Skip to main content

MAY 2021, MIZO (RAM) DIARY

1st. Saturday : Vanlaldika (27) S/o H.Thaliankapa, Champhai Vengthlang chu Covid-19 vangin Tarak Hospital, New Delhi-ah a boral. Hripui avanga state pawna thi 13-na a ni.


2nd. Sunday : Thla hmasa ni 17 a thlen Serchhip Constetuency MLA By-Election-a vote tla te chu chhiar a ni ta a, ZPM candidate, Lalduhoma chuan vote 8269 hmuin Serchhip by-election ah a chak. Amah hnaij bertu, MNF official candidate, Pu Vanlalzawma chu vote 2950 in a hneh a ni.


3rd. Monday : James Lianmawia (55), Kanan Veng, Aizawl chu Covid-19 vangin SRH-ZMC-ah a thi a, Covid-19 vei Mizorama thi 17-na a ni. James Lianmawia hian Covid-19 a vei tih April 15, 2021 khan hmuh chhuah a ni.


4th. Tuesday : COVID-19 positive thar 238 hmuhchhuah a ni a nikhat thilthua Mizorama positive hmuhchhuah tam ber tum a la ni. Hemi hma khan mi hmuhchhuah chu a tam ber record a ni a, record duhawmlo tak a ni.


5th. Wednesday : PC Laldingliana (38), s/o PC Lalthanzuala, Tlabung, Covod-19 positive avanga  Tourist Lodge-a awm lai chu tukverh atanga tlain a boral. PC Laldingliana hi May ni 2 khan Covid 19 a positive tih hmuhchhuah a ni a, Tlabung Tourist Lodge New Building CCC-ah dah a ni a, a chhawng chung bera Room pakhatah midang pahnih nen'a awm ho an ni.  


6th. Thursday : Mizoram sorkar hnuai-a hnathawk pawl hrang hrang aiawhte chu Vanapa Hall-ah an thukhawma, he hunah hian Covid 19 hri leng do kawnga a tula hman atan an ni khat hlawh thawh nise an ti. Tunah hian Mizoramah Covid-19 hrikai enkawlna tur Khawtlang leh Kohhran enkawl Community Covid Care Centre (CCCC) Aizawl ah 10 a awm mek a, Mizoram pumah mi 2045 dah theihna Covid Care Centre CCC 36, a awm mek bawk.


7th. Friday : H. Lalnunhlima, Bawngkawn chu Covid hri avangin New Delhi-ah a thi a, Lalmuanpui (47), Ramhlun Venglai chu ZMC-ah a thi bawk. Lalmuanpuii hi civid hri kai a ni na a, cancer natna vei mek a nih avangin covid avanga thi anga chhiar a nilo thung.  


8th. Saturday : Deputy Chief Minister, Pu Tawnluia RAgT hmangin COVID19 hri a kai tih hmuhchhuah a ni. A dinhmun a tha a, mild symptoms nei mekin Home Isolation-a inenkawl tura tih a ni.


9th. Sunday : Covid 19 avangin Mizoramah mi pathum thi an awm. Ni khat thil thu a hripui avanga thi an tam ber tum a ni.


10th. Monday : Covid 19 avangin Mizoramah mi pahnih thi an awm. 


11th. Tuesday : Tunhnai-a MLA atana thlan thar, Pu Lalduhoma chu speaker, Lalrinliana Sailo chuan rinawmna thu tiamtirin a la lut.


12th. Wednesday : VL Rema Tochhawng (49), Sihphir chu  Tagore Hospital, Kolkata-ah Covid-19 vangin a thi. CMWA President hnen atanga thu dawn danin, VL Rema hi kal (kidney) thlak (transplant) tura Kolkata pan a ni a, an la thlak hman lo.  


13th. Thursday : Covid-19 vei, Lalduhawma (37), Bangalore-a hna thawka awm chu a chenna inah a thi. Lalduhawma hi Bangalore-a awm nghet, Mizorama address nei tawh lo a ni.


14th. Friday : AMC Ward-XVII councillor, Pu David Zohmangaiha, Republic Veng chu  RAT hmanga a swab sample endikah Covid-19 a vei tih hmuh chhuah a ni.


15th. Saturday :  Mizoram Wrestling Association hnuaia  Palian inchai champion lo ni tawh, Pu Lalhmingmawia Fanai, Kum 34 (Amawitea), Khuangpuilam, Kolasib chu Kolasib Damdawiinah a boral. Kum 2008-2010 chhung  khan Mizoram Palian Inchai champion niin, kum 2008 kum khan LR Bawliana, Chanmari hnehin a champion a, kum 2009 ah PB Lalnienga, Saitual chu hneh lehin champion a humhim bawk a ni.


