Lalchhanhima Varte

1st. Tuesday : Mizo National Front (MNF) General Hqrs. chuan Mizo Hnam Runah 'Mizo National Day' (independence puan ni champha) an hmang a.He hun hi MNF Vice President, Pu Lalthlengliana'n a kaihruai a, Treasurer, Pu K. Vanlalauva chuan independence declaration changchang leh MNF chu Mizo nationalism kengtu a nih thu a sawi. 2nd. Wednesday : Manipur election duty-a kal, 2nd IR Battalion sipaite chuanna motor (pickup) chu Tamenglong College kawtah break fail avangin a chesual a, Constable, K. Lalawmpuia (Maawmtea), kum 37, Champhai chu a boral. Motor-ah hian mi 15 an chuanga, hliam tuar hi 10 an awm bawk. 3rd. Thursday : Champhai atanga Zokhawthar panna kawng, Champhai atanga KM 14 vel, ZNS Farm, Mualkawi ram chhung, Sapianmaksak kiangah motor Cycle Yamaha FZ, MZ-01/V-0378, Lalbiakmuana (23) s/o Sawithuama leh Lalawmpuia (36) s/o Lalrongura, Sazep khua ve ve te chuanna leh National highway No 6 sial hna thawk mektu Sri Balaji Construction company te truck (Hyva) Regn....

1st. Tuesday : Sihphir khuaa HSSLC zirlai te chu Gov't. High School-ah an exam tan. March ni 25 (Zirtawpni)-ah an zo ang. 2nd. Wednesday : Ni za inhlawhna pawisa chu Rs 500/- theuhin sem a ni. 3rd. Thursday : Positive thar mi 18 kan nei a, dam 33 kan nei bawk. Tichuan, tun dinhmuna hri vei mek kan neih hi mi 212 an ni. 4th. Friday : Covid hri kai thar mi 19 kan nei. Heng zingah hian Pi Sawikimi (VCM) w/o VL Rema (L) pawh a tel. 5th. Saturday : Thlanmual chuanhnuaia invuina tur in te chu chawlhkar khat zet thawh a nih hnu-ah sak zawh a ni ta. 6th. Sunday : Pi Thanzuali m/o Zohmingliana Hnamte, Biakin veng, February ni 25 a hri kai chu ZMC atangin dam takin a lo chhuak leh ta. Pi Thanzuali hi February ni 27 khan ZMC-ah hian a awm phei a ni. 7th. Monday : PC Lalrinliana, Secretary, Village Council chuan Mizoram sorkar, Transport Department in khua leh veng tinah lirthei census a neih mek chungchangah khawtlang mipuite hnenah tih ve a ngaih avangin hriattirna a ti chhuak. 8th...

Kar hmasa khan kan khawtlangah hlamzuiha thihna tumhnih ngawt a thleng! Lusun chhungte kan tuarpui takzet a ni. Hlamzuih tih hi thla thum (ni 90) hnuai lam a thi sawina a ni. YMA General Conference,1982 thurel 12-na chuan hetiang hian hlamzuih chungchanga khawtlang in relbawl dan tur a rel : khawntesep khawn loh, lumen loh, awmni kham loh, thalaiin lenpui thin tih loh inriahpui loh, zualko kal loh etc. He kalphung hi kum 2014 Conference-ah ennawn a ni na a, a ngai anga kalpui tura rel a ni a, tun thlengin hei hi kan kalpui ta zel a ni. Nau a lo pian hian nu pum atanga rawn tuamtu hi a awm thin a, chu chu nau hlam tih a ni. Hlam (chhul) chu nau pian hnuah a zuihral ve mai thin a, naute a la sen em avanga chhul ang leka zuih ral ve ta anga ngaih a nih avangin hlamzuih tih tawngkam hi lo piang ta nia sawi a ni. Thihna hrim hrim hi eng hunah pawh thleng se a tuartu tan chuan a na em em reng a, nausen buchip an thih a khawtlang ina in buaipui luih luih loh dan kan nei hi chu ...

Synod News Letter Ralvengtu huanga ralvengtu chuan mipuite hnenah " Covid hri nilo, hri dang leng mek hi do rawh u," a ti. Chu hri a sawi zinga pakhat chu 'chhuanlam hri' a ni. A sawi dan chuan Covid hri leng chhuanlama Covid hri hlau tawh silo, a dera hlau, rawngbawlna tur chawlhsan leh tihtur thulh phah nan'a hman te, inkhawm theih tawh pawha inkhawm lohna chhuanlam hriat theih riau te' chu hlau turin mipuitea ngen. A ni taka, kan ramah nasa takin hripuiin min ti buaia, kan hlau hle. Hlauh tur pawh a niin sorkar leh mimal ang pawhin kan tihtur pawimawh kan thulh phah nasa hle. Mi thrnkhat phei chuan kan sorkar hotute pawh hri a leng hlauh a, kan thil mamawh an tih theihloh tur leh an ngaih pawimawh lemloh te hnar nan he hri hi chhuanlamah an hmang a, an vannei ngawt alawm an ti. A nih hmel na chin pawh a awm thei awm e. A chhunga cheng lo tan erawh he thil hi chu hriatthiam a har ang. Sorkar chauh nilo, khawtlang leh pawl thiltihna kawng hrang hrangah pa...

