SIHPHIR 2021 (Kum 2021 chhunga Sihphira thil thleng langsar zual te)

MITTHI : Kumi'n chhung hian Sihphir khua-ah mitthi 25 (hmeichhia 11, mipa 14) lai an awm. He'ng zinga hi 18 hi nupa tangthen anni. Nausel naupang, UPHC a thi leh Rescue Center-a thi chu kuang siam sak an ni a, Sihphira cheng pakhat remchan zawkna avanga a pa hnen lama ruang chhuak pakhat leh hmun danga thi, ruang hawn remchanglo pakhat a awm bawk. Tin, Burma raltlan, Synod Camping Center-a awm pakhat chu Sihphirah phum a ni bawk. Mitthi kan neih te : 1. Dt. 14.1.2021 : Nghakliana, kum 80 h/o Lalringaii (L), Arpu 2. Dt. 2.2.2021 Sairengpuii, kum 50, d/o Hualziki, Tamlo veng 3. Dt. 28.2.2021 Lalchhuanmawia, kum 41 s/o H.Lalthantluanga (L), Arpu veng 4. Dt. 13.3.2021 Vanlalfela Hnamte, kum 47 s/o Rintluangi, Kawn veng. 5.Dt 14.3.2021 Lalchhandama, kum s/o Vanlalcheimawia, Maubawk (Rescue Centre, Dilkawna awmlai a ni a, Sihphir chhunga awm ni chiah lo mah se, Sihphir area-a thi a nih avangin kuang nen thlah a ni. 6. Dt. 14.3.2021 Laldanglova Ralte, kum 39 h/o Pi Lalnunsangi, Dam veng (Amah hi Bukpui khawchhuak niin, a chhungte duh dan angin Bukpui lamah a ruang hi pan chhuah pui a ni.) 7. Dt 18.3.2021 R.K Vanlalpeka, kum 37 s/o Pu R.K Lalduhsaka, Rinchhan Veng 8. Dt. 22.3.2021 Mason Lalruattluanga, Thla 4 s/o R.Lalbiaktluanga, Chhanhim Veng 9. Dt. 24.3.2021 T.C Lalpartlana, kum 80 h/o Pi C.Vanlalruati, Arpu Veng 10. Dt. 31.3.2021 Joseph T. Muanbika, kum 3, (Nausel khua niin, UPHC-ah a thi a, kuang siamsak a ni.) 11. Dt. 8.4.2021 Vanlalruati, kum 48 D/o Kutdengi, Tamlo Veng. 12. Dt. 19.4.2021 Biaksangi, kum 82 m/o C. Vanlalpeka, Tamlo Veng. 13. Dt. 2.5.2021: Vanlalsiama, kum 63 B/o Pi Rengthangpuii (Pu Kumara nupui), Arpu Veng. (Neihbawi veng) 14. Dt. 12.5.2021 V.L. Rema Tochhawng, kum 49 h/o Pi Sawikimi (VCM), Kawnveng. 15. Dt. 12.5.2021 Kapzauvi, kum 74 w/o Chalhmingthanga, Tlangveng 16. Dt. 15.5.202Lianzikpuii, kum 76 m/o Vanlalthlanga, Dámveng 17. Dt. 28.5.2021 Malsawmdawngzela, kum 48 h/o Pi Nuzawni, Venglai. 18. Dt. 13.6.2021 Vanlalhruaii (36) w/o Lalhmachhuana, Tamlo veng (A ni hi Tripura-a boral a ni a, hripui leng avangin hemi hmunah hian phum a ni.) 19. Dt. 18.6.2021 Laldingngheti, kum 44 w/o Pu Lalhrangzuala, Arpu veng. 20. Dt. 7.7.2021 Lalsangliana, kum 70 h/o Thanpuii, Dam Veng 21. Dt. 12.7.2021 Lalpianthangi, kum 70 w/o Pu Vanlalchhuanga, Neihbawi 22. Dt. 13.7.2021 K. Lalchamliana, kum 75 h/o Lalniropuii, Dinthar Veng 23. Dt. 10.8.2021 Tv Lalnunmawia, kum 65 s/o Thantlawma (L), Tlang Veng 24. Dt. 4.9.2021 Pu Vanlalsawma, kum 36 s/o Zasanga (L), Kawn Veng 25. Dt. 28.9.2021 Chhunthangi, kum 86 M/o Pu R. Lalrinawma, Ex- MLA, Arpu Veng 26. Dt. 11.10.2021 Zakhumi, kum 78 s/o Lalmalsawma, Tamlo Veng 27. Dt. 12.10.2021 R. Saptawna, kum 101 f/o Pu R. Lalthanzama, Biak In Veng 28. Dt. 2.11.2021 Darthawmi, kum 85 m/o Lalchullova Dinthar Veng 29. Dt. 11. 11. 2021 Tv Joseph Pun Din Mang kum 26 s/o Kam Za Thawn, (Burma raltlan, Synod Camping Center a awm mek niin UPHC-ah a thi a, sorkar remtihna in Sihphir thlanmualah phum a ni.) 30. 6.12. 