16th. Sunday : Bolero, MZ06-7218, Zoliana, Ramhlun North a mi khalh chu Sihphirah kawngsira thingkung su in a let a, motor neitu leh a khalhtu ni bawk, Pu Zoliana hian hliam tenau a tuar a, damdawi in panpui a ni a, first aid pek a nih hnuin in lama in enkawl tura hawn tir a ni. Motor-ah hian midang pakhat a phur tel bawk. A ni erawh hi chuan hliam a tuar lo thung.


17th. Monday : Covid hripui avangin mi pathum an thi. Tun thla ni 9 khan mi pathum an lo thi tawh bawk.


18th. Tuesday : Thla 7 chhunga Champhai-a Sawrkar Office hrang hrang ṭum 10 lai rawktu zinga a bultumtu ber nia sawi, James Vanlalthlana kum 42, Sanglura fapa, Jacob Vanlalbika tia insawi thin, tuna Khawmawi, Myanmar-a cheng ni a insawi chu Champhai Police-te'n an man. James Vanlalthlana hi District dangah tun hma lamin ruk ruk avangin tum 4 Lung Inah khung a lo ni tawh bawk.


19th. Wednesday : Pu Lalrinpuia (71), Ṭhiak khua chu Covid - 19 kaihhnawih pneumonia avângin ZMC-ah a thi.


20th. Thursday : COVID-19 positive thar 296 hmuhchhuah a ni; nikhat chhunga hmuhchhuah tam ber tum a ni. ZMC RT-PCR laboratory-ah COVID-19 positive 105 hmuhchhuah a ni a. TrueNAT laboratory-a sample test zingah COVID-19 positive 5 a awm bawk a, Rapid Antigen Test hmanga COVID-19 positive hmuhchhuah thar 186 an awm thung a ni.


21st. Friday : May ni 8-a Covid-19 a vei tih hmuh chhuah, dy. chief minister, Tawnluia chu Covid-19 a vei tawh lo tih finfiah a ni.


22nd. Saturday : Falkland veng world bank road-a tlangval tleirawl rual bike-a tlan zinga pakhat, Reuben Lalenkawla (24) s/o Lalnuntluanga (L) Chaltlang Dingdi veng chu Falkland biakin pelh chhoh hnu in chhak lam atanga Tipper (Truck) rawn chhuk thla nen an insu a, Reuben-a hi a hmunah ka chhawn lohin a boral.


23rd. Sunday : C. Lalremruata (47), s/o Rev. C. Ngurhnema, Zotlang, BCM hnuaia missionary, Kolkata field-a thawk mek chu Covid-19 vangin RTIICS hospital, Kolkata-ah a thi.

 

24th. Monday : Covid-19 vei SRH-ZMC-a enkawl lai, Laltlanzova (35) h/o Lalhmachhuani, Zotlang, Aizawl chu a thi. Sorkar chhinchhiah danin heti hian Mizoramah Covid-19 vei zingah thi mi 34 an awm ta a ni.


25th. Tuesday : COVID-19 positive thar 317 hmuhchhuah a ni. Nikhat chhunga positive hmuhchhuah tam ber tum a ni. ZMC RT-PCR laboratory-ah COVID-19 positive 164 hmuhchhuah a ni a. TrueNAT laboratory-a sample test zingah COVID-19 positive 13 a awm bawk a,  Rapid Antigen Test hmanga COVID-19 positive hmuhchhuah thar 140 an awm thung a ni.


26th. Wednesday : Tuichang Bialtu MLA, Deputy Chief Minister Tawnluia'n a pek, Khawzawl Disrrict Hospital, Khawhai leh Sialhawk PHC-a, hman tur Covid-19 laka invenna hmanrua leh damdawi chi hrang hrang a pek chu Khawzawl DC Office tualah District Bawrhsap Zothanmawia'n a sem chhuak.   


27th. Thursday : Zodintluanga, Thorang bialtu MLA chuan Electric veng Lunglei-ah Covid-19 Positive vei tunhnai-ah hmuhchhuah tam anih zia a hriatin PPE Set  30 a pe.


28th. Friday : The Salvation Army kohhran mi, Commissioner Lalzamlova (59), h/o Nui, chu a boral.   


29th. Saturday :  Rev. Lalhmingchhuanga Jongte (55) North India Mission Field Director hna thawk lai chu covid hripui avangin New Delhi-ah a thi. April ni 26 khan damdawi inah dahluh a ni.


30th. Sunday : Covid 19 avangin Mizoramah mi pathum thi an awm. Tun thla ni kua leh ni 17 khan ni khat thil thu-a mi pathum thihna hi a lo awm tawh bawk.


