1st. Sunday: KṬP General Conference vawi 58-na, Serchhipa kar hmasa Ningani zana ṭan chu a ṭiak. Kum 2022-a General Conference neihna atan Kolasib khua an thlang a; kumpuan thupui atan 'Kristian chhungkua' tih an thlang bawk.
2nd. Monday : Melthum bulah city bus-in C.Lalengmawia (59), Damveng, Aizawl a chíl hlum. C. Lalengmawia te hi bike a chuang an niin a ni hi a hnunga chuang a ni. Bus tlân pelh an tumna lamah an chesual ta a ni. Bike khalhtu erawh a na lo thung.
3rd. Tuesday : Thenzawl Venghlun Branch YMA chuan an veng chhunga hnam dang (vai), dan lo-a dawrkai ni'a an hriat dawr pathum chu an kalh. YMA-in dawr an kalhte hi Thenzawl Tourist Lodge bula hnam dangte'n dan loa an siam nia an hriat hotel, thingpui dawr leh eichawp dawrte a ni. Hnam dang dàwr an kalhte chu a neitu/enkawltu ILP nei mumal lo te, Mizorama an awm chhan tur (purspose of stay) ang ni lo-a awm leh, Mizo hming hawh leh anmahni sponsor-tu Mizo behchhana dan loa dawr siamte ni a sawi a ni a, a hma in dàwr khâr turin chawlhkar hnih chuang hun an pe tawh bawk.
4th. Wednesday : Mizoram Legislative Assembly Budget Session chu tiam chin awm lo-in tihtawp a ni. Tun tum Assembly Budget Session-ah hian House chhunga chhan tur zawhna, stared question 439 a lut a, 421 chu House-a chhan turin pawm a ni a, 18 chu hnawl a ni. Zawhna 46 chhan hman a ni a, chhan hman loh 145 awmin chhanna dawn loh 14 a awm a bawk.
5th. Wednesday : Zohmingthanga S/o Raltawna, Khawzâwl Vengthar chu Special Court Judge, Pu R. Vanlalena chuan Kum 12 chhûng hrehawm taka jail tâng tur leh pawisa cheng 5,000/- chawi turin a hrem. Zohmingthanga hian ni 4.2.2017 khan hmeichhe naupang a pawngsual a ni.
6th. Friday : Mizo kût ropui ber, Chapchar Kût chu Mizoram hmun hrang hrangah hlim taka hman a ni a; a hmanna pui ber Aizawla Lammualah (Aizawlah hian nimin khan hman a ni tawh) chuan kûtpa Zoramthanga, chief minister ho-a hman a ni. Chapchar Kut thupui atan 'Zo nun ze mawi chawisan' tih hman a ni.
7th. Saturday : Mizoram Arm Wrestling Association buatsaih Novice Arm Wrestling Championship chu Ramhlun Indoor Stadium-ah tluang taka neih a ni; infiammi 200 chuang an inlan.
8th. Sunday : Tuichawng-I khua-ah chenna in panga a kâng ral. Kângmei hi Mritunjay (Joy-a) s/o Moroti Mohan in aṭanga chhuak a ni a, kângmei chhuah ṭan lai hian a neitute hi an awm lo. Kângmei chhuah ṭanna in aṭangin bungrua chuh hman a ni lo a, in dang pali a kan kaite aṭang erawh chuan bungrua tlem azawng chuh hman a ni.
9th. Monday : Tunlaia hri léng mek COVID-19 (Coronavirus) chu Mizorama a rawn luh lohna atana hmalak dan tur sawiho-in chief minister, Zoramthanga ho-in minister, official leh pawl hrang hrang aiawhte Chief Minister's Office (CMO) conference hall-ah an ṭhukhawm. He hunah hian Mizorama international boundary khâr an rèl bakah, ram dang mi Mizorama an rawh luh khap rih an rél.
10th. Tuesday : Deputy Chief Minister, Pu Tawnluia'n Mizoram Cancer Care Foundation (MCCF) Raising Day Vawi 9-na Aizawla Mizoram State Archives Hall-a buatsaih chu a hmanpui. Pu Tawnluia chuan Cancer vanga natna leh hrehawm tam tak tuarte leh cancer vanga thihna tawk chhungkua Zoram dung leh vanga mite a tawrhpui thu a sawi a, cancer in mihring nunna a suat mek avangin nunphung hrisel, eitur thianghlim leh zuk leh hmuam tih loh te inzirtirna leh inhrilh hriatna uar leh zuala kalpui a ngai a tih thu a sawi.
