Skip to main content

JUNE 2021, MIZO(RAM) DIARY

 

1st. Tuesday : Covid hripui avangin Mizoramah mi pali an thi. Ni khat thil thu a mitthi an tam ber tum a la ni. Thla hmasa khan mi pathum thih hi tum thum a awm bawk.


2nd. Wednesday : Siaha Vaih VLTF leh Siaha College Vênga chêng, H. Vânlalhruaidawngzêla-te chu thu inhmuh fuh tâwk loh avângin an inhnial buai a, kut hial inthlakin H. Vânlalhruaidawngzêla hian hliam na tak a tuar.  


3rd. Thursday : Mizoram Board of School Education (MBSE)-in High School Leaving Certificate Examination (HSLC) result a tihchhuak a, zirlai 82.62% an pass a; Lalnunmâwia, St. Joseph Higher Secondary School chuan full mark 500-ah mark 486 hmuin pakhatna a ni.


4th. Friday : Covid hripui avangin Mizoramah mi panga an thi. Ni khat thil thu a mitthi an tam ber tum a la ni. Ni khat khan mi pali thi an awm bawk. 


5th. Saturday : Zokhawsângah Central YMA vigilance sub-committee leh Mizoram police ṭang kawpte chuan heroin hâwng 54 (gram 654) Rs. 29,70,000/- man hu leh a neitu nia rinhlelh C. Mâwii inti an man.


6th. Sunday : Covid-19 vei, PC Lalremmawia (42) h/o Zothantluangi, Model Veng, Aizawl chu Christian Medical College, Vellore-ah a thi. Tin,  

Lalhmunliani (30) w/o Lalhmingmawia, Saron Veng, Aizawl chu enkawlna hmun SRH-ZMC-ah a thi bawk.


7th. Monday : Covid-19 do nan CM relief fund-ah   Tlangnuam MNF Unit-1 chuan Rs. 10,000/an chhung lut a,  MNF Gen. Hqrs. General Secretary ten Rs. 54,021/- an chhung bawk.


8th. Tuesday : Congress thalai te chuan thuchhuah siamin 'Sawrkar hian Lockdown avanga mi harsa leh tlachhe mekte chhanchhuahna scheme a kalpui vat loh chuan Aizawl khawpui lailia kuthnathawktu pawl beidawngin chemtum nena kawng an zawh ang kha a thleng leh mai ang tih sawrkar kan hlauhpui a ni,'  an ti.                


9th. Wednesday : Covid-19 positive mi 347 hmuhchhuah a ni a. Hei hi nikhata hrivei hmuhchhuah tamber tum a ni.  


10th. Thursday : Aizawl North-I bialtu, Pu Vanlalhlana chuan  a bial chhung Bawngkawn leh Leitan vengte tlawhin khawtlangin an mamawh leh harsatna awm theite a enpui. 


11th. Friday : Thuampui venga Pu Lalbiakzuala te inluah chu leiminin a hnawl a, mi pali in nunna an chan.


12th. Saturday : Proffesor F. Lalnunmawia, Aizawl South III bialtu MLA chu RagT hmangin covid 19 hri a kai tih hmuhchhuah a ni.


13th. Sunday : Nupui 39 leh fa 89 nei, khawvela chhungkaw hung ber nia hriatte pa ber, Pu Zionnghaka chu thisen sang leh zunthlum avangin Aizawl Trinity Hospital-ah a thi.


14th. Monday : Mizoram chhungah COVID-19 avangin mi 5 an thi. Tun thla ni li khan mi panga thih hi a awm tawh bawk.


15th. Tuesday : Covid 19 vaccine kum 18 atanga kum 44 hnenah pek a ni.


16th. Wednesday : Pi Thangkûngi (88), Electric Vêng, Aizâwl chu Covid - 19 vângin ZMC-ah a boral.


17th. Thursday : Tun thla ni 13 a boral, Chhuanthar Rûn hotupa, Pu Ziona (77) chu ropui taka vûi liam a ni a, ama thlân bîk an siamah phûm a ni.


18th. Friday : Mizoramah Covid - 19 hri leh hrik thar ‘Delta Variant B.1.617.2’ a awm tawh thu Mizoram sâwrkârin a puang.


19th. Saturday : Covid - 19 avangin mi pathumin nunna an chan.