31st. Monday : Covid-19 vei, R Lalrohluna (57), Armed Veng chu ZMC-ah a thi. R. Lalrohluna hi Police Inspector niin West Bengal inthlana duty zingah a tel a, May 3 khan Covid-19 a vei tih hmuhchhuah a ni a, Mamit CCC-ah enkawl A nih hnuah ZMC-ah sawn a ni.

Comments

Post a Comment

Popular posts from this blog

KUM ZA CHHUNGA MIZO HMEICHHIATE DINHMUN

 1. Tunhmaa an dinhmun : Kan pi pu te khan 'Hmeichhe finin tuikhur ral a kai lo', 'Hmeichhia leh uipui chu lo phun lungawi mai mai rawh se' tih leh 'Hmeichhe hna, hna ni suh, chakai sa, sa ni suh' tih te hi an ṭawng duh dan a ni a, hetaṭang hian hmeichhia te an dah hniam ṭhin zia a chiang viau awm e.  Nula in inleng a neihin an mi ngei zawng tak pawh ni se, biak chhiat an ngaitheilo a, ngaihtheih loh chu sawi loh, thianglo hialin an ngai a ni. Khawvar tirh aṭangin hna an ngah nghal hle mai a, tuichawi, buhden, ei rawngbawl, chawei siam leh a seng fel. An kuta awm vek a ni. Pi pute hunlai kha chuan an eizawnna hi a inang ṭhûma, lo neih a niin an feh tlut tlut ringawt mai ṭhin a, chuvangin, Mizo hmeichhia te chuan hetia'ng nikhua hian feh tur mamawh zawng zawng hi an tihtura ngaih vek a ni a, an emin an phurh vek a ngai bawk ṭhin. Mipa chuan iptepui an ak ve hram chauh a ni.  Feh haw'n kawngah lah hmeichhia chuan em khatin in lam mamawh an phur haw ...
Post a Comment
Read more

CHANCHINBU MAN KHAWN A HUN LEH DAWN TA

  Thlatina Inrinni hnuhnung ber hian chanchinbu man khawn a ni tlangpui a, thlathar Inrinni hmasa ber leh remchang danga khawn pawh kan awm zeuh zeuh bawk. Thla a lo tawp (Inrinni hnuhnung ber) leh takah hian chanchinbu man pek lamah tan i la teh ang u. Kan chanchinbu hi thla khat lak man cheng 30 kan ti a ni a, heti hian a mah leh a mah a intum tawk vel viau a ni. A man pawh a lut tha tlangpui a, a lawmawm. Chutihrualin, pek lam ngaihsak lutuklo kan awm leh zeuh thin erawh a zialo thin khawp mai. Chanchinbu hi naupang semtir thin a ni a, a man khawn thu-ah pawh anni hian an keng tlang mai thin. Naupang an nih avang tak hian thenkhat hian zahlo taka lo tawngkhum in 'min pe ngai silo a, a man khawn hre hlur ringawt mai' tih an hlawh fo niawm tak a ni.  Thenkhat chhiar duh si a man pe duh manglo te pawh an awm niin a semtute hnen atangin thu kan dawng fo. A zialo khawp mai. Tin, pe emaw intia pe silo te pawh a awm theih a nia. Naupang rilru thianghlim tak te an ni a, rilru sual ...
Post a Comment
Read more

BIBLE CHHIAR

Lehkhabu, a kawm dum, a changtupa thihna ‘Bible’ kan tih mai hi hi khawvela lehkhabu darh zau leh copy pawh tam ber a ni awm e.  He lehkhabu hi chatuan nunna kawng min kawhhmuhtu lehkhabu hlu tak a nih avangin chhiar ngei tur a ni a; a chhiar ve lo pawh chhiar tura in fuih a tul bakah hnam hnufual zawk te pawh chhiar tur chhawp chhuah sak theih hi a tul ngawt mai. Chutiang atana mi thahnemngai tlem azawng an awm pawh hi a tihzia e. Tunhma chuan nitina chhung inkhawm nei thin kan nia; (tunah erawh ‘tunlai chuan mihring kan tul tawh a’ tih chhuanlam tute zingah ka tel ve ta.) chu’ng lai chuan ka pa hian kumthar project-ah ka u hnenah Thuthlung Thar bu pumpui hi chhiar chhuak turin a tia;  kei Chanchin Tha bu li te, tin, ka naute pahnih chu Sam bu chhiar turin a ti bawk. Ka unau dangte khan ka pa  ngenna kha an ti hlawhtling ta em? ka hre ta chiah l’aw, kei erawh chuan ka tih hlawhtlin mai bakah Thuthlung Thar zawng zawng chu ka chhiar ta vek a, ka tui tak zel avangin Thu...
Post a Comment
Read more