11th. Wednesday : Aizawl District Football Association hnuai-a khua/veng inelna NECS Cup 2020 chu Ramhlun Sports Complex-ah khelh ṭan a ni.
12th. Thursday : Mizo Zirlai Pawl (MZP) chuan, Bairabi Zophai-a Mosolman-te'n mosque an sak, sorkar thupek vanga hun eng emaw chen an chawlhsan tawh chu tun hnai-ah an sa chhunzawm nia an hriat avangin a hmunah an enfiah.
13th. Friday : Chakma Autonomous District Council (CADC) hnuai-a village council (VC) inthlanpui chu tluang taka neih a ni a, VC 88 awm zinga 82-ah inthlan hi buatsaih a ni a, VC parukah chuhtu awm lo-in candidate awm chhunte tlinga puan an ni bawk. Inthlanah hian MNF chuan seat 516 awmah seat 372 an la a, seat an la hnem ber.
14th. Saturday : RFL Miss Mizoram 2020 chu hun engemawchen kalpui a nih hnu-ah karhmasa Inrinni zan khan a hmawr bawk a ni a, R.Dengṭhuama Hall, Mualpuia Grand Finale ropui taka neihah hian Miss Khawzawl, Zirsangpuii chu Miss Mizoram 2020 atan thlan a ni. Miss Mizoram 2020 hian lawmman pawisa fai Rs 1,70,000/- leh Yamaha Fascino 125 Fi scooter a dawng.
15th. Sunday : Siaha district-a Myanmar ramri dep Siasi khua-a Myanmar ram aṭanga Mizorama lut tur venga Mara Thyutlia Py (MTP) duty-te chu Myanmar lama Locheita khaw ṭhalaite'n an bei a, an inphêksual. Buaina chhuah hnu-ah police an thleng a, niminah Assam Rifles sipai an thleng nghal.
16th. Monday : Chief minister, Zoramthanga chuan Bilkhawthlira YMA General Conference 2021 thlenna tur hmunhma leh rest house sakna turte tlawh in a enfiah. Thil ṭul hrang hrang te bawhzui nghal a ni. Chief Minister hi Supply minister, K Lalrinliana leh Serlui bialtu MLA Lalrinsanga Ralte-te'n an ṭawiawm.
17th. Tuesday : Aizawl Civil Hospital medical superintendent, Dr Lalhmuchhuaka chuan circular tichhuakin, a thuchhuahah chuan thu leh a awm hma chu damlo kan hun (visting hour) tihtawp a nih thu a tarlang.
18th. Wednesday : MPC party leh PRISM party hruaitute chu MPC President pisa-ah an ṭhukhawm a, an party pahnihte party pakhata inchhûnfin tuma hmalaknate an thlirho.
19th. Thursday : Health minister, Dr R Lalthangliana chuan ram tam taka Covid-19 léng mek chungchangah Mizoram Kohhran Hruaitute Committee (MKHC) hruaitute a kâwm a, hmalak ho zel dan tur a sawipui.
20th. Friday : Diktawn Miss Chapchar Kut 2020 chu puan a ni ta a, Zonunmawii, d/o Krosmawia, Zemabawk chu thlan a ni. Zonunmawii hian Rs 50,000/- bakah photo frame, citation leh lehkhabu a dawng a, Miss Chapchar Kut 2019 Lucy Zorinpuii chuan Vakiria a khim tir.
21st. Saturday :
Covid-19 avanga tawrhna rapthlak thleng thei laka mipuite kan him zawk na'n State Level Task Force chu SAD Conference Hall-ah an thukhawm a, kar khat chhung Mizoram pumah ‘Lock -Down’ neih turin a rel a. An thutlukna hi Council of Minister ah thlen nghal a ni.
22nd. Sunday : Prime Minister, Narendra Modi chuan CONVID-19 hrik leng mek avangin India rampumah 'Janata Curfew' a puanga, Mizoramah pawh zawm a hlawh hle.
23rd. Monday : Mara Autonomous District Council (MADC) Executive Committee thukhawm chuan, Covid-19 avanga an district-a ei leh bara harsatna tâwk an awm a nih chuan MADC-a thawktute'n thla khat hlawh aṭangin 3% thawh khawm an rel.