20th. Sunday : Hun rei tak hripui leng laka an him hnuin TNT Muanna Veng chu hripuiin a luhchilh ve ta. Kar hnih liamta khan TNT Center-1 damlo pakhat chu Center-1 O/B pakhatin bike-a phurin damdawi inah a kalpui a. Hetah hian RAT hmangin an lo test a, a hruaitu hi a positive ta hlauh mai a. Positive contact leh amah hnaih thei awma ngaih te test vek an ni a, an vaiin an negative vek a, an ngaih a tha deuh huai a. Hun a han kal hret a, an awm hun hmang zo tawh an chhung ten an lakchhuahte chu, fimkhur thilthuah in an thlen hmaa test ti vek turin an hrilh a. Chutianga chuak te an han in test chuan an positive ta deuh zel mai a. Hei vang hian sorkar lam hotu te phone-in an dinhmun an hrilh a, a nin hma la nghalin hri kai mi 547 zet an hmu chhuak ta a ni.


21st. Monday : Pu J Ngurchhawna (83), Phullen chu  COVID19 vangin ZMC-ah a boral.  May ni 11-ah hri a kai tih hriatchhuah niin May ni 17 khan ZMC-ah admit a ni.


22nd. Tuesday : Assam Rifles-te’n Fârkâwnah puak thei thil ṭhahnem tak, ton khat chuanga rit leh bomb deh puahna (denonator) ṭhahnem tak, special detonator 3000 leh electric detonator 925 an man a, hemi kaihhnawih hian mi 2 an man bawk.


23rd. Wednesday : Lalhmingmâwia (38), Hnahlân khua chu hliam na tak tuarin a u, Tunsianmûnga-te inah hmuh a ni a, a hnûah a hliam tuar lovin a thi.


24th. Thursday : Dr. Lalrozama, IAS Mamit District Bawrhsap leh Pu Vineet Kumar, IPS SP, Mamit te chuan Chuhvel leh Saikhawthlir ramchhunga Pu John Halliday-a thlamsak avanga buaina awm chungchangah boruak thalo veng tura duty-te chu an awmhmunah an tlawh a, tunhnaia Zemabawk atanga CRPF Platoon 1 sawnthlakte awmna tur hmunhmate an enfel nghal.


25th. Friday : Health minister, Dr R Lal­thangliana ho a sorkar hotute leh páwl aiawhte ṭhukhawm chuan, Mizorama lockdown kalpui mek a tàwp hnu, July 1, 2021 aṭanga inkaihhruaina (SOP) siam turin Chief Secretary kaihhruai State Executive Committee (SEC) on State Disaster Management Authority (SDMA) an ruat. Ṭhutkhawmah hian DMR minister Lalchamliana, Medical Operational Team (MOT) chairman Dr ZR Thiamsanga, MLA, AMC Deputy Mayor, Indian Medical Association, Medical Operational Team, Joint NGO Coordination Committee, Mizoram Kohhran Hruaitute Committee (MKHC) leh local task force aiawhte leh sorkar official-te an tel.


26th. Saturday : Khawvêl puma ruihhlo dona nî, ‘International Day Against Drug Abuse and Illicit Trafficking’ chu 8ᵗʰ Assam Rifles chuan Sêrchhîp khaw chhûng hmun thum– Sêrchhîp Bazar, Tuikhuah Vêng leh New Sêrchhîpah te hun an hmang.


27th. Sunday : Hailakandi DSP hovin Assam Police leh Forester bakah hnamdang engemawzat chu Vairengte tlak lam, Vairengte PHE deptt tui lakna, Aitlang hnar lama Vantluanga tuikhuah chhakah an lo kal a, hêng mite hian "kan ramah (Assam) Mizo ten huan an siam a chu chu kan  rawn enfiah a ni," an ti. Hetianga Assam mi leh sa te an lo kal tih hriat anih ve leh hian SORE, Vairengte hruaitu Lallawmsanga hovin thalai mi 9 te chu a hmunah an kal ve nghal a, heng Assam sorkar thuneitute hi bia in an lo kal chhan te an zawt a ni.  


28th. Monday : Cheng nuai 598/- senga siam zawh  

Border Road Organisation  (BRO) in Mizorama Cheului lei a dawh chu union defence minister, Rajnath Singh chuan biak hmuhtheihna kaltlangin a hawng a. Lock Sabha MP, C.Lalrosanga'n he hun hi a hmanpui. 


29th. Tuesday : Mizoram leh Assam inri na, Aitlang (Vairengte bul) rama Mizoram lamin huan an neihna hmunah Assam Police leh official te rawn kalin an ram chhungah Mizo ten huan an nei niin an sawi a, thil tih chhiat an neih nual bawk avangin Vairengte mipui an lungawilo hle a, Vairengte thalai thahnem tak helai hmunah hian an chhuak khawm ve nghal. Boruak duhawmlo erawh a thleng zuilo niin a lang.


