalh' tih chu branch executive committee member, CEC ni bawk, Pu R. Lalduhzuala, chuan a hawng. He hun hi zan dar 7:30-ah branch executive committee member, Pu R. Lalngentluanga chuan hunserh hmangin a tan a, hemi hnu hian kumpuan hawngtu, Pu Duha chuan a hun a hmang tan. Thusawiin pu Duha chuan Central YMA hminga kalkhawm te chibai bukin amah a insit hle na a, pawimawh a tih si avanga a phat duhloh thu leh CEC anga a hmachhawp neih hrang hrang te a sawi hmasa. Kumpuan chungchangah Pu Duha chuan hlawmpui pali hmangin thu a sawi. A hmasa berin danloa sumdawnna chungchang sawiin he hunah hian khawtlanga vai dawr a awmloh avanga lawmawm a tih thu sawiin, sumdâwng vakvel te pawhin phalna an nei em? tih chik a, an awmloh zel nan kan tantlan a ngaih thu a sawi. A pahnihna atan chuan inchimralna chungchang sawiin tlem chuan huaisen a har zia sawiin fa neih lamah thalaite ta...

India ramin zalenna a neih kum 75-na lawmna chikhat atan Union Health Ministry buatsaihin Thawhtanni aṭang khan ramchhung hmun nuai khat chuangah Block Level Heath Mela neih ṭan a ni a, Mizoramah pawh RD Block 26-ah a thlawna inentirna hi huaihawt tum a niin Thawhtanni (a tanni) khan a rualin hmun ruk (6) ah Health Mela buatsaih a ni a, April thla chhungin Mizoram puma RD Block zawng zawng-ah Health Mela hi neih tum a niin, thingtlang mite tan chuan malsawmna dawhkan a inhung chhuak kan ti thei awm e. Editorial hmasa lamah khawvel hmasawnna in a ken tel zingah hriselna, zirna leh inkalpawhna hi a pawimawh zualte annih thu kan sawi tawh. Khami tum khan kawng tha kan neih mek leh hmachhawp awm te kan sawi a nih kha. Tûnah a pawimawh zual pathum zinga hriselna kawnga pawimawh ber te zinga mi ni turin doctor rual a thlawna rawn theih tura kan kawtkai ngeia an rawn kal hi a lawmawm takmeuh a ni. Tun tuma kan mela hi a chunga sawi ang khian a thlawn a ni a, Mizote hian thil thlawn hi ka...

Hun rei tak chhung Covid 19 hripui leng avanga Branch Executive Committee meeting neih theih anih tawh loh hnuah kan khawtlang dinhmun in ziaawm lam a pan deuh tak deuh avangin tunkar Thawhlehni khan Conference Hall-ah tluang taka committee a ni a, he hunah hian YMA mai bakah khawtlang tana tul engemawzat ngaihtuah a ni. Mizoram a YMA din (1935) atanga kum thum hnu a din, Sihphir Branch YMA hi kum 1938, March ni 24 chhunah 'Tlangveng sikul' tia hriat lar, (Primary School III) hmunah nula tlangval rual, mi 30 vel kalkhawmin 'Young Lushai Association' tia an din a ni a, President hmasa ber chu Pu Lalchuailova f/o Hmartawna (L), Damveng a ni. Sihphir branch atang hian Venghlun branch saw kum 1970-ah an indang ve bawk. Tunah hian member hi 2586 (member boral tiamin) kan awm mek a, Taitesena section-ah hian member 815 awmin section lian ber an ni. Section hi pali a then a ni a, sub-committee hi peng 11 a awm bawk. Tin, kumpuan 'Ram leh hnam humhalh' tih chu a hr...

Bialtu MLA leh Chief Minister ni bawk Pu Zoramthanga hmalakna in Durtlang leh Sihphir kawng zauhna tur Ministry of Road Transport & Highway chuan a rawn approve in cheng vaibelchhe 46.57/- lai hmuh a ni ta. He kawng hi Aizawl kalkawng pawimawh tak mai niin tunah phei chuan khualzin mite tlawh nahawm tak kan lo ni ve ta bawk nen a lawmawm takmeuh a ni. Khawvel hmasawnna in a ken tel zingah hriselna, zirna leh inkalpawhna hi a pawimawh zualte anni awm e. Chung zinga inkalpawhna tha kan nei tur hi a lawmawm hle mai. Khawchhung mai bakah kan thlawhhma kawng te pawh motor kawngin a paltlang ta ruah mai. Tunhmaa chhipa thlai thar kan phurh tauh tauh naah khan tunah chuan motor nen kan ri ta par par mai. Thil lawmawm tak a ni. Tunah hian chhuah lam ram thenkhat chu bamboo link road a siam tuma hmalak mek niin a lang bawk a, khawchhungah pawh kawng zau leh nuam, chutiang bawkin kan thlawhhma lamah pawh hahdam zawkin hna pawh kan thawk thei ta a, a vanneihthlak takmeuh a ni.

1st. Tuesday : Nimin lama ka sam mawng lam leh thlam thlang vel ka va sam leh. Zingkarah U Makhawa dawr ami hnathawh pheikhawk Rs 500/- in ka va lei. 2nd. Wednesday : Awm fangin inah ka awm. Ni za inhlawhna Rs 500/- kan la. Ka lawm hle. (Telegram fake send) 3rd. Thursday : Lo-ah banril hemin ka riaklut Susani by Florence LR Ralte ka chhiar tan. 4th. Friday : Ka hna ngai ka chhunzawma, ka haw. Zanah chanchinbu chhutnaah ka kal. 5th. Saturday : Inah ka awm. Pc-a hnena bike ka dah chu la zo chiahlo mah se a nun theih tak avangin ka la. A nun theih avang leh engine hawn ngaia a hriatloh avangin ka lawm hle. 6th. Sunday : Hripui avangin inkhawm a la awmlo. Inah ka awm nileng. Atei Reiekah a leng. 7th. Monday : Lo-ah banril hem tumin ka riaklut. Ka ban hem tum a har deuh avang leh thing zai tir ka tum deuh avangin ka chhunzawmlo. Chawhnu lamah thi gzai tur leh tui lak tur vel zawngin lo mawng lamah ka vak kual. 8th. Tuesday : Nimbu hmun ka sama, ka haw. Zanah Ni Lai dawrah ka len...