24th.Tuesday : Mizoramah a hmasa ber atan novel coronavirus (Covid-19) vei hmuhchhuah a awm ve ta. State Referral Hospital-ah lak nghal a ni. Mission Vengthlang mi niin Amsterdam, Netherlands-a zin, lo haw a ni.
25th. Wednesday : Chief secretary, Lalnunmawia Chuaungo chuan Health Minister-in press conference na-ah thusawiin India Prime Minister-in India ram pumah ni 21 chhung inkharkhipna (lockdown) kalpui a nih tur thu a puan leh kalpui ṭan nghal chuan Mizoram kal mek dan a tihdanglam vak loh thu a sawi a; thingtlang lam mi, an loa feh turte chu indang lo turin village task force-te a chah.
26th. Thursday : Lalawmpuii, (33) w/o Lalrinfela, Sihphir chu 'Septicemia' natna avangin LRM Hospital-ah a boral.
27th. Friday : Assembly opposition leader, Lalduhoma chuan a bial chhunga khaw ṭhenkhat tlawhin, Covid-19 donaa district level leh local level task force-te a tlawh kual a, ṭanpuina eng emaw zat a hlan.
28th. Saturday : MC Lalhmingliana (37) leh a fapa, Isaac Rochanpuia (20), Hnahthial te chu Chhimtuipui lui-ah an tlahlum. MC. Lalhmingliana te pafa hi midang pahnih te nen lui-ah hian kalin Isak Rochanpuia hi mau pum la tura a kal chesualin tui-ah a tla a, hei hi a pa hian chhan tumin tui-ah a zuangthla ve lehnghal a, an pafa hian an chesual zui ta nia hriat a ni.
29th. Sunday : TBC Zaithanpuia chuan hla thar, 'Min chhang hrâm rawh' (Covid19) a tichhuak. He hla hi tunlai hripui leng Covid-19 in harsatna nasa tak mihring nuna a thlen vanga Pathian auhna hla a ni.
30th. Monday : Ex. MLA, J.Lawmzuala (76) Lunglei chu a thi. Kum 1998-ah PC party ticket in Lunglei South bial atangin MLA atan thlantlin a ni.
31st. Tuesday : Home Minister, Pu Lalchamliana chuan April fool lo thleng tur chungchangah mipui ten he ni-ah hian hri (Covid-19) leh a kaihhnawih thil a dawt post lo turin mipuite min ngen.
2nd. Monday : Melthum bulah city bus-in C.Lalengmawia (59), Damveng, Aizawl a chíl hlum. C. Lalengmawia te hi bike a chuang an niin a ni hi a hnunga chuang a ni. Bus tlân pelh an tumna lamah an chesual ta a ni. Bike khalhtu erawh a na lo thung.
3rd. Tuesday : Thenzawl Venghlun Branch YMA chuan an veng chhunga hnam dang (vai), dan lo-a dawrkai ni'a an hriat dawr pathum chu an kalh. YMA-in dawr an kalhte hi Thenzawl Tourist Lodge bula hnam dangte'n dan loa an siam nia an hriat hotel, thingpui dawr leh eichawp dawrte a ni. Hnam dang dàwr an kalhte chu a neitu/enkawltu ILP nei mumal lo te, Mizorama an awm chhan tur (purspose of stay) ang ni lo-a awm leh, Mizo hming hawh leh anmahni sponsor-tu Mizo behchhana dan loa dawr siamte ni a sawi a ni a, a hma in dàwr khâr turin chawlhkar hnih chuang hun an pe tawh bawk.
4th. Wednesday : Mizoram Legislative Assembly Budget Session chu tiam chin awm lo-in tihtawp a ni. Tun tum Assembly Budget Session-ah hian House chhunga chhan tur zawhna, stared question 439 a lut a, 421 chu House-a chhan turin pawm a ni a, 18 chu hnawl a ni. Zawhna 46 chhan hman a ni a, chhan hman loh 145 awmin chhanna dawn loh 14 a awm a bawk.
5th. Wednesday : Zohmingthanga S/o Raltawna, Khawzâwl Vengthar chu Special Court Judge, Pu R. Vanlalena chuan Kum 12 chhûng hrehawm taka jail tâng tur leh pawisa cheng 5,000/- chawi turin a hrem. Zohmingthanga hian ni 4.2.2017 khan hmeichhe naupang a pawngsual a ni.