Kum 2020 ah Sihphir mi Nepal ram atanga lo haw ten hri hi an kai a, khunghranna hmuna an awm nghal avangin Sihphir lamah a darh phahlo. Nikum April thlaah phai atanga lo haw nula pakhat chuan hri a kai tih hmuhchhuah a ni leh a, an fimkhur em avangin khawchhungah a darhlo leh hlauh. A thlalehah nufa kai hmuhchhuah an ni leh ta. Hri avanga kan buaina a intan chiah. Hemi atang hian a khattawkin hmuhchhuah a ni ta deuh reng a, ziaawm lai chu awm zeuh zeuh bawk mah se reh tih tak tak a awm hleithei lo. Kumtawp a lo hnai a, kum hmasa lamah Kristian te hunpui mumala kan hman theihloh avangin kohhran hrang hrangte chu ruai nen hman ngei kan tum tlang ta hle. Amawherawhchu, a hun a lo thleng hnai a, a tih a tih luih chi rual lohin hri chuan tan a rawn la thar leh ta. Krismas leh kumthar inkar atangin a hluar lehzuala, heta chin hi bangloin nitin hrikai hmuhchhuah an awm ta reng mai. Tun thla ni 13 thlengin nikum December ni 27 atanga hrikai awm nitin chu a reh ta. Kai awmloin dam kan awm ze...

Tunkar Ningani, March ni 24, kha Sihphir Branch YMA dinchampha vawi 84-na a ni a, he ni pual hian Branch YMA Executive Committee member te leh Section YMA-a Committee member te chu thlanmualah thlan lane siam leh hnim sam a hnatlan a ni. Hripui leng avangin member pum huap hnatlang koh a la timawm deuh avangin a nawlpuia hnatlang loin section leh branch committee chin chauh hi tih a ni ta a ni. Hnatlang hi day ni takah tih tum ni mah se, committee member zinga pasal nei tur awm ni tak a nih avangin hun remchang dang dap a ni. Rising Day pual vek hian Synod Camping Centre a Myanmar Raltlan te hnenah Artui Case pek a ni bawk. Sihphir Branch YMA hi kum 1938, March ni 24 khan Sawiremtlang bulthut a tuna UPHC Building dinnaah hian “Pu Lalchuailova Sikul” tia hriat thin Lower Primary School-ah nula tlangval mi 40 velin an din a ni.

Tunkar Thawhtanni khan Sakawrhmui tlang kham, tlak lam ram chu a kang chiam mai a, hemi thelh tur leh hmun dang kai tur vengin khawtlang mipui engemawzat thawhchhuah a ni. Sakawrhmuituai tlanga Gopi Chand Batminton khelhna tur a ruahman bul a ram thenkhat chu forest department lamin thing phunna atan an vat a, hemi an hal na lama he kangmei hi chhuak ta a ni. Forest department lam atanga thudawn danin ram hi zingkar boruak daih laia hal a nih chuan kangmei pawh a chhuahloh phah rin a nih avangin zingkar hma takah ram hi hal a ni a, mahse, a hmun a tlangsan bakah ni a kang that em avangin an rin aiin hnim a lo ro tha a, mei si thlawk a tam bawk nen kangmei hi a chhuak ta chiam mai niin a lang. Department lam mi leh sa ten theihtawp chhuahin mei hi thelh tum a ni na a, mihring an tamtawk lo bawk nen anmahni maia thelh mih an zuamloh avangin khawtlang mipui hi an pun ta a ni. Khawtlang mipui kan tel chinah chuan meilam te sialin a remchan dan angin hal khalh zel a ni a, chhuah lam ra...

