1st. Friday: Aizawl District Magistrate (DC) thupek bawhzuiin Raj Bhavan hmarlam gate bula traffic point leh Tennis Court bula traffic point inkar kawngpui sira ke a kalna a serthlum zuar te ṭhu tawhlo tura hriattirna chhuak chu rulling politician an inrawlh avangin an chhuaklo.
2nd. Saturday: Serchhip Corps SAY member te chuan Serchhip District Hospital tan thisen unit 16 an pe a, thisen petu te hi mipa 12 leh hmeichhia 4 an ni.
3rd. Sunday: Mizoram Engeneering Collage, Pukpui-a din thar chu Jammu & Kashmir aṭangin Prime Minister, Narendra Modi chuan India ram hmun danga proffessional collage 10 leh higher institute hnuai-a project 136 te nen arualin a hawng. Collage-ah hian zirlai 300 vel awm thei tura ruahman a ni.
4th. Monday: Ministry of Home Affairs chuan Mizoram Chief Secretary atan principal secretary hna chelh mektu, Lalnunmawia Chuaungo chu a ruat thar. Pu Nunmawia hian chief secretary ṭanglai Arvind Ray a thlak a ni. Arvind Ray hi Delhi-ah sawn a ni thung.
5th. Tuesday: India sorkar palai, Azerbaijan a ambassador nimek, Vanlalvawna, IFS chuan Governor, Kummanam Rajasekharan, Chief Minister, Zoramthanga leh minister Dr. R. Lalthangliana te chu an pisa ṭheuhah a kawm a, sorkar thil pawimawh hrang hrang a sawipui.
6th. Wednesday: Chakma Autonomous District Council (CADC)-a Chief Executive Member, Rasik Mohan Chakma chuan executive member tur mi pasarih a ruat thar te chu Chawngte CADC Rest House-ah Lawngtlai DC aiawhin Chawngte SDO, S.Kaptluanga'n rinawmna thu tiamtirin a lalut.
7th. Thursday: National Service Scheme chuan Aijal Club-ah State Level Youth Parliament an buatsaih a, he hunah hian collage zirlai, district level-a tiṭha te chu an intihsiak a, Candle Vanrempuii, Pachhunga University Collage chu pakhatna a ni.
8th. Friday: Mizoram sorkar chuan Mizoram sorkar hnuai-a thawk mek, IAS officer te a siksawi. Mamit DC nilai, Vanlalngaihsaka chu Aizawl DC-ah a awm ang.
9th. Saturday: Lengpui Airport aṭanga India ram state danga service ṭhin, Jet Airways te chuan sum harsatna chhuanlamin service an ti tawp. Hmarchhak state hmundangah pawh service hi an ti tawp a ni.
10th. Sunday: Power & Electricity engineer in chief hlui, Liannghinglova Pachuau chu an inchung aṭangin a tla a, damdawi in pan pui a nih hnu-ah a hliam tuarloin a thi.
11th. Monday: Mizoram hmun hrang hrangah kangmei venna hapta 'Fire Prevention Week' hawn a ni a, Aizawlah chuan Synod Conference Center-ah minister, Dr. R. Lalthangliana'n a hawng. Week thupui chu 'Ram ti kanglo turin mitin i fimkhur ang u' tih a ni.
12th. Tuesday: Council of Minister's chu Chief Minister, Pu Zoramthanga kaihhruaiin Chief Secretary Conference Hall-ah an ṭhukhawm a, he hunah hian thu pawimawh tam tak an rel a, heng zingah hian 'sikul ṭan hun atan zing dar 9:00 ni se' an ti.
13th. Wednesday: Parliament Budget Session tawp ni a ni a, Rajya Sabha-ah Citizenship (Amendment) Bill, 2016 (CAB) chu pharh tum a ni naa, nawrna a nasat em avangin pharh a ni lo. Tiamchin awmloin session tihtawp zui a ni. Session zawh veleh Rajya Sabha MP, Pu Ronald Sapa Tlau chuan Parliament tualah CAB pharh a ni talo chu 'Mipuite hnehna leh Pathian ropuina a ni,' a ti.
14th. Thursday: Valentine's Day a ni a, Association for Blood Donation huaihawtin hmun hrang hrangah blood donation camp neih a ni a, he hunah hian mi 888 in thisen an pe. Thisen petute hi mipa 646 leh hmeichhia 242 an ni.
15th. Friday: Minister, Pu K. Lalrinliana chuan a department chan LAD pisa leh fisheries directorate te a tlawh a, thawktute nen mamawh an neih leh harsatna an tawh te bakah hmalak zel dan tur te an sawiho.
16th. Saturday: Kristian Ṭhalai Pawl din champha, KṬP Day a ni a, branch hrang hrang ten mahni remchan dan angin an hmang hlawm.