6th. Friday : Mizo kût ropui ber, Chapchar Kût chu Mizoram hmun hrang hrangah hlim taka hman a ni a; a hmanna pui ber Aizawla Lammualah (Aizawlah hian nimin khan hman a ni tawh) chuan kûtpa Zoramthanga, chief minister ho-a hman a ni. Chapchar Kut thupui atan 'Zo nun ze mawi chawisan' tih hman a ni.
7th. Saturday : Mizoram Arm Wrestling Association buatsaih Novice Arm Wrestling Championship chu Ramhlun Indoor Stadium-ah tluang taka neih a ni; infiammi 200 chuang an inlan.
8th. Sunday : Tuichawng-I khua-ah chenna in panga a kâng ral. Kângmei hi Mritunjay (Joy-a) s/o Moroti Mohan in aṭanga chhuak a ni a, kângmei chhuah ṭan lai hian a neitute hi an awm lo. Kângmei chhuah ṭanna in aṭangin bungrua chuh hman a ni lo a, in dang pali a kan kaite aṭang erawh chuan bungrua tlem azawng chuh hman a ni.
9th. Monday : Tunlaia hri léng mek COVID-19 (Coronavirus) chu Mizorama a rawn luh lohna atana hmalak dan tur sawiho-in chief minister, Zoramthanga ho-in minister, official leh pawl hrang hrang aiawhte Chief Minister's Office (CMO) conference hall-ah an ṭhukhawm. He hunah hian Mizorama international boundary khâr an rèl bakah, ram dang mi Mizorama an rawh luh khap rih an rél.
10th. Tuesday : Deputy Chief Minister, Pu Tawnluia'n Mizoram Cancer Care Foundation (MCCF) Raising Day Vawi 9-na Aizawla Mizoram State Archives Hall-a buatsaih chu a hmanpui. Pu Tawnluia chuan Cancer vanga natna leh hrehawm tam tak tuarte leh cancer vanga thihna tawk chhungkua Zoram dung leh vanga mite a tawrhpui thu a sawi a, cancer in mihring nunna a suat mek avangin nunphung hrisel, eitur thianghlim leh zuk leh hmuam tih loh te inzirtirna leh inhrilh hriatna uar leh zuala kalpui a ngai a tih thu a sawi.
11th. Wednesday : Aizawl District Football Association hnuai-a khua/veng inelna NECS Cup 2020 chu Ramhlun Sports Complex-ah khelh ṭan a ni.
12th. Thursday : Mizo Zirlai Pawl (MZP) chuan, Bairabi Zophai-a Mosolman-te'n mosque an sak, sorkar thupek vanga hun eng emaw chen an chawlhsan tawh chu tun hnai-ah an sa chhunzawm nia an hriat avangin a hmunah an enfiah.
13th. Friday : Chakma Autonomous District Council (CADC) hnuai-a village council (VC) inthlanpui chu tluang taka neih a ni a, VC 88 awm zinga 82-ah inthlan hi buatsaih a ni a, VC parukah chuhtu awm lo-in candidate awm chhunte tlinga puan an ni bawk. Inthlanah hian MNF chuan seat 516 awmah seat 372 an la a, seat an la hnem ber.
14th. Saturday : RFL Miss Mizoram 2020 chu hun engemawchen kalpui a nih hnu-ah karhmasa Inrinni zan khan a hmawr bawk a ni a, R.Dengṭhuama Hall, Mualpuia Grand Finale ropui taka neihah hian Miss Khawzawl, Zirsangpuii chu Miss Mizoram 2020 atan thlan a ni. Miss Mizoram 2020 hian lawmman pawisa fai Rs 1,70,000/- leh Yamaha Fascino 125 Fi scooter a dawng.
15th. Sunday : Siaha district-a Myanmar ramri dep Siasi khua-a Myanmar ram aṭanga Mizorama lut tur venga Mara Thyutlia Py (MTP) duty-te chu Myanmar lama Locheita khaw ṭhalaite'n an bei a, an inphêksual. Buaina chhuah hnu-ah police an thleng a, niminah Assam Rifles sipai an thleng nghal.
16th. Monday : Chief minister, Zoramthanga chuan Bilkhawthlira YMA General Conference 2021 thlenna tur hmunhma leh rest house sakna turte tlawh in a enfiah. Thil ṭul hrang hrang te bawhzui nghal a ni. Chief Minister hi Supply minister, K Lalrinliana leh Serlui bialtu MLA Lalrinsanga Ralte-te'n an ṭawiawm.