2021 Robuangi, kum 55, h/o Biakmawia, Arpu HRI : Covid-19 hri chuan he thu buatsaih lai thleng hian Sihphir khuaah hmun la khuarin nizan thleng khan hri vei thar hmuhchhuah belh zel a ni. Kum 2020 hri len tan tirh atangin Sihphir khua-ah pawh sorkar ruahmanna angin Village Level Task Force din a ni a, sorkarin Mizoram kalphung tur a duan ang te pawh zawm ve zel niin, kan khaw mila her rem chang pawh vawi eng emawzah neih a ni. Nikum lamah rampawn atanga lo haw chhungkaw pakhat chu tumhmunah hri an tih hmuhchhuah a ni a, Sihphir mi hrikai hmuhchhuah hmasak ber a ni. Amaherawhchu, midang an kaichhawnglo hlauh. April ni 21, 2021 ah khan Sihphir khuaah covid19 hri vei hmasa ber hmuhchhuah a ni a, phai lama lehkha zir rawn haw niin RT-PCR test ah positive tih hriat chhuah a ni a, home quarantine lai niin a chhungte midang a kaichhawng miah lo thung. Hemi hnu dt.11.5.2021 ah khan frontline worker, ZMC staff chu kai ve lehin ani pawh hian midang a kai chhawng lo. Chumi hnu dt. 23.5.2021 atangin hri kaina chin hriat loh tualchhungah kan nei chho ta a, hemi ni hian Community Covid Care Center (4C) pawh din zui nghal a ni. Sihphirah hri a lo luh tak zel avangin vawi engemawzah inkharkhip a ni a, inthlahdul leh zawk chang awm mah se 2021 chhovah hian khawtlang nunphung hri hian min tibuaiin hun tam zawk inkaihruaina khirh lam zawk siam a ni. Covid-19 avang hian Sihphir khua chuan mi 4 lai mai nunna kan chân a, inenkawlna pui ber, Zoram Medical College-ah pawh mi 44 zet an lut a ni. Kum 18 chung lam Covid19 vaccine lak neih zawh thawkhat tawh niin Sorkar pawhin inkaihhruaina a thlahdul chho zel a, Sihphirah pawh inkaihhruaina thlahdul chhoh niin kan tun dinhmunah erawh kaina chin hriat loh hri vei kan pung leh ta hle. Nimin maiah hri kai thar 21 zet mai nikhat thil thuah hmuhchhuah an ni a, tun dinhmunah hri vei mek 77 kan awm mek a ni. Hetih lai hian Mizoram hmun hrang hranga vawk pul hri (African Swine Fever) leng chuan kan khua pawh thleng in vawk 700 zet an thi a, vawk phumna thlan pawh siam hial a ni. VENG THEN: V/C, tlawmngai pawl hrang hrang leh Surveyor, V. Lalrindika te tangkawp chuan veng hming hrang hrang leh a huam chin chu siam remin an ti danglam. Veng hming te hi tunhma a sawikhawm kan nihna khaw hming chhawm tih angreng te chu tihbo a ni a, ramri chungchang pawh satellite hmangin a ramri chin tur siam rem a nia, khawtthler thenkhat chu mi hmingtha te hming puttir a ni bawk. Tin, house no mumallo lutuk pawh siamtha in changtlung leh hmuhnuam zawkin siam a ni bawk. HSSLC PASS VEK : Higher Secondary School-a pawl sawmpahnih zirlai mi 42 te chuan hlawhtlinna changin an pass vek. Kum 2015 khan zirlai hi an lo pass vek tawh bawk. Higher Secondary School-ah hian English, Mizo, Political Science, History, Education leh Economics te a zir theih a ni. Tunah hian zirlai : 1. Class XI 77 (-1) 2. Class XII 42 (-2) an awm mek a ni. AIR RIFLE COMPETITION : Air Rifle Club te chuan a tumhnih na atan Shooting Competition an buatsaih. Inelna hi Category thumah then a ni a, Pu HV Lalbiaktluanga Venghlun chuan category tinah pakhatna dinhmun a hauh vek a ni. Air Rifle Club Sihphir hi 4th July 2019 a din kha a ni a, President hmasa ber chu Tv Vanhmingliana a ni. Shooting lama Sihphir khaw hmasawnna a nih beisei in Shooting Competition pawh hi buatsaih an ni. Tunah hian club president, Pu Robert RZ Khuma hoin theihtawpin hma an la mek a ni. BURMA RALTLAN : Thenawm Burma ram buaina chuan kiamlam a la pan hleithei lo. Hemi avanga tlanchhia (refugees) engemawzat India ram state hrang hrang bakah Mizoramah pawh tam tak an awm. Durtlang rama awm lai a hmun thu-ah rokhawlhna a awm avanga Sihphir ram, Synod Camping Centre