Skip to main content

JUNE 2021, KA DIARY


1st. Tuesday : Lo-ah nimbu hmun samin ka riak lut. Kristian Tlangau May issue a lo thleng.


2nd. Wednesday : Ka hna ngai ka thawk leh a, ka haw. U Liankimi leh Lalnuntharite nufa chu hri atangin an dama, Ni Lalliani (Lalnunthari nu) leh Lalnunthari fate pahnihin an kai ve leh. 


3rd. Thursday : Lalremtluanga thih champha vawikhatna a ni a, a pual hian a u te inah kan inkhawm a, zanriah kan ei nghal. Ka lehkhabu chhiar lai chu ka chhiar chhuak ta. Maawmi huanah a feh.


4th. Friday : Zingkarah VMC te U BK-a, chairman te inah kan committee. Chhunah huanah antam hmun bit lutuk ka va suat a, leitha ka pe nghal. Kristian Tlangau May issue ka chhiar chhuak. David-a nupui, Partei nu Saron veng a thi. Covid vang a ni.


5th. Saturday : Zingkarah library-ah ka kal. David-ate nupa Partei nu thihna a kal turin thingpui an rawn in kawi. 'Riakmaw cabin' by LP Mawia Hlawndo chu ka chhiar tan. Hman deuh khan ka chhiar tawh tho na a.


6th. Sunday : Lockdown a la nih avangin inkhawm a la awmlo. Inah ja awm nileng. Ka lehkhabu chhiar lai chu ka chhiar chhuak ta a, 'Sunset Safari' by Samson Thanruma hmana ka chhiar tawh chu ka chhiar leh tan bawk.


7th. Monday : VMC member-te MNREGS hnuai-a tuikhuah leh terrace laihte endikin kan kal kual. Hei hi member ka nih ve hnu a ka thawhchhuah hmasakna ber a ni.


8th. Tuesday : Nimin lama kan hna chhunzawmin Sarepkawnah jan kal. Huanah ia kal nghal. Maawmi a lo feh a ni.


9th. Wednesday : Lo-ah kuhva hmun ka va sam. Covid hripui kai mi 12 zet hmuhchhuah a nih avangin khaw pum lockdown a ni.


10th. Thursday : Lockdown a la nih avangin inah ka awm nileng.U Thangvunga leh U Hlimi (Rinnunga nu) leh K. Lalbiakmawia fanu ten covid hripui an kai tih hmuhchhuah a ni.


11th. Friday : Lockdown a la nih avangin inah ka awm nileng. Dawr thil vel avang erawg chuan ka chhuak zeuh zeuh thung. Neihbawi nu pakhat chuan covid hripui a kai tih hmuhchhuah a ni. A ni hi Pu Ropuiate huana ka thawhpui thin, Biaka nupui a ni. Hei bakah hian hmanni, Nilaini-a kai 12 zinga Neihbawi a mi fapa in a kai ve bawk.


12th. Saturday : Huanah chawhmeh tur antam leh maian vel kan va la. Tlem a zawng jan hralh a, thenkhat hripui avanga khunghran lai te kan pe ve bawk. Kristian Tlangau a lo thleng. David-ate nupa huana khunghran lai-te chu hri an kai leh kailoh test an ni a, an negative avangin inah an haw. Covid hri kai mi 3 hmuhchhuah an ni. (Zomuani, Chamchami leh Nuzawni fapa)


13th. Sunday : U Liankimi, Nu Zovi ina inkhung hrang lai thil ka zuk pe tih chauhlo chu lockdown a la nih avangin ka chhuaklo. Ka lehkhabu chhiar lai ka chhiar chhuak ta a, Kristian Tlangau ka chhiar chhuak bawk. Tin, 'Allah aiah Isua' Lalrinzuala Pachuau lehlin chu ka chhiar tan bawk. Meitei naupang, Tawna, Nu Hlirite colony a mi chuan covid 19 hripui a kai.


14th. Monday : Huanah antam ka va la. Henry-a chuan civid hripui a kai tih hmuhchhuah a ni.


15th. Tuesday : Community hall-ah covid 19 venna damdawi ka han la. Maawmi nen kan kal a, a ni erawh chuan a pian kum kan lo ziah dikloh avangin a la ve theilo. Hri danna hi tumthum lak tur a ni a, tuntum hi a thawh khatna a ni. Covid hripui kai mi 7 hmuh a ni.


16th. Wednesday : Ka nawm meuhloh avangin inah ka awm. Mazualite chhungkua-a mi pathum chu hri an kai tih hmuhchhuah an ni.


17th. Thursday : Huanah antam kan va la. Zarzovi, Kima nupui chu hri a kai tih hmuhchhuah a ni. Laldingi, U Mazuala nupui chu kal thalo avangin civil damdawi inah a thi.


18th. Friday : Tui dawn ka siam tih chauhlo chu engmah ka tilo.


19th. Saturday : Khua a nawmloh avangin inah ka awm nileng.


20th. Inah ka awm nileng. Lockdown a la nih avangin inkhawm a awmlo. Pu Lalate nupa bakah an tupa leh Pu Sapkungate pafa chuan hri an kai tih hmuhchhuah a ni a, Pu Hualhluna fanu, ZMC-a thawk chuan a kai bawk.


21st. Monday : Huanah antam hmun kan va thlo.


22nd. Tuesday : Huanah antam hmun ka va thlo. Maawmi'n covid 19 vaccine a la.


23rd. Wednesday : Huanah antam hmun ka va thlo.