17th. Tuesday : Aizawl Civil Hospital medical superintendent, Dr Lalhmuchhuaka chuan circular tichhuakin, a thuchhuahah chuan thu leh a awm hma chu damlo kan hun (visting hour) tihtawp a nih thu a tarlang.
18th. Wednesday : MPC party leh PRISM party hruaitute chu MPC President pisa-ah an ṭhukhawm a, an party pahnihte party pakhata inchhûnfin tuma hmalaknate an thlirho.
19th. Thursday : Health minister, Dr R Lalthangliana chuan ram tam taka Covid-19 léng mek chungchangah Mizoram Kohhran Hruaitute Committee (MKHC) hruaitute a kâwm a, hmalak ho zel dan tur a sawipui.
20th. Friday : Diktawn Miss Chapchar Kut 2020 chu puan a ni ta a, Zonunmawii, d/o Krosmawia, Zemabawk chu thlan a ni. Zonunmawii hian Rs 50,000/- bakah photo frame, citation leh lehkhabu a dawng a, Miss Chapchar Kut 2019 Lucy Zorinpuii chuan Vakiria a khim tir.
21st. Saturday :
Covid-19 avanga tawrhna rapthlak thleng thei laka mipuite kan him zawk na'n State Level Task Force chu SAD Conference Hall-ah an thukhawm a, kar khat chhung Mizoram pumah ‘Lock -Down’ neih turin a rel a. An thutlukna hi Council of Minister ah thlen nghal a ni.
22nd. Sunday : Prime Minister, Narendra Modi chuan CONVID-19 hrik leng mek avangin India rampumah 'Janata Curfew' a puanga, Mizoramah pawh zawm a hlawh hle.
23rd. Monday : Mara Autonomous District Council (MADC) Executive Committee thukhawm chuan, Covid-19 avanga an district-a ei leh bara harsatna tâwk an awm a nih chuan MADC-a thawktute'n thla khat hlawh aṭangin 3% thawh khawm an rel.
24th.Tuesday : Mizoramah a hmasa ber atan novel coronavirus (Covid-19) vei hmuhchhuah a awm ve ta. State Referral Hospital-ah lak nghal a ni. Mission Vengthlang mi niin Amsterdam, Netherlands-a zin, lo haw a ni.
25th. Wednesday : Chief secretary, Lalnunmawia Chuaungo chuan Health Minister-in press conference na-ah thusawiin India Prime Minister-in India ram pumah ni 21 chhung inkharkhipna (lockdown) kalpui a nih tur thu a puan leh kalpui ṭan nghal chuan Mizoram kal mek dan a tihdanglam vak loh thu a sawi a; thingtlang lam mi, an loa feh turte chu indang lo turin village task force-te a chah.
26th. Thursday : Lalawmpuii, (33) w/o Lalrinfela, Sihphir chu 'Septicemia' natna avangin LRM Hospital-ah a boral.
27th. Friday : Assembly opposition leader, Lalduhoma chuan a bial chhunga khaw ṭhenkhat tlawhin, Covid-19 donaa district level leh local level task force-te a tlawh kual a, ṭanpuina eng emaw zat a hlan.
28th. Saturday : MC Lalhmingliana (37) leh a fapa, Isaac Rochanpuia (20), Hnahthial te chu Chhimtuipui lui-ah an tlahlum. MC. Lalhmingliana te pafa hi midang pahnih te nen lui-ah hian kalin Isak Rochanpuia hi mau pum la tura a kal chesualin tui-ah a tla a, hei hi a pa hian chhan tumin tui-ah a zuangthla ve lehnghal a, an pafa hian an chesual zui ta nia hriat a ni.
29th. Sunday : TBC Zaithanpuia chuan hla thar, 'Min chhang hrâm rawh' (Covid19) a tichhuak. He hla hi tunlai hripui leng Covid-19 in harsatna nasa tak mihring nuna a thlen vanga Pathian auhna hla a ni.
30th. Monday : Ex. MLA, J.Lawmzuala (76) Lunglei chu a thi. Kum 1998-ah PC party ticket in Lunglei South bial atangin MLA atan thlantlin a ni.
31st. Tuesday : Home Minister, Pu Lalchamliana chuan April fool lo thleng tur chungchangah mipui ten he ni-ah hian hri (Covid-19) leh a kaihhnawih thil a dawt post lo turin mipuite min ngen.
Ni 31 a Home minister, Lalchamliana tih aiah I&PR minister, Lalruatkima tih zawk tur.
ReplyDelete