Kar hmasa Ningani khan Lengpui Airport-a motor kal na tura kawng chhawng tur siam mek chu a chim a, hnam dang pahnih in hliam an tuar. He thil a thlen atanga reilo te-ah Social Media-ah a darh nghal chiam a, hei hi chu thil awm tak pawh a ni ang. Airport-a hna­thawh lai a chim ringawt mai hi a hrilhhaithlak a ni satliah lo a, a thinurthlak takzet a, sorkar tán tak pawh hian a thinurthlak zualin a rinawm. A chim chhan hi hriat mai a har tawh a, sorkarin chhuichiang tur a ruat nghal bawka, thil awmzia chu a lang vat turah ngai ang. Hemi phena thil mak tak mai awm chu khawlai ti ti leh social media kaltlanga ti tina velah te hian pawiti awka hriat tur aia deuna a ring zawk tlat mai hi a ni. Tun term chauh niloin term liamta leh hun hmasa lam ata tawh kan politician te hian sorkar chetchhiatna hi an zawng reng emaw tih mai tur a ni a, chhiatna hrang hrang thleng se thuneitute thlen hma hma in opposition MLA/party hruaitu te an thleng zung zung a, chhiatna thleng avanga pawitih tak a...

Nikum March ni 20 khan a hma kara Assembly neih chungchangah 'Session thlir kan bat' tih thupuia hmangin editorial kan ziak tawh. Khami tum khan kan chungchang rel an nih avanga en ngei hi kan tihtur a nih thu kan sawi a nih kha. Kumin a hmasa ber atan Mizoram rorel khawl, Mizoram Legislative Assembly Budget Session chu tunkar Ningani khan ni 17 zet neih a nih hnuah a lo tiak leh ta a, tun ṭuma mi hi tun term kal meka session vawi kuana tur a ni nghe nghe. Mizoram mipuite sum tur chu he budget session-ah hian pharh leh a ni a, sawiho a nih hnuah pawm an ni hlawm. Chuvangin, he session hian mi zawng zawng min nghawng vek a ni tih hi kan hriat tlan a ṭha hle. Bud­get session hi a pawimawhna leh kan tana a ṭangkaina hi kan hre tawk lo deuh ṭhin niin a lang. Hei vang hian mipui nawlpui hian kan ngaihven lo ni pawhin a lang. TV-ah live-a pek chhuah thin mai bakah tunah chuan YouTube lamah live-in en theih a ni ta bawk a, kan awmna apiangah mobile phone kal tlanga en theih ma...

Asssembly pariatna leh session vawi 9 na ni bawk, budget session ni 17 chhung awh leh ni 12 chhung thutkhawm chu Ningani khan tiamchin awm lovin Speaker, Pu Lalrinliana Sailo chuan a ti tawp. Session neih chhung hian sorkar bill 10 pass a ni. Session chhung hian zawhna lut zawng zawng zat chu 569 a ni a, zawhna admit zat 562 a ni a, House-ah zawhna 47 chhan a ni a, Unstarred question pawm zat 282 awmin star question atanga leh zat 323 a awm ani. Tun session chhung hian Private member resolution 65 a lut a, admit vek ani na a, Private member bill sawiho hmasak anih hlawm avangin resolution hi sawiho a ni lo thung. Kum 2022-2023 atana sum ruahman belhkhawm chu Rs. Vaibelchhe 14,008 /- a ni. Session tan niah Larsap, Hari Babu Kambhampati thusawi chu MNF member, Laldawngliana chuan a thusawi vanga lawmthu sawina motion, Lalrinsanga Ralte in a thlawp chu house member ten an sawiho a nih hnuah lungrual taka pawm a ni. House member lo ni tawh, session hmasa leh tun session inkara th...

Tunlai hian Assembly Session neih mek a ni a, rorel tura chhawp chhuah piah lama ram pumi'na kan ngaihven tak em em mai chu Khawzawl leh Ngaizawl inkar PMGSY road chungchang a speaker, Pu Lalrinliana Sailo in hlawkna a lo tel ve niawma sawi hi a ni awm e. PMGSY tender hi Pi Colin-i (Aizawl) hmingin Pu Rinliana Sailo hian a chhang nia hriat a ni a, Pu Rinliana hna hi Khawzawl nu, Romuanpuii Zadeng chuan a thawk (sub-contract) ve leh chhawng niin hriat a ni bawk. A (Pi Muanpuii) ni hian khaw mipui te mit a tlun takloh avangin boruak hi ri ta hluai niin a lang. Mi fello te nia ngaih hailangtu hi Ngaizawl YMA te an ni a, an ti tha viau in a lang. Hetih rual hian an kal fawr mah mah nia a lanna pawh a awm tho awm e. A chunga kan tarlan tak khi thu dik a nih leh nihloh hriat mai theih a nilo a, engpawhnise, YMA te hi Mizorama tlawmngai pawl lian ber kan ni a, sorkar/VC te thuchhuak ai pawhin thenkhat chuan kan ngaipawimawh zawk hial pawhin a lang. Hei vang tak hian ram leh khawt...