30th. Wednesday :   India sorkar leh MNF inremna ni champha vawi 35-na a ni a, Chief Minister, Pu Zoramthanga chuan Zoram mipuite Remna Ni chibai bukin duhsakna a hlan.

Comments

Post a Comment

Popular posts from this blog

KUM ZA CHHUNGA MIZO HMEICHHIATE DINHMUN

 1. Tunhmaa an dinhmun : Kan pi pu te khan 'Hmeichhe finin tuikhur ral a kai lo', 'Hmeichhia leh uipui chu lo phun lungawi mai mai rawh se' tih leh 'Hmeichhe hna, hna ni suh, chakai sa, sa ni suh' tih te hi an ṭawng duh dan a ni a, hetaṭang hian hmeichhia te an dah hniam ṭhin zia a chiang viau awm e.  Nula in inleng a neihin an mi ngei zawng tak pawh ni se, biak chhiat an ngaitheilo a, ngaihtheih loh chu sawi loh, thianglo hialin an ngai a ni. Khawvar tirh aṭangin hna an ngah nghal hle mai a, tuichawi, buhden, ei rawngbawl, chawei siam leh a seng fel. An kuta awm vek a ni. Pi pute hunlai kha chuan an eizawnna hi a inang ṭhûma, lo neih a niin an feh tlut tlut ringawt mai ṭhin a, chuvangin, Mizo hmeichhia te chuan hetia'ng nikhua hian feh tur mamawh zawng zawng hi an tihtura ngaih vek a ni a, an emin an phurh vek a ngai bawk ṭhin. Mipa chuan iptepui an ak ve hram chauh a ni.  Feh haw'n kawngah lah hmeichhia chuan em khatin in lam mamawh an phur haw ...
Post a Comment
Read more

CHANCHINBU MAN KHAWN A HUN LEH DAWN TA

  Thlatina Inrinni hnuhnung ber hian chanchinbu man khawn a ni tlangpui a, thlathar Inrinni hmasa ber leh remchang danga khawn pawh kan awm zeuh zeuh bawk. Thla a lo tawp (Inrinni hnuhnung ber) leh takah hian chanchinbu man pek lamah tan i la teh ang u. Kan chanchinbu hi thla khat lak man cheng 30 kan ti a ni a, heti hian a mah leh a mah a intum tawk vel viau a ni. A man pawh a lut tha tlangpui a, a lawmawm. Chutihrualin, pek lam ngaihsak lutuklo kan awm leh zeuh thin erawh a zialo thin khawp mai. Chanchinbu hi naupang semtir thin a ni a, a man khawn thu-ah pawh anni hian an keng tlang mai thin. Naupang an nih avang tak hian thenkhat hian zahlo taka lo tawngkhum in 'min pe ngai silo a, a man khawn hre hlur ringawt mai' tih an hlawh fo niawm tak a ni.  Thenkhat chhiar duh si a man pe duh manglo te pawh an awm niin a semtute hnen atangin thu kan dawng fo. A zialo khawp mai. Tin, pe emaw intia pe silo te pawh a awm theih a nia. Naupang rilru thianghlim tak te an ni a, rilru sual ...
Post a Comment
Read more

BIBLE CHHIAR

Lehkhabu, a kawm dum, a changtupa thihna ‘Bible’ kan tih mai hi hi khawvela lehkhabu darh zau leh copy pawh tam ber a ni awm e.  He lehkhabu hi chatuan nunna kawng min kawhhmuhtu lehkhabu hlu tak a nih avangin chhiar ngei tur a ni a; a chhiar ve lo pawh chhiar tura in fuih a tul bakah hnam hnufual zawk te pawh chhiar tur chhawp chhuah sak theih hi a tul ngawt mai. Chutiang atana mi thahnemngai tlem azawng an awm pawh hi a tihzia e. Tunhma chuan nitina chhung inkhawm nei thin kan nia; (tunah erawh ‘tunlai chuan mihring kan tul tawh a’ tih chhuanlam tute zingah ka tel ve ta.) chu’ng lai chuan ka pa hian kumthar project-ah ka u hnenah Thuthlung Thar bu pumpui hi chhiar chhuak turin a tia;  kei Chanchin Tha bu li te, tin, ka naute pahnih chu Sam bu chhiar turin a ti bawk. Ka unau dangte khan ka pa  ngenna kha an ti hlawhtling ta em? ka hre ta chiah l’aw, kei erawh chuan ka tih hlawhtlin mai bakah Thuthlung Thar zawng zawng chu ka chhiar ta vek a, ka tui tak zel avangin Thu...
Post a Comment
Read more