17th. Sunday: I-League khelh mekah East Bengal leh Churchill Brother's chu 1-1 in an inhnehtawk. East Bengal tana goal khungtu hi Mizo tlangval Lalrindika Ralte a ni.
18th. Monday: Siaha DC thar, Bhupesh Chaudhary chuan a pisa-ah Siaha District MJA member te a kawm a, sorkar tha tichak tur leh MP inthlan lo awm tura ṭhahnemngai taka an ṭawiawmna a ngen.
19th. Tuesday: ICFAI University chuan an campus-ah Literature Festival an hmang a, India ram hmun hrang hrang aṭangin thuziak mite an rawn fuankhawm.
20th. Wednesday: India danpui hnuaia Mizoramin state anga a inrelbawl ṭan ni, State Day vawi 33-na a ni a, sorkar huaihawtin Vanapa Hall-ah hlim taka lawm a ni.
21st. Thursday: Cod Nerc leh Viswha Yuva Kendra (International Youth Center) ṭangdun chuan ni hnih awh tur Synod Conference Center-ah hlawhtlinna ngelnghet zirhona (Youth & Sustainable Development) workshop an buatsaih a, MJA President, Zonunsanga Khiangte in a hawng.
22nd. Friday: Robula Chess Trophy vawi 41-na Dawrpui Multipurpose Center a neih chu a ṭiak ta a, a pumpui-ah Richard HT Laltlanchhuaha, Tuipang chu hnehloh neiloin a champion. Richard-a hian lawmman pawisa fai cheng 25,000/- leh trophy a dawng.
23rd. Saturday: Upper Republic Branch KṬP te chuan Aizawl Civil Hospital tan thisen unit 41 an pe a, thisen petute hi mipa 31 leh hmeichhia 10 an ni.
24th. Sunday: The Salvation Army ten February ni 20 aṭanga Synod Conference Center-a thianghlimna kawnga insawrbingna leh inzirna 'The Brengle Institute' an buatsaih chu a ṭiak.
25th. Monday: Assembly Speaker, Lalrinliana Sailo chuan Khawhai khuaa Rina Indoor Stadium sak thar chu a hawng. Hall hi a dung feet 70 leh a vang feet 40 a zau a ni.
26th. Tuesday: Tripura Relief Camp-a awm mek, Mizoram mi Bru awm mek te tan electoral roll ennawnna chu Kanhmun khua-ah neih a ni a, form 6,7 leh 8A hmang te in hearing neih a ni a, Bru 2,836 an inlan.
27th. Wednesday : Mizo Bullet Rider zinga khawvela motor tlan thlen theih sangber, Khardungla, Ladakh tlan thleng hmasa ber leh awmchhun leh Mizoram tlang sangber, Phawngpui tlang chhip bike a tlan chhuak hmasaber leh awmchhun ni bawk, Hc. Lalhmahruaizela (Puitea), Hnahthial chuan Mizoram record Royal Enfield (Himalayan) hmangin Mizoram chhimtawp, Zochachhuah atangin Hmar lama Mizoram khaw tawp, Vairengte chu tlan thlengin nikhat thil thu a hetianga thui tlan thei hmasa ber niin Mizoram record a siam belh.
28th. Thursday: Ni hnih awhtur Chapchar Kut chu Lammualah hman a ni a, kut thupui chu 'Zofate inpumkhatna' tih a ni. Hetih lai hian hmundangah chuan March ni khatah hman a ni thung ang.
1. Tunhmaa an dinhmun : Kan pi pu te khan 'Hmeichhe finin tuikhur ral a kai lo', 'Hmeichhia leh uipui chu lo phun lungawi mai mai rawh se' tih leh 'Hmeichhe hna, hna ni suh, chakai sa, sa ni suh' tih te hi an ṭawng duh dan a ni a, hetaṭang hian hmeichhia te an dah hniam ṭhin zia a chiang viau awm e. Nula in inleng a neihin an mi ngei zawng tak pawh ni se, biak chhiat an ngaitheilo a, ngaihtheih loh chu sawi loh, thianglo hialin an ngai a ni. Khawvar tirh aṭangin hna an ngah nghal hle mai a, tuichawi, buhden, ei rawngbawl, chawei siam leh a seng fel. An kuta awm vek a ni. Pi pute hunlai kha chuan an eizawnna hi a inang ṭhûma, lo neih a niin an feh tlut tlut ringawt mai ṭhin a, chuvangin, Mizo hmeichhia te chuan hetia'ng nikhua hian feh tur mamawh zawng zawng hi an tihtura ngaih vek a ni a, an emin an phurh vek a ngai bawk ṭhin. Mipa chuan iptepui an ak ve hram chauh a ni. Feh haw'n kawngah lah hmeichhia chuan em khatin in lam mamawh an phur haw ...
Comments
Post a Comment