24th. Thursday : Huanah antam kan va la. U Biki a rawn inhlawh.


25th. Friday : Huanah thlai siamna tur, antam hmun kha kan va ti fai. U Biki a rawn inhlawh leh.


26th. Saturday : Nimin lama kan thawh leh thawh hmanloh bakah antam leh dania tiak tir ho kha ka va kap hlum. Ka phone charging point chu dawrah ka siam tir. Duhthu a sam chiahlo na a, a tha khat e. Lalthaa leh Awmawia te fanu in hri an kai-a, 4C-a dah nghal an ni.


27th. Sunday : Lockdown a la nih avangin inkhawm a awmlo a, inah ka awm nileng. Zanah erawh rei vaklo ka leng chhuak. 


28th. Monday : Au Sawmate huana inhlawh tumin ka insiam a, motor a khaihlak avangin kan thulh. Hri kai mi pali : Pa Robert-a, Mapuii, Pu Chama leh Masangate hmuh a ni.


29th. Tuesday : Huanah bawrhsaiabe kan va tuh.


30th. Wednesday : Hna a khaihlak avangin inah kan awm. Mitkhubi leh Pi Darthantluangiten covid hripui an kai tih hmuhchhuah a ni.

Comments

Post a Comment

Popular posts from this blog

KUM ZA CHHUNGA MIZO HMEICHHIATE DINHMUN

 1. Tunhmaa an dinhmun : Kan pi pu te khan 'Hmeichhe finin tuikhur ral a kai lo', 'Hmeichhia leh uipui chu lo phun lungawi mai mai rawh se' tih leh 'Hmeichhe hna, hna ni suh, chakai sa, sa ni suh' tih te hi an ṭawng duh dan a ni a, hetaṭang hian hmeichhia te an dah hniam ṭhin zia a chiang viau awm e.  Nula in inleng a neihin an mi ngei zawng tak pawh ni se, biak chhiat an ngaitheilo a, ngaihtheih loh chu sawi loh, thianglo hialin an ngai a ni. Khawvar tirh aṭangin hna an ngah nghal hle mai a, tuichawi, buhden, ei rawngbawl, chawei siam leh a seng fel. An kuta awm vek a ni. Pi pute hunlai kha chuan an eizawnna hi a inang ṭhûma, lo neih a niin an feh tlut tlut ringawt mai ṭhin a, chuvangin, Mizo hmeichhia te chuan hetia'ng nikhua hian feh tur mamawh zawng zawng hi an tihtura ngaih vek a ni a, an emin an phurh vek a ngai bawk ṭhin. Mipa chuan iptepui an ak ve hram chauh a ni.  Feh haw'n kawngah lah hmeichhia chuan em khatin in lam mamawh an phur haw ...
Post a Comment
Read more

CHANCHINBU MAN KHAWN A HUN LEH DAWN TA

  Thlatina Inrinni hnuhnung ber hian chanchinbu man khawn a ni tlangpui a, thlathar Inrinni hmasa ber leh remchang danga khawn pawh kan awm zeuh zeuh bawk. Thla a lo tawp (Inrinni hnuhnung ber) leh takah hian chanchinbu man pek lamah tan i la teh ang u. Kan chanchinbu hi thla khat lak man cheng 30 kan ti a ni a, heti hian a mah leh a mah a intum tawk vel viau a ni. A man pawh a lut tha tlangpui a, a lawmawm. Chutihrualin, pek lam ngaihsak lutuklo kan awm leh zeuh thin erawh a zialo thin khawp mai. Chanchinbu hi naupang semtir thin a ni a, a man khawn thu-ah pawh anni hian an keng tlang mai thin. Naupang an nih avang tak hian thenkhat hian zahlo taka lo tawngkhum in 'min pe ngai silo a, a man khawn hre hlur ringawt mai' tih an hlawh fo niawm tak a ni.  Thenkhat chhiar duh si a man pe duh manglo te pawh an awm niin a semtute hnen atangin thu kan dawng fo. A zialo khawp mai. Tin, pe emaw intia pe silo te pawh a awm theih a nia. Naupang rilru thianghlim tak te an ni a, rilru sual ...
Post a Comment
Read more

THLAZING

  (Sawiremtlang editorial) August thla han hman meuh chuan chhum a zing phui chuai reng mai a, upa ten 'thlazing' an lo ti pawh hi a awm viau mai. Amaherawhchu, heta thlazing tih hi pi pu te thla hming pakhat emaw ti kan awm leh mai thin. Mizo thla chhiar danah chuan Thitin thla a ni tih i hria ang u khai. Hmanlai chuan mitthi te hi pialrala kal nghal mai loin kan velah hian an la tap thin a, August thla hian mitthi khua an pan thin nia an ngaih avanga thitin thla ti pawh an ni niin a hriat. Chuvangin, August thla hi Mizo thla chhiar dan chuan thitin thla tihna a ni a, thenkhat ten thlazing tia an sawi erawh thla hming ang niloin tun thla chu chhum a zing chuai reng mai an tihna a nih chu. Mizo thla chhiar dan hriat hi kan mawhphurhna ni ve in a langa, thla chhiar dan mai bakah an nunphung te pawh hi hriat ve hram hram I tum ang u. August thla chu a zo ruai chu a ni leh ta a, ni reilo te-ah Ber thla kan kan kai anga, derhken, nuaithang, anthur leh senhri nu ten par an chhuang l...
Post a Comment
Read more