a dah tak engemawzat an awm bawk. An mamawh eitur bakah silh leh fen te tur khawtlang mipui ten thawhkhawm hmangin kan pe fo a, mimal thilpek petute pawh kan awm nual. Khawvel puma hri lengin Sihphir min hrut ve takah chuan anni pawh an bang biklo. Hripui in a man pawh an awm ve zauh zauh a ni. Pumna avangin an zinga pakhat chu kan damdawi inah (UPHC) a thi hlauh mai a, ram dang mi mah nise state sorkar remtihna in Sihphir thlanmuala phum a ni nghe nghe. MOTOR LEI : Kan khawtlang hruaitu V/C te chuan MNREG sum hmangin Mahindra Pick up an lei thar a, hripui leng mek karah damlo phurh vel na atan an hrang tangkai hle. Hetia'nga khawtlang mamawh hria khawtlang hruaitu kan nei hi a thlamuan thlan takzet a ni. KOHHRAN JUBILEE : Tualchhung kohhran lian ber, Presbyterian kohhran chuan Diamond Jubilee an lawm. Sihphir kohhran hi kum 1910 khan a lo ding tawh a, Mizoram bial thuma then a nih tan, kum 1951 khan Nisapui bialah awmin kum 1961-ah Sihphir Pastor bial tih a ni ta a ni. Tluang taka kal zelin Diamond Jubilee lawm theiha a awm ta hial hi Pathian hruaina liau liau a ni. PU ROPUIA V/C ASSOCIATION PRESIDENT :VCP, Pu Lalropuia Pachuau chu Mizoram V/C Association President atan thlan a ni. V/C member sang chuang zinga president ni thei kan khua in kan nei hi kan nihlawh takzet a ni. Pu Ropuia hi V/C election tum khan vote 1292 zet hmu in vote hmu sang ber a ni a, state sorkar in a din, Agriculture Policy Committee (under Agriculture Board) member pasarih awmnaah a tel a, khawtlang pawhin kan chhawr phah hle. A ni hi YMA hruaitu hlun niin mi inphal leh midang tanpui kawnga thawhhlawk tak a ni a, hetia'nga chanvo sang tak a chelh hi a chhuanawm khawp mai. UPA BER THI : Sihphir khua a pa upa ber thih kum a ni. Pu R. Saptawna, kum 101 f/o Pu R. Lalthanzama, Biak In Veng chuan 'Thinlian' natna avangin min boral san. Pu R. Saptawna hi a vanglai a Sihphir pa lar leh ropui, khawtlang leh Kohhran rawngbawlna lam a thawhhlawk tak mai, thil chhinchhiah peih mi, a chanchin mai bakah kohhran leh khawtlang a thil thleng te ziak a dah tha thlap zel a ni a. Sulhnu ropui tak tak a hnutchhiah nghe nghe. Pi Chawikungi, Pu Hmangaiha, Biakin veng nu, kum 2000 thi ta leh Pi Chaltuakveli, Adama pi, Damveng, kum 2006 kuma thi te kha kum 102 an ni a, anmahni aia upa hi Sihphirah an la awmlo nia hriat a ni. Sihphir khuaa lo cheng tawh hmun danga pem te chu an awm tawh awm e. Tun dinhmunah Pi Zatangi m/o Ramthanga Damveng, kum 1927 kuma piang hi damlai zinga upa ber nia hriat a ni. A ni leh midang pawh Pu Saptawna leh kan pi te pahnih dam chen leh a aia rei dam thei turin kan duhsak a che u. KAWNG LAI : Sehlawh lama Mualkhang ram leh a chheh vel chu sorkar laipui sum sengin motor kawng tur (highway) laih mek a ni. He kawng hi Khamrang leh Selesih inkal pawhna tura ruahman a ni. Inkalpawhna hi ram hmasawnna tura thil pawimawh tak a ni a, kumin chhung hian helai chaulo pawh zau hrang hrang laih chek chuk a ni a, kuthnathawk tute tan a tangkai takzet a ni. HMUNHMA CHEI : Kan V/C te chuan kan hmun hlu neih pahnih, Sawiremtlang leh Sakawrhmuituai tlang te chu khualzinte leh tualchhung mite tana tlawh nahawm turin hma an la mek. He hmun kan sawi pahnih te hi fak mawi chawp ngailo a kan larpui tawh sa a ni a, tunah pawh tualchhung mi leh mikhual pawh nitin an kal zut zut mai a, khaw mipui te pawhin hi kan chhawr tangkai thiam a tul hle.